अदृश्यरूपाः कालस्य मूर्तयो भगणाश्रिताः। शीघ्रमन्दोच्चपाताख्या ग्रहाणां गतिहेतवः॥
adṛśyarūpāḥ kālasya mūrtayo bhagaṇāśritāḥ/ śīghramandoccapātākhyā grahāṇāṃ gatihetavaḥ//
Sanskrit only: no published translation is held for this verse.
Sūryasiddhānta 2
तद्वातरश्मिभिर् बद्धास् तैस् सव्येतरपाणिभिः। प्राक् पश्चाद् अपकृष्यन्ते यथासन्नं स्वदिङ्मुखम्॥
tadvātaraśmibhir baddhās tais savyetarapāṇibhiḥ/ prāk paścād apakṛṣyante yathāsannaṃ svadiṅmukham//
Sanskrit only: no published translation is held for this verse.
प्रवहाख्यो मरुत् तांस् तु स्वोच्चाभिमुखम् ईरयेत्। पूर्वापराकृष्टास् ते गतिं यान्ति पृथग्विधाः॥
pravahākhyo marut tāṃs tu svoccābhimukham īrayet/ pūrvāparākṛṣṭās te gatiṃ yānti pṛthagvidhāḥ//
Sanskrit only: no published translation is held for this verse.
ग्रहात् प्राग्भगणार्धस्थः प्राङ्मुखं कर्षति ग्रहम्। उच्चसंज्ञो +अपरार्धस्थस् तद्वत् पश्चान्मुखं ग्रहम्॥
grahāt prāgbhagaṇārdhasthaḥ prāṅmukhaṃ karṣati graham/ uccasaṃjño +aparārdhasthas tadvat paścānmukhaṃ graham//
Sanskrit only: no published translation is held for this verse.
स्वोच्चापकृष्टा भगणैः प्राङ्मुखं यान्ति यद् ग्रहाः। तत् तेषु धनम् इत्य् उक्तम् ऋणं पश्चान्मुखेषु च॥ (तु)
svoccāpakṛṣṭā bhagaṇaiḥ prāṅmukhaṃ yānti yad grahāḥ/ tat teṣu dhanam ity uktam ṛṇaṃ paścānmukheṣu ca// (tu)
Sanskrit only: no published translation is held for this verse.
दक्षिणोत्तरतो +अप्य् एवं पातो राहुः स्वरंहसा। विक्षिपत्य् एष विक्षेपं चन्द्रादीनाम् अपक्रमात्॥
dakṣiṇottarato +apy evaṃ pāto rāhuḥ svaraṃhasā/ vikṣipaty eṣa vikṣepaṃ candrādīnām apakramāt//
Sanskrit only: no published translation is held for this verse.
उत्तराभिमुखं पातो विक्षिपत्य् अपरार्धगः। ग्रहं प्राग्भगणार्धस्थो याम्यायाम् अपकर्षति॥
uttarābhimukhaṃ pāto vikṣipaty aparārdhagaḥ/ grahaṃ prāgbhagaṇārdhastho yāmyāyām apakarṣati//
Sanskrit only: no published translation is held for this verse.
बुधभार्गवयोः शीघ्रात् तद्वत् पातो यदा स्थितः। तच्छीघ्राकर्षणात् तौ तु विक्षिप्येते यथोक्तवत्॥
budhabhārgavayoḥ śīghrāt tadvat pāto yadā sthitaḥ/ tacchīghrākarṣaṇāt tau tu vikṣipyete yathoktavat//
Sanskrit only: no published translation is held for this verse.
महत्वान् मण्डलस्यार्कः स्वल्पम् एवापकृष्यते। मण्डलाल्पतया चन्द्रस् ततो बह्व् अपकृष्यते।
mahatvān maṇḍalasyārkaḥ svalpam evāpakṛṣyate/ maṇḍalālpatayā candras tato bahv apakṛṣyate/
Sanskrit only: no published translation is held for this verse.
भौमादयो +अल्पमूर्तित्वाच् छीघ्रमन्दोच्चसञ्ज्ञकैः। दैवतैर् अपकृष्यन्ते सुदूरम् अतिवेगिताः॥
bhaumādayo +alpamūrtitvāc chīghramandoccasañjñakaiḥ/ daivatair apakṛṣyante sudūram ativegitāḥ//
Sanskrit only: no published translation is held for this verse.
