Śvetāśvatara Upaniṣad 2

द्वितीयो ऽध्यायः युञ्जानः प्रथमं मनस् तत्वाय सविता धियः । अग्नेर् ज्योतिर् निचाय्य पृथिव्या अध्य् आभरत्

dvitīyo 'dhyāyaḥ yuñjānaḥ prathamaṃ manas tatvāya savitā dhiyaḥ / agner jyotir nicāyya pṛthivyā adhy ābharat

Sanskrit only: no published translation is held for this verse.

युक्तेन मनसा वयं देवस्य सवितुः सवे । सुवर्गेयाय शक्त्या

yuktena manasā vayaṃ devasya savituḥ save / suvargeyāya śaktyā

Sanskrit only: no published translation is held for this verse.

युक्त्वाय मनसा देवान् सुवर् यतो धिया दिवं । बृहज् ज्योतिः करिष्यतः सविता प्रसुवाति तान्

yuktvāya manasā devān suvar yato dhiyā divaṃ / bṛhaj jyotiḥ kariṣyataḥ savitā prasuvāti tān

Sanskrit only: no published translation is held for this verse.

युञ्जते मन उत युञ्जते धियो विप्रा विप्रस्य बृहतो विपश्चितः । वि होत्रा दधे वयुनाविद् एक इन् मही देवस्य सवितुः परिष्टुतिः

yuñjate mana uta yuñjate dhiyo viprā viprasya bṛhato vipaścitaḥ / vi hotrā dadhe vayunāvid eka in mahī devasya savituḥ pariṣṭutiḥ

Sanskrit only: no published translation is held for this verse.

युजे वां ब्रह्म पूर्व्यं नमोभिर् वि श्लोक एतु पथ्येव सूरेः । शृण्वन्ति विश्वे अमृतस्य पुत्रा आ ये धामानि दिवियानि तस्थुः

yuje vāṃ brahma pūrvyaṃ namobhir vi śloka etu pathyeva sūreḥ / śṛṇvanti viśve amṛtasya putrā ā ye dhāmāni diviyāni tasthuḥ

Sanskrit only: no published translation is held for this verse.

अग्निर् यत्राभिमथ्यते वायुर् यत्राधिरुध्यते । सोमो यत्रातिरिच्यते तत्र संजायते मनः

agnir yatrābhimathyate vāyur yatrādhirudhyate / somo yatrātiricyate tatra saṃjāyate manaḥ

Sanskrit only: no published translation is held for this verse.

सवित्रा प्रसवेन जुषेत ब्रह्म पूर्व्यम् । तत्र योनिं कृणवसे नहि ते पूर्तम् अक्षिपत्

savitrā prasavena juṣeta brahma pūrvyam / tatra yoniṃ kṛṇavase nahi te pūrtam akṣipat

Sanskrit only: no published translation is held for this verse.

त्रिरुन्नतं स्थाप्य समं शरीरं हृदीन्द्रियाणि मनसा संनिवेश्य । ब्रह्मोडुपेन प्रतरेत विद्वान् स्रोतांसि सर्वाणि भयावहानि

trirunnataṃ sthāpya samaṃ śarīraṃ hṛdīndriyāṇi manasā saṃniveśya / brahmoḍupena pratareta vidvān srotāṃsi sarvāṇi bhayāvahāni

Sanskrit only: no published translation is held for this verse.

प्राणान् प्रपीड्येह स युक्तचेष्टः क्षीने प्राणे नासिकयोच्छ्वसीत । दुष्टाश्वयुक्तम् इव वाहम् एनं विद्वान् मनो धारयेताप्रमत्तः

prāṇān prapīḍyeha sa yuktaceṣṭaḥ kṣīne prāṇe nāsikayocchvasīta / duṣṭāśvayuktam iva vāham enaṃ vidvān mano dhārayetāpramattaḥ

Sanskrit only: no published translation is held for this verse.

