कैलासशिखरासीनं भैरवं विगतामयम् । चण्डनन्दिमहाकाल- गणेशवृषभृङ्गिभिः
kailāsaśikharāsīnaṃ bhairavaṃ vigatāmayam / caṇḍanandimahākāla- gaṇeśavṛṣabhṛṅgibhiḥ
Sanskrit only: no published translation is held for this verse.
Svacchandatantra 1
कुमारेन्द्रयमादित्य- ब्रह्मविष्णुपुरःसरैः । स्तूयमानं महेशानं गणमातृनिषेवितम्
kumārendrayamāditya- brahmaviṣṇupuraḥsaraiḥ / stūyamānaṃ maheśānaṃ gaṇamātṛniṣevitam
Sanskrit only: no published translation is held for this verse.
सृष्टिसंहारकर्तारं विलयस्थितकारकम् । अनुग्रहकरं देवं प्रणतार्तिविनाशनम्
sṛṣṭisaṃhārakartāraṃ vilayasthitakārakam / anugrahakaraṃ devaṃ praṇatārtivināśanam
Sanskrit only: no published translation is held for this verse.
मुदितं भैरवं दृष्ट्वा देवी वचनमब्रवीत् । श्रीदेव्युवाच यत्त्वया कथितं मह्यं स्वच्छन्दं परमेश्वर
muditaṃ bhairavaṃ dṛṣṭvā devī vacanamabravīt / śrīdevyuvāca yattvayā kathitaṃ mahyaṃ svacchandaṃ parameśvara
Sanskrit only: no published translation is held for this verse.
शतकोटिप्रविस्तीर्णं भेदानन्त्यविसर्पितम् । चतुष्पीठं महातन्त्र चतुष्टयफलोदयम्
śatakoṭipravistīrṇaṃ bhedānantyavisarpitam / catuṣpīṭhaṃ mahātantra catuṣṭayaphalodayam
Sanskrit only: no published translation is held for this verse.
न शक्नुवन्ति मनुजा अल्पवीर्यपराक्रमाः । अल्पायुषो ऽल्पवित्ताश्च अल्पसत्त्वाश्च शंकर
na śaknuvanti manujā alpavīryaparākramāḥ / alpāyuṣo 'lpavittāśca alpasattvāśca śaṃkara
Sanskrit only: no published translation is held for this verse.
तदर्थं संग्रहं तस्य स्वल्पशास्त्रार्थविस्तरम् । भुक्तिमुक्तिप्रदातारं कथयस्व प्रसादतः
tadarthaṃ saṃgrahaṃ tasya svalpaśāstrārthavistaram / bhuktimuktipradātāraṃ kathayasva prasādataḥ
Sanskrit only: no published translation is held for this verse.
कीदृशं वै गुरुं विद्यात् साधकं च महेश्वर । भयाभयप्रदातारं शिष्यं भूमिं च कीदृशीम्
kīdṛśaṃ vai guruṃ vidyāt sādhakaṃ ca maheśvara / bhayābhayapradātāraṃ śiṣyaṃ bhūmiṃ ca kīdṛśīm
Sanskrit only: no published translation is held for this verse.
मन्त्रांश्चैव समासेन कालं चैव समासतः । यजनं हवनं चैव अधिवासं रजांसि च
mantrāṃścaiva samāsena kālaṃ caiva samāsataḥ / yajanaṃ havanaṃ caiva adhivāsaṃ rajāṃsi ca
Sanskrit only: no published translation is held for this verse.
पञ्चगव्यं चरुं चैव दन्तकाष्ठं च मण्डलम् । दीक्षा चाध्वाभिषेकौ च समयान्साधनानि च
pañcagavyaṃ caruṃ caiva dantakāṣṭhaṃ ca maṇḍalam / dīkṣā cādhvābhiṣekau ca samayānsādhanāni ca
Sanskrit only: no published translation is held for this verse.
कलिमासाद्य सिध्यन्ति तथा ब्रूहि महेश्वर । श्रीभैरव उवाच साधु साधु महाभागे यत्त्वया परिचोदितम्
kalimāsādya sidhyanti tathā brūhi maheśvara / śrībhairava uvāca sādhu sādhu mahābhāge yattvayā paricoditam
Sanskrit only: no published translation is held for this verse.
