तेन मनुष्यराजेन सर्वजम्बुद्वीपगतानि लौकिकलोकोत्तराणि राजकार्याणि राजशास्राणि राजकरणानि निर्यातानि । यैरिमे सत्त्वाः सुखिनो भविष्यन्ति । तानि सर्वाणि भगवता तथागतेनार्हता सम्यक्संबुद्धेनायं सुवर्णप्रभासोत्तमसूत्रेन्द्रराज उपदर्शितः परिदीपितः संप्रकाशितः । तेन भदन्त भगवन्हेतुना तेन प्रत्ययेन च तेन मनुष्यराजेनावश्यमायं सुवर्णप्रभासोत्तमः सूत्रेन्द्रराजः सत्कृत्य श्रोतव्यः सत्कृत्य मानयितव्यः सत्कृत्य पूजयितव्यः ॥ एवमुक्ते भगवांश्चतुरो महाराजानेतदवोचत् । तेन हि चत्वारो महाराजाः सबलपरिवारा अवश्यं तेषां मनुष्यराजानामस्य सुवर्णप्रभासोत्तमय सूत्रेन्द्रराजस्य श्रोतॄणां पूजयितॄणां महान्तमौत्सुक्यं करिष्यन्ति रक्षार्थम् एताश्च महाराजाः सूत्रेन्द्रधारका भिक्षुभिक्षुण्युपासकोपासिका बुद्धक्षेत्रमारात्प्रदर्शन्ते देवमानुषासुरस्य लोकस्य बुद्धकृत्यानि (बग्छि ५१) करिष्यन्ति । इमं सुवर्णप्रभासोत्तमं सूत्रेन्द्रराजं विस्तरेण संप्रकाशयिष्यन्ति । अवश्यं युष्माभिश्चतुर्भिर्महाराजैस्तेषां सूत्रेन्द्रेधारकाणां भिक्षुभिक्षुण्युपासकोपासिकानामारक्षा कर्तव्या । परिपालनं परित्राणं परिग्रहं दण्डपरिहारं शस्त्रपरिहारं शान्तिस्वस्त्ययनं कर्तव्यम् । यथा च सूत्रेन्द्रधारका भिक्षुभिक्षुण्युपासकोपासिका आरक्षिता भवेयुरनुत्पीडिता अनुसर्गोपायासां सुखचित्ताः । इमं सुवर्णप्रभासोत्तमसूत्रेन्द्रराजं विस्तरेण सत्त्वानां संप्रकाशयितुम् ॥ अथ खलु वैश्रवणो महाराजो धृतराष्ट्रो महाराजो विरूढको महाराजो विरूपाक्षो महाराजोत्थायासनेभ्य एकांसानि चीवराणि प्रावृत्योत्तरासङ्गं कृत्वा दक्षिणं जानुमण्डलं पृथिव्यां प्रतिष्ठाप्य येन भगवांस्तेनाञ्जलिं प्रणम्य तस्यां वेलायामभिमुखं सारूप्याभिर्गाथाभिर्भगवन्तमभितुष्टुवुः ॥ जिनचन्द्रविमलवपुषं जिनसूर्यसहस्रकिरणाभम् । जिनकमलविमलनेत्रं जिनकुमुदतुषारविरजदशनाग्रम्
tena manuṣyarājena sarvajambudvīpagatāni laukikalokottarāṇi rājakāryāṇi rājaśāsrāṇi rājakaraṇāni niryātāni / yairime sattvāḥ sukhino bhaviṣyanti / tāni sarvāṇi bhagavatā tathāgatenārhatā samyaksaṃbuddhenāyaṃ suvarṇaprabhāsottamasūtrendrarāja upadarśitaḥ paridīpitaḥ saṃprakāśitaḥ / tena bhadanta bhagavanhetunā tena pratyayena ca tena manuṣyarājenāvaśyamāyaṃ suvarṇaprabhāsottamaḥ sūtrendrarājaḥ satkṛtya śrotavyaḥ satkṛtya mānayitavyaḥ satkṛtya pūjayitavyaḥ // evamukte bhagavāṃścaturo mahārājānetadavocat / tena hi catvāro mahārājāḥ sabalaparivārā avaśyaṃ teṣāṃ manuṣyarājānāmasya suvarṇaprabhāsottamaya sūtrendrarājasya śrotṝṇāṃ pūjayitṝṇāṃ mahāntamautsukyaṃ kariṣyanti rakṣārtham etāśca mahārājāḥ sūtrendradhārakā bhikṣubhikṣuṇyupāsakopāsikā buddhakṣetramārātpradarśante devamānuṣāsurasya lokasya buddhakṛtyāni (Bagchi 51) kariṣyanti / imaṃ suvarṇaprabhāsottamaṃ sūtrendrarājaṃ vistareṇa saṃprakāśayiṣyanti / avaśyaṃ yuṣmābhiścaturbhirmahārājaisteṣāṃ sūtrendredhārakāṇāṃ bhikṣubhikṣuṇyupāsakopāsikānāmārakṣā kartavyā / paripālanaṃ paritrāṇaṃ parigrahaṃ daṇḍaparihāraṃ śastraparihāraṃ śāntisvastyayanaṃ kartavyam / yathā ca sūtrendradhārakā