Nagarjuna: Sunyatasaptati 1

स्वोपज्ञवृत्त्या समन्विता उत्पादस्थितिभङ्गास्तिनास्तिहीनसमोत्तमम् । लौकिकव्यवहारात्तु बुद्धेनोक्तं न तत्त्वतः

svopajñavṛttyā samanvitā utpādasthitibhaṅgāstināstihīnasamottamam / laukikavyavahārāttu buddhenoktaṃ na tattvataḥ

Sanskrit only: no published translation is held for this verse.

आत्मा कश्चिन्न चानात्मा ह्यात्मानात्मेतरश्च न । वाच्यः सर्वः स्वभावेन शून्यो निर्वाणसदृशः

ātmā kaścinna cānātmā hyātmānātmetaraśca na / vācyaḥ sarvaḥ svabhāvena śūnyo nirvāṇasadṛśaḥ

Sanskrit only: no published translation is held for this verse.

हेतुप्रत्ययसामग्रयां सर्वस्यां वा पृथक् पृथक् । सर्वभावस्वभावो न तस्माच्छून्यं हि विद्यते

hetupratyayasāmagrayāṃ sarvasyāṃ vā pṛthak pṛthak / sarvabhāvasvabhāvo na tasmācchūnyaṃ hi vidyate

Sanskrit only: no published translation is held for this verse.

भावो नोत्पद्यते भावान् नाभावो ऽविद्यमानतः । सदसन्न विरोधान्न स्थितिभङ्गौ ह्यजातितः

bhāvo notpadyate bhāvān nābhāvo 'vidyamānataḥ / sadasanna virodhānna sthitibhaṅgau hyajātitaḥ

Sanskrit only: no published translation is held for this verse.

न जायते यदा जातं नाजातमपि जायते । जाताजाताच्च नैवं हि जायमानो ऽपि जायते

na jāyate yadā jātaṃ nājātamapi jāyate / jātājātācca naivaṃ hi jāyamāno 'pi jāyate

Sanskrit only: no published translation is held for this verse.

फले स्यात् फलवान् हेतुः नास्तित्वे ऽहेतुना समः । सदसत्त्वे विरोधित्वं त्रैकाल्ये नोपपद्यते

phale syāt phalavān hetuḥ nāstitve 'hetunā samaḥ / sadasattve virodhitvaṃ traikālye nopapadyate

Sanskrit only: no published translation is held for this verse.

नैकत्वे ऽनेकवृत्तिर्न नो ऽनेकत्वे हि नैकता । तत्प्रतीत्यसमुत्पन्नभावास्ते ह्यनिमित्तकाः

naikatve 'nekavṛttirna no 'nekatve hi naikatā / tatpratītyasamutpannabhāvāste hyanimittakāḥ

Sanskrit only: no published translation is held for this verse.

द्वादशाङ्गो ह्यनुत्पादः समुत्पादः प्रतीत्यजः । एकचित्ते न तद् युक्तं बहुष्वपि न युज्यते

dvādaśāṅgo hyanutpādaḥ samutpādaḥ pratītyajaḥ / ekacitte na tad yuktaṃ bahuṣvapi na yujyate

Sanskrit only: no published translation is held for this verse.

आत्मा नास्ति न चानात्मा नित्यानित्ये दुःखं सुखम् । शुचिर्नाशुचिरप्यस्ति विपर्यासा न सन्त्यतः

ātmā nāsti na cānātmā nityānitye duḥkhaṃ sukham / śucirnāśucirapyasti viparyāsā na santyataḥ

Sanskrit only: no published translation is held for this verse.

तदभावे न चाविद्या विपर्यासचतुष्कजा । तदभावान्न संस्काराः स्युः शेषा अपि तादृशाः

tadabhāve na cāvidyā viparyāsacatuṣkajā / tadabhāvānna saṃskārāḥ syuḥ śeṣā api tādṛśāḥ

Sanskrit only: no published translation is held for this verse.

संस्कारे ऽसत्यविद्या न नैव स तदभावतः । परस्परं हेतुभूते स्वभावेन न सिध्यतः

saṃskāre 'satyavidyā na naiva sa tadabhāvataḥ / parasparaṃ hetubhūte svabhāvena na sidhyataḥ

Sanskrit only: no published translation is held for this verse.

