अथ खलु भगवांस्तस्यां वेलायामिमा गाथा अभाषत - सर्वे ऽपि सत्त्वाः सुखिता भवेयुर्विशुद्धज्ञानाः परमार्थकोविदाः । ते कल्पकोटीमथ वापि चोत्तरिं सुखावतीवर्ण प्रकाशयेयुः ॥ सुख्व् व्स् २३ ॥ क्षये कल्पकोटी वज्रे सुराश्च सुखावतीये न च वर्णसारुः । क्षयं न गच्छेत्प्रतिभा च तेषां प्रकाशयन्तान तु वर्ण नानां ॥ सुख्व् व्स् २४ ॥ ये लोकधातू परमाणुसादृशांश्छिद्येय भिद्येय रजश्च कुर्यात् । अतो बहू उत्तरि लोकधातु पूरेत दानं रतनाहि दद्यात् ॥ सुख्व् व्स् २५ ॥ नैता कलापि उपमापि तस्य पुण्यस्य भोन्ती पृथुलोकधातवः । ये लोकधातूय सुखावतीये श्रुत्वैव नामं भवतीह पुण्यम् ॥ सुख्व् व्स् २६ ॥ ततो बहू पुण्य भवेत तेषां ये श्रद्धते जिनवचनं सप्रज्ञाः । श्रद्धा हि मूलं जगतस्य प्राप्तये तस्माद्धि श्रुत्वा विचितिं विनोदयेत् ॥ सुख्व् व्स् २७ ॥ इति ॥ एवमप्रमेयगुणवर्णा आनन्द सुखावती लोकधातुः
atha khalu bhagavāṃstasyāṃ velāyāmimā gāthā abhāṣata - sarve 'pi sattvāḥ sukhitā bhaveyurviśuddhajñānāḥ paramārthakovidāḥ / te kalpakoṭīmatha vāpi cottariṃ sukhāvatīvarṇa prakāśayeyuḥ // Sukhv vs 23 // kṣaye kalpakoṭī vajre surāśca sukhāvatīye na ca varṇasāruḥ / kṣayaṃ na gacchetpratibhā ca teṣāṃ prakāśayantāna tu varṇa nānāṃ // Sukhv vs 24 // ye lokadhātū paramāṇusādṛśāṃśchidyeya bhidyeya rajaśca kuryāt / ato bahū uttari lokadhātu pūreta dānaṃ ratanāhi dadyāt // Sukhv vs 25 // naitā kalāpi upamāpi tasya puṇyasya bhontī pṛthulokadhātavaḥ / ye lokadhātūya sukhāvatīye śrutvaiva nāmaṃ bhavatīha puṇyam // Sukhv vs 26 // tato bahū puṇya bhaveta teṣāṃ ye śraddhate jinavacanaṃ saprajñāḥ / śraddhā hi mūlaṃ jagatasya prāptaye tasmāddhi śrutvā vicitiṃ vinodayet // Sukhv vs 27 // iti || evamaprameyaguṇavarṇā ānanda sukhāvatī lokadhātuḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.