bhikṣubhikṣuṇyupāsakopāsikā ārakṣitā bhaveyuranutpīḍitā anusargopāyāsāṃ sukhacittāḥ / imaṃ suvarṇaprabhāsottamasūtrendrarājaṃ vistareṇa sattvānāṃ saṃprakāśayitum // atha khalu vaiśravaṇo mahārājo dhṛtarāṣṭro mahārājo virūḍhako mahārājo virūpākṣo mahārājotthāyāsanebhya ekāṃsāni cīvarāṇi prāvṛtyottarāsaṅgaṃ kṛtvā dakṣiṇaṃ jānumaṇḍalaṃ pṛthivyāṃ pratiṣṭhāpya yena bhagavāṃstenāñjaliṃ praṇamya tasyāṃ velāyāmabhimukhaṃ sārūpyābhirgāthābhirbhagavantamabhituṣṭuvuḥ // jinacandravimalavapuṣaṃ jinasūryasahasrakiraṇābham / jinakamalavimalanetraṃ jinakumudatuṣāravirajadaśanāgram
Sanskrit only: no published translation is held for this verse.
जिनगुणसागरकल्प अनेकरत्नाकर जिनसमुद्रम् । ज्ञानाम्बुसलिलपूर्णं समाधिशतसहस्रसंकीर्णम्
jinaguṇasāgarakalpa anekaratnākara jinasamudram / jñānāmbusalilapūrṇaṃ samādhiśatasahasrasaṃkīrṇam
Sanskrit only: no published translation is held for this verse.
जिनचरणचक्रचित्रं समन्तनेभिस्तथा सहस्राभम् । करचरणजालचित्रं हंसेन्द्र यथा चरणजालम्
jinacaraṇacakracitraṃ samantanebhistathā sahasrābham / karacaraṇajālacitraṃ haṃsendra yathā caraṇajālam
Sanskrit only: no published translation is held for this verse.
काञ्चनगिरिप्रकाशं सुवर्णकनकामलं जिनगिरीन्द्रम् । सर्वगुणमेरुकल्पं बुद्धगिरीन्द्रजिन नमस्यामः
kāñcanagiriprakāśaṃ suvarṇakanakāmalaṃ jinagirīndram / sarvaguṇamerukalpaṃ buddhagirīndrajina namasyāmaḥ
Sanskrit only: no published translation is held for this verse.
आकाशचन्द्रसदृशमुदकचन्द्रनिभं तथागतशशाङ्कम् । मायामरीचिकल्प विमलजिन नमस्यामः
ākāśacandrasadṛśamudakacandranibhaṃ tathāgataśaśāṅkam / māyāmarīcikalpa vimalajina namasyāmaḥ
Sanskrit only: no published translation is held for this verse.
अयं - सुत्रेन्द्रराजप्रवरः सुवर्णप्रभासोत्तमो दशबलानाम् । युष्माभि लोकपालैः पालयितव्यम् ----------
ayaṃ - sutrendrarājapravaraḥ suvarṇaprabhāsottamo daśabalānām / yuṣmābhi lokapālaiḥ pālayitavyam ----------
Sanskrit only: no published translation is held for this verse.
येनायं सूत्ररतनगम्भीरः सर्वसत्त्व सुखदाता । सत्त्वान हितसुखार्थं चिरं च प्रचरेज्जम्बूद्वीपे ऽस्मिन्
yenāyaṃ sūtraratanagambhīraḥ sarvasattva sukhadātā / sattvāna hitasukhārthaṃ ciraṃ ca pracarejjambūdvīpe 'smin
Sanskrit only: no published translation is held for this verse.
ये च तृसाहस्रमहासाहस्रे लोकधातौ हि । सत्त्वा अपायदुःखा शमयित्वा नरकदुःखानि
ye ca tṛsāhasramahāsāhasre lokadhātau hi / sattvā apāyaduḥkhā śamayitvā narakaduḥkhāni
Sanskrit only: no published translation is held for this verse.
ये चेह जम्बुद्विपे गता हि सर्वे राजानस्तु महतः प्रहर्षजाता । धर्मेण च पालयन्तु विषया येनायं जम्बूद्वीपः क्षेमश्च भवेत्
ye ceha jambudvipe gatā hi sarve rājānastu mahataḥ praharṣajātā / dharmeṇa ca pālayantu viṣayā yenāyaṃ jambūdvīpaḥ kṣemaśca bhavet
Sanskrit only: no published translation is held for this verse.
