अचिन्त्याव्यक्तरूपाय निर्गुणाय गुणात्मने। समस्तजगदाधारमूर्तये ब्रह्मणे नमः॥
acintyāvyaktarūpāya nirguṇāya guṇātmane/ samastajagadādhāramūrtaye brahmaṇe namaḥ//
Sanskrit only: no published translation is held for this verse.
Sūryasiddhānta 1
अल्पावशिष्टे तु कृते मयो नाम महासुरः। रहस्यं परमं पुण्यं जिज्ञासुर् ज्ञानम् उत्तमम्॥
alpāvaśiṣṭe tu kṛte mayo nāma mahāsuraḥ/ rahasyaṃ paramaṃ puṇyaṃ jijñāsur jñānam uttamam//
Sanskrit only: no published translation is held for this verse.
वेदाङ्गम् अग्र्यम् अखिलं ज्योतिषां गतिकारणम्। आराधयन् विवस्वन्तं तपस् तेपे सुदुश्चरम्॥
vedāṅgam agryam akhilaṃ jyotiṣāṃ gatikāraṇam/ ārādhayan vivasvantaṃ tapas tepe suduścaram//
Sanskrit only: no published translation is held for this verse.
तोषितस् तपसा तेन प्रीतस् तस्मै वरार्थिने। ग्रहाणां चरितं प्रादान् मयाय सविता स्वयम्॥
toṣitas tapasā tena prītas tasmai varārthine/ grahāṇāṃ caritaṃ prādān mayāya savitā svayam//
Sanskrit only: no published translation is held for this verse.
विदितस् ते मया भावस् तोषितस् तपसा ह्य् अहम्। (ड् मयाभावस्) दद्यां कालाश्रयं ज्ञानं ग्रहाणां चरितं महत्॥
viditas te mayā bhāvas toṣitas tapasā hy aham/ (ḍ mayābhāvas) dadyāṃ kālāśrayaṃ jñānaṃ grahāṇāṃ caritaṃ mahat//
Sanskrit only: no published translation is held for this verse.
न मे तेजह्सहः कश्चिद् आख्यातुं नास्ति मे क्षणः। मदंशः पुरुषो +अयं ते निह्शेषं कथयिष्यति॥
na me tejaHsahaḥ kaścid ākhyātuṃ nāsti me kṣaṇaḥ/ madaṃśaḥ puruṣo +ayaṃ te niHśeṣaṃ kathayiṣyati//
Sanskrit only: no published translation is held for this verse.
इत्य् उक्त्वान्तर्दधे देवः समादिश्यांशम् आत्मनः। स पुमान् मयम् आहेदं प्रणतं प्राञ्जलिस्थितम्॥
ity uktvāntardadhe devaḥ samādiśyāṃśam ātmanaḥ/ sa pumān mayam āhedaṃ praṇataṃ prāñjalisthitam//
Sanskrit only: no published translation is held for this verse.
शृणुष्वैकमनाः पूर्वं यद् उक्तं ज्ञानम् उत्तमम्। युगे युगे महर्षीणां स्वयम् एव विवस्वता॥
śṛṇuṣvaikamanāḥ pūrvaṃ yad uktaṃ jñānam uttamam/ yuge yuge maharṣīṇāṃ svayam eva vivasvatā//
Sanskrit only: no published translation is held for this verse.
शास्त्रम् आद्यं तद् एवेदं यत् पूर्वं प्राह भास्करः। युगानां परिवर्तेन कालभेदो +अत्र केवलः॥
śāstram ādyaṃ tad evedaṃ yat pūrvaṃ prāha bhāskaraḥ/ yugānāṃ parivartena kālabhedo +atra kevalaḥ//
Sanskrit only: no published translation is held for this verse.
लोकानाम् अन्तकृत् कालः कालो +अन्यः कलनात्मकः। स द्विधा स्थूलसूक्ष्मत्वान् मूर्तश् चामूर्त उच्यते॥
lokānām antakṛt kālaḥ kālo +anyaḥ kalanātmakaḥ/ sa dvidhā sthūlasūkṣmatvān mūrtaś cāmūrta ucyate//
Sanskrit only: no published translation is held for this verse.
