न छेद्यकम् ऋते यस्माद् भेदा ग्रहणयोः स्फुटाः। ज्ञायन्ते तत् प्रवक्ष्यामि छेद्यकज्ञानम् उत्तमम्॥
na chedyakam ṛte yasmād bhedā grahaṇayoḥ sphuṭāḥ/ jñāyante tat pravakṣyāmi chedyakajñānam uttamam//
Sanskrit only: no published translation is held for this verse.
सुसाधितायाम् अवनौ बिन्दुं कृत्वा ततो लिखेत्। सप्तवर्गाङ्गुलेनादौ मण्डलं वलनाश्रितम्॥
susādhitāyām avanau binduṃ kṛtvā tato likhet/ saptavargāṅgulenādau maṇḍalaṃ valanāśritam//
Sanskrit only: no published translation is held for this verse.
ग्राह्यग्राहकयोगार्धसम्मितेन द्वितीयकम्। मण्डलं तत् समासाख्यं ग्राह्यार्धेन तृतीयकम्॥
grāhyagrāhakayogārdhasammitena dvitīyakam/ maṇḍalaṃ tat samāsākhyaṃ grāhyārdhena tṛtīyakam//
Sanskrit only: no published translation is held for this verse.
याम्योत्तराप्राच्यपरासाधनं पूर्ववद् दिशाम्। प्राग् इन्दोर् ग्रहणं पश्चान् मोक्षो +अर्कस्य विपर्ययात्॥
yāmyottarāprācyaparāsādhanaṃ pūrvavad diśām/ prāg indor grahaṇaṃ paścān mokṣo +arkasya viparyayāt//
Sanskrit only: no published translation is held for this verse.
यथादिशं प्राग्रहणं वलनं हिमदीधितेः। मौक्षिकं तु विपर्यस्तं विपरीतम् इदं रवेः॥
yathādiśaṃ prāgrahaṇaṃ valanaṃ himadīdhiteḥ/ maukṣikaṃ tu viparyastaṃ viparītam idaṃ raveḥ//
Sanskrit only: no published translation is held for this verse.
वलनाग्रान् नयेन् मध्यं सूत्रं यद्य् अत्र संस्पृशेत्। तत्समासे ततो देयौ विक्षेपौ ग्रासमौक्षिकौ॥
valanāgrān nayen madhyaṃ sūtraṃ yady atra saṃspṛśet/ tatsamāse tato deyau vikṣepau grāsamaukṣikau//
Sanskrit only: no published translation is held for this verse.
विक्षेपाग्रात् पुनः सूत्रं मध्यबिन्दुं प्रवेशयेत्। तद्ग्राह्यबिन्दुसंस्पर्शाद् ग्रासमोक्षौ विनिर्दिशेत्॥
vikṣepāgrāt punaḥ sūtraṃ madhyabinduṃ praveśayet/ tadgrāhyabindusaṃsparśād grāsamokṣau vinirdiśet//
Sanskrit only: no published translation is held for this verse.
नित्यशो +अर्कस्य विक्षेपाः परिलेखे यथादिशम्। विपरीताः शशाङ्कस्य तद्वशाद् अथ मध्यमम्॥
nityaśo +arkasya vikṣepāḥ parilekhe yathādiśam/ viparītāḥ śaśāṅkasya tadvaśād atha madhyamam//
Sanskrit only: no published translation is held for this verse.
वलनं प्राङ्मुखं देयं तद्विक्षेपैकता यदि। भेदे पश्चान् मुखं देयम् इन्दोर् भानोर् विपर्ययात्॥
valanaṃ prāṅmukhaṃ deyaṃ tadvikṣepaikatā yadi/ bhede paścān mukhaṃ deyam indor bhānor viparyayāt//
Sanskrit only: no published translation is held for this verse.
वलनाग्रात् पुनः सूत्रं मध्यबिन्दुं प्रवेशयेत्। मध्यसूत्रेण विक्षेपं वलनाभिमुखं नयेत्॥
valanāgrāt punaḥ sūtraṃ madhyabinduṃ praveśayet/ madhyasūtreṇa vikṣepaṃ valanābhimukhaṃ nayet//
Sanskrit only: no published translation is held for this verse.
विक्षेपाग्राल् लिखेद् वृत्तं ग्राहकार्धेन तेन यत्। ग्राह्यवृत्तं समाक्रान्तं तद्ग्रस्तं तमसा भवेत्॥
vikṣepāgrāl likhed vṛttaṃ grāhakārdhena tena yat/ grāhyavṛttaṃ samākrāntaṃ tadgrastaṃ tamasā bhavet//
Sanskrit only: no published translation is held for this verse.
छेद्यकं लिखता भूमौ फलके वा विपश्चिता। विपर्ययो दिशां कार्यः पूर्वापरकपालयोः॥
chedyakaṃ likhatā bhūmau phalake vā vipaścitā/ viparyayo diśāṃ kāryaḥ pūrvāparakapālayoḥ//
Sanskrit only: no published translation is held for this verse.
