Library·Śvetāśvatara Upaniṣad·3
तृतीयो ऽध्यायः य एको जालवान् ईशत ईशनीभिः सर्वांल् लोकान् ईशत ईशनीभिः । य एवैक उद्भवे संभवे च य एतद् विदुर् अमृतास् ते भवन्ति
tṛtīyo 'dhyāyaḥ ya eko jālavān īśata īśanībhiḥ sarvāṃl lokān īśata īśanībhiḥ / ya evaika udbhave saṃbhave ca ya etad vidur amṛtās te bhavanti
Sanskrit only: no published translation is held for this verse.
एको हि रुद्रो न द्वितीयाय तस्थे य इमांल् लोकान् ईशत ईशनीभिः । प्रत्यङ् जनास् तिष्ठति संचुकोचान्तकाले संसृज्य विश्वा भुवनानि गोपाः
eko hi rudro na dvitīyāya tasthe ya imāṃl lokān īśata īśanībhiḥ / pratyaṅ janās tiṣṭhati saṃcukocāntakāle saṃsṛjya viśvā bhuvanāni gopāḥ
Sanskrit only: no published translation is held for this verse.
विश्वतश्चक्षुर् उत विश्वतोमुखो विश्वतोबाहुर् उत विश्वतस्पात् । सं बाहुभ्यां धमति सं पतत्रैर् द्यावाभूमी जनयन् देव एकः
viśvataścakṣur uta viśvatomukho viśvatobāhur uta viśvataspāt / saṃ bāhubhyāṃ dhamati saṃ patatrair dyāvābhūmī janayan deva ekaḥ
Sanskrit only: no published translation is held for this verse.
यो देवानां प्रभवश् चोद्भवश् च विश्वाधिपो रुद्रो महर्षिः । हिरण्यगर्भं जनयामास पूर्वं स नो बुद्ध्या शुभया संयुनक्तु
yo devānāṃ prabhavaś codbhavaś ca viśvādhipo rudro maharṣiḥ / hiraṇyagarbhaṃ janayāmāsa pūrvaṃ sa no buddhyā śubhayā saṃyunaktu
Sanskrit only: no published translation is held for this verse.
या ते रुद्र शिवा तनूर् अघोरापापकाशिनी । तया नस् तनुवा शंतमया गिरिशन्ताभिचाकशीहि
yā te rudra śivā tanūr aghorāpāpakāśinī / tayā nas tanuvā śaṃtamayā giriśantābhicākaśīhi
O Rudra, thou dweller in the mountains, look upon us with that most blessed form of thine which is auspicious, not terrible, and reveals no evil!
Translated by F. Max MüllerFrom an unproofread scan of the printed edition; spelling and line breaks may carry OCR errors.
याम् इषुं गिरिशन्त हस्ते बिभर्ष्य् अस्तवे । शिवां गिरित्र तां कुरु मा हिंसीः पुरुषं जगत्
yām iṣuṃ giriśanta haste bibharṣy astave / śivāṃ giritra tāṃ kuru mā hiṃsīḥ puruṣaṃ jagat
Sanskrit only: no published translation is held for this verse.
ततः परं ब्रह्म परं बृहन्तं यथानिकायं सर्वभूतेषु गूढं । विश्वस्यैकं परिवेष्टितारम् ईशं तं ज्ञात्वामृता भवन्ति
tataḥ paraṃ brahma paraṃ bṛhantaṃ yathānikāyaṃ sarvabhūteṣu gūḍhaṃ / viśvasyaikaṃ pariveṣṭitāram īśaṃ taṃ jñātvāmṛtā bhavanti
Sanskrit only: no published translation is held for this verse.
वेदाहम् एतं पुरुषं महान्तम् आदित्यवर्णं तमसः परस्तात् । तम् एव विदित्वाति मृत्युम् एति नान्यः पन्था विद्यते ऽयनाय
vedāham etaṃ puruṣaṃ mahāntam ādityavarṇaṃ tamasaḥ parastāt / tam eva viditvāti mṛtyum eti nānyaḥ panthā vidyate 'yanāya
I know that great person (purusha) of sunlike lustre beyond the darkness. A man who knows him truly, passes over death; there is no other path to go.
