क्लिश्यन्ति मायया भ्रान्ता अमोक्षे मोक्षलिप्सया । स्वबीजध्यानयोगेन पूर्वध्यानस्वरूपतः
kliśyanti māyayā bhrāntā amokṣe mokṣalipsayā / svabījadhyānayogena pūrvadhyānasvarūpataḥ
Sanskrit only: no published translation is held for this verse.
Svacchandatantra 12
दीक्षासिना च तां छित्त्वा विशन्ति शिवमव्ययम् । चतुर्वर्णा भवेद्विद्या सा वर्णव्यापिनी स्मृता
dīkṣāsinā ca tāṃ chittvā viśanti śivamavyayam / caturvarṇā bhavedvidyā sā varṇavyāpinī smṛtā
Sanskrit only: no published translation is held for this verse.
सितरक्तपीतकृष्णा ध्यातव्या सुषिरात्मिका । आकाशवायुमारूढा रूपयौवनशालिनी
sitaraktapītakṛṣṇā dhyātavyā suṣirātmikā / ākāśavāyumārūḍhā rūpayauvanaśālinī
Sanskrit only: no published translation is held for this verse.
स्वबीजेन तु सा ध्येया तत्सिद्धिश्चैव जायते । दिव्या सिद्धिरमोघा तु सिद्धविद्यश्च जायते
svabījena tu sā dhyeyā tatsiddhiścaiva jāyate / divyā siddhiramoghā tu siddhavidyaśca jāyate
Sanskrit only: no published translation is held for this verse.
वेद लोकांस्ततः सर्वान् कामरूपी स गच्छति । कुङ्कुमाभं च नारेशं त्रिनेत्रं तु जटाधरम्
veda lokāṃstataḥ sarvān kāmarūpī sa gacchati / kuṅkumābhaṃ ca nāreśaṃ trinetraṃ tu jaṭādharam
Sanskrit only: no published translation is held for this verse.
पूर्वाननमभिध्यायेत् वायुभक्षस्य यत्फलम् । तत्पुण्यफलमाप्नोति अश्वमेधायुतस्य च
pūrvānanamabhidhyāyet vāyubhakṣasya yatphalam / tatpuṇyaphalamāpnoti aśvamedhāyutasya ca
Sanskrit only: no published translation is held for this verse.
जगच्च वशमायाति क्रमते सिद्धिमेति च । षड्भिर्मासैरसन्देहः दक्षिणं च तथैव हि
jagacca vaśamāyāti kramate siddhimeti ca / ṣaḍbhirmāsairasandehaḥ dakṣiṇaṃ ca tathaiva hi
Sanskrit only: no published translation is held for this verse.
नीलाम्बुदप्रतीकाशं पिङ्गभ्रूश्मश्रुलोचनम् । भ्रुकुटीकरालवक्त्रं च कपालाहि विभूषितम्
nīlāmbudapratīkāśaṃ piṅgabhrūśmaśrulocanam / bhrukuṭīkarālavaktraṃ ca kapālāhi vibhūṣitam
Sanskrit only: no published translation is held for this verse.
बहुरूपजटाधारं दक्षिणं तस्य चिन्तयेत् । सुखदुःखविनाशाय ईतिज्वरविनाशनम्
bahurūpajaṭādhāraṃ dakṣiṇaṃ tasya cintayet / sukhaduḥkhavināśāya ītijvaravināśanam
Sanskrit only: no published translation is held for this verse.
विषग्रहादि सर्वं तु ध्यानान्नाशयते क्षणात् । अग्निवज्ज्वलते योगी जरामृत्युविवर्जितः
viṣagrahādi sarvaṃ tu dhyānānnāśayate kṣaṇāt / agnivajjvalate yogī jarāmṛtyuvivarjitaḥ
Sanskrit only: no published translation is held for this verse.
क्रमते सर्वलोकान्वै सिद्धश्च समतां व्रजेत् । सितं त्रिनयनं देवि साक्षासूत्रकमण्डलु
kramate sarvalokānvai siddhaśca samatāṃ vrajet / sitaṃ trinayanaṃ devi sākṣāsūtrakamaṇḍalu
Sanskrit only: no published translation is held for this verse.
पश्चिमं वदनं ध्यायेद् दिव्यसिद्धिप्रदायकम् । हत्वा प्राणिसहस्राणि परदारशतानि च
paścimaṃ vadanaṃ dhyāyed divyasiddhipradāyakam / hatvā prāṇisahasrāṇi paradāraśatāni ca
Sanskrit only: no published translation is held for this verse.
अलेपको विशुद्धात्मा सिद्धिं प्राप्य शिवो भवेत् । त्रिनेत्रमुत्तरं वक्त्रं रक्तोत्पलसमद्युति
alepako viśuddhātmā siddhiṃ prāpya śivo bhavet / trinetramuttaraṃ vaktraṃ raktotpalasamadyuti
Sanskrit only: no published translation is held for this verse.