अतो धनर्णं सुमहत् तेषां गतिवशाद् भवेत्। आकृष्यमाणास् तैर् एवं व्योम्नि यान्त्य् अनिलाहताः॥
ato dhanarṇaṃ sumahat teṣāṃ gativaśād bhavet/ ākṛṣyamāṇās tair evaṃ vyomni yānty anilāhatāḥ//
Sanskrit only: no published translation is held for this verse.
वक्रातिवक्रा विकला मन्दा मन्दतरा समा। तथा शीघ्रतरा शीघ्रा ग्रहाणाम् अष्टधा गतिः॥
vakrātivakrā vikalā mandā mandatarā samā/ tathā śīghratarā śīghrā grahāṇām aṣṭadhā gatiḥ//
Sanskrit only: no published translation is held for this verse.
तत्रातिशीघ्रा शीघ्राख्या मन्दा मन्दतरा समा। ऋज्वीति पञ्चधा ज्ञेया या वक्रा सातिवक्रगा॥
tatrātiśīghrā śīghrākhyā mandā mandatarā samā/ ṛjvīti pañcadhā jñeyā yā vakrā sātivakragā//
Sanskrit only: no published translation is held for this verse.
तत्तद्गतिवशान् नित्यं यथा दृक्तुल्यतां ग्रहाः। प्रयान्ति तत् प्रवक्ष्यामि स्फुटीकरणम् आदरात्॥
tattadgativaśān nityaṃ yathā dṛktulyatāṃ grahāḥ/ prayānti tat pravakṣyāmi sphuṭīkaraṇam ādarāt//
Sanskrit only: no published translation is held for this verse.
राशिलिप्ताष्टमो भागः प्रथमं ज्यार्धम् उच्यते। तत् तद्विभक्तलब्धोनमिश्रितं तद् द्वितीयकम्॥
rāśiliptāṣṭamo bhāgaḥ prathamaṃ jyārdham ucyate/ tat tadvibhaktalabdhonamiśritaṃ tad dvitīyakam//
Sanskrit only: no published translation is held for this verse.
आद्येनैवं क्रमात् पिण्डान् भक्त्वा लब्धोनसंयुताः। खण्डकाः स्युश् चतुर्विंशज्यार्धपिण्डाः क्रमाद् अमी॥
ādyenaivaṃ kramāt piṇḍān bhaktvā labdhonasaṃyutāḥ/ khaṇḍakāḥ syuś caturviṃśajyārdhapiṇḍāḥ kramād amī//
Sanskrit only: no published translation is held for this verse.
तत्त्वाश्विनो +अङ्काब्धिकृता रूपभूमिधरर्तवः।(२२४, ४४९, ६९१) खाङ्काष्टौ पञ्चशून्येशा बाणरूपगुणेन्दवः॥(८९०, ११०५, १३१५)
tattvāśvino +aṅkābdhikṛtā rūpabhūmidharartavaḥ/(224, 449, 691) khāṅkāṣṭau pañcaśūnyeśā bāṇarūpaguṇendavaḥ//(890, 1105, 1315)
Sanskrit only: no published translation is held for this verse.
शून्यलोचनपञ्चैकाश् छिद्ररूपमुनीन्दवः।(१५२०, १७१९) वियच्चन्द्रातिधृतयो गुणरन्ध्राम्बराश्विनः॥(१९१०, २०९३)
śūnyalocanapañcaikāś chidrarūpamunīndavaḥ/(1520, 1719) viyaccandrātidhṛtayo guṇarandhrāmbarāśvinaḥ//(1910, 2093)
Sanskrit only: no published translation is held for this verse.
मुनिषड्यमनेत्राणि चन्द्राग्निकृतदस्रकाः।(२२६७, २४३१) पञ्चाष्टविषयाक्षीणि कुञ्जराश्विनगाश्विनः॥(२५८५, २७२८)
muniṣaḍyamanetrāṇi candrāgnikṛtadasrakāḥ/(2267, 2431) pañcāṣṭaviṣayākṣīṇi kuñjarāśvinagāśvinaḥ//(2585, 2728)
Sanskrit only: no published translation is held for this verse.
रन्ध्रपञ्चाष्टकयमा वस्वद्र्यङ्कयमास् तथा।(२८५९, २९७८) कृताष्टशून्यज्वलना नगाद्रिशशिवह्नयः॥(३०८४, ३१७९)
randhrapañcāṣṭakayamā vasvadryaṅkayamās tathā/(2859, 2978) kṛtāṣṭaśūnyajvalanā nagādriśaśivahnayaḥ//(3084, 3179)
Sanskrit only: no published translation is held for this verse.
