एकायनगतौ स्यातां सूर्यचन्द्रमसौ यदा। तद्युतौ मण्डले क्रान्त्योस् तुल्यत्वे वैधृताभिधः॥
ekāyanagatau syātāṃ sūryacandramasau yadā/ tadyutau maṇḍale krāntyos tulyatve vaidhṛtābhidhaḥ//
Sanskrit only: no published translation is held for this verse.
Sūryasiddhānta 11
विपरीतायनगतौ चन्द्रार्कौ क्रान्तिलिप्तिका। समास् तदा व्यतीपातो भगणार्धे तयोर् युतौ॥
viparītāyanagatau candrārkau krāntiliptikā/ samās tadā vyatīpāto bhagaṇārdhe tayor yutau//
Sanskrit only: no published translation is held for this verse.
तुल्यांशुजालसम्पर्कात् तयोस् तु प्रवहाहतः। तद्दृक्क्रोधभवो वह्निर् लोकाभावाय जायते॥
tulyāṃśujālasamparkāt tayos tu pravahāhataḥ/ taddṛkkrodhabhavo vahnir lokābhāvāya jāyate//
Sanskrit only: no published translation is held for this verse.
विनाशयति पातो +अस्मिन् लोकानाम् असकृद् यतः। व्यतीपातः प्रसिद्धो +अयं सञ्ज्ञाभेदेन वैधृतः॥
vināśayati pāto +asmin lokānām asakṛd yataḥ/ vyatīpātaḥ prasiddho +ayaṃ sañjñābhedena vaidhṛtaḥ//
Sanskrit only: no published translation is held for this verse.
स कृष्णो दारुणवपुर् लोहिताक्षो महोदरः। सर्वानिष्टकरो रौद्रो भूयो भूयः प्रजायते॥
sa kṛṣṇo dāruṇavapur lohitākṣo mahodaraḥ/ sarvāniṣṭakaro raudro bhūyo bhūyaḥ prajāyate//
Sanskrit only: no published translation is held for this verse.
भास्करेन्द्वोर् भचक्रान्तश् चक्रार्धावधिसंस्थयोः। दृक्तुल्यसाधितांशादियुक्तयोः स्वाव् अपक्रमौ॥
bhāskarendvor bhacakrāntaś cakrārdhāvadhisaṃsthayoḥ/ dṛktulyasādhitāṃśādiyuktayoḥ svāv apakramau//
Sanskrit only: no published translation is held for this verse.
अथौजपदगस्येन्दोः क्रान्तिर् विक्षेपसंस्कृता। यदि स्याद् अधिका भानोः क्रान्तेः पातो गतस् तदा॥
athaujapadagasyendoḥ krāntir vikṣepasaṃskṛtā/ yadi syād adhikā bhānoḥ krānteḥ pāto gatas tadā//
Sanskrit only: no published translation is held for this verse.
ऊना चेत् स्यात् तदा भावी वामं युग्मपदस्य च। पदान्यत्वं विधोः क्रान्तिविक्षेपाच् चेद् विशुध्यति॥
ūnā cet syāt tadā bhāvī vāmaṃ yugmapadasya ca/ padānyatvaṃ vidhoḥ krāntivikṣepāc ced viśudhyati//
Sanskrit only: no published translation is held for this verse.
क्रान्त्योर् ज्ये त्रिज्ययाभ्यस्ते परक्रान्तिज्ययोद्धृते। तच्चापान्तरम् अर्धं वा योज्यं भाविनि शीतगौ॥
krāntyor jye trijyayābhyaste parakrāntijyayoddhṛte/ taccāpāntaram ardhaṃ vā yojyaṃ bhāvini śītagau//
Sanskrit only: no published translation is held for this verse.
शोध्यं चन्द्राद् गते पाते तत्सूर्यगतिताडितम्। चन्द्रभुक्त्या हृतं भानौ लिप्तादि शशिवत् फलम्॥
śodhyaṃ candrād gate pāte tatsūryagatitāḍitam/ candrabhuktyā hṛtaṃ bhānau liptādi śaśivat phalam//
Sanskrit only: no published translation is held for this verse.
तद्वच्छशाङ्कपातस्य फलं देयं विपर्ययात्। कर्मैतद् असकृत् तावद् यावद् क्रान्ती समे तयोः॥
tadvacchaśāṅkapātasya phalaṃ deyaṃ viparyayāt/ karmaitad asakṛt tāvad yāvad krāntī same tayoḥ//
Sanskrit only: no published translation is held for this verse.
क्रान्त्योः समत्वे पातो +अथ प्रक्षिप्तांशोनिते विधौ। हीने +अर्धरात्रिकाद् यातो भावी तात्कालिके +अधिके॥
krāntyoḥ samatve pāto +atha prakṣiptāṃśonite vidhau/ hīne +ardharātrikād yāto bhāvī tātkālike +adhike//
Sanskrit only: no published translation is held for this verse.
