ताराग्रहाणाम् अन्योन्यं स्यातां युद्धसमागमौ। समागमः शशाङ्केन सूर्येणास्तमनं सह॥
tārāgrahāṇām anyonyaṃ syātāṃ yuddhasamāgamau/ samāgamaḥ śaśāṅkena sūryeṇāstamanaṃ saha//
Sanskrit only: no published translation is held for this verse.
Sūryasiddhānta 7
शीघ्रे मन्दाधिके +अतीतः संयोगो भवितान्यथा। द्वयोः प्राग्यायिनोर् एवं वक्रिणोस् तु विपर्ययात्॥
śīghre mandādhike +atītaḥ saṃyogo bhavitānyathā/ dvayoḥ prāgyāyinor evaṃ vakriṇos tu viparyayāt//
Sanskrit only: no published translation is held for this verse.
प्राग्यायिन्य् अधिके +अतीतो वक्रिण्य् एष्यः समागमः। ग्रहान्तरकलाः स्वस्वभुक्तिलिप्ताः समाहताः॥
prāgyāyiny adhike +atīto vakriṇy eṣyaḥ samāgamaḥ/ grahāntarakalāḥ svasvabhuktiliptāḥ samāhatāḥ//
Sanskrit only: no published translation is held for this verse.
भुक्त्यन्तरेण विभजेद् अनुलोमविलोमयोः। द्वयोर् वक्रिण्य् अथैकस्मिन् भुक्तियोगेन भाजयेत्॥
bhuktyantareṇa vibhajed anulomavilomayoḥ/ dvayor vakriṇy athaikasmin bhuktiyogena bhājayet//
Sanskrit only: no published translation is held for this verse.
लब्धं लिप्तादिकं शोध्यं गते देयं भविष्यति। विपर्ययाद् वक्रगत्योर् एकस्मिंस् तु धनव्ययौ॥
labdhaṃ liptādikaṃ śodhyaṃ gate deyaṃ bhaviṣyati/ viparyayād vakragatyor ekasmiṃs tu dhanavyayau//
Sanskrit only: no published translation is held for this verse.
समालिप्तौ भवेतां तौ ग्रहौ भगणसंस्थितौ। विवरं तद्वद् उद्धृत्य दिनादिफलम् इष्यते॥
samāliptau bhavetāṃ tau grahau bhagaṇasaṃsthitau/ vivaraṃ tadvad uddhṛtya dinādiphalam iṣyate//
Sanskrit only: no published translation is held for this verse.
कृत्वा दिनक्षपामानं तथा विक्षेपलिप्तिकाः। नतोन्नतं साधयित्वा स्वकाल् लग्नवशात् तयोः॥
kṛtvā dinakṣapāmānaṃ tathā vikṣepaliptikāḥ/ natonnataṃ sādhayitvā svakāl lagnavaśāt tayoḥ//
Sanskrit only: no published translation is held for this verse.
विषुवच्छाययाम्यस् तद्विक्षेपाद् द्वादशोद्धृतात्। फलं स्वनतनाडीघ्नं स्वदिनार्धविभाजितम्॥
viṣuvacchāyayāmyas tadvikṣepād dvādaśoddhṛtāt/ phalaṃ svanatanāḍīghnaṃ svadinārdhavibhājitam//
Sanskrit only: no published translation is held for this verse.
लब्धं प्राच्याम् ऋणं सौम्याद् विक्षेपात् पश्चिमे धनम्। दक्षिणे प्राक्कपाले स्वं पश्चिमे तु तथा क्षमः॥
labdhaṃ prācyām ṛṇaṃ saumyād vikṣepāt paścime dhanam/ dakṣiṇe prākkapāle svaṃ paścime tu tathā kṣamaḥ//
Sanskrit only: no published translation is held for this verse.
सत्रिभग्रहजक्रान्तिभागघ्नाः क्षेपलिप्तिकाः। विकलाः स्वम् ऋणं क्रान्तिक्षेपयोर् भिन्नतुल्ययोः॥
satribhagrahajakrāntibhāgaghnāḥ kṣepaliptikāḥ/ vikalāḥ svam ṛṇaṃ krāntikṣepayor bhinnatulyayoḥ//
Sanskrit only: no published translation is held for this verse.
नक्षत्रग्रहयोगेषु ग्रहास्तोदयसाधने। शृङ्गोन्नतौ तु चन्द्रस्य दृक्कर्मादाव् इदं स्मृतम्॥
nakṣatragrahayogeṣu grahāstodayasādhane/ śṛṅgonnatau tu candrasya dṛkkarmādāv idaṃ smṛtam//
Sanskrit only: no published translation is held for this verse.
तात्कालिकौ पुनः कार्यौ विक्षेपौ च तयोस् ततः। दिक्तुल्ये त्व् अन्तरं भेदे योगः शिष्टं ग्रहान्तरम्॥
tātkālikau punaḥ kāryau vikṣepau ca tayos tataḥ/ diktulye tv antaraṃ bhede yogaḥ śiṣṭaṃ grahāntaram//
Sanskrit only: no published translation is held for this verse.
