Suvarnaprabhasasutra 14

॥ सुसंभवपरिवर्तः ॥ ससागरा त्यक्त वसुंधरा तदा यदा बभूव नृप चक्रवर्ती । चत्वारि द्वीपानि सरत्नपूर्णनिर्याति ता पूर्वजिनेषु मह्यम्

// Susaṃbhavaparivartaḥ // sasāgarā tyakta vasuṃdharā tadā yadā babhūva nṛpa cakravartī / catvāri dvīpāni saratnapūrṇaniryāti tā pūrvajineṣu mahyam

Sanskrit only: no published translation is held for this verse.

न चास्ति तद्वस्तु प्रियं मनापं पूर्वं च मह्यं न व त्यक्तमासीत् । तं धर्मकायं परिमार्गणार्थः प्रियजीवितं त्यक्तमनेककल्पान्

na cāsti tadvastu priyaṃ manāpaṃ pūrvaṃ ca mahyaṃ na va tyaktamāsīt / taṃ dharmakāyaṃ parimārgaṇārthaḥ priyajīvitaṃ tyaktamanekakalpān

Sanskrit only: no published translation is held for this verse.

यथ पूर्वकल्पेषु अचिन्तियेषु रत्नशिखिस्य सुगतस्य शासने । परिनिर्वृतस्य सुगतस्य तस्य सुसंभवो नाम बभूव राजा

yatha pūrvakalpeṣu acintiyeṣu ratnaśikhisya sugatasya śāsane / parinirvṛtasya sugatasya tasya susaṃbhavo nāma babhūva rājā

Sanskrit only: no published translation is held for this verse.

स चक्रवर्ती चतुर्द्वीप ईश्वरः समुद्रपर्यन्तमही प्रशास्यते । जिनेन्द्रघोषाय च राजधानीय सुप्तो बभूवा तद राजकुञ्जरः

sa cakravartī caturdvīpa īśvaraḥ samudraparyantamahī praśāsyate / jinendraghoṣāya ca rājadhānīya supto babhūvā tada rājakuñjaraḥ

Sanskrit only: no published translation is held for this verse.

स्वप्नान्तरे बुद्धगुणाञ्च श्रुत्वा रत्नोच्चयं पश्यति धर्मभाणकम् । स्थित सूर्यमध्ये व विरोचमानं प्रकाशयन्तं इम सूत्रराजम्

svapnāntare buddhaguṇāñca śrutvā ratnoccayaṃ paśyati dharmabhāṇakam / sthita sūryamadhye va virocamānaṃ prakāśayantaṃ ima sūtrarājam

Sanskrit only: no published translation is held for this verse.

स्वप्नाद्विबुद्धश्च बभूव राजा पीतिस्फुटं सर्वशरीरमस्य । अभिनिष्क्रर्म राजकुलानि दृष्टु उपसंक्रमी श्रावकसंघमग्रम्

svapnādvibuddhaśca babhūva rājā pītisphuṭaṃ sarvaśarīramasya / abhiniṣkrarma rājakulāni dṛṣṭu upasaṃkramī śrāvakasaṃghamagram

Sanskrit only: no published translation is held for this verse.

क्व चास्ति भिक्षूरिह चार्यसंघे रत्नोच्चयो नाम गुणान्वितश्च

kva cāsti bhikṣūriha cāryasaṃghe ratnoccayo nāma guṇānvitaśca

Sanskrit only: no published translation is held for this verse.

तेनान्तरेणा रतनोच्चयो हि अन्यत्र गूहान्तर संनिषणः । विचित्ररत्नं इम सूत्रराजं स्वध्यायमानः सुख संनिषणः

tenāntareṇā ratanoccayo hi anyatra gūhāntara saṃniṣaṇaḥ / vicitraratnaṃ ima sūtrarājaṃ svadhyāyamānaḥ sukha saṃniṣaṇaḥ

Sanskrit only: no published translation is held for this verse.

देशेन्ति राजस्य तदन्तरेण रत्नोच्चयं भिक्षु स धर्मभाणकम् । अन्यत्र गूहान्तरसंनिषणं । तं तेन रश्मीश्रियया ज्वलन्तम्

deśenti rājasya tadantareṇa ratnoccayaṃ bhikṣu sa dharmabhāṇakam / anyatra gūhāntarasaṃniṣaṇaṃ / taṃ tena raśmīśriyayā jvalantam

Sanskrit only: no published translation is held for this verse.

एषो ऽत्र रत्नोच्चय धर्मभाणको धारेति गम्भीरजिनस्य गोचरम् । स्वर्णप्रभासोत्तमसूत्ररत्नं सूत्रेन्द्रराजं सततं प्रकाशयेत्

eṣo 'tra ratnoccaya dharmabhāṇako dhāreti gambhīrajinasya gocaram / svarṇaprabhāsottamasūtraratnaṃ sūtrendrarājaṃ satataṃ prakāśayet

Sanskrit only: no published translation is held for this verse.