स्वयं स्वभावतो ऽसिद्धं परंस्तज्जनयेत् कथम् । अतो ऽसिद्धपरैस्तैर्न जन्येरन् प्रत्ययैः परे

svayaṃ svabhāvato 'siddhaṃ paraṃstajjanayet katham / ato 'siddhaparaistairna janyeran pratyayaiḥ pare

Sanskrit only: no published translation is held for this verse.

पिता पुत्रो न पुत्रो ऽपि पितान्योन्यं न तौ विना । तथा न युगपत्तौ हि द्वादशाङ्गं तथैव च

pitā putro na putro 'pi pitānyonyaṃ na tau vinā / tathā na yugapattau hi dvādaśāṅgaṃ tathaiva ca

Sanskrit only: no published translation is held for this verse.

प्रतीत्य विषयान् स्वप्ने न स्याद् दुःखं सुखं यथा । विषयो न तथैवापि तं प्रतीत्य प्रतीत्यजः

pratītya viṣayān svapne na syād duḥkhaṃ sukhaṃ yathā / viṣayo na tathaivāpi taṃ pratītya pratītyajaḥ

Sanskrit only: no published translation is held for this verse.

स्वभावाद्धि न भावाश्चेदुत्तमाधममध्यमाः । नानात्वे ऽसति हेतुभ्यो ऽभिनिर्वृत्तिर्न सिध्यति

svabhāvāddhi na bhāvāśceduttamādhamamadhyamāḥ / nānātve 'sati hetubhyo 'bhinirvṛttirna sidhyati

Sanskrit only: no published translation is held for this verse.

भावाः स्वभावतः सिद्धा नो ऽप्रतीत्य प्रतीत्य सत् । निःस्वभावाः कुतो भावाः स्वभावो ऽपि नस्थाप्यते

bhāvāḥ svabhāvataḥ siddhā no 'pratītya pratītya sat / niḥsvabhāvāḥ kuto bhāvāḥ svabhāvo 'pi nasthāpyate

Sanskrit only: no published translation is held for this verse.

स्वभावपरभावौ वा भङ्गो ऽभावे ऽपि वा कुतः । स्वभावपरभावौ चाभावस्ते ऽतो विपर्ययाः

svabhāvaparabhāvau vā bhaṅgo 'bhāve 'pi vā kutaḥ / svabhāvaparabhāvau cābhāvaste 'to viparyayāḥ

Sanskrit only: no published translation is held for this verse.

शून्यत्वे सति नोत्पादो निरोधो ऽपि न विद्यते । स्वभावशून्यतायां हि कुतः स्यादुदयव्ययौ

śūnyatve sati notpādo nirodho 'pi na vidyate / svabhāvaśūnyatāyāṃ hi kutaḥ syādudayavyayau

Sanskrit only: no published translation is held for this verse.

अभावे ऽसति भावो न भावाभावौ न चैकदा । ऋते भावं न चाभावो भावो ऽभावः सदा भवेत्

abhāve 'sati bhāvo na bhāvābhāvau na caikadā / ṛte bhāvaṃ na cābhāvo bhāvo 'bhāvaḥ sadā bhavet

Sanskrit only: no published translation is held for this verse.

न स्वतो नापि परतो ऽभावो भावं विना न हि । अत एव न भावो ऽस्त्यभावो न तदभावतः

na svato nāpi parato 'bhāvo bhāvaṃ vinā na hi / ata eva na bhāvo 'styabhāvo na tadabhāvataḥ

Sanskrit only: no published translation is held for this verse.

सति भावे शाश्वतत्वं व्युच्छेदस्तदभावतः । उभयं हि सतो भावाद् भावो ऽतो नाभ्युपेयते

sati bhāve śāśvatatvaṃ vyucchedastadabhāvataḥ / ubhayaṃ hi sato bhāvād bhāvo 'to nābhyupeyate

Sanskrit only: no published translation is held for this verse.

