प्रोच्यन्ते लिप्तिका भानां स्वभोगो +अथ दशाहतः। भवन्त्य् अतीतधिष्ण्यानां भोगलिप्तायुता ध्रुवाः॥
procyante liptikā bhānāṃ svabhogo +atha daśāhataḥ/ bhavanty atītadhiṣṇyānāṃ bhogaliptāyutā dhruvāḥ//
Sanskrit only: no published translation is held for this verse.
अष्टार्णवाः शून्यकृताः पञ्चषष्टिर् नगेषवः। अष्टार्था अब्धयो +अष्टागा अङ्गागा मनवस् तथा॥
aṣṭārṇavāḥ śūnyakṛtāḥ pañcaṣaṣṭir nageṣavaḥ/ aṣṭārthā abdhayo +aṣṭāgā aṅgāgā manavas tathā//
Sanskrit only: no published translation is held for this verse.
कृतेषवो युगरसाः शून्यवाणा वियद्रसाः। खवेदाः सागरनगा गजागाः सागरर्तवः॥
kṛteṣavo yugarasāḥ śūnyavāṇā viyadrasāḥ/ khavedāḥ sāgaranagā gajāgāḥ sāgarartavaḥ//
Sanskrit only: no published translation is held for this verse.
मनवो +अथ रसा वेदा वैश्वम् आप्यार्धभोगगम्। आप्यस्यैवाभिजित् प्रान्ते वैश्वान्ते श्रवणस्थितिः।
manavo +atha rasā vedā vaiśvam āpyārdhabhogagam/ āpyasyaivābhijit prānte vaiśvānte śravaṇasthitiḥ/
Sanskrit only: no published translation is held for this verse.
त्रिचतुः पादयोः सन्धौ श्रविष्ठा श्रवणस्य तु। स्वभोगतो वियन् नागाः षट्कृतिर् यमलाश्विनः॥
tricatuḥ pādayoḥ sandhau śraviṣṭhā śravaṇasya tu/ svabhogato viyan nāgāḥ ṣaṭkṛtir yamalāśvinaḥ//
Sanskrit only: no published translation is held for this verse.
रन्ध्राद्रयः क्रमाद् एषां विक्षेपाः स्वाद् अपक्रमात्। दिङ्मासविषयाः सौम्ये याम्ये पञ्च दिशो नव॥
randhrādrayaḥ kramād eṣāṃ vikṣepāḥ svād apakramāt/ diṅmāsaviṣayāḥ saumye yāmye pañca diśo nava//
Sanskrit only: no published translation is held for this verse.
सौम्ये रसाः खं याम्ये +अगाः सौम्ये खार्कास् त्रयोदश। दक्षिणे रुद्रयमलाः सप्तत्रिंशद् अथोत्तरे॥
saumye rasāḥ khaṃ yāmye +agāḥ saumye khārkās trayodaśa/ dakṣiṇe rudrayamalāḥ saptatriṃśad athottare//
Sanskrit only: no published translation is held for this verse.
याम्य +अध्यर्धत्रिककृता नव सार्धशरेषवः। उत्तरस्यां तथा षष्टिस् त्रिंशत् षट्त्रिंशद् एव हि॥
yāmya +adhyardhatrikakṛtā nava sārdhaśareṣavaḥ/ uttarasyāṃ tathā ṣaṣṭis triṃśat ṣaṭtriṃśad eva hi//
Sanskrit only: no published translation is held for this verse.
दक्षिणे त्व् अर्धभागस् तु चतुर्विंशतिर् उत्तरे। भागाः षड्विंशतिः खं च दास्रादीनां यथाक्रमम्॥
dakṣiṇe tv ardhabhāgas tu caturviṃśatir uttare/ bhāgāḥ ṣaḍviṃśatiḥ khaṃ ca dāsrādīnāṃ yathākramam//
Sanskrit only: no published translation is held for this verse.
अशीतिभागैर् याम्यायाम् अगस्त्यो मिथुनान्तगः। विंशे च मिथुनस्यांशे मृगव्याधो व्यवस्थितः॥
aśītibhāgair yāmyāyām agastyo mithunāntagaḥ/ viṃśe ca mithunasyāṃśe mṛgavyādho vyavasthitaḥ//
Sanskrit only: no published translation is held for this verse.