प्राणादिः कथितो मूर्तस् त्रुट्याद्यो +अमूर्तसंज्ञकः। षड्भिः प्राणैर् विनाडी स्यात् तत्षष्ट्या नाडिका स्मृता॥
prāṇādiḥ kathito mūrtas truṭyādyo +amūrtasaṃjñakaḥ/ ṣaḍbhiḥ prāṇair vināḍī syāt tatṣaṣṭyā nāḍikā smṛtā//
Sanskrit only: no published translation is held for this verse.
नाडीषष्ट्या तु नाक्षत्रम् अहोरात्रं प्रकीर्तितम्। तत्त्रिंशता भवेन् मासः सावनो +अर्कोदयैस् तथा॥
nāḍīṣaṣṭyā tu nākṣatram ahorātraṃ prakīrtitam/ tattriṃśatā bhaven māsaḥ sāvano +arkodayais tathā//
Sanskrit only: no published translation is held for this verse.
ऐन्दवस् तिथिभिस् तद्वत् संक्रान्त्या सौर उच्यते। मासैर् द्वादशभिर् वर्षं दिव्यं तद् अह उच्यते॥
aindavas tithibhis tadvat saṃkrāntyā saura ucyate/ māsair dvādaśabhir varṣaṃ divyaṃ tad aha ucyate//
Sanskrit only: no published translation is held for this verse.
सुरासुराणाम् अन्योन्यम् अहोरात्रं विपर्ययात्। तत्षष्टिः षड्गुणा दिव्यं वर्षम् आसुरम् एव च॥
surāsurāṇām anyonyam ahorātraṃ viparyayāt/ tatṣaṣṭiḥ ṣaḍguṇā divyaṃ varṣam āsuram eva ca//
Sanskrit only: no published translation is held for this verse.
तद्द्वादशसहस्राणि चतुर्युगम् उदाहृतम्। सूर्याब्दसंख्यया द्वित्रिसागरैर् अयुताहतैः॥
taddvādaśasahasrāṇi caturyugam udāhṛtam/ sūryābdasaṃkhyayā dvitrisāgarair ayutāhataiḥ//
Sanskrit only: no published translation is held for this verse.
सन्ध्यासन्ध्यांशसहितं विज्ञेयं तच्चतुर्युगम्। कृतादीनां व्यवस्थेयं धर्मपादव्यवस्थया॥
sandhyāsandhyāṃśasahitaṃ vijñeyaṃ taccaturyugam/ kṛtādīnāṃ vyavastheyaṃ dharmapādavyavasthayā//
Sanskrit only: no published translation is held for this verse.
युगस्य दशमो भागश् चतुस्त्रिद्व्येकसङ्गुणः। क्रमात् कृतयुगादीनां षष्ठांशः सन्ध्ययोः स्वकः॥
yugasya daśamo bhāgaś catustridvyekasaṅguṇaḥ/ kramāt kṛtayugādīnāṃ ṣaṣṭhāṃśaḥ sandhyayoḥ svakaḥ//
Sanskrit only: no published translation is held for this verse.
युगानां सप्ततिः सैका मन्वन्तरम् इहोच्यते। कृताब्दसंख्यास् तस्यान्ते सन्धिः प्रोक्तो जलप्लवः॥
yugānāṃ saptatiḥ saikā manvantaram ihocyate/ kṛtābdasaṃkhyās tasyānte sandhiḥ prokto jalaplavaḥ//
Sanskrit only: no published translation is held for this verse.
ससन्धयस् ते मनवः कल्पे ज्ञेयास् चतुर्दश। कृतप्रमाणः कल्पादौ सन्धिः पञ्चदशः स्मृतः॥
sasandhayas te manavaḥ kalpe jñeyās caturdaśa/ kṛtapramāṇaḥ kalpādau sandhiḥ pañcadaśaḥ smṛtaḥ//
Sanskrit only: no published translation is held for this verse.
इत्थम् युगसहस्रेण भूतसंहारकारकः। कल्पो ब्राह्मम् अहः प्रोक्तं शर्वरी तस्य तावती॥
ittham yugasahasreṇa bhūtasaṃhārakārakaḥ/ kalpo brāhmam ahaḥ proktaṃ śarvarī tasya tāvatī//
Sanskrit only: no published translation is held for this verse.
परमायुः शतं तस्य तयाहोरात्रसंख्यया। आयुषो +अर्धमितं तस्य शेषकल्पो +अयम् आदिमः॥
paramāyuḥ śataṃ tasya tayāhorātrasaṃkhyayā/ āyuṣo +ardhamitaṃ tasya śeṣakalpo +ayam ādimaḥ//
Sanskrit only: no published translation is held for this verse.