सन्तानात्तन्न सन्तानं भावो निर्वर्त्य नश्यति । सिध्यतीदं न सन्तानोच्छेददोषश्च पूर्ववत्

santānāttanna santānaṃ bhāvo nirvartya naśyati / sidhyatīdaṃ na santānocchedadoṣaśca pūrvavat

Sanskrit only: no published translation is held for this verse.

दृष्ट्वा निर्वृत्तिमार्गोक्तिः शून्यत्वान्नोदयव्ययौ । अदो ऽन्योन्यविरोधाद्धि विरुद्धानं च दर्शनात्

dṛṣṭvā nirvṛttimārgoktiḥ śūnyatvānnodayavyayau / ado 'nyonyavirodhāddhi viruddhānaṃ ca darśanāt

Sanskrit only: no published translation is held for this verse.

यद्युत्पादनिरोधौ न निर्वाणं किन्निरोधतः । न निर्वाणमनुत्पादानिरोधौ यौ स्वभावतः?

yadyutpādanirodhau na nirvāṇaṃ kinnirodhataḥ / na nirvāṇamanutpādānirodhau yau svabhāvataḥ?

Sanskrit only: no published translation is held for this verse.

निरोधो यदि निर्वाणं ह्युच्छेदः शाश्वतो ऽन्यथा । तस्माद् भावो न चाभावो ऽप्यनुत्पादानिरोधता

nirodho yadi nirvāṇaṃ hyucchedaḥ śāśvato 'nyathā / tasmād bhāvo na cābhāvo 'pyanutpādānirodhatā

Sanskrit only: no published translation is held for this verse.

काचित्स्थितिर्हि निर्वाणमभावो ऽपि च तद् भवेत् । अभावे ऽपि हि तन्नैवाभावाभावे ऽपि तच्च न

kācitsthitirhi nirvāṇamabhāvo 'pi ca tad bhavet / abhāve 'pi hi tannaivābhāvābhāve 'pi tacca na

Sanskrit only: no published translation is held for this verse.

न स्वतो लक्षणं लक्ष्याल्लक्ष्यं सिध्यति लक्षणात् । नाप्यन्योन्यमसिद्धस्यासिद्धो नैव हि साधकः

na svato lakṣaṇaṃ lakṣyāllakṣyaṃ sidhyati lakṣaṇāt / nāpyanyonyamasiddhasyāsiddho naiva hi sādhakaḥ

Sanskrit only: no published translation is held for this verse.

एतेन कारणं कार्यं वेदनावेदकादयः । दृश्यद्रष्ट्रादिकाः सर्वे के ऽपि चोक्ता अशेषतः

etena kāraṇaṃ kāryaṃ vedanāvedakādayaḥ / dṛśyadraṣṭrādikāḥ sarve ke 'pi coktā aśeṣataḥ

Sanskrit only: no published translation is held for this verse.

अस्थितेश्च मिथः सिद्धेः स्वतो ऽसिद्धेश्च सम्प्लवात् । भावाभावाच्च त्रैकाल्यमसन्मात्रं विकल्पना

asthiteśca mithaḥ siddheḥ svato 'siddheśca samplavāt / bhāvābhāvācca traikālyamasanmātraṃ vikalpanā

Sanskrit only: no published translation is held for this verse.

उत्पादस्थितिभङ्गा न त्रयं संस्कृतलक्षणम् । तस्मान्न विद्यते किञ्चित्संस्कृतं नाप्यसंस्कृतम्

utpādasthitibhaṅgā na trayaṃ saṃskṛtalakṣaṇam / tasmānna vidyate kiñcitsaṃskṛtaṃ nāpyasaṃskṛtam

Sanskrit only: no published translation is held for this verse.

भग्नो न भज्यते ऽभग्नो ऽप्यस्थितस्य न च स्थितिः । स्थितस्यापि स्थितिर्नासन् संश्चाप्युत्पद्यते न हि

bhagno na bhajyate 'bhagno 'pyasthitasya na ca sthitiḥ / sthitasyāpi sthitirnāsan saṃścāpyutpadyate na hi

Sanskrit only: no published translation is held for this verse.

