शिलातले +अम्बुसंशुद्धे वज्रलेपे +अपि वा समे। तत्र शङ्क्वङ्गुलैर् इष्टैः समं मण्डलम् आलिखेत्॥
śilātale +ambusaṃśuddhe vajralepe +api vā same/ tatra śaṅkvaṅgulair iṣṭaiḥ samaṃ maṇḍalam ālikhet//
Sanskrit only: no published translation is held for this verse.
तन्मध्ये स्थापयेच् छङ्कुं कल्पनाद्वादशाङ्गुलम्। तच्छायाग्रं स्पृशेद् यत्र वृत्ते पूर्वापरार्धयोः॥
tanmadhye sthāpayec chaṅkuṃ kalpanādvādaśāṅgulam/ tacchāyāgraṃ spṛśed yatra vṛtte pūrvāparārdhayoḥ//
Sanskrit only: no published translation is held for this verse.
तत्र बिन्दू विधायोभौ वृत्ते पूर्वापराभिधौ। तन्मध्ये तिमिना रेखा कर्तव्या दक्षिणोत्तरा॥
tatra bindū vidhāyobhau vṛtte pūrvāparābhidhau/ tanmadhye timinā rekhā kartavyā dakṣiṇottarā//
Sanskrit only: no published translation is held for this verse.
याम्योत्तरदिशोर् मध्ये तिमिना पूर्वपश्चिमा। दिङ्मध्यमत्स्यैः संसाध्या विदिशस् तद्वद् एव हि॥
yāmyottaradiśor madhye timinā pūrvapaścimā/ diṅmadhyamatsyaiḥ saṃsādhyā vidiśas tadvad eva hi//
Sanskrit only: no published translation is held for this verse.
चतुरस्रं बहिः कुर्यात् सूत्रैर् मध्याद् विनिर्गतैः। भुजसूत्राङ्गुलैस् तत्र दत्तैर् इष्टप्रभा स्मृता॥
caturasraṃ bahiḥ kuryāt sūtrair madhyād vinirgataiḥ/ bhujasūtrāṅgulais tatra dattair iṣṭaprabhā smṛtā//
Sanskrit only: no published translation is held for this verse.
प्राक्पश्चिमाश्रिता रेखा प्रोच्यते सममण्डले। उनण्डले च विषुवन्मण्डले परिकीर्त्यते॥
prākpaścimāśritā rekhā procyate samamaṇḍale/ unaṇḍale ca viṣuvanmaṇḍale parikīrtyate//
Sanskrit only: no published translation is held for this verse.
रेखा प्राच्यपरा साध्या विषुवद्भाग्रगा तथा। इष्टच्छायाविषुवतोर् मध्यम् अग्राभिधीयते॥
rekhā prācyaparā sādhyā viṣuvadbhāgragā tathā/ iṣṭacchāyāviṣuvator madhyam agrābhidhīyate//
Sanskrit only: no published translation is held for this verse.
शङ्कुच्छायाकृतियुतेर् मूलं कर्णो +अस्य वर्गतः। प्रोज्झ्य शङ्कुकृतिं मूलं छाया शङ्कुर् विपर्ययात्॥
śaṅkucchāyākṛtiyuter mūlaṃ karṇo +asya vargataḥ/ projjhya śaṅkukṛtiṃ mūlaṃ chāyā śaṅkur viparyayāt//
Sanskrit only: no published translation is held for this verse.
त्रिंशत्कृत्यो युगे भानां चक्रं प्राक् परिलम्बते। तद्गुणाद् भूदिनैर् भक्ताद् द्युगणाद् यद् अवाप्यते॥
triṃśatkṛtyo yuge bhānāṃ cakraṃ prāk parilambate/ tadguṇād bhūdinair bhaktād dyugaṇād yad avāpyate//
Sanskrit only: no published translation is held for this verse.
तद्दोस् त्रिघ्ना दशाप्तांशा विज्ञेया अयनाभिधाः। तत्संस्कृताद् ग्रहात् क्रान्तिच्छायाचरदलादिकम्॥
taddos trighnā daśāptāṃśā vijñeyā ayanābhidhāḥ/ tatsaṃskṛtād grahāt krānticchāyācaradalādikam//
Sanskrit only: no published translation is held for this verse.