कल्पाद् अस्माच् च मनवः षड् व्यतीताः ससन्धयः। वैवस्वतस्य च मनोर् युगानां त्रिघनो गतः॥
kalpād asmāc ca manavaḥ ṣaḍ vyatītāḥ sasandhayaḥ/ vaivasvatasya ca manor yugānāṃ trighano gataḥ//
Sanskrit only: no published translation is held for this verse.
अष्टाविंशाद् युगाद् अस्माद् यातम् एतत् कृतं युगम्। अतः कालं प्रसंख्याय संख्याम् एकत्र पिण्डयेत्॥
aṣṭāviṃśād yugād asmād yātam etat kṛtaṃ yugam/ ataḥ kālaṃ prasaṃkhyāya saṃkhyām ekatra piṇḍayet//
Sanskrit only: no published translation is held for this verse.
ग्रहर्क्षदेवदैत्यादि सृजतो +अस्य चराचरम्। कृताद्रिवेदा दिव्याब्दाः शतघ्ना वेधसो गताः॥
graharkṣadevadaityādi sṛjato +asya carācaram/ kṛtādrivedā divyābdāḥ śataghnā vedhaso gatāḥ//
Sanskrit only: no published translation is held for this verse.
पश्चाद् व्रजन्तो +अतिजवान् नक्षत्रैः सततं ग्रहाः। जीयमानास् तु लम्बन्ते तुल्यम् एव स्वमार्गगाः॥
paścād vrajanto +atijavān nakṣatraiḥ satataṃ grahāḥ/ jīyamānās tu lambante tulyam eva svamārgagāḥ//
Sanskrit only: no published translation is held for this verse.
प्राग्गतित्वम् अतस् तेषां भगणैः प्रत्यहं गतिः। परिणाहवशाद् भिन्ना तद्वशाद् भानि भुञ्जते॥
prāggatitvam atas teṣāṃ bhagaṇaiḥ pratyahaṃ gatiḥ/ pariṇāhavaśād bhinnā tadvaśād bhāni bhuñjate//
Sanskrit only: no published translation is held for this verse.
शीघ्रगस् तान्य् अथाल्पेन कालेन महताल्पगः। तेषां तु परिवर्तेन पौष्णान्ते भगणः स्मृतः॥
śīghragas tāny athālpena kālena mahatālpagaḥ/ teṣāṃ tu parivartena pauṣṇānte bhagaṇaḥ smṛtaḥ//
Sanskrit only: no published translation is held for this verse.
विकलानां कला षष्ट्या तत्षष्ट्या भाग उच्यते। तत्त्रिंशता भवेद् राशिर् भगणो द्वादशैव ते॥
vikalānāṃ kalā ṣaṣṭyā tatṣaṣṭyā bhāga ucyate/ tattriṃśatā bhaved rāśir bhagaṇo dvādaśaiva te//
Sanskrit only: no published translation is held for this verse.
युगे सूर्यज्ञशुक्राणाम् खचतुष्करदार्णवाः। कुजार्किगुरुशीघ्राणां भगणाः पूर्वयायिनाम्॥
yuge sūryajñaśukrāṇām khacatuṣkaradārṇavāḥ/ kujārkiguruśīghrāṇāṃ bhagaṇāḥ pūrvayāyinām//
Sanskrit only: no published translation is held for this verse.
इन्दो रसाग्नित्रित्रीषुसप्तभूधरमार्गणाः।(५७७५३३३६) दस्रत्र्यष्टरसाङ्काक्षिलोचनानि कुजस्य तु॥(२२९६८३२) छेच्केद्
indo rasāgnitritrīṣusaptabhūdharamārgaṇāḥ/(57753336) dasratryaṣṭarasāṅkākṣilocanāni kujasya tu//(2296832) checked
Sanskrit only: no published translation is held for this verse.
बुधशीघ्रस्य शून्यर्तुखाद्रित्र्यङ्कनगेन्दवः।(१७९३७०६०) बृहस्पतेः खदस्राक्षिवेदषड्वह्नयस् तथा॥(३६४२२०)
budhaśīghrasya śūnyartukhādritryaṅkanagendavaḥ/(17937060) bṛhaspateḥ khadasrākṣivedaṣaḍvahnayas tathā//(364220)
Sanskrit only: no published translation is held for this verse.
