SumAv 266
अनेनाहं कुशलमूलेन चित्तोत्पादेन देयधर्मपरित्यागेन च यत्रयत्रोपपद्ये ऽहं तत्रतत्र काञ्चनमालया शिरसि बद्धया जायेयम् इति। किं मन्यध्वे, भिक्षवः। यासौ दरिद्रा स्त्री, इयम् असौ काञ्चनमाला। यद् अनया प्रसन्नचित्तया प्रणिधानं कृतं, तेन पञ्चजन्मशतानि काञ्चनमालया शिरसि बद्धया जाता।
anenāhaṃ kuśalamūlena cittotpādena deyadharmaparityāgena ca yatrayatropapadye 'haṃ tatratatra kāñcanamālayā śirasi baddhayā jāyeyam iti. kiṃ manyadhve, bhikṣavaḥ. yāsau daridrā strī, iyam asau kāñcanamālā. yad anayā prasannacittayā praṇidhānaṃ kṛtaṃ, tena pañcajanmaśatāni kāñcanamālayā śirasi baddhayā jātā.
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.