षट्पञ्चलोचनगुणाश् चन्द्रनेत्राग्निवह्नयः।(३२५६, ३३२१) यमाद्रिवह्निज्वलना रन्ध्रशून्यार्नवाग्नयः॥(३३७२), ३४०१)
ṣaṭpañcalocanaguṇāś candranetrāgnivahnayaḥ/(3256, 3321) yamādrivahnijvalanā randhraśūnyārnavāgnayaḥ//(3372), 3401)
Sanskrit only: no published translation is held for this verse.
रूपाग्निसागरगुणा वस्वग्निकृतवह्नयः।(३४३१, ३४३८) प्रोज्झ्योत्क्रमेण व्यासार्धाद् उत्क्रमज्यार्धपिण्डिकाः॥
rūpāgnisāgaraguṇā vasvagnikṛtavahnayaḥ/(3431, 3438) projjhyotkrameṇa vyāsārdhād utkramajyārdhapiṇḍikāḥ//
Sanskrit only: no published translation is held for this verse.
मुनयो रन्ध्रयमला रसषट्का मुनीश्वराः।(७, २९, ६६, ११७) द्व्यष्टैका रूपषड्दस्राः सागरार्थहुताशनाः।(१८२, २६१, ३५४)
munayo randhrayamalā rasaṣaṭkā munīśvarāḥ/(7, 29, 66, 117) dvyaṣṭaikā rūpaṣaḍdasrāḥ sāgarārthahutāśanāḥ/(182, 261, 354)
Sanskrit only: no published translation is held for this verse.
खर्तुवेदा नवाद्र्यर्था दिङ्नागास् त्र्यर्थकुञ्जराः।(४६०, ७१०, ८५३) नगाम्बरवियच्चन्द्रा रूपभूधरशङ्कराः॥(१००७, ११७१)
khartuvedā navādryarthā diṅnāgās tryarthakuñjarāḥ/(460, 710, 853) nagāmbaraviyaccandrā rūpabhūdharaśaṅkarāḥ//(1007, 1171)
Sanskrit only: no published translation is held for this verse.
शरार्णवहुताशैका भुजङ्गाक्षिशरेन्दवः।(१३४५, १५२८) नवरूपमहीध्रैका गजैकाङ्कनिशाकराः॥१७१९, १९१८)
śarārṇavahutāśaikā bhujaṅgākṣiśarendavaḥ/(1345, 1528) navarūpamahīdhraikā gajaikāṅkaniśākarāḥ//1719, 1918)
Sanskrit only: no published translation is held for this verse.
गुणाश्विरूपनेत्राणि पावकाग्निगुणाश्विनः।(२१२३, २३३३) वस्वर्णवार्थयमलास् तुरङ्गर्तुनगाश्विनः॥(२५४८, २७६७)
guṇāśvirūpanetrāṇi pāvakāgniguṇāśvinaḥ/(2123, 2333) vasvarṇavārthayamalās turaṅgartunagāśvinaḥ//(2548, 2767)
Sanskrit only: no published translation is held for this verse.
नवाष्टनवनेत्राणि पावकैकयमाग्नयः।(२९८९, ३२९३) गजाग्निसागरगुणा उत्क्रमज्यार्धपिण्डकाः॥(३४३८)
navāṣṭanavanetrāṇi pāvakaikayamāgnayaḥ/(2989, 3293) gajāgnisāgaraguṇā utkramajyārdhapiṇḍakāḥ//(3438)
Sanskrit only: no published translation is held for this verse.
परमापक्रमज्या तु सप्तरन्ध्रगुणेन्दवः।(१३९७) तद्गुणा ज्या त्रिजीवाप्ता तच्चापं क्रान्तिर् उच्यते॥
paramāpakramajyā tu saptarandhraguṇendavaḥ/(1397) tadguṇā jyā trijīvāptā taccāpaṃ krāntir ucyate//
Sanskrit only: no published translation is held for this verse.
ग्रहं संशोध्य मन्दोच्चात् तथा शीघ्राद् विशोध्य च। शेषं केन्द्रपदं तस्माद् भुजज्या कोटिर् एव च॥
grahaṃ saṃśodhya mandoccāt tathā śīghrād viśodhya ca/ śeṣaṃ kendrapadaṃ tasmād bhujajyā koṭir eva ca//
Sanskrit only: no published translation is held for this verse.