अनुग्रहाय मर्त्यानां साम्प्रतं कथयामि ते । आदौ तावत्परीक्षेत आचार्यं शुभलक्षणम्
anugrahāya martyānāṃ sāmprataṃ kathayāmi te / ādau tāvatparīkṣeta ācāryaṃ śubhalakṣaṇam
Sanskrit only: no published translation is held for this verse.
आर्यदेशसमुत्पन्नं सर्वावयवभूषितम् । शिवशास्त्रविधानज्ञं ज्ञानज्ञेयविशारदम्
āryadeśasamutpannaṃ sarvāvayavabhūṣitam / śivaśāstravidhānajñaṃ jñānajñeyaviśāradam
Sanskrit only: no published translation is held for this verse.
देवकर्मरतं शान्तं सत्यवादिदृढव्रतम् । सत्त्ववद्वीर्यसम्पन्नं दयादाक्षिण्यसंयुतम्
devakarmarataṃ śāntaṃ satyavādidṛḍhavratam / sattvavadvīryasampannaṃ dayādākṣiṇyasaṃyutam
Sanskrit only: no published translation is held for this verse.
त्यागिनं दम्भनिर्मुक्तं शिवशास्त्रेषु भावितम् । ईदृशं तु गुरुं प्राप्य सिद्धिमुक्ती न दूरतः
tyāginaṃ dambhanirmuktaṃ śivaśāstreṣu bhāvitam / īdṛśaṃ tu guruṃ prāpya siddhimuktī na dūrataḥ
Sanskrit only: no published translation is held for this verse.
क्रोधनश्चपलः क्षुद्रो दयादाक्षिण्यवर्जितः । केकरो दन्तुरः काणः पापिष्ठः शास्त्रवर्जितः
krodhanaścapalaḥ kṣudro dayādākṣiṇyavarjitaḥ / kekaro danturaḥ kāṇaḥ pāpiṣṭhaḥ śāstravarjitaḥ
Sanskrit only: no published translation is held for this verse.
अतिदीर्घस्तथा ह्रस्वः कृशः स्थूलः क्षयान्वितः । तार्किको दम्भसंयुक्तः सत्यशौचविवर्जितः
atidīrghastathā hrasvaḥ kṛśaḥ sthūlaḥ kṣayānvitaḥ / tārkiko dambhasaṃyuktaḥ satyaśaucavivarjitaḥ
Sanskrit only: no published translation is held for this verse.
अन्यशास्त्ररतो यस्तु नासौ मुक्तिफलप्रदः । शिष्यो दयान्वितो धीरो दम्भमायाविवर्जितः
anyaśāstrarato yastu nāsau muktiphalapradaḥ / śiṣyo dayānvito dhīro dambhamāyāvivarjitaḥ
Sanskrit only: no published translation is held for this verse.
देवाग्निगुरुभक्तश्च शास्त्रभक्तो दृढव्रतः । गुरुशुश्रूषणपरः सुशान्तेन्द्रियसंयुतः
devāgnigurubhaktaśca śāstrabhakto dṛḍhavrataḥ / guruśuśrūṣaṇaparaḥ suśāntendriyasaṃyutaḥ
Sanskrit only: no published translation is held for this verse.
ईदृशो वै भवेच्छिष्यः सो ऽत्रानुग्रहभाजनम् । मायान्वितः शठः क्रूरो निःसत्यः कलहप्रियः
īdṛśo vai bhavecchiṣ.yaḥ so 'trānugrahabhājanam / māyānvitaḥ śaṭhaḥ krūro niḥsatyaḥ kalahapriyaḥ
Sanskrit only: no published translation is held for this verse.
कामी च लोभसम्पन्नः शिवभक्तिविवर्जितः । दूषको गुरुशास्त्राणां दीक्षितो ऽपि न मुक्तिभाक्
kāmī ca lobhasampannaḥ śivabhaktivivarjitaḥ / dūṣako guruśāstrāṇāṃ dīkṣito 'pi na muktibhāk
Sanskrit only: no published translation is held for this verse.