विक्षेपो दक्षिणे भागैः खार्णवैः स्वाद् अपक्रमात्। हुतभुग्ब्रह्महृदयौ वृषे द्वाविंशभागगौ॥
vikṣepo dakṣiṇe bhāgaiḥ khārṇavaiḥ svād apakramāt/ hutabhugbrahmahṛdayau vṛṣe dvāviṃśabhāgagau//
Sanskrit only: no published translation is held for this verse.
अष्टाभिस् त्रिंशता चैव विक्षिप्ताव् उत्तरेण तौ। गोलं लब्ध्वा परीक्षेत विक्षेपं ध्रुवकं स्फुटम्॥
aṣṭābhis triṃśatā caiva vikṣiptāv uttareṇa tau/ golaṃ labdhvā parīkṣeta vikṣepaṃ dhruvakaṃ sphuṭam//
Sanskrit only: no published translation is held for this verse.
वृषे सप्तदशे भागे यस्य याम्यो +अंशकद्वयात्। विक्षेपो +अभ्यधिको भिन्द्याद् रोहिण्याः शकतं तु सः॥
vṛṣe saptadaśe bhāge yasya yāmyo +aṃśakadvayāt/ vikṣepo +abhyadhiko bhindyād rohiṇyāḥ śakataṃ tu saḥ//
Sanskrit only: no published translation is held for this verse.
ग्रहवद् द्युनिशे भानां कुर्याद् दृक्कर्म पूर्ववत्। ग्रहमेलकवच् छेषं ग्रहभुक्त्या दिनानि च॥
grahavad dyuniśe bhānāṃ kuryād dṛkkarma pūrvavat/ grahamelakavac cheṣaṃ grahabhuktyā dināni ca//
Sanskrit only: no published translation is held for this verse.
एष्यो हीने गृहे योगो ध्रुवकाद् अधिके ततः। विपर्ययाद् वक्रगते ग्रहे ज्ञेयः समागमः॥
eṣyo hīne gṛhe yogo dhruvakād adhike tataḥ/ viparyayād vakragate grahe jñeyaḥ samāgamaḥ//
Sanskrit only: no published translation is held for this verse.
फाल्गुन्योर् भाद्रपदयोस् तथैवाषाढयोर् द्वयोः। विशाखाश्विनिसौम्यानां योगतारोत्तरा स्मृता॥
phālgunyor bhādrapadayos tathaivāṣāḍhayor dvayoḥ/ viśākhāśvinisaumyānāṃ yogatārottarā smṛtā//
Sanskrit only: no published translation is held for this verse.
पश्चिमोत्तरताराया द्वितीया पश्चिमे स्थिता। हस्तस्य योगतारा सा श्रविष्ठायाश् च पश्चिमा॥
paścimottaratārāyā dvitīyā paścime sthitā/ hastasya yogatārā sā śraviṣṭhāyāś ca paścimā//
Sanskrit only: no published translation is held for this verse.
ज्येष्ठाश्रवणमैत्राणां बार्हस्पत्यस्य मध्यमा। भरण्याग्नेयपित्र्याणां रेवत्याश् चैव दक्षिणा॥
jyeṣṭhāśravaṇamaitrāṇāṃ bārhaspatyasya madhyamā/ bharaṇyāgneyapitryāṇāṃ revatyāś caiva dakṣiṇā//
Sanskrit only: no published translation is held for this verse.
रोहिण्यादित्यमूलानां प्राची सार्पस्य चैव हि। यथा प्रत्यवशेषाणां स्थूला स्याद् योगतारका॥
rohiṇyādityamūlānāṃ prācī sārpasya caiva hi/ yathā pratyavaśeṣāṇāṃ sthūlā syād yogatārakā//
Sanskrit only: no published translation is held for this verse.
पूर्वस्यां ब्रह्महृदयाद् अंशकैः पञ्चभिः स्थितः। प्रजापतिर् वृषान्ते +असौ सौम्ये +अष्टत्रिंशदंशकैः॥
pūrvasyāṃ brahmahṛdayād aṃśakaiḥ pañcabhiḥ sthitaḥ/ prajāpatir vṛṣānte +asau saumye +aṣṭatriṃśadaṃśakaiḥ//
Sanskrit only: no published translation is held for this verse.
अपांवत्सस् तु चित्राया उत्तरे +अंशैस् तु पञ्चभिः। बृहत् किञ्चिद् अतो भागैर् आपः षड्भिस् तथोत्तरे॥
apāṃvatsas tu citrāyā uttare +aṃśais tu pañcabhiḥ/ bṛhat kiñcid ato bhāgair āpaḥ ṣaḍbhis tathottare//
Sanskrit only: no published translation is held for this verse.