इति स्वच्छन्दतन्त्रे मन्त्रोद्धारप्रकाशनं नाम प्रथमः पटलः द्वितीयः पटलः अथार्चनं प्रवक्ष्यामि यथावदनुपूर्वशः । शौचं कृत्वा ततः स्नानं कर्तव्यं तु मृदम्भसा
iti svacchandatantre mantroddhāraprakāśanaṃ nāma prathamaḥ paṭalaḥ dvitīyaḥ paṭalaḥ athārcanaṃ pravakṣyāmi yathāvadanupūrvaśaḥ / śaucaṃ kṛtvā tataḥ snānaṃ kartavyaṃ tu mṛdambhasā
Sanskrit only: no published translation is held for this verse.
शुचिस्थानान्मृदं पूर्वं गृहीत्वास्त्रेण शोधिताम् । प्रक्षाल्य जलतीरं तु स्थापयेत्तां वरानने
śucisthānānmṛdaṃ pūrvaṃ gṛhītvāstreṇa śodhitām / prakṣālya jalatīraṃ tu sthāpayettāṃ varānane
Sanskrit only: no published translation is held for this verse.
भागद्वयं ततो ऽस्त्रेण कर्तव्यं तु कृशोदरि । भागार्धेन कटिं चोरू जङ्घे पादौ तथैव च
bhāgadvayaṃ tato 'streṇa kartavyaṃ tu kṛśodari / bhāgārdhena kaṭiṃ corū jaṅghe pādau tathaiva ca
Sanskrit only: no published translation is held for this verse.
क्षालयेत यथान्यायं त्रिरन्तरितयोगतः । अवशिष्टं तु भागार्धं गृहीत्वास्त्राभिमन्त्रितम्
kṣālayeta yathānyāyaṃ trirantaritayogataḥ / avaśiṣṭaṃ tu bhāgārdhaṃ gṛhītvāstrābhimantritam
Sanskrit only: no published translation is held for this verse.
सप्तवारान्वरारोहे अर्कदीप्तं तु कारयेत् । शिरःप्रभृति पादान्तम् आगुष्ठ्य स्नानमाचरेत्
saptavārānvarārohe arkadīptaṃ tu kārayet / śiraḥprabhṛti pādāntam āguṣṭhya snānamācaret
Sanskrit only: no published translation is held for this verse.
उत्तीर्योदकमध्यात्तु उपस्पृश्य यथाक्रमम् । संध्याया वन्दनं कुर्याच् छास्त्रदृष्टेन कर्मणा
uttīryodakamadhyāttu upaspṛśya yathākramam / saṃdhyāyā vandanaṃ kuryāc chāstradṛṣṭena karmaṇā
Sanskrit only: no published translation is held for this verse.
मलस्नानं भवेदेवं विधिस्नानं प्रचक्ष्महे । भागार्धं यत्स्थितं पूर्वं ततो भागत्रयं कुरु
malasnānaṃ bhavedevaṃ vidhisnānaṃ pracakṣmahe / bhāgārdhaṃ yatsthitaṃ pūrvaṃ tato bhāgatrayaṃ kuru
Sanskrit only: no published translation is held for this verse.
वामहस्तस्य पूर्वे च दक्षिणे चोत्तरे क्रमात् । पूर्वभागं ततो ऽस्त्रेण सप्तवारांस्तु मन्त्रयेत्
vāmahastasya pūrve ca dakṣiṇe cottare kramāt / pūrvabhāgaṃ tato 'streṇa saptavārāṃstu mantrayet
Sanskrit only: no published translation is held for this verse.
दक्षिणस्थं तथा वक्त्रैर् अभिमन्त्र्य वरानने । उत्तरं चाभिमन्त्र्यैवं देवेनाङ्गयुतेन च
dakṣiṇasthaṃ tathā vaktrair abhimantrya varānane / uttaraṃ cābhimantryaivaṃ devenāṅgayutena ca
Sanskrit only: no published translation is held for this verse.