सितशीघ्रस्य षट्सप्तत्रियमाश्विखभूधराः।(७०२२३७६) शनेर् भुजङ्गषट्पञ्चरसवेदनिशाकराः॥(१४६५६८)
sitaśīghrasya ṣaṭsaptatriyamāśvikhabhūdharāḥ/(7022376) śaner bhujaṅgaṣaṭpañcarasavedaniśākarāḥ//(146568)
Sanskrit only: no published translation is held for this verse.
चन्द्रोच्चस्याग्निशून्याश्विवसुसर्पार्णवा युगे।(४८८२०३) वामं पातस्य वस्वग्नियमाश्विशिखिदस्रकाः॥(२३२२३८)
candroccasyāgniśūnyāśvivasusarpārṇavā yuge/(488203) vāmaṃ pātasya vasvagniyamāśviśikhidasrakāḥ//(232238)
Sanskrit only: no published translation is held for this verse.
भानाम् अष्टाक्षिवस्वद्रित्रिद्विद्व्यष्टशरेन्दवः।(१५८२२३७८२८) भोदया भगणैः स्वैः स्वैर् ऊनाः स्वस्वोदया युगे॥
bhānām aṣṭākṣivasvadritridvidvyaṣṭaśarendavaḥ/(1582237828) bhodayā bhagaṇaiḥ svaiḥ svair ūnāḥ svasvodayā yuge//
Sanskrit only: no published translation is held for this verse.
भवन्ति शशिनो मासाः सूर्येन्दुभगणान्तरम्। रविमासोनितास् ते तु शेषाः स्युर् अधिमासकाः॥
bhavanti śaśino māsāḥ sūryendubhagaṇāntaram/ ravimāsonitās te tu śeṣāḥ syur adhimāsakāḥ//
Sanskrit only: no published translation is held for this verse.
सावहाहानि चान्द्रेभ्यो द्युभ्यः प्रोज्झ्य तिथिक्षयाः। उदयाद् उदयं भानोर् भूमिसावनवासरः॥
sāvahāhāni cāndrebhyo dyubhyaḥ projjhya tithikṣayāḥ/ udayād udayaṃ bhānor bhūmisāvanavāsaraḥ//
Sanskrit only: no published translation is held for this verse.
वसुद्व्यष्टाद्रिरूपाङ्कसप्ताद्रितिथयो युगे।(१५७७९१७८२८) चान्द्राः खाष्टखखव्योमखाग्निखर्तुनिशाकराः॥(१६०३००००८०)
vasudvyaṣṭādrirūpāṅkasaptādritithayo yuge/(1577917828) cāndrāḥ khāṣṭakhakhavyomakhāgnikhartuniśākarāḥ//(1603000080)
Sanskrit only: no published translation is held for this verse.
षड्वह्नित्रिहुताशाङ्कतिथयश् चाधिमासकाः।(१५९३३३६) तिथिक्षया यमार्थाश्विद्व्यष्टव्योमशराश्विनः॥(२५०८२२५२)
ṣaḍvahnitrihutāśāṅkatithayaś cādhimāsakāḥ/(1593336) tithikṣayā yamārthāśvidvyaṣṭavyomaśarāśvinaḥ//(25082252)
Sanskrit only: no published translation is held for this verse.
खचतुष्कसमुद्राष्टकुपञ्च रविमासकाः।(५१८४००००) भवन्ति भोदया भानुभगणैर् ऊनिताः क्वहाः॥
khacatuṣkasamudrāṣṭakupañca ravimāsakāḥ/(51840000) bhavanti bhodayā bhānubhagaṇair ūnitāḥ kvahāḥ//
Sanskrit only: no published translation is held for this verse.
अधिमासोनरात्र्यार्क्षचान्द्रसावनवासराः। एते सहस्रगुणिताः कल्पे स्युर् भगणादयः॥
adhimāsonarātryārkṣacāndrasāvanavāsarāḥ/ ete sahasraguṇitāḥ kalpe syur bhagaṇādayaḥ//
Sanskrit only: no published translation is held for this verse.