सन्तापं क्रोधने विन्द्याच् चपले चपलाः श्रियः । मन्त्रसिद्धिं हरेत् क्षुद्र आचार्यस्तु वरानने
santāpaṃ krodhane vindyāc capale capalāḥ śriyaḥ / mantrasiddhiṃ haret kṣudra ācāryastu varānane
Sanskrit only: no published translation is held for this verse.
दयाहीनेन दौर्भाग्यम् अदक्षे दस्युपीडनम् । केकरेण भवेद्व्याधिर् दन्तुरः कलिकारकः
dayāhīnena daurbhāgyam adakṣe dasyupīḍanam / kekareṇa bhavedvyādhir danturaḥ kalikārakaḥ
Sanskrit only: no published translation is held for this verse.
काणो विद्वेषजननः खल्वाटश्चार्थनाशनः । शास्त्रहीने न सिद्धिः स्याद् दीक्षादौ वीरवन्दिते
kāṇo vidveṣajananaḥ khalvāṭaścārthanāśanaḥ / śāstrahīne na siddhiḥ syād dīkṣādau vīravandite
Sanskrit only: no published translation is held for this verse.
दीर्घे राजभयं ज्ञेयं ह्रस्वः पुत्रविनाशनः । कृशः क्षयकरो ज्ञेयः स्थूल उत्पातकारकः
dīrghe rājabhayaṃ jñeyaṃ hrasvaḥ putravināśanaḥ / kṛśaḥ kṣayakaro jñeyaḥ sthūla utpātakārakaḥ
Sanskrit only: no published translation is held for this verse.
क्षयान्वितेन मृत्युः स्यात् तार्किके वधबन्धनम् । दाम्भिकः पापजनको वेदितव्यो वरानने
kṣayānvitena mṛtyuḥ syāt tārkike vadhabandhanam / dāmbhikaḥ pāpajanako veditavyo varānane
Sanskrit only: no published translation is held for this verse.
मन्तास्तस्य न सिद्ध्यन्ति यः सत्यादिविवर्जितः । सर्वे ते न शुभा देवि इह लोके परत्र च
mantāstasya na siddhyanti yaḥ satyādivivarjitaḥ / sarve te na śubhā devi iha loke paratra ca
Sanskrit only: no published translation is held for this verse.
सितरक्तपीतकृष्णां भूमिं प्लवविशोधिताम् । विशल्यां लक्षणैर्युक्तां सर्वकामार्थसाधिकाम्
sitaraktapītakṛṣṇāṃ bhūmiṃ plavaviśodhitām / viśalyāṃ lakṣaṇairyuktāṃ sarvakāmārthasādhikām
Sanskrit only: no published translation is held for this verse.
सुगन्धिगन्धसंयुक्तां पुष्पप्रकरलालिताम् । सुधूपामोदबहलां वितानोपरिशोभितम्
sugandhigandhasaṃyuktāṃ puṣpaprakaralālitām / sudhūpāmodabahalāṃ vitānopariśobhitam
Sanskrit only: no published translation is held for this verse.
आचार्यस्तु शुचिर्भूत्वा चन्दनागुरुचर्चितः । सुधूपितः प्रसन्नात्मा खटिकाकरसंयुतः
ācāryastu śucirbhūtvā candanāgurucarcitaḥ / sudhūpitaḥ prasannātmā khaṭikākarasaṃyutaḥ
Sanskrit only: no published translation is held for this verse.
प्राङ्मुखोदङ्मुखो वापि एकचित्तः समाहितः । मातृकां प्रस्तरेत्तत्र आदिक्षान्तामनुक्रमात्
prāṅmukhodaṅmukho vāpi ekacittaḥ samāhitaḥ / mātṛkāṃ prastarettatra ādikṣāntāmanukramāt
Sanskrit only: no published translation is held for this verse.
आदिः षोडशभेदेन साक्षाद्वै भैरवः स्मृतः । कवर्गश्चटवर्गौ च तपयाः शस्तथैव च
ādiḥ ṣoḍaśabhedena sākṣādvai bhairavaḥ smṛtaḥ / kavargaścaṭavargau ca tapayāḥ śastathaiva ca
Sanskrit only: no published translation is held for this verse.
संहारेण समोपेतौ योनिर्वै भैरवी स्मृता । मातृकाभैरवं देवम् अवर्गेण प्रपूजयेत्
saṃhāreṇa samopetau yonirvai bhairavī smṛtā / mātṛkābhairavaṃ devam avargeṇa prapūjayet
Sanskrit only: no published translation is held for this verse.