वन्दित्व पादौ रतनोच्चयस्य सुसंभवो राज इदं प्रवीद्धि । देशे हि मे पूर्णशशाङ्क चक्रं स्वर्णप्रभासोत्तमसूत्ररत्नम्

vanditva pādau ratanoccayasya susaṃbhavo rāja idaṃ pravīddhi / deśe hi me pūrṇaśaśāṅka cakraṃ svarṇaprabhāsottamasūtraratnam

Sanskrit only: no published translation is held for this verse.

अधिवासयी सो रतनोच्चयश्च राज्ञश्च तस्यैव सुसंभवस्य । सर्वत्रिसाहस्रिकलोकधातौ प्रहर्षितास्सर्वि बभूवु देवताः

adhivāsayī so ratanoccayaśca rājñaśca tasyaiva susaṃbhavasya / sarvatrisāhasrikalokadhātau praharṣitāssarvi babhūvu devatāḥ

Sanskrit only: no published translation is held for this verse.

वसुधाप्रदेशे परमे विशिष्टे रत्नोदके गन्धजलाम्वुसिक्ते । पुष्पावकीर्णां धरणीं स कृत्वा तत्रासनं प्राप्य तदा नरेन्द्रः

vasudhāpradeśe parame viśiṣṭe ratnodake gandhajalāmvusikte / puṣpāvakīrṇāṃ dharaṇīṃ sa kṛtvā tatrāsanaṃ prāpya tadā narendraḥ

Sanskrit only: no published translation is held for this verse.

नानाविचित्रैर्वरपुष्पचन्द्रैर् अभ्योकिरे राज्ञ तदासनं च

nānāvicitrairvarapuṣpacandrair abhyokire rājña tadāsanaṃ ca

Sanskrit only: no published translation is held for this verse.

देवाश्च नागासुरकिंनराश्च यक्षाश्च यक्षेन्द्रमहोरगाश्च । दिव्यैश्च मान्दारवपुष्पवर्षैर् अभ्यावकीर्णाश्च तदासनं च

devāśca nāgāsurakiṃnarāśca yakṣāśca yakṣendramahoragāśca / divyaiśca māndāravapuṣpavarṣair abhyāvakīrṇāśca tadāsanaṃ ca

Sanskrit only: no published translation is held for this verse.

अचिन्तियानन्त सहस्रकोटियो ये आगता देवभवाग्रकामाः । अभिनिष्क्रमित्वा रतनोच्चयं हि अभ्यो किरन्ति स्म च सालपुष्पा

acintiyānanta sahasrakoṭiyo ye āgatā devabhavāgrakāmāḥ / abhiniṣkramitvā ratanoccayaṃ hi abhyo kiranti sma ca sālapuṣpā

Sanskrit only: no published translation is held for this verse.

सो चापि रत्नोच्चय धर्मभाणकः शुभाभगात्रः शुचिवस्त्रप्रावृतः । उपसंक्रमित्वा च तदासनं हि कृताञ्जलीभूत्व नमस्यते च

so cāpi ratnoccaya dharmabhāṇakaḥ śubhābhagātraḥ śucivastraprāvṛtaḥ / upasaṃkramitvā ca tadāsanaṃ hi kṛtāñjalībhūtva namasyate ca

Sanskrit only: no published translation is held for this verse.

देवेन्द्रदेवानि च देवतानि मान्दारपुष्पं च प्रवर्षयन्ति । अचिन्तिया तूर्यशता सहस्रा प्रवादयन्ति स्थित अन्तरीक्षे

devendradevāni ca devatāni māndārapuṣpaṃ ca pravarṣayanti / acintiyā tūryaśatā sahasrā pravādayanti sthita antarīkṣe

Sanskrit only: no published translation is held for this verse.

अभीरुहित्वा च स संनिषणो रत्नोच्चयो भिक्षु स धर्मभाणकः । अनुस्मरित्वा दशसू दिशासु अचिन्तिया बुद्धसहस्रकोट्यः

abhīruhitvā ca sa saṃniṣaṇo ratnoccayo bhikṣu sa dharmabhāṇakaḥ / anusmaritvā daśasū diśāsu acintiyā buddhasahasrakoṭyaḥ

Sanskrit only: no published translation is held for this verse.

राज्ञश्च तस्यापि सुसंभवस्य प्रकाशितं सूत्रमिदं तदन्तरे

rājñaśca tasyāpi susaṃbhavasya prakāśitaṃ sūtramidaṃ tadantare

Sanskrit only: no published translation is held for this verse.

कृताञ्जलीभूत्व स्थिहित्व राजा यः कायवाचा मनुमोदितः सः । सद्धर्मवेगाश्रुप्रमुक्तनेत्रः प्रतिस्फटस्तस्य बभूव कायः

kṛtāñjalībhūtva sthihitva rājā yaḥ kāyavācā manumoditaḥ saḥ / saddharmavegāśrupramuktanetraḥ pratisphaṭastasya babhūva kāyaḥ

Sanskrit only: no published translation is held for this verse.