Translated by F. Max MüllerFrom an unproofread scan of the printed edition; spelling and line breaks may carry OCR errors.
यस्मात् परं नापरम् अस्ति किंचिद् यस्मान् नाणीयो न ज्यायो ऽस्ति किंचित् । वृक्ष इव स्तब्धो दिवि तिष्ठत्य् एकस् तेनेदं पूर्णं पुरुषेण सर्वम्
yasmāt paraṃ nāparam asti kiṃcid yasmān nāṇīyo na jyāyo 'sti kiṃcit / vṛkṣa iva stabdho divi tiṣṭhaty ekas tenedaṃ pūrṇaṃ puruṣeṇa sarvam
This whole universe is filled by this person (purusha), to whom there is nothing superior, from whom there is nothing different, than whom there is adjectives is difficult. The Vvetajvatara-upanishad seems to use b ri- hanta as an adjective, instead of br/hat. I should prefer to translate: Beyond this is the High Brahman, the vast. Those who know La, the Lord, hidden in all things and embracing all things to be this (Brahman), become immortal. See also Muir, Metrical Translations, p. 196, whose translation of these verses I have adopted with few exceptions. nothing smaller or larger, who stands alone, fixed like a tree in the sky.
Translated by F. Max MüllerFrom an unproofread scan of the printed edition; spelling and line breaks may carry OCR errors.
ततो यद् उत्तरतरं यद् अरूपम् अनामयम् । य एतद् विदुर् अमृतास् ते भवन्ति अथेतरे दुःखम् एवापियन्ति
tato yad uttarataraṃ yad arūpam anāmayam / ya etad vidur amṛtās te bhavanti athetare duḥkham evāpiyanti
That which is beyond this world is without form and without suffering. They who know it, become immortal, but others suffer pain indeed.
Translated by F. Max MüllerFrom an unproofread scan of the printed edition; spelling and line breaks may carry OCR errors.
सर्वाननशिरोग्रीवः सर्वभूतगुहाशयः । सर्वव्यापी स भगवांस् तस्मात् सर्वगतः शिवः
sarvānanaśirogrīvaḥ sarvabhūtaguhāśayaḥ / sarvavyāpī sa bhagavāṃs tasmāt sarvagataḥ śivaḥ
That Bhagavat exists in the faces, the heads, the necks of all, he dwells in the cave (of the heart) of all beings, he is all-pervading, therefore he is the omnipresent.Siva.
Translated by F. Max MüllerFrom an unproofread scan of the printed edition; spelling and line breaks may carry OCR errors.
महान् प्रभुर् वै पुरुषः सत्त्वस्यैष प्रवर्तकः । सुनिर्मलाम् इमां प्राप्तिम् ईशानो ज्योतिर् अव्ययः
mahān prabhur vai puruṣaḥ sattvasyaiṣa pravartakaḥ / sunirmalām imāṃ prāptim īśāno jyotir avyayaḥ
That person (purusha) is the great lord; he is the mover of existence, he possesses that purest power of reaching everything, he is light, he is undecaying.
Translated by F. Max MüllerFrom an unproofread scan of the printed edition; spelling and line breaks may carry OCR errors.
अङ्गुष्ठमात्रः पुरुषो ऽन्तरात्मा सदा जनानां हृदये संनिविष्टः । हृदा मनीषा मनसाभिकॢप्तो य एतद् विदुर् अमृतास् ते भवन्ति
aṅguṣṭhamātraḥ puruṣo 'ntarātmā sadā janānāṃ hṛdaye saṃniviṣṭaḥ / hṛdā manīṣā manasābhikḷpto ya etad vidur amṛtās te bhavanti
The person (purusha), not larger than a thumb, dwelling within, always dwelling in the heart of man, is perceived by the heart, the thought, the mind; they who know it become immortal.
Translated by F. Max MüllerFrom an unproofread scan of the printed edition; spelling and line breaks may carry OCR errors.
