स मे अयं प्रणिधि प्रपूर्ण शोभना सत्त्वाश्च एभि बहुलोकधातुतः । आगत्य क्षिप्रं मम अन्तिकस्मिं अवैवर्तिका भोन्तिह एकजातिया ॥ सुख्व् व्स् ४५ ॥ तस्माद्य इच्छतिह बोधिसत्त्वः ममापि क्षेत्रं सिय एवरूपम् । अहं पि सत्त्वान् बहु मोचयेयं नामेन घोषेण थ दर्शनेन ॥ सुख्व् व्स् ४६ ॥ स शीघ्रशीघ्रं त्वरमाणरूपः सुखावतीं गच्छतु लोकधातुम् । गत्त्वा च पूर्वममितप्रभस्य पूजेतु बुद्धान सहस्रकोटीः ॥ सुख्व् व्स् ४७ ॥ बुद्धान कोटी बहु पूजयित्वा ऋद्धीबलेन बहु क्षेत्र गत्त्वा । कृत्वान पूजां सुगतान सन्तिके भक्त्या गमिष्यन्ति सुखावतीतः ॥ सुख्व् व्स् ४८ ॥ इति
sa me ayaṃ praṇidhi prapūrṇa śobhanā sattvāśca ebhi bahulokadhātutaḥ / āgatya kṣipraṃ mama antikasmiṃ avaivartikā bhontiha ekajātiyā // Sukhv vs 45 // tasmādya icchatiha bodhisattvaḥ mamāpi kṣetraṃ siya evarūpam / ahaṃ pi sattvān bahu mocayeyaṃ nāmena ghoṣeṇa tha darśanena // Sukhv vs 46 // sa śīghraśīghraṃ tvaramāṇarūpaḥ sukhāvatīṃ gacchatu lokadhātum / gattvā ca pūrvamamitaprabhasya pūjetu buddhāna sahasrakoṭīḥ // Sukhv vs 47 // buddhāna koṭī bahu pūjayitvā ṛddhībalena bahu kṣetra gattvā / kṛtvāna pūjāṃ sugatāna santike bhaktyā gamiṣyanti sukhāvatītaḥ // Sukhv vs 48 // iti
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.