Śukranīti (as far as the page goes) 4.2

कारुशिल्पिगणात् पक्षे दैनिकं कर्म कारयेत् । तस्य वृद्ध्यै तडागं वा वापिकां कृत्रिमां नदीम्

kāruśilpigaṇāt pakṣe dainikaṃ karma kārayet | tasya vṛddhyai taḍāgaṃ vā vāpikāṃ kṛtrimāṃ nadīm

Sanskrit only: no published translation is held for this verse.

कुर्वन्त्यन्यत् तद्विधं वा कर्षन्त्यभिनवां भुवम् । तद्व्ययद्विगुणं यावन्न तेभ्यो भागमाहरेत्

kurvantyanyat tadvidhaṃ vā karṣantyabhinavāṃ bhuvam | tadvyayadviguṇaṃ yāvanna tebhyo bhāgamāharet

Sanskrit only: no published translation is held for this verse.

भुवि भागं भृतिं शुल्कं वृद्धिमुत्कोचकं करम् । सद्य एव हरेत् सर्वं न तु कालविलम्बनैः

bhuvi bhāgaṃ bhṛtiṃ śulkaṃ vṛddhimutkocakaṃ karam | sadya eva haret sarvaṃ na tu kālavilambanaiḥ

Sanskrit only: no published translation is held for this verse.

दद्यात् प्रतिकर्षकाय भागपत्रं स्वचिह्नितम् । नियम्य ग्रामभूभागमेकस्माद् धनिकाद्धरेत्

dadyāt pratikarṣakāya bhāgapatraṃ svacihnitam | niyamya grāmabhūbhāgamekasmād dhanikāddharet

Sanskrit only: no published translation is held for this verse.

गृहीत्वा तत्प्रतिभुवं धनं प्राक् तत्समं तु वा । विभागशो गृहीत्वापि मासि मासि ऋतौ ऋतौ

gṛhītvā tatpratibhuvaṃ dhanaṃ prāk tatsamaṃ tu vā | vibhāgaśo gṛhītvāpi māsi māsi ṛtau ṛtau

Sanskrit only: no published translation is held for this verse.

षोडशद्वादशदशाष्टांशतो वाधिकारिणः । स्वांशात् षष्ठांशभागेन ग्रामपान् सन्नियोजयेत्

ṣoḍaśadvādaśadaśāṣṭāṃśato vādhikāriṇaḥ | svāṃśāt ṣaṣṭhāṃśabhāgena grāmapān sanniyojayet

Sanskrit only: no published translation is held for this verse.

गवादिदुग्धान्नफलं कुटुम्बार्थाद्धरेन्नृपः । उपभोगे धान्यवस्त्रं क्रेतृतो नाहरेत् फलम्

gavādidugdhānnaphalaṃ kuṭumbārthāddharennṛpaḥ | upabhoge dhānyavastraṃ kretṛto nāharet phalam

Sanskrit only: no published translation is held for this verse.

वार्द्धुषिकाच्च कौसीदाद् द्वात्रिंशांशं हरेन्नृपः । गृहाद्याधारभूशुल्कं कृष्टभूमेरिवाहरेत्

vārddhuṣikācca kausīdād dvātriṃśāṃśaṃ harennṛpaḥ | gṛhādyādhārabhūśulkaṃ kṛṣṭabhūmerivāharet

Sanskrit only: no published translation is held for this verse.

तथा चापणिकेभ्यस्तु पण्यभूशुल्कमाहरेत् । मार्गसंस्काररक्षार्थं मार्गगेभ्यो हरेत् फलम्

tathā cāpaṇikebhyastu paṇyabhūśulkamāharet | mārgasaṃskārarakṣārthaṃ mārgagebhyo haret phalam

Sanskrit only: no published translation is held for this verse.

सर्वतः फलभुग्भूत्वा दासवत् स्यात्तु रक्षणे । इति कोशप्रकरणं समासात् कथितं किल

sarvataḥ phalabhugbhūtvā dāsavat syāttu rakṣaṇe | iti kośaprakaraṇaṃ samāsāt kathitaṃ kila

Sanskrit only: no published translation is held for this verse.