स्फुटं दृक्तुल्यतां गच्छेद् अयने विषुवद्वये। प्राक् चक्रं चलितं हीने छायार्कात् करणागते॥
sphuṭaṃ dṛktulyatāṃ gacched ayane viṣuvadvaye/ prāk cakraṃ calitaṃ hīne chāyārkāt karaṇāgate//
Sanskrit only: no published translation is held for this verse.
अन्तरांशैर् अथावृत्य पश्चाच् छेषैस् तथाधिके। एवं विषुवती छाया स्वदेशे या दिनार्धजा॥
antarāṃśair athāvṛtya paścāc cheṣais tathādhike/ evaṃ viṣuvatī chāyā svadeśe yā dinārdhajā//
Sanskrit only: no published translation is held for this verse.
दक्षिणोत्तररेखायां सा तत्र विषुवत्प्रभा॥ शङ्कुच्छायाहते त्रिज्ये विषुवत्कर्णभाजिते।
dakṣiṇottararekhāyāṃ sā tatra viṣuvatprabhā// śaṅkucchāyāhate trijye viṣuvatkarṇabhājite/
Sanskrit only: no published translation is held for this verse.
लम्बाक्षज्ये तयोश् चापे लम्बाक्षौ दक्षिणौ सदा। मध्यच्छाया भुजस् तेन गुणिता त्रिभमौर्विका॥
lambākṣajye tayoś cāpe lambākṣau dakṣiṇau sadā/ madhyacchāyā bhujas tena guṇitā tribhamaurvikā//
Sanskrit only: no published translation is held for this verse.
स्वकर्णाप्ता धनुर्लिप्ता नतास् ता दक्षिणे भुजे। उत्तराश् चोत्तरे याम्यास् ताः सूर्यक्रान्तिलिप्तिकाः॥
svakarṇāptā dhanurliptā natās tā dakṣiṇe bhuje/ uttarāś cottare yāmyās tāḥ sūryakrāntiliptikāḥ//
Sanskrit only: no published translation is held for this verse.
दिग्भेदे मिश्रिताः साम्ये विश्लिष्टाश् चाक्षलिप्तिकाः। ताभ्यो +अक्षज्या च तद्वर्गं प्रोज्झ्य त्रिज्याकृतेः पदम्॥
digbhede miśritāḥ sāmye viśliṣṭāś cākṣaliptikāḥ/ tābhyo +akṣajyā ca tadvargaṃ projjhya trijyākṛteḥ padam//
Sanskrit only: no published translation is held for this verse.
लम्बज्यार्कगुणाक्षज्या विषुवद्भाथ लम्बया। स्वाक्षार्कनतभागानां दिक्षाम्ये +अन्तरम् अन्यथा॥
lambajyārkaguṇākṣajyā viṣuvadbhātha lambayā/ svākṣārkanatabhāgānāṃ dikṣāmye +antaram anyathā//
Sanskrit only: no published translation is held for this verse.
दिग्भेदे +अपक्रमः शेषस् तस्य ज्या त्रिज्यया हता। परमापक्रमज्याप्ता चापं मेषादिगो रविः॥
digbhede +apakramaḥ śeṣas tasya jyā trijyayā hatā/ paramāpakramajyāptā cāpaṃ meṣādigo raviḥ//
Sanskrit only: no published translation is held for this verse.
कर्क्यादौ प्रोज्झ्य चक्रार्धात् तुलादौ भार्धसंयुतात्। मृगादौ प्रोज्झ्य भगणान् मध्याह्ने +अर्कः स्फुटो भवेत्॥
karkyādau projjhya cakrārdhāt tulādau bhārdhasaṃyutāt/ mṛgādau projjhya bhagaṇān madhyāhne +arkaḥ sphuṭo bhavet//
Sanskrit only: no published translation is held for this verse.
तन्मान्दम् असकृद् वामं फलं मध्यो दिवाकरः। स्वाक्षार्कापक्रमयुतिर् दिक्षाम्ये +अन्तरम् अन्यथा॥
tanmāndam asakṛd vāmaṃ phalaṃ madhyo divākaraḥ/ svākṣārkāpakramayutir dikṣāmye +antaram anyathā//
Sanskrit only: no published translation is held for this verse.