सहस्रशीर्षा पुरुषः सहस्राक्षः सहस्रपात् । स भूमिं विश्वतो वृत्वा अत्यतिष्ठद् दशाङ्गुलम्
sahasraśīrṣā puruṣaḥ sahasrākṣaḥ sahasrapāt / sa bhūmiṃ viśvato vṛtvā atyatiṣṭhad daśāṅgulam
The person (purusha) with a thousand heads, a thousand eyes, a thousand feet, having compassed the earth on every side, extends beyond it by ten fingers’ breadth.
Translated by F. Max MüllerFrom an unproofread scan of the printed edition; spelling and line breaks may carry OCR errors.
पुरुष एवेदं सर्वं यद् भूतं यच् च भव्यम् । उतामृतत्वस्येशानो यद् अन्नेनातिरोहति
puruṣa evedaṃ sarvaṃ yad bhūtaṃ yac ca bhavyam / utāmṛtatvasyeśāno yad annenātirohati
That person alone (purusha) is all this, what has been and what will be; he is also the lord of immortality; he is whatever grows by food.
Translated by F. Max MüllerFrom an unproofread scan of the printed edition; spelling and line breaks may carry OCR errors.
सर्वतःपाणिपादं तत् सर्वतोऽक्षिशिरोमुखं । सर्वतःश्रुतिमल् लोके सर्वम् आवृत्य तिष्ठति
sarvataḥpāṇipādaṃ tat sarvato'kṣiśiromukhaṃ / sarvataḥśrutimal loke sarvam āvṛtya tiṣṭhati
Sanskrit only: no published translation is held for this verse.
सर्वेन्द्रियगुणाभासं सर्वेन्द्रियविवर्जितं । सर्वस्य प्रभुम् ईशानं सर्वस्य शरणं सुहृत्
sarvendriyaguṇābhāsaṃ sarvendriyavivarjitaṃ / sarvasya prabhum īśānaṃ sarvasya śaraṇaṃ suhṛt
Sanskrit only: no published translation is held for this verse.
नवद्वारे पुरे देही हंसो लेलायते बहिः । वशी सर्वस्य लोकस्य स्थावरस्य चरस्य च
navadvāre pure dehī haṃso lelāyate bahiḥ / vaśī sarvasya lokasya sthāvarasya carasya ca
Sanskrit only: no published translation is held for this verse.
अपाणिपादो जवनो ग्रहीता पश्यत्य् अचक्षुः स शृणोत्य् अकर्णः । स वेत्ति वेद्यं न च तस्यास्ति वेत्ता तम् आहुर् अग्र्यं पुरुषं महान्तम्
apāṇipādo javano grahītā paśyaty acakṣuḥ sa śṛṇoty akarṇaḥ / sa vetti vedyaṃ na ca tasyāsti vettā tam āhur agryaṃ puruṣaṃ mahāntam
Grasping without hands, hasting without feet, he sees without eyes, he hears without ears. He knows what can be known, but no one knows him; they call him the first, the great person (purusha).
Translated by F. Max MüllerFrom an unproofread scan of the printed edition; spelling and line breaks may carry OCR errors.
अणोर् अणीयान् महतो महीयान् आत्मा गुहायां निहितो ऽस्य जन्तोः । तम् अक्रतुं पश्यति वीतशोको धातुप्रसादान् महिमानम् ईशम्
aṇor aṇīyān mahato mahīyān ātmā guhāyāṃ nihito 'sya jantoḥ / tam akratuṃ paśyati vītaśoko dhātuprasādān mahimānam īśam
Sanskrit only: no published translation is held for this verse.
वेदाहम् एतम् अजरं पुराणं सर्वात्मानं सर्वगतं विभुत्वात् । जन्मनिरोधं प्रवदन्ति यस्य ब्रह्मवादिनो हि प्रवदन्ति नित्यम्
vedāham etam ajaraṃ purāṇaṃ sarvātmānaṃ sarvagataṃ vibhutvāt / janmanirodhaṃ pravadanti yasya brahmavādino hi pravadanti nityam
Sanskrit only: no published translation is held for this verse.