अथोदयस्तमययोः परिज्ञानं प्रकीर्त्यते। दिवाकरकराक्रान्तमूर्तिनाम् अप्लतेजसाम्॥
athodayastamayayoḥ parijñānaṃ prakīrtyate/ divākarakarākrāntamūrtinām aplatejasām//
Sanskrit only: no published translation is held for this verse.
Sūryasiddhānta 9
सूर्याद् अभ्यधिकाः पश्चाद् अस्तं जीवकुजार्जजाः। ऊनाः प्रागुदयं यान्ति शुक्रज्ञौ वक्रिणौ तथा॥
sūryād abhyadhikāḥ paścād astaṃ jīvakujārjajāḥ/ ūnāḥ prāgudayaṃ yānti śukrajñau vakriṇau tathā//
Sanskrit only: no published translation is held for this verse.
ऊना विवस्वतः प्राच्याम् अस्तं चन्द्रज्ञभार्गवाः। व्रजन्त्य् अभ्यधिकाः पस्चाद् उदयं शीघ्रयायिनः॥
ūnā vivasvataḥ prācyām astaṃ candrajñabhārgavāḥ/ vrajanty abhyadhikāḥ pascād udayaṃ śīghrayāyinaḥ//
Sanskrit only: no published translation is held for this verse.
सूर्यास्तकालिकौ पश्चात् प्राच्याम् उदयकालिकौ। दिवा चार्कग्रहौ कुर्याद् दृक्कर्माथ ग्रहस्य तु॥
sūryāstakālikau paścāt prācyām udayakālikau/ divā cārkagrahau kuryād dṛkkarmātha grahasya tu//
Sanskrit only: no published translation is held for this verse.
ततो लग्नान्तरप्राणाः कालांशाः षष्टिभाजिताः। प्रतीच्यां षड्भयुतयोस् तद्वल् लग्नान्तरासवः॥
tato lagnāntaraprāṇāḥ kālāṃśāḥ ṣaṣṭibhājitāḥ/ pratīcyāṃ ṣaḍbhayutayos tadval lagnāntarāsavaḥ//
Sanskrit only: no published translation is held for this verse.
एकादशामरेज्यस्य तिथिसङ्ख्यार्कजस्य च। अस्तांशा भूमिपुत्रस्य दश सप्ताधिकास् ततः॥
ekādaśāmarejyasya tithisaṅkhyārkajasya ca/ astāṃśā bhūmiputrasya daśa saptādhikās tataḥ//
Sanskrit only: no published translation is held for this verse.
पश्चाद् अस्तमयो +अष्टाभिर् उदयः प्राङ्महत्तया। प्राग् अस्तम् उदयः पश्चाद् अल्पत्वाद् दशभिर् भृगोः॥
paścād astamayo +aṣṭābhir udayaḥ prāṅmahattayā/ prāg astam udayaḥ paścād alpatvād daśabhir bhṛgoḥ//
Sanskrit only: no published translation is held for this verse.
एवं बुधो द्वादशभिश् चतुर्दशभिर् अंशकैः। वक्री शीघ्रगतिश् चार्कात् करोत्य् अस्त्मयोदयौ॥
evaṃ budho dvādaśabhiś caturdaśabhir aṃśakaiḥ/ vakrī śīghragatiś cārkāt karoty astmayodayau//
Sanskrit only: no published translation is held for this verse.
एभ्यो +अधिकैः कालभागैर् दृश्या न्यूनैर् अदर्शनाः। भवन्ति लोके खचरा भानुभाग्रस्तमूर्तयः॥
ebhyo +adhikaiḥ kālabhāgair dṛśyā nyūnair adarśanāḥ/ bhavanti loke khacarā bhānubhāgrastamūrtayaḥ//
Sanskrit only: no published translation is held for this verse.
तत्कालांशान्तरकला भुक्त्यन्तरविभाजिताः। दिनादि तत्फलं लब्धं भुक्तियोगेन वक्रिणः॥
tatkālāṃśāntarakalā bhuktyantaravibhājitāḥ/ dinādi tatphalaṃ labdhaṃ bhuktiyogena vakriṇaḥ//
Sanskrit only: no published translation is held for this verse.
तल्लग्नासुहते भुक्ती अष्टादशशतोद्धृते। स्यातां कालगती ताभ्यां दिनादि गतगम्ययोः॥
tallagnāsuhate bhuktī aṣṭādaśaśatoddhṛte/ syātāṃ kālagatī tābhyāṃ dinādi gatagamyayoḥ//
Sanskrit only: no published translation is held for this verse.
स्वात्यगस्त्यमृगव्याधचित्राज्येष्ठाः पुनर्वसुः। अभिजिद् ब्रह्महृदयं त्रयोदशभिर् अंशकैः॥
svātyagastyamṛgavyādhacitrājyeṣṭhāḥ punarvasuḥ/ abhijid brahmahṛdayaṃ trayodaśabhir aṃśakaiḥ//
Sanskrit only: no published translation is held for this verse.
हस्तश्रवणफाल्गुन्यः श्रविष्टा रोहिणीमघाः। चतुर्दशांशकैर् दृश्या विशाखाश्विनिदैवतम्॥
hastaśravaṇaphālgunyaḥ śraviṣṭā rohiṇīmaghāḥ/ caturdaśāṃśakair dṛśyā viśākhāśvinidaivatam//
Sanskrit only: no published translation is held for this verse.
कृत्तिकामैत्रमूलानि सार्पं रौद्रर्क्षम् एव च। दृश्यन्ते पञ्चदशभिर् आषाढाद् द्वितयं तथा॥
kṛttikāmaitramūlāni sārpaṃ raudrarkṣam eva ca/ dṛśyante pañcadaśabhir āṣāḍhād dvitayaṃ tathā//
Sanskrit only: no published translation is held for this verse.
भरणीतिष्यसौम्यानि सौक्ष्म्यात् त्रिह्सप्तकांशकैः। शेषाणि सप्तदशभिर् दृश्यादृश्यानि भानि तु॥
bharaṇītiṣyasaumyāni saukṣmyāt triHsaptakāṃśakaiḥ/ śeṣāṇi saptadaśabhir dṛśyādṛśyāni bhāni tu//
Sanskrit only: no published translation is held for this verse.
अष्टादशशताभ्यस्ता दृश्यांशाः स्वोदयासुभिः। विभज्य लब्धाः क्षेत्रांशास् तैर् दृश्यादृश्यताथवा॥
aṣṭādaśaśatābhyastā dṛśyāṃśāḥ svodayāsubhiḥ/ vibhajya labdhāḥ kṣetrāṃśās tair dṛśyādṛśyatāthavā//
Sanskrit only: no published translation is held for this verse.
प्राग् एषाम् उदयः पश्चाद् अस्तो दृक्कर्म पूर्ववत्। गतैष्यदिवसप्राप्तिर् भानुभुक्त्या सदैव हि॥
prāg eṣām udayaḥ paścād asto dṛkkarma pūrvavat/ gataiṣyadivasaprāptir bhānubhuktyā sadaiva hi//
Sanskrit only: no published translation is held for this verse.
अभिजिद् ब्रह्महृदयं स्वातीवैष्णववासवाः। अहिर्बुध्न्यम् उदक्ष्थत्वान् न लुप्यन्ते +अर्करश्मिभिः॥
abhijid brahmahṛdayaṃ svātīvaiṣṇavavāsavāḥ/ ahirbudhnyam udakṣthatvān na lupyante +arkaraśmibhiḥ//
Sanskrit only: no published translation is held for this verse.