स्वच्छत्वाद् द्वादशांशो +अपि ग्रस्तश् चन्द्रस्य दृश्यते। लिप्तात्रयम् अपि ग्रस्तं तीक्ष्णत्वान् न विवस्वतः॥
svacchatvād dvādaśāṃśo +api grastaś candrasya dṛśyate/ liptātrayam api grastaṃ tīkṣṇatvān na vivasvataḥ//
Sanskrit only: no published translation is held for this verse.
स्वसंज्ञितास् त्रयः कार्या विक्षेपाग्रेषु बिन्दवः। तत्र प्राङ्मध्ययोर् मध्ये तथा मौक्षिकमध्ययोः॥
svasaṃjñitās trayaḥ kāryā vikṣepāgreṣu bindavaḥ/ tatra prāṅmadhyayor madhye tathā maukṣikamadhyayoḥ//
Sanskrit only: no published translation is held for this verse.
लिखेन् मत्स्यौ तयोर् मध्यान् मुखपुच्छविनिह्सृतम्। प्रसार्य सूत्रद्वितयं तयोर् यत्र युतिर् भवेत्॥
likhen matsyau tayor madhyān mukhapucchaviniHsṛtam/ prasārya sūtradvitayaṃ tayor yatra yutir bhavet//
Sanskrit only: no published translation is held for this verse.
तत्र सूत्रेण विलिखेच् चापं बिन्दुत्रयस्पृशा। स पन्था ग्राहकस्योक्ता येनासौ सम्प्रयास्यति॥
tatra sūtreṇa vilikhec cāpaṃ bindutrayaspṛśā/ sa panthā grāhakasyoktā yenāsau samprayāsyati//
Sanskrit only: no published translation is held for this verse.
ग्राह्यग्राहकयोगार्धात् प्रोज्झ्येष्टग्रासम् आगतम्। अवशिष्टाङ्गुलसमां शलाकां मध्यबिन्दुतः॥
grāhyagrāhakayogārdhāt projjhyeṣṭagrāsam āgatam/ avaśiṣṭāṅgulasamāṃ śalākāṃ madhyabindutaḥ//
Sanskrit only: no published translation is held for this verse.
तयोर् मार्गोन्मुखीं दद्याद् ग्रासतः प्राग्ग्रहाश्रिताम्। विमुञ्चतो मोक्षदिशि ग्राहकाध्वानम् एव सा॥
tayor mārgonmukhīṃ dadyād grāsataḥ prāggrahāśritām/ vimuñcato mokṣadiśi grāhakādhvānam eva sā//
Sanskrit only: no published translation is held for this verse.
स्पृशेद् यत्र ततो वृत्तं ग्राहकार्धेन संलिखेत्। तेन ग्राह्यं यदाक्रान्तं तत् तमोग्रस्तम् आदिशेत्॥
spṛśed yatra tato vṛttaṃ grāhakārdhena saṃlikhet/ tena grāhyaṃ yadākrāntaṃ tat tamograstam ādiśet//
Sanskrit only: no published translation is held for this verse.
मानान्तरार्धेन मितां शलाकां ग्रासदिङ्मुखीम्। निमीलनाख्यां दद्यात् सा तन्मार्गे यत्र संस्पृशेत्॥
mānāntarārdhena mitāṃ śalākāṃ grāsadiṅmukhīm/ nimīlanākhyāṃ dadyāt sā tanmārge yatra saṃspṛśet//
Sanskrit only: no published translation is held for this verse.
ततो ग्राहकखण्डेन प्राग्वन् मण्डलम् आलिखेत्। तद्ग्राह्यमण्डलयुतिर् यत्र तत्र निमीलनम्॥
tato grāhakakhaṇḍena prāgvan maṇḍalam ālikhet/ tadgrāhyamaṇḍalayutir yatra tatra nimīlanam//
Sanskrit only: no published translation is held for this verse.
एवम् उन्मीलने मोक्षदिङ्मुखीं सम्प्रसारयेत्। विलिखेन् मण्डलं प्राग्वद् उन्मीलनम् अथोक्तवत्॥
evam unmīlane mokṣadiṅmukhīṃ samprasārayet/ vilikhen maṇḍalaṃ prāgvad unmīlanam athoktavat//
Sanskrit only: no published translation is held for this verse.
अर्धाद् ऊने सधूंरं स्यात् कृष्णम् अर्धाधिकं भवेत्। विमुञ्चतः कृष्णतांरं कपिलं सकलग्रहे॥
ardhād ūne sadhūṃraṃ syāt kṛṣṇam ardhādhikaṃ bhavet/ vimuñcataḥ kṛṣṇatāṃraṃ kapilaṃ sakalagrahe//
Sanskrit only: no published translation is held for this verse.
रहस्यम् एतद् देवानां न देयं यस्य कस्यचित्। सुपरीक्षितशिष्याय देयं वत्सरवासिने॥
rahasyam etad devānāṃ na deyaṃ yasya kasyacit/ suparīkṣitaśiṣyāya deyaṃ vatsaravāsine//
Sanskrit only: no published translation is held for this verse.