ध्यानात्तस्य जगत्सर्वं वशमेति न संशयः । तपते वर्षते चैव सृजते संहरत्यपि
dhyānāttasya jagatsarvaṃ vaśameti na saṃśayaḥ / tapate varṣate caiva sṛjate saṃharatyapi
Sanskrit only: no published translation is held for this verse.
ईप्सितां लभते सिद्धिं यो ऽब्दमेकं तु चिन्तयेत् । सितमूर्ध्वं सदा ध्यायेच् छूलहस्तं जटाधरम्
īpsitāṃ labhate siddhiṃ yo 'bdamekaṃ tu cintayet / sitamūrdhvaṃ sadā dhyāyec chūlahastaṃ jaṭādharam
Sanskrit only: no published translation is held for this verse.
व्याघ्रचर्मपारीधानं साक्षासूत्रकमण्डलु । वीणाडमरुहस्तं च नागयज्ञोपवीतकम्
vyāghracarmapārīdhānaṃ sākṣāsūtrakamaṇḍalu / vīṇāḍamaruhastaṃ ca nāgayajñopavītakam
Sanskrit only: no published translation is held for this verse.
चन्द्रमूर्धोर्ध्वलिङ्गं च ध्यायेन्नित्यं महेश्वरम् । अनेनैव तु देहेन सर्वज्ञः कामरूपवान्
candramūrdhordhvaliṅgaṃ ca dhyāyennityaṃ maheśvaram / anenaiva tu dehena sarvajñaḥ kāmarūpavān
Sanskrit only: no published translation is held for this verse.
घण्टानादस्य वा ध्यानात् सिद्धिः षाण्मासिकी भवेत् । ईप्सिता मर्त्यलोके तु सिद्धिस्तस्य प्रजायते
ghaṇṭānādasya vā dhyānāt siddhiḥ ṣāṇmāsikī bhavet / īpsitā martyaloke tu siddhistasya prajāyate
Sanskrit only: no published translation is held for this verse.
लिङ्गध्यानं तु यः कुर्यात् पूर्वबीजेन संयुतम् । मासेनैकेन पश्येत्स सूक्ष्मं लिङ्गं तनूपरि
liṅgadhyānaṃ tu yaḥ kuryāt pūrvabījena saṃyutam / māsenaikena paśyetsa sūkṣmaṃ liṅgaṃ tanūpari
Sanskrit only: no published translation is held for this verse.
शुद्धस्फटिकसङ्काशं तद्दृष्ट्वा तु विमुच्यते । सिद्धिस्तु मानुषे लोके षण्मासेन प्रजायते
śuddhasphaṭikasaṅkāśaṃ taddṛṣṭvā tu vimucyate / siddhistu mānuṣe loke ṣaṇmāsena prajāyate
Sanskrit only: no published translation is held for this verse.
त्रैलोक्यदर्शने बुद्धिः प्रत्यक्षा तस्य जायते । आक्रामेत्सर्वलोकांश्च ईश्वरेण समो भवेत्
trailokyadarśane buddhiḥ pratyakṣā tasya jāyate / ākrāmetsarvalokāṃśca īśvareṇa samo bhavet
Sanskrit only: no published translation is held for this verse.
सोमार्कौ चक्षुषी स्यातां चक्रे वै धी रथस्य तु । तन्मात्राणि हयास्तस्य मनः सारथि चोदितः
somārkau cakṣuṣī syātāṃ cakre vai dhī rathasya tu / tanmātrāṇi hayāstasya manaḥ sārathi coditaḥ
Sanskrit only: no published translation is held for this verse.
अहंकारो भवेद्योद्धा गुणश्चास्य महाधनुः । इन्द्रियाणि शरास्तस्य मृगो धर्मः प्रकीर्तितः
ahaṃkāro bhavedyoddhā guṇaścāsya mahādhanuḥ / indriyāṇi śarāstasya mṛgo dharmaḥ prakīrtitaḥ
Sanskrit only: no published translation is held for this verse.
एवं स क्रीडते योगी परमात्मनि हृत्स्थिते । पुण्यपापैर्वर्तमान इच्छया परमेश्वरि
evaṃ sa krīḍate yogī paramātmani hṛtsthite / puṇyapāpairvartamāna icchayā parameśvari
Sanskrit only: no published translation is held for this verse.
नाहं कर्ता न मे बन्धः सर्वमीश्वरकारणम् । मत्वा चेश्वरविज्ञानं सर्वकर्मणि सन्त्यजेत्
nāhaṃ kartā na me bandhaḥ sarvamīśvarakāraṇam / matvā ceśvaravijñānaṃ sarvakarmaṇi santyajet
Sanskrit only: no published translation is held for this verse.