भैरवी कादिना पूज्या मातृवर्गैः प्रपूजयेत् । अवर्गे तु महालक्ष्मीः कवर्गे कमलोद्भवा
bhairavī kādinā pūjyā mātṛvargaiḥ prapūjayet / avarge tu mahālakṣmīḥ kavarge kamalodbhavā
Sanskrit only: no published translation is held for this verse.
चवर्गे तु महेशानी टवर्गे तु कुमारिका । नारायणी तवर्गे तु वाराही तु पवर्गिका
cavarge tu maheśānī ṭavarge tu kumārikā / nārāyaṇī tavarge tu vārāhī tu pavargikā
Sanskrit only: no published translation is held for this verse.
ऐन्द्री चैव यवर्गस्था चामुण्डा तु शवर्गिका । एताः सप्त महामातृः सप्तलोकव्यवस्थिताः
aindrī caiva yavargasthā cāmuṇḍā tu śavargikā / etāḥ sapta mahāmātṛḥ saptalokavyavasthitāḥ
Sanskrit only: no published translation is held for this verse.
सर्वान् कामानवाप्नोति देव्येवं भैरवो ऽब्रवीत् । अन्ते ऽस्य उद्धरेन्मन्त्रान् यथाक्रमनियोगतः
sarvān kāmānavāpnoti devyevaṃ bhairavo 'bravīt / ante 'sya uddharenmantrān yathākramaniyogataḥ
Sanskrit only: no published translation is held for this verse.
त्रयोदशं बिन्दुयुतम् अनन्तासनमुत्तमम् । अनेन योजयेत्सर्वं सोमसूर्याग्निमध्यगम्
trayodaśaṃ binduyutam anantāsanamuttamam / anena yojayetsarvaṃ somasūryāgnimadhyagam
Sanskrit only: no published translation is held for this verse.
ब्रह्मविष्णुमहेशानं शवान्तं परिकल्पयेत् । मूर्तिं हंसाक्षरेणैव बिन्दुभिन्नेन कल्पयेत्
brahmaviṣṇumaheśānaṃ śavāntaṃ parikalpayet / mūrtiṃ haṃsākṣareṇaiva bindubhinnena kalpayet
Sanskrit only: no published translation is held for this verse.
अर्धचन्द्रकृताटोपां स्वस्वनां तुहिनप्रभाम् । तदूर्ध्वे सकलं देवं स्वच्छन्दं परिकल्पयेत्
ardhacandrakṛtāṭopāṃ svasvanāṃ tuhinaprabhām / tadūrdhve sakalaṃ devaṃ svacchandaṃ parikalpayet
Sanskrit only: no published translation is held for this verse.
ॐकारमुच्चरेत्पूर्वम् अघोरेभ्यो अनन्तरम् । थ घोरेभ्यो समालिख्य ततो ऽन्यत्तु समालिखेत्
oṃkāramuccaretpūrvam aghorebhyo anantaram / tha ghorebhyo samālikhya tato 'nyattu samālikhet
Sanskrit only: no published translation is held for this verse.
घोरघोरतरेभ्यश्च सर्वतः शर्व उच्चरेत् । सर्वेभ्यः पदमन्यच्च नमस्ते रुद्र एव च
ghoraghoratarebhyaśca sarvataḥ śarva uccaret / sarvebhyaḥ padamanyacca namaste rudra eva ca
Sanskrit only: no published translation is held for this verse.
रूपेभ्यश्च समालिख्य नमस्कारावसानकम् । मन्त्रराजः समाख्यातः अघोरः सुरपूजितः
rūpebhyaśca samālikhya namaskārāvasānakam / mantrarājaḥ samākhyātaḥ aghoraḥ surapūjitaḥ
Sanskrit only: no published translation is held for this verse.
सकृदुच्चारितो देवि नाशयेत् सर्वकिल्बिषम् । जन्मकोटीसहस्रैस्तु भ्रमद्भिः समुपार्जितम्
sakṛduccārito devi nāśayet sarvakilbiṣam / janmakoṭīsahasraistu bhramadbhiḥ samupārjitam
Sanskrit only: no published translation is held for this verse.