न सन्नासन्न सदसन्नैको नानेक इत्यपि । संस्कृतो ऽसंस्कृतः सर्वे कोटिष्वास्वेव ते गताः

na sannāsanna sadasannaiko nāneka ityapi / saṃskṛto 'saṃskṛtaḥ sarve koṭiṣvāsveva te gatāḥ

Sanskrit only: no published translation is held for this verse.

अस्ति कर्मस्वकत्वं हि कर्मकर्मफलं तथा । कर्मणो ऽविप्रणाशश्च दिदेश भगवान् गुरुः

asti karmasvakatvaṃ hi karmakarmaphalaṃ tathā / karmaṇo 'vipraṇāśaśca dideśa bhagavān guruḥ

Sanskrit only: no published translation is held for this verse.

अनिरुद्धमनुत्पन्नं कर्मोक्तं निःस्वभावकम् । आत्मग्रहाद्धि तज्जातं जनको ऽपि विकल्पतः

aniruddhamanutpannaṃ karmoktaṃ niḥsvabhāvakam / ātmagrahāddhi tajjātaṃ janako 'pi vikalpataḥ

Sanskrit only: no published translation is held for this verse.

यदि स्वभावतः कर्म तज्जः कायो ऽपि शाश्वतः । विपाकदुःखवन्न स्यात्, स्यादात्मैवापि कर्म च

yadi svabhāvataḥ karma tajjaḥ kāyo 'pi śāśvataḥ / vipākaduḥkhavanna syāt, syādātmaivāpi karma ca

Sanskrit only: no published translation is held for this verse.

कर्म प्रत्ययजं किञ्चिनास्त्यप्रत्ययजं न च । मायावत्सर्वसंस्काराः गन्धभुक्पुर्मरीचिवत्

karma pratyayajaṃ kiñcināstyapratyayajaṃ na ca / māyāvatsarvasaṃskārāḥ gandhabhukpurmarīcivat

Sanskrit only: no published translation is held for this verse.

क्लेशकारणकं कर्म संस्काराः क्लेशकर्मतः । कर्महेतुश्च कायो ऽपि त्रयं शून्यं स्वभावतः

kleśakāraṇakaṃ karma saṃskārāḥ kleśakarmataḥ / karmahetuśca kāyo 'pi trayaṃ śūnyaṃ svabhāvataḥ

Sanskrit only: no published translation is held for this verse.

कर्मण्यसति कर्ता न द्वयाभावे न तत्फलम् । तदभावे न भोक्ता स्यादसत्त्वाच्च विविक्तता

karmaṇyasati kartā na dvayābhāve na tatphalam / tadabhāve na bhoktā syādasattvācca viviktatā

Sanskrit only: no published translation is held for this verse.

यो ऽपश्यत्कर्मशून्यत्वं सम्यग्ज्ञानेन कम न । कर्मण्यसति कर्मभ्यः समुत्पन्ना न सन्ति वै

yo 'paśyatkarmaśūnyatvaṃ samyagjñānena kama na / karmaṇyasati karmabhyaḥ samutpannā na santi vai

Sanskrit only: no published translation is held for this verse.

निर्मिमीते यथा ऋद्ध्या भगवांश्च तथागतः । तेन निर्मितकेनापि ह्यन्यो निर्मीयते पुनः

nirmimīte yathā ṛddhyā bhagavāṃśca tathāgataḥ / tena nirmitakenāpi hyanyo nirmīyate punaḥ

Sanskrit only: no published translation is held for this verse.

बुद्धनिर्मितकः शून्यः का तन्निर्मितके कथा । यत्किञ्चित्कल्पनामात्रसत्त्वं तच्चोभयोस्तथा

buddhanirmitakaḥ śūnyaḥ kā tannirmitake kathā / yatkiñcitkalpanāmātrasattvaṃ taccobhayostathā

Sanskrit only: no published translation is held for this verse.

कर्ता निर्मितकेनेव कर्म निर्मितसदृशम् । शून्यं स्वभावतो यत्सत् कल्पनामात्रमेव तत्

kartā nirmitakeneva karma nirmitasadṛśam / śūnyaṃ svabhāvato yatsat kalpanāmātrameva tat

Sanskrit only: no published translation is held for this verse.