धर्माधर्मस्य कर्तृत्वे प्रेरको हृदि संस्थितः । तमहं शरणं प्राप्तो न मे बन्धो ऽस्ति कऋतृता
dharmādharmasya kartṛtve prerako hṛdi saṃsthitaḥ / tamahaṃ śaraṇaṃ prāpto na me bandho 'sti kaṛtṛtā
Sanskrit only: no published translation is held for this verse.
सदाशिवो ऽष्टभेदेन पूर्वबीजसमन्वितः । ध्येयः पूर्वोक्तरूपेण तत्सिद्धिफलमिच्छता
sadāśivo 'ṣṭabhedena pūrvabījasamanvitaḥ / dhyeyaḥ pūrvoktarūpeṇa tatsiddhiphalamicchatā
Sanskrit only: no published translation is held for this verse.
नादं वै व्यापकं ध्यायेद् अहोरात्रायनेषु च । दक्षिणोत्तरसंक्रान्त्या विषुवज्ज्ञस्य मोक्षदः
nādaṃ vai vyāpakaṃ dhyāyed ahorātrāyaneṣu ca / dakṣiṇottarasaṃkrāntyā viṣuvajjñasya mokṣadaḥ
Sanskrit only: no published translation is held for this verse.
वंशध्वनिसमप्रख्यः शान्तनादस्तु स स्मृतः । सदाशिवः स विज्ञेयः ध्यानात्सिद्धिफलं शृणु
vaṃśadhvanisamaprakhyaḥ śāntanādastu sa smṛtaḥ / sadāśivaḥ sa vijñeyaḥ dhyānātsiddhiphalaṃ śṛṇu
Sanskrit only: no published translation is held for this verse.
मासमात्रेण तेजस्वी वागीशस्तु द्वितीयके । तृतीये पश्यते सिद्धान् दिव्यदृष्टिश्चतुर्थके
māsamātreṇa tejasvī vāgīśastu dvitīyake / tṛtīye paśyate siddhān divyadṛṣṭiścaturthake
Sanskrit only: no published translation is held for this verse.
सिद्धिस्तु मानुषे लोके वत्सरार्धे न संशयः । दिव्यासिद्धिस्तथाब्देन सायुज्यं तु द्वितीयके
siddhistu mānuṣe loke vatsarārdhe na saṃśayaḥ / divyāsiddhistathābdena sāyujyaṃ tu dvitīyake
Sanskrit only: no published translation is held for this verse.
षण्मुखीकरणं कृत्वा ध्यायेद्देवं सदाशिवम् । अङ्गुष्ठाभ्यां श्रुती नेत्रे तर्जनीमध्यमाक्रमात्
ṣaṇmukhīkaraṇaṃ kṛtvā dhyāyeddevaṃ sadāśivam / aṅguṣṭhābhyāṃ śrutī netre tarjanīmadhyamākramāt
Sanskrit only: no published translation is held for this verse.
शेषाभ्यां वृणुयाद्घ्राणे षण्मुखे किल बद्धधीः । दशधा वर्णरूपेण दृश्यते च सदाशिवः
śeṣābhyāṃ vṛṇuyādghrāṇe ṣaṇmukhe kila baddhadhīḥ / daśadhā varṇarūpeṇa dṛśyate ca sadāśivaḥ
Sanskrit only: no published translation is held for this verse.
सितं रक्तं च पीतं च कृष्णं हरितपिङ्गलम् । नीलं चित्रकवर्णं तु स्फटिकाभं मनोरमम्
sitaṃ raktaṃ ca pītaṃ ca kṛṣṇaṃ haritapiṅgalam / nīlaṃ citrakavarṇaṃ tu sphaṭikābhaṃ manoramam
Sanskrit only: no published translation is held for this verse.
दृष्ट्वा सर्वाणि रूपाणि त्यजेत्तनि विचक्षणः । एकमेव तु गृह्णीयाद् अन्ये तु गुणरूपकाः
dṛṣṭvā sarvāṇi rūpāṇi tyajettani vicakṣaṇaḥ / ekameva tu gṛhṇīyād anye tu guṇarūpakāḥ
Sanskrit only: no published translation is held for this verse.
चन्द्रमण्डलसङ्काशं विद्युत्पुञ्जनिभेक्षणम् । तारकाचलिताकारं बिन्दुमेवं विलक्षयेत्
candramaṇḍalasaṅkāśaṃ vidyutpuñjanibhekṣaṇam / tārakācalitākāraṃ bindumevaṃ vilakṣayet
Sanskrit only: no published translation is held for this verse.