शेषं नतांशाः सूर्यस्य तद्बाहुज्या च कोटिज्या। शङ्कुमानाङ्गुलाभ्यस्ते भुजत्रिज्ये यथाक्रमम्॥
śeṣaṃ natāṃśāḥ sūryasya tadbāhujyā ca koṭijyā/ śaṅkumānāṅgulābhyaste bhujatrijye yathākramam//
Sanskrit only: no published translation is held for this verse.
कोटिज्यया विभज्याप्ते छायाकर्णाव् अहर्दले। क्रान्तिज्या विषुवत्कर्णगुणाप्ता शङ्कुजीवया॥
koṭijyayā vibhajyāpte chāyākarṇāv ahardale/ krāntijyā viṣuvatkarṇaguṇāptā śaṅkujīvayā//
Sanskrit only: no published translation is held for this verse.
अर्काग्रा स्वेष्टकर्णघ्नी मध्यकर्णोद्धृता स्वका। विषुवद्भायुतार्काग्रा याम्ये स्याद् उत्तरो भुजः॥
arkāgrā sveṣṭakarṇaghnī madhyakarṇoddhṛtā svakā/ viṣuvadbhāyutārkāgrā yāmye syād uttaro bhujaḥ//
Sanskrit only: no published translation is held for this verse.
विषुवत्याम् विशोध्योदग्गोले स्याद् बाहुर् उत्तरः। विपर्ययाद् भुजो याम्यो भवेत् प्राच्यपरान्तरे॥
viṣuvatyām viśodhyodaggole syād bāhur uttaraḥ/ viparyayād bhujo yāmyo bhavet prācyaparāntare//
Sanskrit only: no published translation is held for this verse.
माध्याह्निको भुजो नित्यं छाया माध्याह्निकी स्मृता। लम्बाक्षजीवे विषुवच्छायाद्वादशसङ्गुणे॥
mādhyāhniko bhujo nityaṃ chāyā mādhyāhnikī smṛtā/ lambākṣajīve viṣuvacchāyādvādaśasaṅguṇe//
Sanskrit only: no published translation is held for this verse.
क्रान्तिज्याप्ते तु तौ कर्णौ सममण्डलगे रवौ। सौम्याक्षोना यदा कान्तिः स्यात् तदा द्युदलश्रवः॥
krāntijyāpte tu tau karṇau samamaṇḍalage ravau/ saumyākṣonā yadā kāntiḥ syāt tadā dyudalaśravaḥ//
Sanskrit only: no published translation is held for this verse.
विषुवच्छाययाभ्यस्तः कर्णो मध्याग्रयोद्धृतः। स्वक्रान्तिज्या त्रिजीवाघ्नी लम्बज्याप्ताग्रमौर्विका॥
viṣuvacchāyayābhyastaḥ karṇo madhyāgrayoddhṛtaḥ/ svakrāntijyā trijīvāghnī lambajyāptāgramaurvikā//
Sanskrit only: no published translation is held for this verse.
स्वेष्टकर्णहता भक्ता त्रिज्ययाग्राङ्गुलादिका। त्रिज्यावर्गार्धतो +अग्रज्यावर्गोनाद् द्वादशाहतात्॥
sveṣṭakarṇahatā bhaktā trijyayāgrāṅgulādikā/ trijyāvargārdhato +agrajyāvargonād dvādaśāhatāt//
Sanskrit only: no published translation is held for this verse.
पुनर् द्वादशनिघ्नाच् च लभ्यते यत् फलं बुधैः। शङ्कुवर्गार्धसंयुक्तविषुवद्वर्गभाजितात्॥
punar dvādaśanighnāc ca labhyate yat phalaṃ budhaiḥ/ śaṅkuvargārdhasaṃyuktaviṣuvadvargabhājitāt//
Sanskrit only: no published translation is held for this verse.
तदेव करणी नाम तां पृथक् स्थापयेद् बुधः। अर्कघ्नी विषुवच्छायाग्रज्यया गुणिता तथा॥
tadeva karaṇī nāma tāṃ pṛthak sthāpayed budhaḥ/ arkaghnī viṣuvacchāyāgrajyayā guṇitā tathā//
Sanskrit only: no published translation is held for this verse.
भक्ता फलाख्यं तद्वर्गसंयुक्तकरणीपदम्। फलेन हीनसंयुक्तं दक्षिणोत्तरगोलयोः॥
bhaktā phalākhyaṃ tadvargasaṃyuktakaraṇīpadam/ phalena hīnasaṃyuktaṃ dakṣiṇottaragolayoḥ//
Sanskrit only: no published translation is held for this verse.