स्मरणान्नाशयेद्देवि तमः सूर्योदये यथा । यकारादिवकारान्ताः संहारेण समायुताः
smaraṇānnāśayeddevi tamaḥ sūryodaye yathā / yakārādivakārāntāḥ saṃhāreṇa samāyutāḥ
Sanskrit only: no published translation is held for this verse.
बिन्दुमस्तकसम्भिन्ना भैरवस्य मुखानि च । ब्रह्मभङ्ग्या नियोज्यानि मूर्धादिचरणावधि
bindumastakasambhinnā bhairavasya mukhāni ca / brahmabhaṅgyā niyojyāni mūrdhādicaraṇāvadhi
Sanskrit only: no published translation is held for this verse.
पुनश्चोर्ध्वं मुखं कल्प्यं प्राग्दक्षिणमथोत्तरम् । अपरं कल्पयित्वा तु कलाभेदेन विन्यसेत्
punaścordhvaṃ mukhaṃ kalpyaṃ prāgdakṣiṇamathottaram / aparaṃ kalpayitvā tu kalābhedena vinyaset
Sanskrit only: no published translation is held for this verse.
पूर्वं च दक्षिणं चैव उत्तरं पश्चिमं तथा । ऊर्ध्वमूर्ध्ना तु संयुक्तं क्षकारं त्वीशरूपिणम्
pūrvaṃ ca dakṣiṇaṃ caiva uttaraṃ paścimaṃ tathā / ūrdhvamūrdhnā tu saṃyuktaṃ kṣakāraṃ tvīśarūpiṇam
Sanskrit only: no published translation is held for this verse.
एवं वक्त्रं चतुर्धा तु वक्त्रेष्वेव नियोजयेत् । पञ्चमं यद्भवेद्वक्त्रं क्षकारेणैव निर्दिशेत्
evaṃ vaktraṃ caturdhā tu vaktreṣveva niyojayet / pañcamaṃ yadbhavedvaktraṃ kṣakāreṇaiva nirdiśet
Sanskrit only: no published translation is held for this verse.
हृदि ग्रीवांसपृष्ठे तु नाभौ च जठरे तथा । पृष्ठे चोरसि विन्यसेद् अघोरेण यथाक्रमम्
hṛdi grīvāṃsapṛṣṭhe tu nābhau ca jaṭhare tathā / pṛṣṭhe corasi vinyased aghoreṇa yathākramam
Sanskrit only: no published translation is held for this verse.
गुह्ये तथा गुदे चैव तथोर्वोर्जानुनोरपि । जङ्घयोश्च स्फिजोः कट्यां पार्श्वयोरुभयोरपि
guhye tathā gude caiva tathorvorjānunorapi / jaṅghayośca sphijoḥ kaṭyāṃ pārśvayorubhayorapi
Sanskrit only: no published translation is held for this verse.
विन्यसेच्चैव वामेन शरीरे तु यथाक्रमम् । पादौ हस्तौ तथा नासां शिरश्चैव भुजावथ
vinyaseccaiva vāmena śarīre tu yathākramam / pādau hastau tathā nāsāṃ śiraścaiva bhujāvatha
Sanskrit only: no published translation is held for this verse.
सद्येन कल्पयेद्देवि सर्वमेतद्यथाक्रमम् । तासां नामानि वक्ष्यामि यथावदनुपूर्वशः
sadyena kalpayeddevi sarvametadyathākramam / tāsāṃ nāmāni vakṣyāmi yathāvadanupūrvaśaḥ
Sanskrit only: no published translation is held for this verse.
तारा सुतारा तरणी तारयन्ती सुतारणी । ईशानस्य कला पञ्च निरञ्जनपदानुगा
tārā sutārā taraṇī tārayantī sutāraṇī / īśānasya kalā pañca nirañjanapadānugā
Sanskrit only: no published translation is held for this verse.
निवृत्तिश्च प्रतिष्ठा च विद्या शान्तिस्तथैव च । पुरुषस्य कला ह्येताश् चतस्रः परिकीर्तिताः
nivṛttiśca pratiṣṭhā ca vidyā śāntistathaiva ca / puruṣasya kalā hyetāś catasraḥ parikīrtitāḥ
Sanskrit only: no published translation is held for this verse.
