Suśruta-saṃhitā 6.8

अथातश्चिकित्सितप्रविभागविज्ञानीयमध्यायं व्याख्यास्यामः

athātaścikitsitapravibhāgavijñānīyamadhyāyaṃ vyākhyāsyāmaḥ

Sanskrit only: no published translation is held for this verse.

यथोवाच भगवान् धन्वन्तरिः सिउ!श्रुतायइ!२ षट्सप्ततिर्येऽभिहिता व्याधयो नामलक्षणैः चिकित्सितमिदं तेषां समासव्यासतः शृणु

yathovāca bhagavān dhanvantariḥ siu!śrutāyai!2 ṣaṭsaptatirye'bhihitā vyādhayo nāmalakṣaṇaiḥ cikitsitamidaṃ teṣāṃ samāsavyāsataḥ śṛṇu

Sanskrit only: no published translation is held for this verse.

छेद्यास्तेषु दशैकश्च नव लेख्याः प्रकीर्तिताः भेद्याः पञ्च विकाराः स्युर्व्यध्याः पञ्चदशैव तु

chedyāsteṣu daśaikaśca nava lekhyāḥ prakīrtitāḥ bhedyāḥ pañca vikārāḥ syurvyadhyāḥ pañcadaśaiva tu

Sanskrit only: no published translation is held for this verse.

द्वादशाऽशस्त्रकृत्याश्च याप्याः सप्त भवन्ति हि रोगा वर्जयितव्याः स्युर्दश पञ्च च जानता असाध्यौ वा भवेतां तु याप्यौ चागन्तुसंज्ञितौ

dvādaśā'śastrakṛtyāśca yāpyāḥ sapta bhavanti hi rogā varjayitavyāḥ syurdaśa pañca ca jānatā asādhyau vā bhavetāṃ tu yāpyau cāgantusaṃjñitau

Sanskrit only: no published translation is held for this verse.

अर्शोऽन्वितं भवति वर्त्म तु यत्तथाऽश शुष्कं तथाऽबुदमथो पिडकाः सिरा-जाः जालं सिराजमपि पञ्चविधं तथाऽम छेद्या भवन्ति सह पर्वणिकामयेन

arśo'nvitaṃ bhavati vartma tu yattathā'śa śuṣkaṃ tathā'budamatho piḍakāḥ sirā-jāḥ jālaṃ sirājamapi pañcavidhaṃ tathā'ma chedyā bhavanti saha parvaṇikāmayena

Sanskrit only: no published translation is held for this verse.

उत्सङ्गिनी बहलकर्दमवर्त्मनी च श्यावं च यच्च पठितं त्विह बद्धवर्त्म क्लिष्टं च पोथकियुतं खलु यच्च वर्त्म कुम्भीकिनी च सह शर्करया च लेख्याः

utsaṅginī bahalakardamavartmanī ca śyāvaṃ ca yacca paṭhitaṃ tviha baddhavartma kliṣṭaṃ ca pothakiyutaṃ khalu yacca vartma kumbhīkinī ca saha śarkarayā ca lekhyāḥ

Sanskrit only: no published translation is held for this verse.

श्लेष्मोपनाहलगणौ च बिसं च भेद्या ग्रन्थिश्च यः कृमिकृतोऽञ्जननामिका च आदौ सिरा निगदितास्तु ययोः प्रयोगे पाकौ च यौ नयनयोः पवनोऽन्यतश्च

śleṣmopanāhalagaṇau ca bisaṃ ca bhedyā granthiśca yaḥ kṛmikṛto'ñjananāmikā ca ādau sirā nigaditāstu yayoḥ prayoge pākau ca yau nayanayoḥ pavano'nyataśca

Sanskrit only: no published translation is held for this verse.

पूयालसानिलविपर्ययमन्थसंज्ञाः स्यन्दास्तु यान्त्युपशमं हि सिराव्यधेन शुष्काक्षिपाककफपित्तविदग्धदृष्टिष्वम्लाख्यशुक्रसहितार्जुनपिष्टकेषु

pūyālasānilaviparyayamanthasaṃjñāḥ syandāstu yāntyupaśamaṃ hi sirāvyadhena śuṣkākṣipākakaphapittavidagdhadṛṣṭiṣvamlākhyaśukrasahitārjunapiṣṭakeṣu

Sanskrit only: no published translation is held for this verse.

अक्लिन्नवर्त्महुतभुग्ध्वजदर्शिशुक्तिप्रक्लिन्नवर्त्मसु तथैव बलाससंज्ञे आगन्तुनाऽमययुगेन च दूषितायां दृष्टौ न शस्त्रपतनं प्रवदन्ति तज्ज्ञाः

aklinnavartmahutabhugdhvajadarśiśuktipraklinnavartmasu tathaiva balāsasaṃjñe āgantunā'mayayugena ca dūṣitāyāṃ dṛṣṭau na śastrapatanaṃ pravadanti tajjñāḥ

Sanskrit only: no published translation is held for this verse.

संपश्यतः षडपि येऽभिहितास्तु काचास्ते पक्ष्मकोपसहितास्तु भवन्ति याप्याः चत्वार एव पवनप्रभवास्त्वसाध्या द्वौ पित्तजौ कफनिमित्तज एक एव अष्टार्धका रुधिरजाश्च गदास्त्रिदोषास्तावन्त एव गदितावपि बाह्यजौ द्वौ

saṃpaśyataḥ ṣaḍapi ye'bhihitāstu kācāste pakṣmakopasahitāstu bhavanti yāpyāḥ catvāra eva pavanaprabhavāstvasādhyā dvau pittajau kaphanimittaja eka eva aṣṭārdhakā rudhirajāśca gadāstridoṣāstāvanta eva gaditāvapi bāhyajau dvau

Sanskrit only: no published translation is held for this verse.