मध्यलग्नसमे भानौ हरिजस्य न सम्भवः। अक्षोदङ्मध्यभक्रान्तिसाम्ये नावनतेर् अपि॥
madhyalagnasame bhānau harijasya na sambhavaḥ/ akṣodaṅmadhyabhakrāntisāmye nāvanater api//
Sanskrit only: no published translation is held for this verse.
Sūryasiddhānta 5
देशकालविशेषेण यथावनतिसम्भवः। लम्बनस्यापि पूर्वान्यदिग्वशाच् च तथोच्यते॥
deśakālaviśeṣeṇa yathāvanatisambhavaḥ/ lambanasyāpi pūrvānyadigvaśāc ca tathocyate//
Sanskrit only: no published translation is held for this verse.
लग्नं पर्वान्तनाडीनां कुर्यात् स्वैर् उदयासुभिः। तज्ज्यान्त्यापक्रमज्याघ्नी लम्बज्याप्तोदयाभिधा॥
lagnaṃ parvāntanāḍīnāṃ kuryāt svair udayāsubhiḥ/ tajjyāntyāpakramajyāghnī lambajyāptodayābhidhā//
Sanskrit only: no published translation is held for this verse.
तदा लङ्कोदयैर् लग्नं मध्यसंज्ञं यथोदितम्। तत्क्रान्त्यक्षांशसंयोगो दिक्षाम्ये +अन्तरम् अन्यथा॥
tadā laṅkodayair lagnaṃ madhyasaṃjñaṃ yathoditam/ tatkrāntyakṣāṃśasaṃyogo dikṣāmye +antaram anyathā//
Sanskrit only: no published translation is held for this verse.
शेषं नतांशास् तन्मौर्वी मध्यज्या साभिधीयते। मध्योदयज्ययाभ्यस्ता त्रिज्याप्ता वर्गितं फलम्॥
śeṣaṃ natāṃśās tanmaurvī madhyajyā sābhidhīyate/ madhyodayajyayābhyastā trijyāptā vargitaṃ phalam//
Sanskrit only: no published translation is held for this verse.
मध्यज्यावर्गविश्लिष्टं दृक्क्षेपः शेषतः पदम्। तत्त्रिज्यावर्गविश्लेषान् मूलं शङ्कुः स दृग्गतिः॥
madhyajyāvargaviśliṣṭaṃ dṛkkṣepaḥ śeṣataḥ padam/ tattrijyāvargaviśleṣān mūlaṃ śaṅkuḥ sa dṛggatiḥ//
Sanskrit only: no published translation is held for this verse.
नतांशबाहुकोटिज्ये +अस्फुटे दृक्क्षेपदृग्गती। एकज्यार्धगतश् छेदो लब्धं दृग्गतिजीवया॥
natāṃśabāhukoṭijye +asphuṭe dṛkkṣepadṛggatī/ ekajyārdhagataś chedo labdhaṃ dṛggatijīvayā//
Sanskrit only: no published translation is held for this verse.
मध्यलग्नार्कविश्लेषज्या छेदेन विभाजिता। रवीन्द्वोर् लम्बनं ज्ञेयं प्राक्पश्चाद् घटिकादिकम्॥
madhyalagnārkaviśleṣajyā chedena vibhājitā/ ravīndvor lambanaṃ jñeyaṃ prākpaścād ghaṭikādikam//
Sanskrit only: no published translation is held for this verse.
मध्यलग्नाधिके भानौ तिथ्यन्तात् प्रविशोधयेत्। धनम् ऊने +असकृत् कर्म यावत् सर्वं स्थिरीभवेत्॥
madhyalagnādhike bhānau tithyantāt praviśodhayet/ dhanam ūne +asakṛt karma yāvat sarvaṃ sthirībhavet//
Sanskrit only: no published translation is held for this verse.
दृक्क्षेपः शीततिग्मांश्वोर् मध्यभुक्त्यन्तराहतः। तिथिघ्नत्रिज्यया भक्तो लब्धं सावनतिर् भवेत्॥
dṛkkṣepaḥ śītatigmāṃśvor madhyabhuktyantarāhataḥ/ tithighnatrijyayā bhakto labdhaṃ sāvanatir bhavet//
Sanskrit only: no published translation is held for this verse.
दृक्क्षेपात् सप्ततिहृताद् भवेद् वावनतिः फलम्। अथवा त्रिज्यया भक्तात् सप्तसप्तकसङ्गुणात्॥
dṛkkṣepāt saptatihṛtād bhaved vāvanatiḥ phalam/ athavā trijyayā bhaktāt saptasaptakasaṅguṇāt//
Sanskrit only: no published translation is held for this verse.
मध्यज्यादिग्वशात् सा च विज्ञेया दक्षिणोत्तरा। सेन्दुविक्षेपदिक्षाम्ये युक्ता विश्लेषितान्यथा॥
madhyajyādigvaśāt sā ca vijñeyā dakṣiṇottarā/ senduvikṣepadikṣāmye yuktā viśleṣitānyathā//
Sanskrit only: no published translation is held for this verse.
तया स्थितिविमर्दार्धग्रासाद्यं तु यथोदितम्। प्रमाणं वलनाभीष्टग्रासादि हिमरश्मिवत्॥
tayā sthitivimardārdhagrāsādyaṃ tu yathoditam/ pramāṇaṃ valanābhīṣṭagrāsādi himaraśmivat//
Sanskrit only: no published translation is held for this verse.
स्थित्यर्धोनाधिकात् प्राग्वत् तिथ्या(?)न्तलाल् लम्बनं पुनः। ग्रासमोक्षोद्भवं साध्यं तन्मध्यहरिजान्तरम्॥
sthityardhonādhikāt prāgvat tithyā(?)ntalāl lambanaṃ punaḥ/ grāsamokṣodbhavaṃ sādhyaṃ tanmadhyaharijāntaram//
Sanskrit only: no published translation is held for this verse.
प्राक्कपाले +अधिकं मध्याद् भवेत् प्राग्रहणं यदि। मौक्षिकं लम्बनं हीनं पश्चार्धे तु विपर्ययः॥
prākkapāle +adhikaṃ madhyād bhavet prāgrahaṇaṃ yadi/ maukṣikaṃ lambanaṃ hīnaṃ paścārdhe tu viparyayaḥ//
Sanskrit only: no published translation is held for this verse.
तदा मोक्षस्थितिदले देयं प्रग्रहणे तथा। हरिजान्तरकं शोध्यं यत्रैतत् स्याद् विपर्ययः॥
tadā mokṣasthitidale deyaṃ pragrahaṇe tathā/ harijāntarakaṃ śodhyaṃ yatraitat syād viparyayaḥ//
Sanskrit only: no published translation is held for this verse.
एतद् उक्तं कपालैक्ये तद्भेदे लम्बनैकता। स्वे स्वे स्थितिदले योज्या विमर्दार्धे +अपि चोक्तवत्॥
etad uktaṃ kapālaikye tadbhede lambanaikatā/ sve sve sthitidale yojyā vimardārdhe +api coktavat//
Sanskrit only: no published translation is held for this verse.