तमा मोहा क्षुधा निद्रा मृत्युर्माया भया जरा । अघोरस्य कला ह्येता अष्टौ वै वरवर्णिनि
tamā mohā kṣudhā nidrā mṛtyurmāyā bhayā jarā / aghorasya kalā hyetā aṣṭau vai varavarṇini
Sanskrit only: no published translation is held for this verse.
रजा रक्षा रतिः पाल्या काम्या तृष्णा मतिः क्रिया । ऋद्धिर्माया च रात्रिश्च भ्रामिणी मोहनी तथा
rajā rakṣā ratiḥ pālyā kāmyā tṛṣṇā matiḥ kriyā / ṛddhirmāyā ca rātriśca bhrāmiṇī mohanī tathā
Sanskrit only: no published translation is held for this verse.
मनोन्मनी कला ह्येता वामदेवे त्रयोदश । सिद्धिरृद्धिर्द्युतिर्लक्ष्मीर् मेधा कान्तिः सुधा स्थितिः
manonmanī kalā hyetā vāmadeve trayodaśa / siddhirṛddhirdyutirlakṣmīr medhā kāntiḥ sudhā sthitiḥ
Sanskrit only: no published translation is held for this verse.
सद्योजातकलास्त्वेवम् अष्टौ सम्परिकीर्तिताः । पुनश्च साधको देवि सर्वाङ्गेषु यथाक्रमम्
sadyojātakalāstvevam aṣṭau samparikīrtitāḥ / punaśca sādhako devi sarvāṅgeṣu yathākramam
Sanskrit only: no published translation is held for this verse.
नवतत्त्वं त्रितत्त्वं च ध्रुवेण परिकल्पयेत् । विद्याङ्गानि पुनर्न्यस्य तेषां मन्त्रान् शृणु प्रिये
navatattvaṃ tritattvaṃ ca dhruveṇa parikalpayet / vidyāṅgāni punarnyasya teṣāṃ mantrān śṛṇu priye
Sanskrit only: no published translation is held for this verse.
अघोरेभ्यो समालिख्य थ घोरेभ्यो द्वितीयकम् । घोरघोरतरेभ्यश्च तृतीयं परिकल्पयेत्
aghorebhyo samālikhya tha ghorebhyo dvitīyakam / ghoraghoratarebhyaśca tṛtīyaṃ parikalpayet
Sanskrit only: no published translation is held for this verse.
सर्वतः शर्व सर्वेभ्यो चतुर्थं परिकल्पयेत् । नमस्ते रुद्ररूपेभ्यः पञ्चमं च विधानतः
sarvataḥ śarva sarvebhyo caturthaṃ parikalpayet / namaste rudrarūpebhyaḥ pañcamaṃ ca vidhānataḥ
Sanskrit only: no published translation is held for this verse.
ॐकारमुच्चरेत्पूर्वं जुं सश्च तदनन्तरम् । नेत्रत्रयं प्रकल्पेत विद्यादेहस्य भामिनि
oṃkāramuccaretpūrvaṃ juṃ saśca tadanantaram / netratrayaṃ prakalpeta vidyādehasya bhāmini
Sanskrit only: no published translation is held for this verse.
विद्याङ्गानि विजानीयात् नामानि च निबोध मे । सर्वात्मा तु ब्रह्मशिरो ज्वालिनी पिङ्गलं तथा
vidyāṅgāni vijānīyāt nāmāni ca nibodha me / sarvātmā tu brahmaśiro jvālinī piṅgalaṃ tathā
Sanskrit only: no published translation is held for this verse.
दुर्भेद्यं पाशुपत्यं च ज्योतीरूपं तथैव च । क्रिया ज्ञानं तथैवेच्छा तासां मन्त्रान्निबोध मे
durbhedyaṃ pāśupatyaṃ ca jyotīrūpaṃ tathaiva ca / kriyā jñānaṃ tathaivecchā tāsāṃ mantrānnibodha me
Sanskrit only: no published translation is held for this verse.
चतुर्थस्वरसंयुक्तं हान्तं बिन्दुविभूषितम् । क्रियाशक्तिः समाख्याता सर्वसृष्टिप्रकाशिका
caturthasvarasaṃyuktaṃ hāntaṃ binduvibhūṣitam / kriyāśaktiḥ samākhyātā sarvasṛṣṭiprakāśikā
Sanskrit only: no published translation is held for this verse.
