शीलमपि समाधिप्रज्ञवीर्यैः सदृशु न ते ऽस्तिह लोकि कश्चिदन्यः ॥ सुख्व् व्स् २ ॥ गभिरु विपुलु सूक्ष्मप्राप्तु धर्मो ऽचिन्तितु बुद्धवरो यथा समुद्रः । तेनोन्नमना न चास्ति शास्तुः खिलदोषान् जह्या अतो ऽधिकालम् ॥ सुख्व् व्स् ३ ॥ अथ बुद्धबला अनन्ततेजा प्रतपति सर्वदिशा नरेन्द्रराजा । तथ अहु बुद्ध भवि धर्मस्वामी जरमरणात्प्रजां प्रमोचयेयम् ॥ सुख्व् व्स् ४ ॥ दानशमथशीलक्षान्तिवीर्य ध्यानसमाधितश्चैव अग्रश्रेष्ठां । एभि अहु व्रतां समाददामि बुद्ध भविष्यमि सर्वसत्त्वत्राता ॥ सुख्व् व्स् ५ ॥ बुद्धशतसहस्र कोट्यनेका यथरिव वालिक गङ्गया अनन्ता । सर्वत अहु पूजयिष्य नाथां शिववरबोधिगवेषको अतुल्यां ॥ सुख्व् व्स् ६ ॥ गङ्गारजसमानलोकधातूं तत्र भूयो ऽन्तरि ये अनन्तक्षेत्राः । सर्वत्र प्रभ मुञ्चयिष्य तत्रा इति एतादृश वीर्यमारभिध्य ॥ सुख्व् व्स् ७ ॥ क्षेत्र मम उदारु अग्र श्रेष्ठो वरमिह मली(?) संस्कृते ऽस्मिं । असदृश निर्वाणधातुसौख्यं तश्च(च्च?) असत्त्वतया विशोधयिष्ये ॥ सुख्व् व्स् ८ ॥ दशदिशत समागतानि सत्त्वाः तत्र गता सुख मे दिशन्ति क्षिप्रम् । बुद्ध मम प्रमाणु अत्र शिक्षी अवितथवीर्यबलं जनेमि छन्दम् ॥ सुख्व् व्स् ९ ॥ दशदिशलोकविदसङ्गज्ञानी सद मम चित्त प्रजानयन्ति ते ऽपि । अविचिगतु अहं सदा वसेयं प्रणिधिबलं न पुनर्विवर्तयिष्ये ॥ सुख्व् व्स् १० ॥
śīlamapi samādhiprajñavīryaiḥ sadṛśu na te 'stiha loki kaścidanyaḥ // Sukhv vs 2 // gabhiru vipulu sūkṣmaprāptu dharmo 'cintitu buddhavaro yathā samudraḥ / tenonnamanā na cāsti śāstuḥ khiladoṣān jahyā ato 'dhikālam // Sukhv vs 3 // atha buddhabalā anantatejā pratapati sarvadiśā narendrarājā / tatha ahu buddha bhavi dharmasvāmī jaramaraṇātprajāṃ pramocayeyam // Sukhv vs 4 // dānaśamathaśīlakṣāntivīrya dhyānasamādhitaścaiva agraśreṣṭhāṃ / ebhi ahu vratāṃ samādadāmi buddha bhaviṣyami sarvasattvatrātā // Sukhv vs 5 // buddhaśatasahasra koṭyanekā yathariva vālika gaṅgayā anantā / sarvata ahu pūjayiṣya nāthāṃ śivavarabodhigaveṣako atulyāṃ // Sukhv vs 6 // gaṅgārajasamānalokadhātūṃ tatra bhūyo 'ntari ye anantakṣetrāḥ / sarvatra prabha muñcayiṣya tatrā iti etādṛśa vīryamārabhidhya // Sukhv vs 7 // kṣetra mama udāru agra śreṣṭho varamiha malī(?) saṃskṛte 'smiṃ / asadṛśa nirvāṇadhātusaukhyaṃ taśca(cca?) asattvatayā viśodhayiṣye // Sukhv vs 8 // daśadiśata samāgatāni sattvāḥ tatra gatā sukha me diśanti kṣipram / buddha mama pramāṇu atra śikṣī avitathavīryabalaṃ janemi chandam // Sukhv vs 9 // daśadiśalokavidasaṅgajñānī sada mama citta prajānayanti te 'pi / avicigatu ahaṃ sadā vaseyaṃ praṇidhibalaṃ na punarvivartayiṣye // Sukhv vs 10 //
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.