स्थिरीकृतार्धरात्रेन्द्वोर् द्वयोर् विवरलिप्तिकाः। षष्टिघ्न्यश् चन्द्रभुक्त्याप्ताः पातकालस्य नाडिकाः॥
sthirīkṛtārdharātrendvor dvayor vivaraliptikāḥ/ ṣaṣṭighnyaś candrabhuktyāptāḥ pātakālasya nāḍikāḥ//
Sanskrit only: no published translation is held for this verse.
रवीन्दुमानयोगार्धं षष्ट्या सङ्गुण्य भाजयेत्। तयोर् भुक्त्यन्तरेणाप्तं स्थित्यर्धं नाडिकादि तत्॥
ravīndumānayogārdhaṃ ṣaṣṭyā saṅguṇya bhājayet/ tayor bhuktyantareṇāptaṃ sthityardhaṃ nāḍikādi tat//
Sanskrit only: no published translation is held for this verse.
पातकालः स्फुटो मध्यः सो +अपि स्थित्यर्धवर्जितः। तस्य सम्भवकालः स्यात् तत् संयुक्तो +अन्त्यसांज्ञितः॥
pātakālaḥ sphuṭo madhyaḥ so +api sthityardhavarjitaḥ/ tasya sambhavakālaḥ syāt tat saṃyukto +antyasāṃjñitaḥ//
Sanskrit only: no published translation is held for this verse.
आद्यन्तकालयोर् मध्यः कालो ज्ञेयो +अतिदारुणः। प्रज्वलज् ज्वलनाकारः सर्वकर्मसु गर्हितः॥
ādyantakālayor madhyaḥ kālo jñeyo +atidāruṇaḥ/ prajvalaj jvalanākāraḥ sarvakarmasu garhitaḥ//
Sanskrit only: no published translation is held for this verse.
एकायनगतं यावद् अर्केन्द्वोर् मण्डलान्तरम्। सम्भवस् तावद् एवास्य सर्वकर्मविनाशकृत्॥
ekāyanagataṃ yāvad arkendvor maṇḍalāntaram/ sambhavas tāvad evāsya sarvakarmavināśakṛt//
Sanskrit only: no published translation is held for this verse.
स्नानदानजपश्राद्धव्रतहोमादिकर्मभिः। प्राप्यत सुमहच्छ्रेयस् तत्कालज्ञानतस् तथा॥
snānadānajapaśrāddhavratahomādikarmabhiḥ/ prāpyata sumahacchreyas tatkālajñānatas tathā//
Sanskrit only: no published translation is held for this verse.
रवीन्द्वोस् तुल्यता क्रान्त्योर् विषुवत्सन्निधौ यदा। द्विर् भवेद् धि तदा पातः स्याद् अभावो विपर्ययात्॥
ravīndvos tulyatā krāntyor viṣuvatsannidhau yadā/ dvir bhaved dhi tadā pātaḥ syād abhāvo viparyayāt//
Sanskrit only: no published translation is held for this verse.
शसाङ्कार्कयुतेर् लिप्ता भभोगेन विभाजिताः। लब्धं सप्तदशान्तो +अन्यो व्यतीपातस् तृतीयकः॥
śasāṅkārkayuter liptā bhabhogena vibhājitāḥ/ labdhaṃ saptadaśānto +anyo vyatīpātas tṛtīyakaḥ//
Sanskrit only: no published translation is held for this verse.
सार्पेन्द्रपौष्ण्यधिष्ण्यानाम् अन्त्याः पादा भसन्धयः। तदग्रभेष्व् आद्यपादो गण्डान्तं नाम कीर्त्यते॥
sārpendrapauṣṇyadhiṣṇyānām antyāḥ pādā bhasandhayaḥ/ tadagrabheṣv ādyapādo gaṇḍāntaṃ nāma kīrtyate//
Sanskrit only: no published translation is held for this verse.
व्यतीपातत्रयं घोरं गण्डान्तत्रितयं तथा। एतद् भसन्धित्रितयं सर्वकर्मसु वर्जयेत्॥
vyatīpātatrayaṃ ghoraṃ gaṇḍāntatritayaṃ tathā/ etad bhasandhitritayaṃ sarvakarmasu varjayet//
Sanskrit only: no published translation is held for this verse.
इत्य् एतत् परमं पुण्यं ज्योतिषां चरितं हितम्। र्हस्यं महद् आख्यातं किम् अन्यच्छ्रोतुम् इच्छसि॥
ity etat paramaṃ puṇyaṃ jyotiṣāṃ caritaṃ hitam/ rhasyaṃ mahad ākhyātaṃ kim anyacchrotum icchasi//
Sanskrit only: no published translation is held for this verse.