समे शुचौ शर्करावह्निवालुका- विवर्जिते शब्दजलाश्रयादिभिः । मनोऽनुकूले न तु चक्षुपीडने गुहानिवाताश्रयणे प्रयोजयेत्

same śucau śarkarāvahnivālukā- vivarjite śabdajalāśrayādibhiḥ / mano'nukūle na tu cakṣupīḍane guhānivātāśrayaṇe prayojayet

Sanskrit only: no published translation is held for this verse.

नीहारधूमार्कानलानिलानां खद्योतविद्युत्स्फटिकाशशीनाम् । एतानि रूपाणि पुरःसराणि ब्रह्मण्य् अभिव्यक्तिकराणि योगे

nīhāradhūmārkānalānilānāṃ khadyotavidyutsphaṭikāśaśīnām / etāni rūpāṇi puraḥsarāṇi brahmaṇy abhivyaktikarāṇi yoge

Sanskrit only: no published translation is held for this verse.

पृथ्व्यप्तेजोऽनिलखे समुत्थिते पञ्चात्मके योगगुणे प्रवृत्ते । न तस्य रोगो न जरा न मृत्युः प्राप्तस्य योगाग्निमयं शरीरम्

pṛthvyaptejo'nilakhe samutthite pañcātmake yogaguṇe pravṛtte / na tasya rogo na jarā na mṛtyuḥ prāptasya yogāgnimayaṃ śarīram

Sanskrit only: no published translation is held for this verse.

लघुत्वम् आरोग्यम् अलोलुपत्वं वर्णप्रसादः स्वरसौष्ठवं च । गन्धः शुभो मूत्रपुरीषम् अल्पं योगप्रवृत्तिं प्रथमां वदन्ति

laghutvam ārogyam alolupatvaṃ varṇaprasādaḥ svarasauṣṭhavaṃ ca / gandhaḥ śubho mūtrapurīṣam alpaṃ yogapravṛttiṃ prathamāṃ vadanti

Sanskrit only: no published translation is held for this verse.

यथैव बिम्बं मृदयोपलिप्तं तेजोमयं भ्राजते तत् सुधान्तम् । तद् वात्मतत्त्वं प्रसमीक्ष्य देही एकः कृतार्थो भवते वीतशोकः

yathaiva bimbaṃ mṛdayopaliptaṃ tejomayaṃ bhrājate tat sudhāntam / tad vātmatattvaṃ prasamīkṣya dehī ekaḥ kṛtārtho bhavate vītaśokaḥ

Sanskrit only: no published translation is held for this verse.

यद् आत्मतत्त्वेन तु ब्रह्मतत्त्वं दीपोपमेनेह युक्तः प्रपश्येत् । अजं ध्रुवं सर्वतत्त्वैर् विशुद्धं ज्ञात्वा देवं मुच्यते सर्वपाशैः

yad ātmatattvena tu brahmatattvaṃ dīpopameneha yuktaḥ prapaśyet / ajaṃ dhruvaṃ sarvatattvair viśuddhaṃ jñātvā devaṃ mucyate sarvapāśaiḥ

Sanskrit only: no published translation is held for this verse.

एष ह देवः प्रदिशो ऽनु सर्वाः पूर्वो ह जातः स उ गर्भे अन्तः । स एव जातः स जनिष्यमानः प्रत्यङ् जनास् तिष्ठति सर्वतोमुखः

eṣa ha devaḥ pradiśo 'nu sarvāḥ pūrvo ha jātaḥ sa u garbhe antaḥ / sa eva jātaḥ sa janiṣyamānaḥ pratyaṅ janās tiṣṭhati sarvatomukhaḥ

Sanskrit only: no published translation is held for this verse.

यो देवो अग्नौ यो अप्सु यो विश्वं भुवनम् आविवेश । य ओषधीषु यो वनस्पतीषु तस्मै देवाय नमो नमः

yo devo agnau yo apsu yo viśvaṃ bhuvanam āviveśa / ya oṣadhīṣu yo vanaspatīṣu tasmai devāya namo namaḥ

Sanskrit only: no published translation is held for this verse.