गताद् भुजज्या विषमे गम्यात् कोटिः पदे भवेत्। युग्मे तु गम्याद् बाहुज्या कोटिज्या तु गताद् भवेत्॥
gatād bhujajyā viṣame gamyāt koṭiḥ pade bhavet/ yugme tu gamyād bāhujyā koṭijyā tu gatād bhavet//
Sanskrit only: no published translation is held for this verse.
लिप्तास् तत्त्वयमैर् भक्ता लब्धं ज्यापिण्डिकं गताम्। गतगम्यान्तराभ्यस्तं विभजेत् तत्त्वलोचनैः॥(२२५)
liptās tattvayamair bhaktā labdhaṃ jyāpiṇḍikaṃ gatām/ gatagamyāntarābhyastaṃ vibhajet tattvalocanaiḥ//(225)
Sanskrit only: no published translation is held for this verse.
तदवाप्तफलं योज्यं ज्यापिण्डे गतसंज्ञके। स्यात् क्रमज्याविधिर् अयं उत्क्रमज्यास्व् अपि स्मृतः॥
tadavāptaphalaṃ yojyaṃ jyāpiṇḍe gatasaṃjñake/ syāt kramajyāvidhir ayaṃ utkramajyāsv api smṛtaḥ//
Sanskrit only: no published translation is held for this verse.
ज्यां प्रोज्झ्य शेषं तत्त्वाश्विहतं तद्विवरोद्धृतम्। ॥ २२५ ॥ संख्यातत्त्वाश्विसंवर्गे संयोज्य धनुर् उच्यते॥ ॥ २२५ ॥
jyāṃ projjhya śeṣaṃ tattvāśvihataṃ tadvivaroddhṛtam/ || 225 || saṃkhyātattvāśvisaṃvarge saṃyojya dhanur ucyate// || 225 ||
Sanskrit only: no published translation is held for this verse.
रवेर् मन्दपरिध्यंशा मनवः शीतगो रदाः। (१४, ३२)
raver mandaparidhyaṃśā manavaḥ śītago radāḥ/ (14, 32)
Sanskrit only: no published translation is held for this verse.
युग्मान्ते +अर्थाद्रयः खाग्निसुराः सूर्या नवार्णवाः। (७५, ३०, ३३, १२, ४९) ओजे द्व्यगा वसुयमा रदा रुद्रा गजाब्दयः॥
yugmānte +arthādrayaḥ khāgnisurāḥ sūryā navārṇavāḥ/ (75, 30, 33, 12, 49) oje dvyagā vasuyamā radā rudrā gajābdayaḥ//
Sanskrit only: no published translation is held for this verse.
कुजादीनां अतः शीघ्रा युग्मान्ते +अर्थाग्निदस्रकाः। ॥ २३५ ॥ गुणाग्निचन्द्राः खनगा द्विरसाक्षीणि गो+अग्नयः॥ (१३३, ७०, २६२, ३९)
kujādīnāṃ ataḥ śīghrā yugmānte +arthāgnidasrakāḥ/ || 235 || guṇāgnicandrāḥ khanagā dvirasākṣīṇi go+agnayaḥ// (133, 70, 262, 39)
Sanskrit only: no published translation is held for this verse.
ओजान्ते द्वित्रियमला द्विविश्वे यमपर्वताः। (१३२, ७२) खर्तुदस्रा वियद्वेदाः शीघ्रकर्मणि कीर्तिताः॥(२६०,४०)
ojānte dvitriyamalā dviviśve yamaparvatāḥ/ (132, 72) khartudasrā viyadvedāḥ śīghrakarmaṇi kīrtitāḥ//(260,40)
Sanskrit only: no published translation is held for this verse.
ओजयुग्मान्तरगुणा भुजज्या त्रिज्ययोद्धृता। युग्मे वृत्ते धनर्णं स्याद् ओजाद् ऊनाधिके स्फुटम्॥
ojayugmāntaraguṇā bhujajyā trijyayoddhṛtā/ yugme vṛtte dhanarṇaṃ syād ojād ūnādhike sphuṭam//
Sanskrit only: no published translation is held for this verse.