कर्मकर्ता न निर्वाणं यदि कर्म स्वभावतः । इष्टानिष्टफलं न स्यात्तद्भावो यदि नास्ति वै

karmakartā na nirvāṇaṃ yadi karma svabhāvataḥ / iṣṭāniṣṭaphalaṃ na syāttadbhāvo yadi nāsti vai

Sanskrit only: no published translation is held for this verse.

सच्चाप्यस्ति ह्यसच्चापि सदसच्चापि विद्यते । सुगमा न हि बुद्धानामाभिप्रायिकदेशना

saccāpyasti hyasaccāpi sadasaccāpi vidyate / sugamā na hi buddhānāmābhiprāyikadeśanā

Sanskrit only: no published translation is held for this verse.

रूपं चेद् भूततो जातं तद्रूपं स्यादतत्त्वतः । स्वभावान्न हि तन्नापि परतस्तदभावतः

rūpaṃ ced bhūtato jātaṃ tadrūpaṃ syādatattvataḥ / svabhāvānna hi tannāpi paratastadabhāvataḥ

Sanskrit only: no published translation is held for this verse.

एकस्मिन्न चतुःसत्त्वं सन्नैकं हि चतुर्ष्वपि । असच्चतुर्महाभूतापेक्षं रूपं क्व सिध्यति

ekasminna catuḥsattvaṃ sannaikaṃ hi caturṣvapi / asaccaturmahābhūtāpekṣaṃ rūpaṃ kva sidhyati

Sanskrit only: no published translation is held for this verse.

लिङ्गादिति न तल्लिङ्गमत्यन्ताग्रहणान्ननु । हेतुप्रत्ययजं सत्त्वे न लिङ्गं नेति युज्यते

liṅgāditi na talliṅgamatyantāgrahaṇānnanu / hetupratyayajaṃ sattve na liṅgaṃ neti yujyate

Sanskrit only: no published translation is held for this verse.

रूपस्य ग्रहणं चेत् स्यात्स्वस्वभावग्रहो भवेत् । असन्निमित्तया बुद्ध्या ह्यसद्रूपग्रहः कथम्

rūpasya grahaṇaṃ cet syātsvasvabhāvagraho bhavet / asannimittayā buddhyā hyasadrūpagrahaḥ katham

Sanskrit only: no published translation is held for this verse.

बुद्ध्या क्षणिकया रूपं नाप्यते क्षणिकं यदा । तदानागतरूपं चातीतं किमिव गृह्यते

buddhyā kṣaṇikayā rūpaṃ nāpyate kṣaṇikaṃ yadā / tadānāgatarūpaṃ cātītaṃ kimiva gṛhyate

Sanskrit only: no published translation is held for this verse.

कदापि वर्णसंस्थाने यदा नैव पृथक् पृथक् । नैकग्रहो हि भिन्नानां ह्युभे रूपं प्रसिध्यतः

kadāpi varṇasaṃsthāne yadā naiva pṛthak pṛthak / naikagraho hi bhinnānāṃ hyubhe rūpaṃ prasidhyataḥ

Sanskrit only: no published translation is held for this verse.

न रूपे नापि मध्ये हि चक्षुर्बुद्धिर्न चक्षुषोः । चक्षुः प्रतीत्य रूपं च विपर्यासो विकल्पना

na rūpe nāpi madhye hi cakṣurbuddhirna cakṣuṣoḥ / cakṣuḥ pratītya rūpaṃ ca viparyāso vikalpanā

Sanskrit only: no published translation is held for this verse.

चक्षुः पश्यति नात्मानं रूपं पश्येन्नु तत्कथम् । चक्षुर्निरात्मकं रूपं शेषाण्यायतनान्यपि

cakṣuḥ paśyati nātmānaṃ rūpaṃ paśyennu tatkatham / cakṣurnirātmakaṃ rūpaṃ śeṣāṇyāyatanānyapi

Sanskrit only: no published translation is held for this verse.

