इति स्वच्छन्दतन्त्रे द्वादशः पटलः श्रीदेव्युवाच सारं यदस्य तन्त्रस्य यागं तु परमेश्वर । तमाख्याहि समासेन साधकानां हिताय वै
iti svacchandatantre dvādaśaḥ paṭalaḥ śrīdevyuvāca sāraṃ yadasya tantrasya yāgaṃ tu parameśvara / tamākhyāhi samāsena sādhakānāṃ hitāya vai
Sanskrit only: no published translation is held for this verse.
श्रीभैरव उवाच मूलबीजाक्षरं मन्त्र- नायकं परमीश्वरम् । प्रणवासनमारूढम् अङ्गवक्त्रैः समन्वितम्
śrībhairava uvāca mūlabījākṣaraṃ mantra- nāyakaṃ paramīśvaram / praṇavāsanamārūḍham aṅgavaktraiḥ samanvitam
Sanskrit only: no published translation is held for this verse.
पूर्वोक्तद्रव्यसंघातैः पूजयेत् परमेश्वरम् । स एव होमविन्यासः दीक्षा सैव प्रकीर्तितः
pūrvoktadravyasaṃghātaiḥ pūjayet parameśvaram / sa eva homavinyāsaḥ dīkṣā saiva prakīrtitaḥ
Sanskrit only: no published translation is held for this verse.
दशलक्षं जपेद्यस्तु एकचित्तः समाहितः । समुद्रगसरित्तीरे सहायैः परिवर्जितः
daśalakṣaṃ japedyastu ekacittaḥ samāhitaḥ / samudragasarittīre sahāyaiḥ parivarjitaḥ
Sanskrit only: no published translation is held for this verse.
होमयेन्नरमांसस्य लक्षमेकं सगुग्गुलम् । जितेन्द्रियैकचित्तस्तु ब्रह्मचर्ये व्यवस्थितः
homayennaramāṃsasya lakṣamekaṃ saguggulam / jitendriyaikacittastu brahmacarye vyavasthitaḥ
Sanskrit only: no published translation is held for this verse.
असाध्यं साधयेद्देवि नात्र कार्या विचारणा । यानि कानीह कर्माणि चतुष्पीठस्थितानि च
asādhyaṃ sādhayeddevi nātra kāryā vicāraṇā / yāni kānīha karmāṇi catuṣpīṭhasthitāni ca
Sanskrit only: no published translation is held for this verse.
अधमान्यथ मध्यानि ह्य् उत्तमानि वरानने । तानि सिद्ध्यन्ति देवेशि भैरवस्य वचो यथा
adhamānyatha madhyāni hy uttamāni varānane / tāni siddhyanti deveśi bhairavasya vaco yathā
Sanskrit only: no published translation is held for this verse.
अथातः सम्प्रवक्ष्यामि कारिकाकोशमुत्तमम् । यं ज्ञात्वा देवदेवेशि विचरन्तीह साधकाः
athātaḥ sampravakṣyāmi kārikākośamuttamam / yaṃ jñātvā devadeveśi vicarantīha sādhakāḥ
Sanskrit only: no published translation is held for this verse.
रक्तालक्तकलिखितं साध्यतनौ मन्त्रयुक्तमभिधानम् ॥ स्वत् १३।९ ॥* प्रेतानले सुतप्तं विधाय निशि यत्कृते शतं जपति ।* असुरेन्द्रचक्रवर्तिनमसुरेन्द्रगुरुं वा तमानयत्यनिलवेगात् ॥ स्वत् १३।१० ॥* प्रेतालक्तकलिखितं नरशिरसि प्रेतवह्निसन्तप्तम् ।* यमलोकादप्यचिरादानयति बलेन पूर्ववत् साध्यम् ॥ स्वत् १३।११ ॥* मृतनार्या वामपदादुद्बद्धायास्तु पांसुलीं समादाय ।* रुधिरालक्तकरोचनया साध्यतनुं मन्त्रसंयुक्ताम् ॥ स्वत् १३।१२ ॥* खदिरानले सुतप्तां रात्र्यर्धे सम्मुखो जपशतेन ।* आनयति शचीमहल्यामथवा दिवसस्य शतभागात् ॥ स्वत् १३।१३ ॥* उद्बद्धस्त्रीतनुवामाङ्घ्रेः पांसुलीं समादाय ।* प्रेतालक्तकनिजरुधिररोचनाभिर्विलिख्य साध्यतनुम् ॥ स्वत् १३।१४ ॥* प्रेतानले सुतप्तां शताभिजप्तां स्वनाममन्त्रयुताम् ।