इमस्य सूत्रस्य च पूजनार्थं सुसंभवो राज तदन्तरेण गृह्णित्व चिन्तामणिराजरत्नं सर्वार्थहेतोः प्रणिधिं चकार

imasya sūtrasya ca pūjanārthaṃ susaṃbhavo rāja tadantareṇa gṛhṇitva cintāmaṇirājaratnaṃ sarvārthahetoḥ praṇidhiṃ cakāra

Sanskrit only: no published translation is held for this verse.

वर्षन्तु अद्या इह जम्बुद्विपे ससप्तरत्नाणि च भूषणानि ये चेह सत्त्वाः खलु जम्बुद्विपे सुखिताश्च भेष्यन्ति महाधनाश्च

varṣantu adyā iha jambudvipe sasaptaratnāṇi ca bhūṣaṇāni ye ceha sattvāḥ khalu jambudvipe sukhitāśca bheṣyanti mahādhanāśca

Sanskrit only: no published translation is held for this verse.

चतुर्षु द्वीपेषु प्रवर्षितानि सप्तानि रत्नानि तदन्तरेण । केयूरहारा वरकुण्डलानि तथान्नपाने वसनानि चैव

caturṣu dvīpeṣu pravarṣitāni saptāni ratnāni tadantareṇa / keyūrahārā varakuṇḍalāni tathānnapāne vasanāni caiva

Sanskrit only: no published translation is held for this verse.

दृष्ट्वा च तं राज सुसंभवश्च रत्नप्रवर्षं खलु जम्बुद्वीपे । चत्वारि द्वीपानि सरत्नपूर्णा निर्यातयी रत्नशिखिस्य शासने

dṛṣṭvā ca taṃ rāja susaṃbhavaśca ratnapravarṣaṃ khalu jambudvīpe / catvāri dvīpāni saratnapūrṇā niryātayī ratnaśikhisya śāsane

Sanskrit only: no published translation is held for this verse.

येनेह मे त्यक्त वसुंधरा तदा चत्वारि द्वीपानि सरत्नपूर्णा

yeneha me tyakta vasuṃdharā tadā catvāri dvīpāni saratnapūrṇā

Sanskrit only: no published translation is held for this verse.

अक्षोभ्य आसीत् स तथागतश्च रत्नोच्चयो भिक्षु स धर्मभाणकः । येनास्य राजस्य सुसंभवस्य प्रकाशितं सूत्रमिदं तदान्तरे

akṣobhya āsīt sa tathāgataśca ratnoccayo bhikṣu sa dharmabhāṇakaḥ / yenāsya rājasya susaṃbhavasya prakāśitaṃ sūtramidaṃ tadāntare

Sanskrit only: no published translation is held for this verse.

यन्मे श्रुतं सूत्रमिदं तदन्तरे एकाग्रवाचामनुमोदितं च । तेनैव मह्यं कुशलेन कर्मणा श्रोतानुमोदेन श्रुतेन तेन

yanme śrutaṃ sūtramidaṃ tadantare ekāgravācāmanumoditaṃ ca / tenaiva mahyaṃ kuśalena karmaṇā śrotānumodena śrutena tena

Sanskrit only: no published translation is held for this verse.

सुवर्णवर्णं शतपुण्यलक्षणं लभेयि कायं प्रियदर्शनं सदा । नयनाभिरामं जनकान्तदर्शनं रतिंकरं देवसहस्रकोटिनाम्

suvarṇavarṇaṃ śatapuṇyalakṣaṇaṃ labheyi kāyaṃ priyadarśanaṃ sadā / nayanābhirāmaṃ janakāntadarśanaṃ ratiṃkaraṃ devasahasrakoṭinām

Sanskrit only: no published translation is held for this verse.

नवोत्तरं नोतिसहस्रकोट्या कल्पानभूवं नृपचक्रवर्ती । अनेक कल्पान सहस्रकोट्यो त्रैलोक्यराजत्व मयानुभूतम्

navottaraṃ notisahasrakoṭyā kalpānabhūvaṃ nṛpacakravartī / aneka kalpāna sahasrakoṭyo trailokyarājatva mayānubhūtam

Sanskrit only: no published translation is held for this verse.

अचिन्तिया कल्प बभूव शक्रः तथैव ब्रह्मेन्द्र प्रशान्तमानसः । आरागिता मे बलाप्रमेया येषां प्रमाणं न कदाचि विद्यते

acintiyā kalpa babhūva śakraḥ tathaiva brahmendra praśāntamānasaḥ / ārāgitā me balāprameyā yeṣāṃ pramāṇaṃ na kadāci vidyate

Sanskrit only: no published translation is held for this verse.

तथा प्रमाणं बहु पुण्यस्कन्धं यन्मे श्रुतं सूत्रनुमोदितं च । यथाभिप्रायेण मि बोधि प्राप्ता सद्धर्मकायश्च मया हि लब्ध

tathā pramāṇaṃ bahu puṇyaskandhaṃ yanme śrutaṃ sūtranumoditaṃ ca / yathābhiprāyeṇa mi bodhi prāptā saddharmakāyaśca mayā hi labdha

Sanskrit only: no published translation is held for this verse.