सूभिक्षो रमणीयः सर्वे जम्बूद्वीपे सुखितानि भवन्ति सर्वसत्त्वानि । यस्या नास्ति नरपतेर्विषये प्रियात्मसौख्य प्रयता च राजत्वम्
sūbhikṣo ramaṇīyaḥ sarve jambūdvīpe sukhitāni bhavanti sarvasattvāni / yasyā nāsti narapaterviṣaye priyātmasaukhya prayatā ca rājatvam
Sanskrit only: no published translation is held for this verse.
ऐश्वर्यं प्रियता च श्रोतव्यस्तेन सूत्रराजः परमशत्रुक्षयकरम् । परचक्रनिवर्तनकरपरमभयव्यसहारः परमशुभकरो ऽयं सूत्रेन्द्रराज
aiśvaryaṃ priyatā ca śrotavyastena sūtrarājaḥ paramaśatrukṣayakaram / paracakranivartanakaraparamabhayavyasahāraḥ paramaśubhakaro 'yaṃ sūtrendrarāja
Sanskrit only: no published translation is held for this verse.
यथा रत्नवृक्षः सुरुचिरस्तु सर्वगुणसंभवः सुगृहः संस्थः । तथैवायं सूत्रेन्द्रराज द्रष्टव्यो राजगुणादीनाम्
yathā ratnavṛkṣaḥ surucirastu sarvaguṇasaṃbhavaḥ sugṛhaḥ saṃsthaḥ / tathaivāyaṃ sūtrendrarāja draṣṭavyo rājaguṇādīnām
Sanskrit only: no published translation is held for this verse.
यथा शीतलहिमसलिलं धर्मतं प्रतिलभत उष्ण अपहरणम् । तथैवायं सूत्रवरेन्द्रो गुणसुखदाता भवति नरपतीनाम्
yathā śītalahimasalilaṃ dharmataṃ pratilabhata uṣṇa apaharaṇam / tathaivāyaṃ sūtravarendro guṇasukhadātā bhavati narapatīnām
Sanskrit only: no published translation is held for this verse.
यथैव हि रत्नकरण्डः सर्वरत्नाकरः करतलस्थः । तथैवायं सूत्रेन्द्रराज स्वर्णप्रभासोत्तमो नृपगणानाम्
yathaiva hi ratnakaraṇḍaḥ sarvaratnākaraḥ karatalasthaḥ / tathaivāyaṃ sūtrendrarāja svarṇaprabhāsottamo nṛpagaṇānām
Sanskrit only: no published translation is held for this verse.
देवगण अर्चितो ऽयं देवेन्द्रनमस्कृतश्च सूत्रेन्द्रः । आरक्षितश्चतुर्भिर्महर्द्धिकैर्लोकपालैश्च
devagaṇa arcito 'yaṃ devendranamaskṛtaśca sūtrendraḥ / ārakṣitaścaturbhirmaharddhikairlokapālaiśca
Sanskrit only: no published translation is held for this verse.
बुद्धैहि दशदिशस्थैः सदा समन्वाहृतो ऽयं सूत्रेन्द्रः । सूत्रमिदं देशयतः साधूकार ददन्ति संबुद्धाः
buddhaihi daśadiśasthaiḥ sadā samanvāhṛto 'yaṃ sūtrendraḥ / sūtramidaṃ deśayataḥ sādhūkāra dadanti saṃbuddhāḥ
Sanskrit only: no published translation is held for this verse.
यक्षशतसहस्राणी रक्षन्ति च विषयं दशसु दिशासु । शृण्वन्ति सूत्रेन्द्रमिमं प्रमुदितचित्ताः प्रहृष्टाश्च
yakṣaśatasahasrāṇī rakṣanti ca viṣayaṃ daśasu diśāsu / śṛṇvanti sūtrendramimaṃ pramuditacittāḥ prahṛṣṭāśca
Sanskrit only: no published translation is held for this verse.
जम्बुद्वीपगतानि विविक्तानि देवगणानि । ते सर्वे देवगणाः शृण्वन्तु सूत्रमिदं प्रमुदिताश्च
jambudvīpagatāni viviktāni devagaṇāni / te sarve devagaṇāḥ śṛṇvantu sūtramidaṃ pramuditāśca
Sanskrit only: no published translation is held for this verse.
तेजोबलं वीर्यबलं च लभन्ते तेन धर्मश्रवणेन । महतौजसा च देवां कायान्विवर्धयिष्यन्ति
tejobalaṃ vīryabalaṃ ca labhante tena dharmaśravaṇena / mahataujasā ca devāṃ kāyānvivardhayiṣyanti
Sanskrit only: no published translation is held for this verse.