उदयास्तविधिः प्राग्वत् कर्तव्यः शीतगोर् अपि। भागैर् द्वादशभिः पश्चाद् दृश्यः प्राग् यात्य् अदृश्यताम्॥
udayāstavidhiḥ prāgvat kartavyaḥ śītagor api/ bhāgair dvādaśabhiḥ paścād dṛśyaḥ prāg yāty adṛśyatām//
Sanskrit only: no published translation is held for this verse.
रवीन्द्वोः षड्भयुतयोः प्राग्वल् लग्नान्तरासवः। एकराशौ रवीन्द्वोश् च कार्या विवरलिप्तिकाः॥
ravīndvoḥ ṣaḍbhayutayoḥ prāgval lagnāntarāsavaḥ/ ekarāśau ravīndvoś ca kāryā vivaraliptikāḥ//
Sanskrit only: no published translation is held for this verse.
तन्नाडिकाहते भुक्ती रवीन्द्वोः षष्टिभाजिते। तत्फलान्वितयोर् भूयः कर्तव्या विवरासवः॥
tannāḍikāhate bhuktī ravīndvoḥ ṣaṣṭibhājite/ tatphalānvitayor bhūyaḥ kartavyā vivarāsavaḥ//
Sanskrit only: no published translation is held for this verse.
एवं यावत् स्थिरीभूता रवीन्द्वोर् अन्तरासवः। तैः प्राणैर् अस्तमेतीन्दुः शुक्ले +अर्कास्तमयात् परम्॥
evaṃ yāvat sthirībhūtā ravīndvor antarāsavaḥ/ taiḥ prāṇair astametīnduḥ śukle +arkāstamayāt param//
Sanskrit only: no published translation is held for this verse.
भगणार्धं रवेर् दत्त्वा कार्यास् तद्विवरासवः। तैः प्राणैः कृष्णपक्षे तु शीतांशुर् उदयं व्रजेत्॥
bhagaṇārdhaṃ raver dattvā kāryās tadvivarāsavaḥ/ taiḥ prāṇaiḥ kṛṣṇapakṣe tu śītāṃśur udayaṃ vrajet//
Sanskrit only: no published translation is held for this verse.
अर्केन्द्वोः क्रान्तिविश्लेषो दिक्षाम्ये युतिर् अन्यथा। तज्ज्येन्दुर् अर्काद् यत्रासौ विज्ञेया दक्षिणोत्तरा॥
arkendvoḥ krāntiviśleṣo dikṣāmye yutir anyathā/ tajjyendur arkād yatrāsau vijñeyā dakṣiṇottarā//
Sanskrit only: no published translation is held for this verse.
मध्याह्नेन्दुप्रभाकर्णसङ्गुणा यदि सोत्तरा। तदार्कघ्नाक्षजीवायां शोध्या योज्या च दक्षिणा॥
madhyāhnenduprabhākarṇasaṅguṇā yadi sottarā/ tadārkaghnākṣajīvāyāṃ śodhyā yojyā ca dakṣiṇā//
Sanskrit only: no published translation is held for this verse.
शेषं लम्बज्यया भक्तं लब्धो बाहुः स्वदिङ्मुखः। कोटिः शङ्कुस् तयोर् वर्गयुतेर् मूलं श्रुतिर् भवेत्॥
śeṣaṃ lambajyayā bhaktaṃ labdho bāhuḥ svadiṅmukhaḥ/ koṭiḥ śaṅkus tayor vargayuter mūlaṃ śrutir bhavet//
Sanskrit only: no published translation is held for this verse.
सूर्योनशीतगोर् लिप्ताः शुक्लं नवशतोद्धृताः। चन्द्रबिम्बाङ्गुलाभ्यस्तं हृतं द्वादशभिः स्फुटम्॥
sūryonaśītagor liptāḥ śuklaṃ navaśatoddhṛtāḥ/ candrabimbāṅgulābhyastaṃ hṛtaṃ dvādaśabhiḥ sphuṭam//
Sanskrit only: no published translation is held for this verse.
दत्त्वार्कसंज्ञितं बिन्दुं ततो बाहुं स्वदिङ्मुखम्। ततः पश्चान् मुखी कोटिं कर्णं कोट्यग्रमध्यगम्॥
dattvārkasaṃjñitaṃ binduṃ tato bāhuṃ svadiṅmukham/ tataḥ paścān mukhī koṭiṃ karṇaṃ koṭyagramadhyagam//
Sanskrit only: no published translation is held for this verse.
कोटिकर्णयुताद् बिन्दोर् बिम्बं तात्कालिकं लिखेत्। कर्णसूत्रेण दिक्षिद्धिं प्रथमं परिकल्पयेत्॥
koṭikarṇayutād bindor bimbaṃ tātkālikaṃ likhet/ karṇasūtreṇa dikṣiddhiṃ prathamaṃ parikalpayet//
Sanskrit only: no published translation is held for this verse.
शुक्लं कर्णेन तद्बिम्बयोगाद् अन्तर्मुखं नयेत्। शुक्लाग्रयाम्योत्तरयोर् मध्ये मत्स्यौ प्रसाधयेत्॥
śuklaṃ karṇena tadbimbayogād antarmukhaṃ nayet/ śuklāgrayāmyottarayor madhye matsyau prasādhayet//
Sanskrit only: no published translation is held for this verse.
तन्मद्ख्यसूत्रसंयोगाद् बिन्दुत्रिस्पृग् लिखेद् धनुः॥ प्राग्बिम्बं यादृग् एव स्यात् तादृक् तत्र दिने शशी॥
tanmadkhyasūtrasaṃyogād bindutrispṛg likhed dhanuḥ// prāgbimbaṃ yādṛg eva syāt tādṛk tatra dine śaśī//
Sanskrit only: no published translation is held for this verse.
कोट्या दिक् साधनात् तिर्यक्षूत्रान्ते शृङ्गम् उन्नतम्। दर्शयेद् उन्नतां कोटिं कृत्वा चन्द्रस्य साकृतिः॥
koṭyā dik sādhanāt tiryakṣūtrānte śṛṅgam unnatam/ darśayed unnatāṃ koṭiṃ kṛtvā candrasya sākṛtiḥ//
Sanskrit only: no published translation is held for this verse.
कृष्णे षड्भयुतं सूर्यं विशोध्येन्दोस् तथासितम्। दद्याद् वामं भुजं तत्र पश्चिमं मण्डलं विधोः॥
kṛṣṇe ṣaḍbhayutaṃ sūryaṃ viśodhyendos tathāsitam/ dadyād vāmaṃ bhujaṃ tatra paścimaṃ maṇḍalaṃ vidhoḥ//
Sanskrit only: no published translation is held for this verse.