* कृत्वा यक्षसुरासुरपन्नगनारीः समानयत्याशु ॥ स्वत् १३।१५ ॥* निजवामकरे ऽलक्तकरोचनया साध्यनाम परिलिखितम् ।* मन्त्रविदर्भितमेतज्जपशतयुक्तं सुतापितं रात्रौ ॥ स्वत् १३।१६ ॥* खदिरानले विधूमे ऽसुरगुरुमप्यानयत्यनिलवेगात् ।* साध्यमभिधानलिखितं भूमितले गैरिकेण रक्तेन ॥ स्वत् १३।१७ ॥* गन्धोद्वर्तितवामहस्तेन तु तत्त्वबीजयुक्तेन ।* आक्रम्य भूमिलिखितं साध्याभिमुखो ऽर्धरात्रकाले तु ॥ स्वत् १३।१८ ॥* क्षितिपतिमपि सामात्यं चानयति निमेषशतभागात् ।* नृकपालमध्यलिखितं रोचनया रक्तमिश्रया साध्यम् ॥ स्वत् १३।१९ ॥* नाम च तस्य ललाटे मन्त्रेण विदर्भितं समालिख्य ।* गन्धोदकेन लिप्तं नृकपालं वै द्वितीयमादाय ॥ स्वत् १३।२० ॥* कृत्वा कपालसम्पुटमथ मृतसूत्रेण वेष्टयेत् सम्यक् ।* खदिराङ्गारसुतप्तं सिक्थकलिप्तं तु तत्पुनः कृत्वा ॥ स्वत् १३।२१ ॥* यावत् सिक्थकमेतत् कपाललग्नं विलीयते तावत् ।* सुरपतिमप्याकर्षति जपशतयोगान्निमेषमात्रेण ॥ स्वत् १३।२२ ॥* भित्तौ गैरिकलिखितं मन्त्रार्णविदर्भितं तदभिधानम् ।* साध्याभिमुखो रात्रौ वामकराक्रान्तमथ जपन् क्रुद्धः ॥ स्वत् १३।२३ ॥* क्रोङ्काराङ्कुशयोगादानयति सुरासुरान् क्षिप्रम् ।* रणशस्त्रघातपतितं नरपिशितं त्रिमधुसंयुतं जुहुयात् ॥ स्वत् १३।२४ ॥* विपरीतचक्रमुद्रां बद्ध्वा साध्यं तु निक्षिपेन्मध्ये ।* सम्पीडितकरसम्पुटविह्वलवक्त्रं करान्तरे ध्यात्वा ॥ स्वत् १३।२५ ॥* आनयति महापुरुषं क्षितिपतिमपि दिवसशतभागात् ।* शितशस्त्रपातरहितध्वजनरशीर्षं प्रगृह्य लक्षमयुतम् ॥ स्वत् १३।२६ ॥* तत्र त्रिरूपगदितं धाम लिखित्वाभिपूजयेद्यस्तु ।* तस्य हरिपवनकमलजधनदयमेन्द्राः ससिद्धगन्धर्वाः ॥ स्वत् १३।२७ ॥* विविधवरसिद्धिजातं विदधति विचित्रास्तथापराः सिद्धीः ।* व्यक्ताव्यक्तं तथा व्यक्तमव्यक्तं तु त्रिरूपकम् ॥ स्वत् १३।२८ ॥* धामचाराधयेत् सम्यक् तत्र यस्तु विचक्षणः । जायते त्रिविधा सिद्धिर् गिरिराजतनूद्भवे
raktālaktakalikhitaṃ sādhyatanau mantrayuktamabhidhānam // SvaT 13.9 //* pretānale sutaptaṃ vidhāya niśi yatkṛte śataṃ japati /* asurendracakravartinamasurendraguruṃ vā tamānayatyanilavegāt // SvaT 13.10 //* pretālaktakalikhitaṃ naraśirasi pretavahnisantaptam /* yamalokādapyacirādānayati balena pūrvavat sādhyam // SvaT 13.11 //* mṛtanāryā vāmapadādudbaddhāyāstu pāṃsulīṃ samādāya /* rudhirālaktakarocanayā sādhyatanuṃ mantrasaṃyuktām // SvaT 13.12 //* khadirānale sutaptāṃ rātryardhe sammukho japaśatena /* ānayati śacīmahalyāmathavā divasasya śatabhāgāt // SvaT 13.13 //* udbaddhastrītanuvāmāṅghreḥ pāṃsulīṃ samādāya /* pretālaktakanijarudhirarocanābhirvilikhya sādhyatanum // SvaT 13.14 //* pretānale sutaptāṃ śatābhijaptāṃ svanāmamantrayutām /* kṛtvā yakṣasurāsurapannaganārīḥ samānayatyāśu // SvaT 13.15 //* nijavāmakare 'laktakarocanayā sādhyanāma parilikhitam /* mantravidarbhitametajjapaśatayuktaṃ sutāpitaṃ rātrau // SvaT 13.16 //* khadirānale vidhūme 'suragurumapyānayatyanilavegāt /* sādhyamabhidhānalikhitaṃ bhūmitale gairikeṇa raktena // SvaT 13.17 //* gandhodvartitavāmahastena tu tattvabījayuktena /* ākramya bhūmilikhitaṃ sādhyābhimukho 'rdharātrakāle tu // SvaT 13.18 //* kṣitipatimapi sāmātyaṃ cānayati nimeṣaśatabhāgāt /* nṛkapālamadhyalikhitaṃ rocanayā raktamiśrayā sādhyam // SvaT 13.19 //* nāma ca tasya lalāṭe mantreṇa vidarbhitaṃ samālikhya /* gandhodakena liptaṃ nṛkapālaṃ vai dvitīyamādāya // SvaT 13.20 //* kṛtvā kapālasampuṭamatha mṛtasūtreṇa veṣṭayet samyak /* khadirāṅgārasutaptaṃ sikthakaliptaṃ tu tatpunaḥ kṛtvā // SvaT 13.21 //* yāvat sikthakametat kapālalagnaṃ vilīyate tāvat /* surapatimapyākarṣati japaśatayogānnimeṣamātreṇa // SvaT 13.22 //* bhittau gairikalikhitaṃ mantrārṇavidarbhitaṃ tadabhidhānam /* sādhyābhimukho rātrau vāmakarākrāntamatha japan kruddhaḥ // SvaT 13.23 //* kroṅkārāṅkuśayogādānayati surāsurān kṣipram /* raṇaśastraghātapatitaṃ narapiśitaṃ trimadhusaṃyutaṃ juhuyāt // SvaT 13.24 //* viparītacakramudrāṃ baddhvā sādhyaṃ tu nikṣipenmadhye /* sampīḍitakarasampuṭavihvalavaktraṃ karāntare dhyātvā // SvaT 13.25 //* ānayati mahāpuruṣaṃ kṣitipatimapi divasaśatabhāgāt /* śitaśastrapātarahitadhvajanaraśīrṣaṃ pragṛhya lakṣamayutam // SvaT 13.26 //* tatra trirūpagaditaṃ dhāma likhitvābhipūjayedyastu /* tasya haripavanakamalajadhanadayamendrāḥ sasiddhagandharvāḥ // SvaT 13.27 //* vividhavarasiddhijātaṃ vidadhati vicitrāstathāparāḥ siddhīḥ /* vyaktāvyaktaṃ tathā vyaktamavyaktaṃ tu trirūpakam // SvaT 13.28 //* dhāmacārādhayet samyak tatra yastu vicakṣaṇaḥ / jāyate trividhā siddhir girirājatanūdbhave
Sanskrit only: no published translation is held for this verse.
सुनिश्चितमतेः सम्यग् गिरिराजस्य तस्य वै । रक्तचन्दनधूलिं तु राजिकां लवणं तथा
suniścitamateḥ samyag girirājasya tasya vai / raktacandanadhūliṃ tu rājikāṃ lavaṇaṃ tathā
Sanskrit only: no published translation is held for this verse.
पादधूलिं तु साध्यस्य एकीकृत्य तु पेषयेत् । जपन् स्वच्छन्ददेवं तु निर्मथ्नंश्च करद्वयम्
pādadhūliṃ tu sādhyasya ekīkṛtya tu peṣayet / japan svacchandadevaṃ tu nirmathnaṃśca karadvayam
Sanskrit only: no published translation is held for this verse.
चिताग्नौ जुहुयाच्चूर्णं चाण्डालाग्नावथापि वा । साध्यस्याभिमुखो भूत्वा प्रयोगमिममाचरेत्
citāgnau juhuyāccūrṇaṃ cāṇḍālāgnāvathāpi vā / sādhyasyābhimukho bhūtvā prayogamimamācaret
Sanskrit only: no published translation is held for this verse.
शतमेकं जपेद्यावत् तावदाकर्षयेन्नृपम् । वशमायाति भूनाथ आत्मना च धनेन च
śatamekaṃ japedyāvat tāvadākarṣayennṛpam / vaśamāyāti bhūnātha ātmanā ca dhanena ca
Sanskrit only: no published translation is held for this verse.
सिद्ध एष प्रयोगस्तु नान्यथा ते वदाम्यहम् । तामेव धूलिं संगृह्य लोहचूर्णविमिश्रिताम्
siddha eṣa prayogastu nānyathā te vadāmyaham / tāmeva dhūliṃ saṃgṛhya lohacūrṇavimiśritām
Sanskrit only: no published translation is held for this verse.