निवृत्तिश्च प्रतिष्ठा च विद्या शान्तिस्तथैव च । आभिः कलाभिः संयुक्तो ध्यातव्यो बिन्दुरीश्वरः
nivṛttiśca pratiṣṭhā ca vidyā śāntistathaiva ca / ābhiḥ kalābhiḥ saṃyukto dhyātavyo bindurīśvaraḥ
Sanskrit only: no published translation is held for this verse.
बिन्दुध्यानं समाख्यातं शक्तिलक्षं निबोध मे । खं वीक्ष्य मीलिताक्षो यद् उद्यद्भास्करसन्निभम्
bindudhyānaṃ samākhyātaṃ śaktilakṣaṃ nibodha me / khaṃ vīkṣya mīlitākṣo yad udyadbhāskarasannibham
Sanskrit only: no published translation is held for this verse.
ईक्षते च महत्तेजः शक्तिः प्रभ्वीति सा स्मृता । पीता रक्ता तथा कृष्णा स्फटिकाभा मनोरमा
īkṣate ca mahattejaḥ śaktiḥ prabhvīti sā smṛtā / pītā raktā tathā kṛṣṇā sphaṭikābhā manoramā
Sanskrit only: no published translation is held for this verse.
द्रष्टव्या पारमा शक्तिः तां दृष्ट्वा शिवतां व्रजेत् । व्यापिनीं च ततश्चोर्ध्वे पञ्चरूपां विचिन्तयेत्
draṣṭavyā pāramā śaktiḥ tāṃ dṛṣṭvā śivatāṃ vrajet / vyāpinīṃ ca tataścordhve pañcarūpāṃ vicintayet
Sanskrit only: no published translation is held for this verse.
कारणैः स्वैः समोपेतां ध्यात्वा स्वच्छन्दतां व्रजेत् । समनामुन्मनां चोक्तां ध्यायेद्युक्तेन चेतसा
kāraṇaiḥ svaiḥ samopetāṃ dhyātvā svacchandatāṃ vrajet / samanāmunmanāṃ coktāṃ dhyāyedyuktena cetasā
Sanskrit only: no published translation is held for this verse.
ध्यानात्सिद्धिमवाप्नोति व्यापकः प्रभुरख्ययः । ततश्चोर्ध्वे शिवः शान्तः पूर्वं वै कथितो मया
dhyānātsiddhimavāpnoti vyāpakaḥ prabhurakhyayaḥ / tataścordhve śivaḥ śāntaḥ pūrvaṃ vai kathito mayā
Sanskrit only: no published translation is held for this verse.
चक्षुषा यश्च दृश्येत वाचो वा यश्च गोचरः । मनश्चिन्तयते यानि बुद्धिर्यानि व्यवस्यति
cakṣuṣā yaśca dṛśyeta vāco vā yaśca gocaraḥ / manaścintayate yāni buddhiryāni vyavasyati
Sanskrit only: no published translation is held for this verse.
अहंकृतानि यान्येव यच्च वेद्यतया स्थितम् । यश्च नास्ति स तत्रैव त्व् अन्वेष्टव्यः प्रयत्नतः
ahaṃkṛtāni yānyeva yacca vedyatayā sthitam / yaśca nāsti sa tatraiva tv anveṣṭavyaḥ prayatnataḥ
Sanskrit only: no published translation is held for this verse.
यत्र तत्र स्थितो देशे यत्र तत्राश्रमे रतः । सुखासीनः संयतात्मा एकचित्तः समाहितः
yatra tatra sthito deśe yatra tatrāśrame rataḥ / sukhāsīnaḥ saṃyatātmā ekacittaḥ samāhitaḥ
Sanskrit only: no published translation is held for this verse.
स्वच्छन्दं समनुस्मृत्य अभावं भावयेत्सदा । भावनात्तस्य तत्त्वस्य तत्समश्चैव जायते
svacchandaṃ samanusmṛtya abhāvaṃ bhāvayetsadā / bhāvanāttasya tattvasya tatsamaścaiva jāyate
Sanskrit only: no published translation is held for this verse.
ये धर्मास्तस्य चाख्याताः पूर्वं ते वरवर्णिनि । तैस्तु धर्मैः समायुक्ति योगी वै भवति प्रिये
ye dharmāstasya cākhyātāḥ pūrvaṃ te varavarṇini / taistu dharmaiḥ samāyukti yogī vai bhavati priye
Sanskrit only: no published translation is held for this verse.
स्वरूपरूपकध्यानं तत्त्वानां कथितं मया । एवं ज्ञात्वा च ध्यात्वा च सिद्ध्यते मुच्यते ऽपि च
svarūparūpakadhyānaṃ tattvānāṃ kathitaṃ mayā / evaṃ jñātvā ca dhyātvā ca siddhyate mucyate 'pi ca
Sanskrit only: no published translation is held for this verse.