तद्गुणे भुजकोटिज्ये भगणांशविभाजिते। तद्भुजज्याफलधनुर् मान्दं लिप्तादिकं फलम्॥
tadguṇe bhujakoṭijye bhagaṇāṃśavibhājite/ tadbhujajyāphaladhanur māndaṃ liptādikaṃ phalam//
Sanskrit only: no published translation is held for this verse.
शैघ्र्यं कोटिफलं केन्द्रे मकरादौ धनं स्मृतम्। संशोध्यं तु त्रिजीवायां कर्क्यादौ कोटिजं फलम्॥
śaighryaṃ koṭiphalaṃ kendre makarādau dhanaṃ smṛtam/ saṃśodhyaṃ tu trijīvāyāṃ karkyādau koṭijaṃ phalam//
Sanskrit only: no published translation is held for this verse.
तद्बाहुफलवर्गैक्यान् मूलं कर्णश् चलाभिधः। त्रिज्याभ्यस्तं भुजफलं चलकर्णविभाजितम्॥
tadbāhuphalavargaikyān mūlaṃ karṇaś calābhidhaḥ/ trijyābhyastaṃ bhujaphalaṃ calakarṇavibhājitam//
Sanskrit only: no published translation is held for this verse.
लब्धस्य चापं लिप्तादिफलं शैघ्र्यम् इदं स्मृतम्। एतद् आद्ये कुजादीनां चतुर्थे चैव कर्मणि॥
labdhasya cāpaṃ liptādiphalaṃ śaighryam idaṃ smṛtam/ etad ādye kujādīnāṃ caturthe caiva karmaṇi//
Sanskrit only: no published translation is held for this verse.
मान्दं कर्मैकम् अर्केन्दोर् भौमादीनाम् अथोच्यते। शैघ्र्यं मान्दं पुनर् मान्दं शैघ्र्यं चत्वार्य् अनुक्रमात्॥
māndaṃ karmaikam arkendor bhaumādīnām athocyate/ śaighryaṃ māndaṃ punar māndaṃ śaighryaṃ catvāry anukramāt//
Sanskrit only: no published translation is held for this verse.
मध्ये शीघ्रफलस्यार्धं मान्दम् अर्धफलं तथा। मध्यग्रहे मन्दफलं सकलं शैघ्र्यम् एव च॥
madhye śīghraphalasyārdhaṃ māndam ardhaphalaṃ tathā/ madhyagrahe mandaphalaṃ sakalaṃ śaighryam eva ca//
Sanskrit only: no published translation is held for this verse.
अजादिकेन्द्रे सर्वेषां शैघ्र्ये मान्दे च कर्मणि। धनं ग्रहाणां लिप्तादि तुलादाव् र्णम् एव च॥
ajādikendre sarveṣāṃ śaighrye mānde ca karmaṇi/ dhanaṃ grahāṇāṃ liptādi tulādāv rṇam eva ca//
Sanskrit only: no published translation is held for this verse.
अर्कबाहुफलाभ्यस्ता ग्रहभुक्तिर् विभाजिता। भचक्रकलिकाभिस् तु लिप्ताः कर्या ग्रहे +अर्कवत्॥
arkabāhuphalābhyastā grahabhuktir vibhājitā/ bhacakrakalikābhis tu liptāḥ karyā grahe +arkavat//
Sanskrit only: no published translation is held for this verse.
स्वमन्दभुक्तिसंशुद्धा मध्यभुक्तिर् निशापतेः। दोर्ज्यान्तरादिकं कृत्वा भुक्ताव् ऋणधनं भवेत्॥
svamandabhuktisaṃśuddhā madhyabhuktir niśāpateḥ/ dorjyāntarādikaṃ kṛtvā bhuktāv ṛṇadhanaṃ bhavet//
Sanskrit only: no published translation is held for this verse.
ग्रहभुक्तेः फलं कार्यं ग्रहवन् मन्दकर्मणि। दोर्ज्यान्तरगुणा भुक्तिस् तत्त्वनेत्रोद्धृता पुनः॥ ॥ २२५ ॥
grahabhukteḥ phalaṃ kāryaṃ grahavan mandakarmaṇi/ dorjyāntaraguṇā bhuktis tattvanetroddhṛtā punaḥ// || 225 ||
Sanskrit only: no published translation is held for this verse.
स्वमन्दपरिधिक्षुण्णा भगणांशोद्धृता कलाः।] कर्क्यादौ तु धनं तत्र मकरादाव् ऋणं स्मृतम्॥
svamandaparidhikṣuṇṇā bhagaṇāṃśoddhṛtā kalāḥ/] karkyādau tu dhanaṃ tatra makarādāv ṛṇaṃ smṛtam//
Sanskrit only: no published translation is held for this verse.