शकारस्य तृतीयं तु षष्ठयुक्तं सबिन्दुकम् । ज्ञानशक्तिः स्मृता ह्येषा प्रबोधजननी शुभा
śakārasya tṛtīyaṃ tu ṣaṣṭhayuktaṃ sabindukam / jñānaśaktiḥ smṛtā hyeṣā prabodhajananī śubhā
Sanskrit only: no published translation is held for this verse.
क्षादिं द्विस्वरसम्भिन्नं त्रिपञ्चेन तु मूर्छितम् । इच्छाशक्तिः समाख्याता भैरवस्यामितात्मिका
kṣādiṃ dvisvarasambhinnaṃ tripañcena tu mūrchitam / icchāśaktiḥ samākhyātā bhairavasyāmitātmikā
Sanskrit only: no published translation is held for this verse.
हंसाख्यो बिन्दुसंयुक्तः षष्ठस्वरविभेदितः । बालेन्दुनादशक्त्यन्तः स्वच्छन्दो निष्कलः स्मृतः
haṃsākhyo bindusaṃyuktaḥ ṣaṣṭhasvaravibheditaḥ / bālendunādaśaktyantaḥ svacchando niṣkalaḥ smṛtaḥ
Sanskrit only: no published translation is held for this verse.
अस्योच्चरणमात्रेण ये युक्ताः सर्वपातकैः । शुद्धस्फटिकसंकाशाः पदं गच्छन्त्यनामयम्
asyoccaraṇamātreṇa ye yuktāḥ sarvapātakaiḥ / śuddhasphaṭikasaṃkāśāḥ padaṃ gacchantyanāmayam
Sanskrit only: no published translation is held for this verse.
सान्तं दीर्घस्वरैः षड्भिर् भिन्नजातिविभेदितम् । हृच्छिरश्च शिखा वर्म लोचनास्त्रं प्रकल्पयेत्
sāntaṃ dīrghasvaraiḥ ṣaḍbhir bhinnajātivibheditam / hṛcchiraśca śikhā varma locanāstraṃ prakalpayet
Sanskrit only: no published translation is held for this verse.
ॐकारो दीपनस्तेषाम् अन्ते जातिं प्रकल्पयेत् । नमः स्वाहा तथा वौषट् हुं वषट् फट् क्रमेण तु
oṃkāro dīpanasteṣām ante jātiṃ prakalpayet / namaḥ svāhā tathā vauṣaṭ huṃ vaṣaṭ phaṭ krameṇa tu
Sanskrit only: no published translation is held for this verse.
एष भैरवराजस्तु सर्वकामार्थसाधकः । हर ईम अकारश्च ङादिरोस्वरसंयुतः
eṣa bhairavarājastu sarvakāmārthasādhakaḥ / hara īma akāraśca ṅādirosvarasaṃyutaḥ
Sanskrit only: no published translation is held for this verse.
यान्त एकारसंयुक्तः षादिर्लान्तविभेदितः । लादिस्त्रिस्वरसम्भिन्नो हंसो बिन्दुसमायुक्तः
yānta ekārasaṃyuktaḥ ṣādirlāntavibheditaḥ / lādistrisvarasambhinno haṃso bindusamāyuktaḥ
Sanskrit only: no published translation is held for this verse.
षष्ठस्वरसमोपेतः फट्कारान्तविकल्पितः । अघोरेश्वरीति विख्याता स्वच्छन्दोत्सङ्गगामिनी
ṣaṣṭhasvarasamopetaḥ phaṭkārāntavikalpitaḥ / aghoreśvarīti vikhyātā svacchandotsaṅgagāminī
Sanskrit only: no published translation is held for this verse.
भैरवाङ्गसमोपेता वक्त्रपञ्चकसंयुता । हान्तो यादिर्यकारान्तो रादिः षष्ठकलान्वितः
bhairavāṅgasamopetā vaktrapañcakasaṃyutā / hānto yādiryakārānto rādiḥ ṣaṣṭhakalānvitaḥ
Sanskrit only: no published translation is held for this verse.