श्मशानचीरके बद्ध्वा सप्तजप्तां चतुष्पथे । निखन्याष्टाङ्गुलं भूमौ रिपुनामसमन्विताम्
śmaśānacīrake baddhvā saptajaptāṃ catuṣpathe / nikhanyāṣṭāṅgulaṃ bhūmau ripunāmasamanvitām
Sanskrit only: no published translation is held for this verse.
निक्षिपेद्यस्य नाम्ना तां स क्षणात् स्तम्भितो भवेत् । तामेव धूलिं संगृह्य पञ्चकोन्मत्तसंयुताम्
nikṣipedyasya nāmnā tāṃ sa kṣaṇāt stambhito bhavet / tāmeva dhūliṃ saṃgṛhya pañcakonmattasaṃyutām
Sanskrit only: no published translation is held for this verse.
बद्ध्वा तां प्रेतवस्त्रेण रिपुनामसमन्विताम् । शतजप्तां तु तां कृत्वा श्मशाने निखनेद् द्रुतम्
baddhvā tāṃ pretavastreṇa ripunāmasamanvitām / śatajaptāṃ tu tāṃ kṛtvā śmaśāne nikhaned drutam
Sanskrit only: no published translation is held for this verse.
भवत्युन्मत्तकः साध्य उद्धृतायां तु मुच्यते । उद्धृतं वस्त्रमादाय क्षीरेण परिशोधयेत्
bhavatyunmattakaḥ sādhya uddhṛtāyāṃ tu mucyate / uddhṛtaṃ vastramādāya kṣīreṇa pariśodhayet
Sanskrit only: no published translation is held for this verse.
प्रत्यानयनमेतद्धि सिद्धमेव न संशयः । अथ रक्ताश्वमारस्य कुसुमानि समाहरेत्
pratyānayanametaddhi siddhameva na saṃśayaḥ / atha raktāśvamārasya kusumāni samāharet
Sanskrit only: no published translation is held for this verse.
शतमष्टोत्तरं तेषां शतजप्तं तु कारयेत् । सकृज्जप्तेन पुष्पेण लिङ्गमूर्धनि ताडयेत्
śatamaṣṭottaraṃ teṣāṃ śatajaptaṃ tu kārayet / sakṛjjaptena puṣpeṇa liṅgamūrdhani tāḍayet
Sanskrit only: no published translation is held for this verse.
एवं दिने दिने कुर्याद् दशाहं सुसमाहितः । ततस्त्वेकादशैतानि संगृह्य कुसुमानि तु
evaṃ dine dine kuryād daśāhaṃ susamāhitaḥ / tatastvekādaśaitāni saṃgṛhya kusumāni tu
Sanskrit only: no published translation is held for this verse.
महानदीं ततो गत्वा तत्रैकैकं प्रवाहयेत् । आनुपूर्व्येण सर्वाणि सकृज्जप्त्वा तु मन्त्रवित्
mahānadīṃ tato gatvā tatraikaikaṃ pravāhayet / ānupūrvyeṇa sarvāṇi sakṛjjaptvā tu mantravit
Sanskrit only: no published translation is held for this verse.
यत्तेषां पश्चिमं पुष्पं प्रतिस्रोतः प्रयाति हि । तद्गृहीत्वाम्बुसम्मिश्रं दन्तैरस्पृष्टमापिबेत्
yatteṣāṃ paścimaṃ puṣpaṃ pratisrotaḥ prayāti hi / tadgṛhītvāmbusammiśraṃ dantairaspṛṣṭamāpibet
Sanskrit only: no published translation is held for this verse.
ततो ऽश्वमारकुसुमं रक्तं वै शतमन्त्रितम् । तर्जन्यग्रे तु तत्कृत्वा अङ्गुष्ठेनाक्रमेद् बुधः
tato 'śvamārakusumaṃ raktaṃ vai śatamantritam / tarjanyagre tu tatkṛtvā aṅguṣṭhenākramed budhaḥ
Sanskrit only: no published translation is held for this verse.
भ्रामयेत् सव्यतः पुष्पं यस्य नाम्ना तु मन्त्रवित् । स्वच्छन्दं जपमानस्तु तमाकर्षयते द्रुतम् । अपसव्यं भ्रामयित्वा पुनस्तस्य विसर्जनम्
bhrāmayet savyataḥ puṣpaṃ yasya nāmnā tu mantravit / svacchandaṃ japamānastu tamākarṣayate drutam / apasavyaṃ bhrāmayitvā punastasya visarjanam
Sanskrit only: no published translation is held for this verse.