मन्दस्फुटीकृतां भुक्तिं प्रोज्झ्य शीघ्रोच्चभुक्तितः। तच्छेशं विवरेणाथ हन्यात् त्रिज्यान्त्यकर्णयोः॥
mandasphuṭīkṛtāṃ bhuktiṃ projjhya śīghroccabhuktitaḥ/ taccheśaṃ vivareṇātha hanyāt trijyāntyakarṇayoḥ//
Sanskrit only: no published translation is held for this verse.
चलकर्णहृतं भुक्तौ कर्णे त्रिज्याधिके धनम्। ऋणम् ऊने +अधिके प्रोज्झ्य शेषं वक्रगतिर् भवेत्॥
calakarṇahṛtaṃ bhuktau karṇe trijyādhike dhanam/ ṛṇam ūne +adhike projjhya śeṣaṃ vakragatir bhavet//
Sanskrit only: no published translation is held for this verse.
दूरस्थितः स्वशीघ्रोच्चाद् ग्रहः शिथिलरश्मिभिः। सव्येतराकृष्ततनुर् भवेत् वक्रगतिस् तदा॥
dūrasthitaḥ svaśīghroccād grahaḥ śithilaraśmibhiḥ/ savyetarākṛṣtatanur bhavet vakragatis tadā//
Sanskrit only: no published translation is held for this verse.
कृतर्तुचन्द्रैर् वेदेन्द्रैः शून्यत्र्येकैर् गुणाष्टभिः।(१६४, १४४, १३०, ८३) शररुद्रैश् चतुर्थेषु केन्द्रांशैर् भूसुतादयः॥(११५)
kṛtartucandrair vedendraiḥ śūnyatryekair guṇāṣṭabhiḥ/(164, 144, 130, 83) śararudraiś caturtheṣu kendrāṃśair bhūsutādayaḥ//(115)
Sanskrit only: no published translation is held for this verse.
भवन्ति वक्रिणस् तैस् तु स्वैः स्वैश् चक्राद् विशोधितैः। अवशिष्टांशतुल्यैः स्वैः केन्द्रैर् उज्झन्ति वक्रताम्॥
bhavanti vakriṇas tais tu svaiḥ svaiś cakrād viśodhitaiḥ/ avaśiṣṭāṃśatulyaiḥ svaiḥ kendrair ujjhanti vakratām//
Sanskrit only: no published translation is held for this verse.
महत्त्वाच् छीघ्रपरिधेः सप्तमे भृगुभूसुतौ। अष्टमे जीवशशैजौ नवमे तु शनैश्चरः॥
mahattvāc chīghraparidheḥ saptame bhṛgubhūsutau/ aṣṭame jīvaśaśaijau navame tu śanaiścaraḥ//
Sanskrit only: no published translation is held for this verse.
कुजार्किगुरुपातानां ग्रहवच् छीघ्रजं फलम्। वामं तृतीयकं मान्दं बुधभार्गवयोः फलम्॥
kujārkigurupātānāṃ grahavac chīghrajaṃ phalam/ vāmaṃ tṛtīyakaṃ māndaṃ budhabhārgavayoḥ phalam//
Sanskrit only: no published translation is held for this verse.
स्वपातोनाद् ग्रहाज् जीवा शीघ्राद् भृगुजसौम्ययोः। विक्षेपघ्न्य् अन्त्यकर्णाप्ता विक्षेपस् त्रिज्यया विधोः॥
svapātonād grahāj jīvā śīghrād bhṛgujasaumyayoḥ/ vikṣepaghny antyakarṇāptā vikṣepas trijyayā vidhoḥ//
Sanskrit only: no published translation is held for this verse.
विक्षेपापक्रमैकत्वे क्रान्तिर् विक्षेपसंयुता। दिग्भेदे वियुता स्पष्टा भास्करस्य यथागता॥
vikṣepāpakramaikatve krāntir vikṣepasaṃyutā/ digbhede viyutā spaṣṭā bhāskarasya yathāgatā//
Sanskrit only: no published translation is held for this verse.
ग्रहोदयप्राणहता खखाष्टैकोद्धृता गतिः। चक्रासवो लब्धयुता स्वाहोरात्रासवः स्मृताः॥
grahodayaprāṇahatā khakhāṣṭaikoddhṛtā gatiḥ/ cakrāsavo labdhayutā svāhorātrāsavaḥ smṛtāḥ//
Sanskrit only: no published translation is held for this verse.