चक्षुः स्वभावतः शून्यं शून्यञ्च परभावतः । शून्यं तथैव रूपञ्च शेषाण्यायतनान्यपि

cakṣuḥ svabhāvataḥ śūnyaṃ śūnyañca parabhāvataḥ / śūnyaṃ tathaiva rūpañca śeṣāṇyāyatanānyapi

Sanskrit only: no published translation is held for this verse.

संस्पर्शेन सहैकं स्यात्तदान्येषां हि शून्यता । शून्यं नापेक्षते ऽशून्यं ह्यशून्यं चापि शून्यताम्

saṃsparśena sahaikaṃ syāttadānyeṣāṃ hi śūnyatā / śūnyaṃ nāpekṣate 'śūnyaṃ hyaśūnyaṃ cāpi śūnyatām

Sanskrit only: no published translation is held for this verse.

नास्ति स्वभावसंयोगः त्रिकमस्थितमप्यसत् । तत्स्वभावात्मसंस्पर्शो नास्त्यतो वेदनापि सत्

nāsti svabhāvasaṃyogaḥ trikamasthitamapyasat / tatsvabhāvātmasaṃsparśo nāstyato vedanāpi sat

Sanskrit only: no published translation is held for this verse.

अन्तरायतनं प्राप्य विज्ञानं बाह्यमेव वा । जायते ऽतो न विज्ञानं शून्यं मायामरीचिवत्

antarāyatanaṃ prāpya vijñānaṃ bāhyameva vā / jāyate 'to na vijñānaṃ śūnyaṃ māyāmarīcivat

Sanskrit only: no published translation is held for this verse.

विज्ञेयापेक्षयोत्पादाद्विज्ञानं नास्ति सद् ध्रुवम् । ज्ञातुश्चाविद्यमानत्वमसत्त्वाज्ज्ञानज्ञेययोः

vijñeyāpekṣayotpādādvijñānaṃ nāsti sad dhruvam / jñātuścāvidyamānatvamasattvājjñānajñeyayoḥ

Sanskrit only: no published translation is held for this verse.

कश्चिन्नित्यो ह्यनित्यो वानित्यं सर्वं च नास्ति वा । भावे नित्यं ह्यनित्यं वा कथङ्कारं तथा भवेत्

kaścinnityo hyanityo vānityaṃ sarvaṃ ca nāsti vā / bhāve nityaṃ hyanityaṃ vā kathaṅkāraṃ tathā bhavet

Sanskrit only: no published translation is held for this verse.

रागो द्वेषश्च मोहो हि चेष्टानिष्टविपर्ययैः । प्रत्ययजा ह्यतो रागो द्वेषो मोहश्च न स्वतः

rāgo dveṣaśca moho hi ceṣṭāniṣṭaviparyayaiḥ / pratyayajā hyato rāgo dveṣo mohaśca na svataḥ

Sanskrit only: no published translation is held for this verse.

यस्मिन् रागो भवेत्तस्मिन् द्वेषमोहौ यतस्ततः । विकल्पतो हि जायन्ते नो विकल्पो ऽपि तत्त्वतः

yasmin rāgo bhavettasmin dveṣamohau yatastataḥ / vikalpato hi jāyante no vikalpo 'pi tattvataḥ

Sanskrit only: no published translation is held for this verse.

ये विकल्प्या न ते सन्ति कल्प्याभावे क्व कल्पनम् । प्रत्ययैर्जनितत्त्वाद्धि शून्ये कल्प्यककल्पने

ye vikalpyā na te santi kalpyābhāve kva kalpanam / pratyayairjanitattvāddhi śūnye kalpyakakalpane

Sanskrit only: no published translation is held for this verse.

चतुर्विपर्ययै र्जाता नाविद्या तत्त्वदर्शनात् । तदभावे न संस्काराः स्युः शेषा अपि तादृशाः

caturviparyayai rjātā nāvidyā tattvadarśanāt / tadabhāve na saṃskārāḥ syuḥ śeṣā api tādṛśāḥ

Sanskrit only: no published translation is held for this verse.

यद्यत्प्रतीत्य यज्जातं तदभावे न तत्ततः । भावाभावाश्च संस्कारासंस्काराः शान्तनिर्वृताः

yadyatpratītya yajjātaṃ tadabhāve na tattataḥ / bhāvābhāvāśca saṃskārāsaṃskārāḥ śāntanirvṛtāḥ

Sanskrit only: no published translation is held for this verse.