प्राग्गतेः सूर्यमन्दस्य कल्पे सप्ताष्टवह्नयः।(३८७) कौजस्य वेदखयमा बौधस्याष्टर्तुवह्नयः॥(२०४, ३६८)
prāggateḥ sūryamandasya kalpe saptāṣṭavahnayaḥ/(387) kaujasya vedakhayamā baudhasyāṣṭartuvahnayaḥ//(204, 368)
Sanskrit only: no published translation is held for this verse.
खखरन्ध्राणि जैवस्य शौक्रस्यार्थगुणेषवः।(९००, ५३५) गो +अग्नयः शनिमन्दस्य पातानाम् अथ वामतः॥(३९)
khakharandhrāṇi jaivasya śaukrasyārthaguṇeṣavaḥ/(900, 535) go +agnayaḥ śanimandasya pātānām atha vāmataḥ//(39)
Sanskrit only: no published translation is held for this verse.
मनुदस्रास् तु कौजस्य बौधस्याष्टाष्टसागराः। (२१४, ४८८) कृताद्रिचन्द्रा जैवस्य त्रिखाङ्काश् च तथा भृगोस् ॥(ड् भृगोस् तथा)(१७४, ९०३)
manudasrās tu kaujasya baudhasyāṣṭāṣṭasāgarāḥ/ (214, 488) kṛtādricandrā jaivasya trikhāṅkāś ca tathā bhṛgos //(ḍ bhṛgos tathā)(174, 903)
Sanskrit only: no published translation is held for this verse.
शनिपातस्य भगणाः कल्पे यमरसर्तवः।(६६२) भगणाः पूर्वम् एवात्र प्रोक्ताश् चन्द्रोच्चपातयोः॥
śanipātasya bhagaṇāḥ kalpe yamarasartavaḥ/(662) bhagaṇāḥ pūrvam evātra proktāś candroccapātayoḥ//
Sanskrit only: no published translation is held for this verse.
षण्मनूनां तु सम्पीड्य कालं तत्सन्धिभिः सह। कल्पादिसन्धिना सार्धं वैवस्वतमनोस् तथा॥
ṣaṇmanūnāṃ tu sampīḍya kālaṃ tatsandhibhiḥ saha/ kalpādisandhinā sārdhaṃ vaivasvatamanos tathā//
Sanskrit only: no published translation is held for this verse.
युगानाम् त्रिघनं यातं तथा कृतयुगं त्व् इदम्। प्रोज्झ्य सृष्टेस् ततः कालं पूर्वोक्तं दिव्यसंख्यया॥
yugānām trighanaṃ yātaṃ tathā kṛtayugaṃ tv idam/ projjhya sṛṣṭes tataḥ kālaṃ pūrvoktaṃ divyasaṃkhyayā//
Sanskrit only: no published translation is held for this verse.
सूर्याब्दसंख्यया ज्ञेयाः कृतस्यान्ते गता अमी। खचतुष्कयमाद्र्यग्निशररन्ध्रनिशाकराः॥(१९५३७२००००)
sūryābdasaṃkhyayā jñeyāḥ kṛtasyānte gatā amī/ khacatuṣkayamādryagniśararandhraniśākarāḥ//(1953720000)
Sanskrit only: no published translation is held for this verse.
अत ऊर्ध्वम् अमी युक्ता गतकालाब्दसंख्यया। मासीकृता युता मासैर् मधुशुक्लादिभिर् गतैः॥
ata ūrdhvam amī yuktā gatakālābdasaṃkhyayā/ māsīkṛtā yutā māsair madhuśuklādibhir gataiḥ//
Sanskrit only: no published translation is held for this verse.
पृथक्ष्थास् ते +अधिमासघ्नाः सूर्यमासविभाजिताः। लब्धाधिमासकैर् युक्ता दिनीकृत्य दिनान्विताः॥
pṛthakṣthās te +adhimāsaghnāḥ sūryamāsavibhājitāḥ/ labdhādhimāsakair yuktā dinīkṛtya dinānvitāḥ//
Sanskrit only: no published translation is held for this verse.
द्विष्ठास् तिथिक्षयाभ्यस्ताश् चान्द्रवासरभाजिताः। लब्धोनरात्रिरहिता लङ्कायाम् आर्धरात्रिकः॥
dviṣṭhās tithikṣayābhyastāś cāndravāsarabhājitāḥ/ labdhonarātrirahitā laṅkāyām ārdharātrikaḥ//
Sanskrit only: no published translation is held for this verse.