क्रान्तेः क्रमोत्क्रम्मज्ये द्वे कृत्वा तत्रोत्क्रमज्यया। हीना त्रिज्या दिनव्यासदलं तद्दक्षिणोत्तरम्॥
krānteḥ kramotkrammajye dve kṛtvā tatrotkramajyayā/ hīnā trijyā dinavyāsadalaṃ taddakṣiṇottaram//
Sanskrit only: no published translation is held for this verse.
क्रान्तिज्या विषुवद्भाघ्नी क्षितिज्या द्वादशोद्धृता। त्रिज्यागुणाहोरात्रार्धकर्णाप्ता चरजासवः॥
krāntijyā viṣuvadbhāghnī kṣitijyā dvādaśoddhṛtā/ trijyāguṇāhorātrārdhakarṇāptā carajāsavaḥ//
Sanskrit only: no published translation is held for this verse.
तत्कार्मुकम् उदक्क्रान्तौ धनशनी पृथक्ष्थिते। स्वाहोरात्रचतुर्भागे दिनरात्रिदले स्मृते॥
tatkārmukam udakkrāntau dhanaśanī pṛthakṣthite/ svāhorātracaturbhāge dinarātridale smṛte//
Sanskrit only: no published translation is held for this verse.
याम्यक्रान्तौ विपर्यस्ते द्विगुणे तु दिनक्षपे। विक्षेपयुक्तोनितया क्रान्त्या भानाम् अपि स्वके॥
yāmyakrāntau viparyaste dviguṇe tu dinakṣape/ vikṣepayuktonitayā krāntyā bhānām api svake//
Sanskrit only: no published translation is held for this verse.
भभोगो +अष्टशतीलिप्ताः खाश्विशैलास् तथा तिथेः। ग्रहलिप्ताभभोगाप्ता भानि भुक्त्या दिनादिकम्॥
bhabhogo +aṣṭaśatīliptāḥ khāśviśailās tathā titheḥ/ grahaliptābhabhogāptā bhāni bhuktyā dinādikam//
Sanskrit only: no published translation is held for this verse.
रवीन्दुयोगलिप्ताभ्यो योगा भभोगभाजिताः। गता गम्याश् च षष्टिघ्न्यो भुक्तियोगाप्तनाडिकाः॥
ravīnduyogaliptābhyo yogā bhabhogabhājitāḥ/ gatā gamyāś ca ṣaṣṭighnyo bhuktiyogāptanāḍikāḥ//
Sanskrit only: no published translation is held for this verse.
अर्कोनचन्द्रलिप्ताभ्यस् तिथयो भोगभाजिताः। गता गम्याश् च षष्टिघ्न्यो नाड्यो भुक्त्यन्तरोद्धृताः॥
arkonacandraliptābhyas tithayo bhogabhājitāḥ/ gatā gamyāś ca ṣaṣṭighnyo nāḍyo bhuktyantaroddhṛtāḥ//
Sanskrit only: no published translation is held for this verse.
ध्रुवाणि शकुनिर् नागं तृतीयं तु चतुष्पदम्। किंस्तुघ्नं तु चतुर्दश्याः कृष्णायाश् चापरार्धतः॥
dhruvāṇi śakunir nāgaṃ tṛtīyaṃ tu catuṣpadam/ kiṃstughnaṃ tu caturdaśyāḥ kṛṣṇāyāś cāparārdhataḥ//
Sanskrit only: no published translation is held for this verse.
बवादीनि ततः सप्त चराख्यकरणानि च। मासे +अष्टकृत्व एकैकं करणानां प्रवर्तते॥
bavādīni tataḥ sapta carākhyakaraṇāni ca/ māse +aṣṭakṛtva ekaikaṃ karaṇānāṃ pravartate//
Sanskrit only: no published translation is held for this verse.
तिथ्यर्धभोगं सर्वेषां करणानां प्रकल्पयेत्। एषा स्फुतगतिः प्रोक्ता सूर्यादीनां खचारिणाम्॥
tithyardhabhogaṃ sarveṣāṃ karaṇānāṃ prakalpayet/ eṣā sphutagatiḥ proktā sūryādīnāṃ khacāriṇām//
Sanskrit only: no published translation is held for this verse.