हेतुप्रत्ययजा भावाः कल्प्यन्ते ये च तत्वतः । प्रोक्ता शास्त्रा ह्यविद्या सा द्वादशाङ्गं ततो भवेत्

hetupratyayajā bhāvāḥ kalpyante ye ca tatvataḥ / proktā śāstrā hyavidyā sā dvādaśāṅgaṃ tato bhavet

Sanskrit only: no published translation is held for this verse.

भावशून्यत्वसज्ज्ञानान्नाविद्या तत्त्वदर्शनात् । सो ह्यविद्यानिरोधो ऽतो द्वादशाङ्गं निरुध्यते

bhāvaśūnyatvasajjñānānnāvidyā tattvadarśanāt / so hyavidyānirodho 'to dvādaśāṅgaṃ nirudhyate

Sanskrit only: no published translation is held for this verse.

मायामरीचिगन्धर्वपुरबुद्बुदफेनवत् । संस्काराः स्वप्नसंकाशा विद्यन्ते ऽलातचक्रवत्

māyāmarīcigandharvapurabudbudaphenavat / saṃskārāḥ svapnasaṃkāśā vidyante 'lātacakravat

Sanskrit only: no published translation is held for this verse.

भावः स्वभावतः कश्चिन्नात्राभावो ऽपि विद्यते । हेतुप्रत्ययतो जातो भावो ऽभावश्च शून्यकः

bhāvaḥ svabhāvataḥ kaścinnātrābhāvo 'pi vidyate / hetupratyayato jāto bhāvo 'bhāvaśca śūnyakaḥ

Sanskrit only: no published translation is held for this verse.

सर्वभावस्वभावानां शून्यत्वादुपदिष्टवान् । सर्वे प्रतीत्यजा भावा इत्यतुल्यस्तथागतः

sarvabhāvasvabhāvānāṃ śūnyatvādupadiṣṭavān / sarve pratītyajā bhāvā ityatulyastathāgataḥ

Sanskrit only: no published translation is held for this verse.

तन्मात्रः परमार्थो हि भगवान् बुद्ध उक्तवान् । लोकवर्तनमाश्रित्य सर्वं नाना यथार्थतः

tanmātraḥ paramārtho hi bhagavān buddha uktavān / lokavartanamāśritya sarvaṃ nānā yathārthataḥ

Sanskrit only: no published translation is held for this verse.

लोकभासनभङ्गो न धर्मः कश्चिन्न तत्त्वतः । भीतो ऽज्ञो ऽकल्पनिर्हारे सौगते वचने त्वतः

lokabhāsanabhaṅgo na dharmaḥ kaścinna tattvataḥ / bhīto 'jño 'kalpanirhāre saugate vacane tvataḥ

Sanskrit only: no published translation is held for this verse.

इदम्प्रतीत्य चास्तीदं न रोधो लोकपद्धतेः । प्रतीत्यजः स निःसत्त्वः सन्त्येते निश्चयः कथम्

idampratītya cāstīdaṃ na rodho lokapaddhateḥ / pratītyajaḥ sa niḥsattvaḥ santyete niścayaḥ katham

Sanskrit only: no published translation is held for this verse.

तत्त्वान्वीक्षारतः श्राद्ध उक्ते कुत्रापि न स्थितः । प्राप्य युक्त्या नयं शान्तः भावाभावप्रहाणतः

tattvānvīkṣārataḥ śrāddha ukte kutrāpi na sthitaḥ / prāpya yuktyā nayaṃ śāntaḥ bhāvābhāvaprahāṇataḥ

Sanskrit only: no published translation is held for this verse.

इदम्प्रत्ययताज्ञानात् दृष्टिजालविनिर्गतः । अस्पृष्टं याति निर्वाणं रागप्रतिघमोहहः

idampratyayatājñānāt dṛṣṭijālavinirgataḥ / aspṛṣṭaṃ yāti nirvāṇaṃ rāgapratighamohahaḥ

Sanskrit only: no published translation is held for this verse.