सावनो द्युगणः सूर्याद् दिनमासाब्दपास् ततः। सप्तभिः क्षयितः शेषः सूर्याद्यो वासरेश्वरः॥
sāvano dyugaṇaḥ sūryād dinamāsābdapās tataḥ/ saptabhiḥ kṣayitaḥ śeṣaḥ sūryādyo vāsareśvaraḥ//
Sanskrit only: no published translation is held for this verse.
मासाब्ददिनसंख्याप्तं द्वित्रिघ्नं रूपसंयुतम्। सप्तोद्धृतावशेषौ तु विज्ञेयौ मासवर्षौ॥
māsābdadinasaṃkhyāptaṃ dvitrighnaṃ rūpasaṃyutam/ saptoddhṛtāvaśeṣau tu vijñeyau māsavarṣau//
Sanskrit only: no published translation is held for this verse.
यथा स्वभगनाभ्यस्तो दिनराशिः कुवासरैः। विभाजितो मध्यगत्या भगणादिर् ग्रहो भवेत्॥
yathā svabhaganābhyasto dinarāśiḥ kuvāsaraiḥ/ vibhājito madhyagatyā bhagaṇādir graho bhavet//
Sanskrit only: no published translation is held for this verse.
एवं स्वशीघ्रमन्दोच्चा ये प्रोक्ताः पूर्वयायिनः। विलोमगतयः पातास् तद्वच् चक्राद् विशोधिताः॥
evaṃ svaśīghramandoccā ye proktāḥ pūrvayāyinaḥ/ vilomagatayaḥ pātās tadvac cakrād viśodhitāḥ//
Sanskrit only: no published translation is held for this verse.
द्वादशघ्ना गुरोर् याता भगणा वर्तमानकैः। राशिभिः सहिताः शुद्धाः षष्ट्या स्युर् विजयादयः॥
dvādaśaghnā guror yātā bhagaṇā vartamānakaiḥ/ rāśibhiḥ sahitāḥ śuddhāḥ ṣaṣṭyā syur vijayādayaḥ//
Sanskrit only: no published translation is held for this verse.
विस्तरेणैतद् उदितं संक्षेपाद् व्यावहारिकम्। मध्यमानयनं कार्यं ग्रहाणाम् इष्टतो युगात्॥
vistareṇaitad uditaṃ saṃkṣepād vyāvahārikam/ madhyamānayanaṃ kāryaṃ grahāṇām iṣṭato yugāt//
Sanskrit only: no published translation is held for this verse.
अस्मिन् कृतयुगस्यान्ते सर्वे मध्यगता ग्रहाः। विना तु पातमन्दोच्चान् मेषादौ तुल्यताम् इताः (ड् विनेन्दु)॥
asmin kṛtayugasyānte sarve madhyagatā grahāḥ/ vinā tu pātamandoccān meṣādau tulyatām itāḥ (ḍ vinendu)//
Sanskrit only: no published translation is held for this verse.
मकरादौ शशाङ्कोच्चं तत्पातस् तु तुलादिगः। निरंशत्वम् गताश् चान्ये नोक्तास् ते मन्दचारिणः॥
makarādau śaśāṅkoccaṃ tatpātas tu tulādigaḥ/ niraṃśatvam gatāś cānye noktās te mandacāriṇaḥ//
Sanskrit only: no published translation is held for this verse.
योजनानि शतान्य् अष्टौ भूकर्णो द्विगुणानि तु। तद्वर्गतो दशगुणात् पदं भूपरिधिर् भवेत्॥
yojanāni śatāny aṣṭau bhūkarṇo dviguṇāni tu/ tadvargato daśaguṇāt padaṃ bhūparidhir bhavet//
Sanskrit only: no published translation is held for this verse.
लम्बज्याघ्नस् त्रिजीवाप्तः स्फुटो भूपरिधिः स्वकः। तेन देशान्तराभ्यस्ता ग्रहभुक्तिर् विभाजिता॥
lambajyāghnas trijīvāptaḥ sphuṭo bhūparidhiḥ svakaḥ/ tena deśāntarābhyastā grahabhuktir vibhājitā//
Sanskrit only: no published translation is held for this verse.