बिन्दुनादसमायोगात् कपालेशः प्रकीर्तितः । सान्तो बिन्दुरधो ह्यग्निः षष्ठयुक्तस्तु कीर्तितः
bindunādasamāyogāt kapāleśaḥ prakīrtitaḥ / sānto binduradho hyagniḥ ṣaṣṭhayuktastu kīrtitaḥ
Sanskrit only: no published translation is held for this verse.
शिखिवाहनसंज्ञस्तु ज्ञातव्यो ऽसौ वरानने । संहारः षष्ठसंयुक्तः षडन्तेन समन्वितः
śikhivāhanasaṃjñastu jñātavyo 'sau varānane / saṃhāraḥ ṣaṣṭhasaṃyuktaḥ ṣaḍantena samanvitaḥ
Sanskrit only: no published translation is held for this verse.
क्रोधराजः समाख्यातः - - - - - - - - । - - - - - - - - तथान्यं कथयामि ते । ञादिः षष्ठस्वरोपेतस् त्रिपदेन समायुतः
krodharājaḥ samākhyātaḥ - - - - - - - - / - - - - - - - - tathānyaṃ kathayāmi te / ñādiḥ ṣaṣṭhasvaropetas tripadena samāyutaḥ
Sanskrit only: no published translation is held for this verse.
बिन्दुमस्तकसम्भिन्नो विकरालो वरानने । सान्तः शाद्येन संयुक्तः षष्ठस्वरयुतो ऽप्यधः
bindumastakasambhinno vikarālo varānane / sāntaḥ śādyena saṃyuktaḥ ṣaṣṭhasvarayuto 'pyadhaḥ
Sanskrit only: no published translation is held for this verse.
चतुर्दशस्वराक्रान्तो बिन्दुनादान्तभूषितः । मन्मथः कथितो ह्येष सुरसिद्धनमस्कृतः
caturdaśasvarākrānto bindunādāntabhūṣitaḥ / manmathaḥ kathito hyeṣa surasiddhanamaskṛtaḥ
Sanskrit only: no published translation is held for this verse.
येनेदं तु निजं सर्वं जगत्स्थावरजङ्गमम् । हररादिसमायुक्तः ऊकाराधः सबिन्दुकः
yenedaṃ tu nijaṃ sarvaṃ jagatsthāvarajaṅgamam / hararādisamāyuktaḥ ūkārādhaḥ sabindukaḥ
Sanskrit only: no published translation is held for this verse.
मेघनादेश्वरो ह्येष भैरवः सम्प्रकीर्तितः । क्षसान्तर्बिन्दुसंयुक्तः पञ्चमेन विभेदितः
meghanādeśvaro hyeṣa bhairavaḥ samprakīrtitaḥ / kṣasāntarbindusaṃyuktaḥ pañcamena vibheditaḥ
Sanskrit only: no published translation is held for this verse.
सोमेश्वरः समाख्यातो जन्ममृत्युविनाशनः । क्षादिर्यान्तसमोपेतो हान्तेनाधोनियोजितः
someśvaraḥ samākhyāto janmamṛtyuvināśanaḥ / kṣādiryāntasamopeto hāntenādhoniyojitaḥ
Sanskrit only: no published translation is held for this verse.
भान्तो वादिर्लकारान्तो राद्यो ऽधो रुद्रयोजितः । बिन्द्वर्धेन्दुसमायुक्तो नादशक्तिसमन्वितः
bhānto vādirlakārānto rādyo 'dho rudrayojitaḥ / bindvardhendusamāyukto nādaśaktisamanvitaḥ
Sanskrit only: no published translation is held for this verse.
विद्याराजः समाख्यातो महापातकनाशनः । भैरवाष्टकमेतद्धि परिवारः प्रकीर्तितः
vidyārājaḥ samākhyāto mahāpātakanāśanaḥ / bhairavāṣṭakametaddhi parivāraḥ prakīrtitaḥ
Sanskrit only: no published translation is held for this verse.
लोकपालांस्तथोद्धृत्य स्वनामप्रणवादिकान् । नमस्कारावमानांश्च सास्त्रान्सम्परिकल्पयेत्
lokapālāṃstathoddhṛtya svanāmapraṇavādikān / namaskārāvamānāṃśca sāstrānsamparikalpayet
Sanskrit only: no published translation is held for this verse.