याम्ययोर् विदिशोः शङ्कुर् एवं याम्योत्तरे रवौ। परिभ्रमति शङ्कोस् तु शङ्कुर् उत्तरयोस् तु सः॥
yāmyayor vidiśoḥ śaṅkur evaṃ yāmyottare ravau/ paribhramati śaṅkos tu śaṅkur uttarayos tu saḥ//
Sanskrit only: no published translation is held for this verse.
तत्त्रिज्यावर्गविश्लेषान् मूलं दृग्ज्याभिधीयते। स्वशङ्कुना विभज्याप्ते दृक्त्रिज्ये द्वादशाहते॥
tattrijyāvargaviśleṣān mūlaṃ dṛgjyābhidhīyate/ svaśaṅkunā vibhajyāpte dṛktrijye dvādaśāhate//
Sanskrit only: no published translation is held for this verse.
युग्मान्ते विषमान्ते तु नखलिप्तोनितास् तयोः॥
yugmānte viṣamānte tu nakhaliptonitās tayoḥ//
Sanskrit only: no published translation is held for this verse.
अन्त्या नतोत्क्रमज्योना स्वहोरात्रार्धसङ्गुणा। त्रिज्याभक्ता भवेच् छेदो लम्बज्याघ्नो +अथ भाजितः॥
antyā natotkramajyonā svahorātrārdhasaṅguṇā/ trijyābhaktā bhavec chedo lambajyāghno +atha bhājitaḥ//
Sanskrit only: no published translation is held for this verse.
त्रिभज्यया भवेच् छङ्कुस् तद्वर्गं परिशोधयेत्। त्रिज्यावर्गात् पदं दृग्ज्या छायाकर्णौ तु पूर्ववत्॥
tribhajyayā bhavec chaṅkus tadvargaṃ pariśodhayet/ trijyāvargāt padaṃ dṛgjyā chāyākarṇau tu pūrvavat//
Sanskrit only: no published translation is held for this verse.
अभीष्टच्छाययाभ्यस्ता त्रिज्या तत्कर्णभाजिता। दृग्ज्या तद्वर्गसंशुद्धात् त्रिज्यावर्गाच् च यत् पदम्।
abhīṣṭacchāyayābhyastā trijyā tatkarṇabhājitā/ dṛgjyā tadvargasaṃśuddhāt trijyāvargāc ca yat padam/
Sanskrit only: no published translation is held for this verse.
शङ्कुः स त्रिभजीवाघ्नः स्वलम्बज्याविभाजितः। छेदः स त्रिज्ययाभ्यस्तः स्वाहोरात्रार्धभाजितः॥
śaṅkuḥ sa tribhajīvāghnaḥ svalambajyāvibhājitaḥ/ chedaḥ sa trijyayābhyastaḥ svāhorātrārdhabhājitaḥ//
Sanskrit only: no published translation is held for this verse.
उन्नतज्या तया हीना स्वान्त्या शेषस्य कार्मुकम्। उत्क्रमज्याभिर् एवं स्युः प्राक्पश्चार्धनतासवः॥
unnatajyā tayā hīnā svāntyā śeṣasya kārmukam/ utkramajyābhir evaṃ syuḥ prākpaścārdhanatāsavaḥ//
Sanskrit only: no published translation is held for this verse.
इष्टाग्राघ्नी तु लम्बज्या स्वकर्णाङ्गुलभाजिता। क्रान्तिज्या सा त्रिजीवाघ्नी परमापक्रमोद्धृता॥
iṣṭāgrāghnī tu lambajyā svakarṇāṅgulabhājitā/ krāntijyā sā trijīvāghnī paramāpakramoddhṛtā//
Sanskrit only: no published translation is held for this verse.
तच्चापं भादिकं क्षेत्रं पदैस् तत्र भवो रविः। इष्टे +अह्नि मध्ये प्राक्पश्चाद् धृते बाहुत्रयान्तरे॥
taccāpaṃ bhādikaṃ kṣetraṃ padais tatra bhavo raviḥ/ iṣṭe +ahni madhye prākpaścād dhṛte bāhutrayāntare//
Sanskrit only: no published translation is held for this verse.