कलादि तत् फलं प्राच्यां ग्रहेभ्यः परिशोधयेत्। रेखाप्रतीचीसंस्थाने प्रक्षिपेत् स्युः स्वदेशजा॥
kalādi tat phalaṃ prācyāṃ grahebhyaḥ pariśodhayet/ rekhāpratīcīsaṃsthāne prakṣipet syuḥ svadeśajā//
Sanskrit only: no published translation is held for this verse.
राक्षसालयदेवौकह्शैलयोर् मध्यसूत्रगाः। रोहीतकम् अवन्ती च यथा सन्निहितं सरः॥
rākṣasālayadevaukaHśailayor madhyasūtragāḥ/ rohītakam avantī ca yathā sannihitaṃ saraḥ//
Sanskrit only: no published translation is held for this verse.
अतीत्योन्मीलनाद् इन्दोः पश्चात् तद्गणितागतात्।(च् अतीत्योन्मीलनाद् इन्दोर् दृक्षिद्धिर् गणितागतात्।) यदा भवेत् तदा प्राच्यां स्वस्थानं मध्यतो भवेत्॥
atītyonmīlanād indoḥ paścāt tadgaṇitāgatāt/(C atītyonmīlanād indor dṛkṣiddhir gaṇitāgatāt/) yadā bhavet tadā prācyāṃ svasthānaṃ madhyato bhavet//
Sanskrit only: no published translation is held for this verse.
अप्राप्य च भवेत् पश्चाद् एवं वापि निमीलनात्। तयोर् अन्तरनाडीभिर् हन्याद् भूपरिधिं स्फुटम्॥
aprāpya ca bhavet paścād evaṃ vāpi nimīlanāt/ tayor antaranāḍībhir hanyād bhūparidhiṃ sphuṭam//
Sanskrit only: no published translation is held for this verse.
षष्ट्या विभज्य लब्धैस् तु योजनैः प्राग् अथापरैः। स्वदेशः परिधौ ज्ञेयः कुर्याद् देशान्तरं हि तैः॥
ṣaṣṭyā vibhajya labdhais tu yojanaiḥ prāg athāparaiḥ/ svadeśaḥ paridhau jñeyaḥ kuryād deśāntaraṃ hi taiḥ//
Sanskrit only: no published translation is held for this verse.
वारप्रवृत्तिः प्राग्देशे क्षपार्धे +अभ्यधिके भवेत्। तद्देशान्तरनाडीभिः पश्चाद् ऊने विनिर्दिशेत्॥
vārapravṛttiḥ prāgdeśe kṣapārdhe +abhyadhike bhavet/ taddeśāntaranāḍībhiḥ paścād ūne vinirdiśet//
Sanskrit only: no published translation is held for this verse.
इष्टनाडीगुणा भुक्तिः षष्ट्या भक्ता कलादिकम्। गते शोध्यं युतं गम्ये कृत्वा तात्कालिको भवेत्॥
iṣṭanāḍīguṇā bhuktiḥ ṣaṣṭyā bhaktā kalādikam/ gate śodhyaṃ yutaṃ gamye kṛtvā tātkāliko bhavet//
Sanskrit only: no published translation is held for this verse.
भचक्रलिप्ताशीत्यंशं परमं दक्षिणोत्तरम्। विक्षिप्यते स्वपातेन स्वक्रान्त्यन्ताद् अनुष्णगुः॥
bhacakraliptāśītyaṃśaṃ paramaṃ dakṣiṇottaram/ vikṣipyate svapātena svakrāntyantād anuṣṇaguḥ//
Sanskrit only: no published translation is held for this verse.
तन्नवांशं द्विगुणितं जीवस् त्रिगुणितं कुजः। बुधशुक्रार्कजाः पातैर् विक्षिप्यन्ते चतुर्गुणम्॥
tannavāṃśaṃ dviguṇitaṃ jīvas triguṇitaṃ kujaḥ/ budhaśukrārkajāḥ pātair vikṣipyante caturguṇam//
Sanskrit only: no published translation is held for this verse.
एवम् त्रिघनरन्ध्रार्करसार्कार्का दशाहताः। चन्द्रादीनां क्रमाद् उक्ता मध्यविकेषेपलिप्तिकाः॥
evam trighanarandhrārkarasārkārkā daśāhatāḥ/ candrādīnāṃ kramād uktā madhyavikeṣepaliptikāḥ//
Sanskrit only: no published translation is held for this verse.