कुजार्किज्ञामरेज्यानां त्रिंशदर्धार्धवर्धिताः। विष्कम्भाश् चन्द्रकक्षायां भृगोः षष्टिर् उदाहृता॥
kujārkijñāmarejyānāṃ triṃśadardhārdhavardhitāḥ/ viṣkambhāś candrakakṣāyāṃ bhṛgoḥ ṣaṣṭir udāhṛtā//
Sanskrit only: no published translation is held for this verse.
त्रिचतुः कर्णयुत्याप्तास् ते द्विघ्नास् त्रिज्यया हताः। स्फुटाः स्वकर्णास् तिथ्याप्ता भवेयुर् मानलिप्तिकाः॥
tricatuḥ karṇayutyāptās te dvighnās trijyayā hatāḥ/ sphuṭāḥ svakarṇās tithyāptā bhaveyur mānaliptikāḥ//
Sanskrit only: no published translation is held for this verse.
छायाभूमौ विपर्यस्ते स्वच्छायाग्रे तु दर्शयेत्। ग्रहः स्वदर्पणान्तह्स्थः शङ्क्वग्रे सम्प्रदिश्यते॥
chāyābhūmau viparyaste svacchāyāgre tu darśayet/ grahaḥ svadarpaṇāntaHsthaḥ śaṅkvagre sampradiśyate//
Sanskrit only: no published translation is held for this verse.
पञ्चहस्तोच्छ्रितौ शङ्कू यथादिग् भ्रमसंस्थितौ। ग्रहान्त्रेण विक्षिप्ताव् अधो हस्तनिखातगौ॥
pañcahastocchritau śaṅkū yathādig bhramasaṃsthitau/ grahāntreṇa vikṣiptāv adho hastanikhātagau//
Sanskrit only: no published translation is held for this verse.
छायाकर्णौ ततो दद्याच् छायाग्राच् छङ्कुमूर्धगौ। छायाकर्णाग्रसंयोगे संस्थितस्य प्रदर्शयेत्॥
chāyākarṇau tato dadyāc chāyāgrāc chaṅkumūrdhagau/ chāyākarṇāgrasaṃyoge saṃsthitasya pradarśayet//
Sanskrit only: no published translation is held for this verse.
स्वशङ्कुमूर्धगौ व्योम्नि ग्रहौ दृक्तुल्यताम् इतौ। उल्लेखं तारकास्पर्शाद् भेदे भेदः प्रकीर्त्यते॥
svaśaṅkumūrdhagau vyomni grahau dṛktulyatām itau/ ullekhaṃ tārakāsparśād bhede bhedaḥ prakīrtyate//
Sanskrit only: no published translation is held for this verse.
युद्धम् अंशुविमर्दाख्यम् अंशुयोगे परस्परम्। अंशाद् ऊने +अपसव्याख्यं युद्धम् एको +अत्र चेद् अणुह्॥
yuddham aṃśuvimardākhyam aṃśuyoge parasparam/ aṃśād ūne +apasavyākhyaṃ yuddham eko +atra ced aṇuh//
Sanskrit only: no published translation is held for this verse.
समागमो +अंशाद् अधिके भवतश् चेद् वलान्वितौ। अपसव्ये जितो युद्धे पिहितो +अणुर् अदीप्तितान्॥
samāgamo +aṃśād adhike bhavataś ced valānvitau/ apasavye jito yuddhe pihito +aṇur adīptitān//
Sanskrit only: no published translation is held for this verse.
रूक्षो विवर्णो विध्वस्तो विजितो दक्षिणाश्रितः। उदक्ष्थो दीप्तिमान् स्थूलो जयी याम्ये +अपि यो बली॥
rūkṣo vivarṇo vidhvasto vijito dakṣiṇāśritaḥ/ udakṣtho dīptimān sthūlo jayī yāmye +api yo balī//
Sanskrit only: no published translation is held for this verse.
आसन्नाव् अप्य् उभौ दीप्तौ भवतश् चेत् समागमः। स्वल्पौ द्वाव् अपि विध्वस्तौ भवेतां कूटविग्रहौ॥
āsannāv apy ubhau dīptau bhavataś cet samāgamaḥ/ svalpau dvāv api vidhvastau bhavetāṃ kūṭavigrahau//
Sanskrit only: no published translation is held for this verse.
उदक्ष्थो दक्षिणस्थो वा भार्गवः प्रायशो जयी। शशाङ्केनैवम् एतेषां कुर्यात् संयोगसाधनम्॥
udakṣtho dakṣiṇastho vā bhārgavaḥ prāyaśo jayī/ śaśāṅkenaivam eteṣāṃ kuryāt saṃyogasādhanam//
Sanskrit only: no published translation is held for this verse.
भावाभावाय लोकानां कल्पनेयं प्रदर्शिता। स्वमार्गगाः प्रयान्त्य् एते दूरम् अन्योन्यम् आश्रिताः॥
bhāvābhāvāya lokānāṃ kalpaneyaṃ pradarśitā/ svamārgagāḥ prayānty ete dūram anyonyam āśritāḥ//
Sanskrit only: no published translation is held for this verse.