मत्स्यद्वयान्तरयुतेस् त्रिस्पृक्षूत्रेण भाभ्रमः। त्रिभद्युकर्णार्धगुणाः स्वाहोरात्रार्धभाजिताः॥
matsyadvayāntarayutes trispṛkṣūtreṇa bhābhramaḥ/ tribhadyukarṇārdhaguṇāḥ svāhorātrārdhabhājitāḥ//
Sanskrit only: no published translation is held for this verse.
क्रमाद् एकद्वित्रिभज्यास् तच्चापानि पृथक् पृथक्। स्वाधो +अधः परिशोध्याथ मेषाल् लङ्कोदयासवः॥
kramād ekadvitribhajyās taccāpāni pṛthak pṛthak/ svādho +adhaḥ pariśodhyātha meṣāl laṅkodayāsavaḥ//
Sanskrit only: no published translation is held for this verse.
खागाष्टयो +अर्थगो +अगैकाः शरत्र्यङ्कहिमांशवः। स्वदेशचरखण्डोना भवन्तीष्टोदयासवः॥
khāgāṣṭayo +arthago +agaikāḥ śaratryaṅkahimāṃśavaḥ/ svadeśacarakhaṇḍonā bhavantīṣṭodayāsavaḥ//
Sanskrit only: no published translation is held for this verse.
व्यस्ता व्यस्तैर् युताः स्वैः स्वैः कर्कटाद्यास् ततस् त्रयः। उत्क्रमेण षडेवैते भवन्तीष्टास् तुलादयः॥
vyastā vyastair yutāḥ svaiḥ svaiḥ karkaṭādyās tatas trayaḥ/ utkrameṇa ṣaḍevaite bhavantīṣṭās tulādayaḥ//
Sanskrit only: no published translation is held for this verse.
गतभोग्यासवः कार्या भास्कराद् इष्टकालिकात्। स्वोदयासुहता भुक्तभोग्या भक्ताः खवह्निभिः॥
gatabhogyāsavaḥ kāryā bhāskarād iṣṭakālikāt/ svodayāsuhatā bhuktabhogyā bhaktāḥ khavahnibhiḥ//
Sanskrit only: no published translation is held for this verse.
अभीष्टघटिकासुभ्यो भोग्यासून् प्रविशोधयेत्। तद्वत् तदेष्यलग्नासून् एवं यातात् तथोत्क्रमात्॥
abhīṣṭaghaṭikāsubhyo bhogyāsūn praviśodhayet/ tadvat tadeṣyalagnāsūn evaṃ yātāt tathotkramāt//
Sanskrit only: no published translation is held for this verse.
शेषं चेत् त्रिंशताभ्यस्तम् अशुद्धेन विभाजितम्। भागैर् युक्तं च हीनं च तल्लग्नं क्षितिजे तदा॥
śeṣaṃ cet triṃśatābhyastam aśuddhena vibhājitam/ bhāgair yuktaṃ ca hīnaṃ ca tallagnaṃ kṣitije tadā//
Sanskrit only: no published translation is held for this verse.
प्राक्पश्चान् नतनाडीभिस् तस्माल् लङ्कोदयासुभिः। भानौ क्षयधने कृत्वा मध्यलग्नं तदा भवेत्॥
prākpaścān natanāḍībhis tasmāl laṅkodayāsubhiḥ/ bhānau kṣayadhane kṛtvā madhyalagnaṃ tadā bhavet//
Sanskrit only: no published translation is held for this verse.
भोग्यासून् ऊनकस्याथ भुक्तासून् अधिकस्य च। सम्पीण्ड्यान्तरलग्नासून् एवं स्यात् कालसाधनम्॥
bhogyāsūn ūnakasyātha bhuktāsūn adhikasya ca/ sampīṇḍyāntaralagnāsūn evaṃ syāt kālasādhanam//
Sanskrit only: no published translation is held for this verse.
सूर्याद् ऊने निशाशेषे लग्ने +अर्काद् अधिके दिवा। भचक्रार्धयुताद् भानोर् अधिक्के +अस्तमयात् परम्॥
sūryād ūne niśāśeṣe lagne +arkād adhike divā/ bhacakrārdhayutād bhānor adhikke +astamayāt param//
Sanskrit only: no published translation is held for this verse.