पूर्वभागं गृहीत्वा तु दशदिक्षु विनिक्षिपेत् । उत्तरेण तु भागेन जलं चैवाभिमन्त्रयेत्
pūrvabhāgaṃ gṛhītvā tu daśadikṣu vinikṣipet / uttareṇa tu bhāgena jalaṃ caivābhimantrayet
Sanskrit only: no published translation is held for this verse.
बाहुमात्रप्रमाणेन भैरवेशमनुस्मरन् । आत्मानं गुण्ठयित्वा तु दक्षभागेन सुव्रते
bāhumātrapramāṇena bhairaveśamanusmaran / ātmānaṃ guṇṭhayitvā tu dakṣabhāgena suvrate
Sanskrit only: no published translation is held for this verse.
स्नायाद्राजोपचारेण सुगन्धामलकादिभिः । प्राणायामाभिषेकौ तु कर्तव्यौ भैरवेण च
snāyādrājopacāreṇa sugandhāmalakādibhiḥ / prāṇāyāmābhiṣekau tu kartavyau bhairaveṇa ca
Sanskrit only: no published translation is held for this verse.
उत्तीर्योदकमध्यात्तु तद्वासः परिवर्तयेत् । उपस्पृश्य कृतन्यासो मूलमन्त्रमनुस्मरन्
uttīryodakamadhyāttu tadvāsaḥ parivartayet / upaspṛśya kṛtanyāso mūlamantramanusmaran
Sanskrit only: no published translation is held for this verse.
तीर्थं संगृह्य देवेशि आत्मनो ऽग्रे निधापयेत् । तत्रस्थो वन्दयेत्संध्यां मार्जनादिरनुक्रमात्
tīrthaṃ saṃgṛhya deveśi ātmano 'gre nidhāpayet / tatrastho vandayetsaṃdhyāṃ mārjanādiranukramāt
Sanskrit only: no published translation is held for this verse.
अघमर्षः प्रकर्तव्य उपस्थानं दिवाकरे । जपं कृत्वा निवेद्यैवं प्रणम्य च वरानने
aghamarṣaḥ prakartavya upasthānaṃ divākare / japaṃ kṛtvā nivedyaivaṃ praṇamya ca varānane
Sanskrit only: no published translation is held for this verse.
मन्त्राणां तर्पणं कृत्वा देवानामृषिभिः सह । सर्वेषां भूतसंघानां ततस्तीर्थं तु संहरेत्
mantrāṇāṃ tarpaṇaṃ kṛtvā devānāmṛṣibhiḥ saha / sarveṣāṃ bhūtasaṃghānāṃ tatastīrthaṃ tu saṃharet
Sanskrit only: no published translation is held for this verse.
मूलमन्त्रमनुस्मृत्य भस्मस्नानमतः परम् । मलस्नानं प्रकर्तव्यं भावितेनान्तरात्मना
mūlamantramanusmṛtya bhasmasnānamataḥ param / malasnānaṃ prakartavyaṃ bhāvitenāntarātmanā
Sanskrit only: no published translation is held for this verse.
परिवृत्त्य ततो वासः संध्यां प्रागिव वन्दयेत् । विधिस्नानं ततः कुर्याद् भैरवेशमनुस्मरन्
parivṛttya tato vāsaḥ saṃdhyāṃ prāgiva vandayet / vidhisnānaṃ tataḥ kuryād bhairaveśamanusmaran
Sanskrit only: no published translation is held for this verse.
शिरो वक्त्रं च हृद्गुह्यं पादान्तं च विभागशः । भैरवेणाङ्गयुक्तेन समुद्धूल्यं यथाक्रमम्
śiro vaktraṃ ca hṛdguhyaṃ pādāntaṃ ca vibhāgaśaḥ / bhairaveṇāṅgayuktena samuddhūlyaṃ yathākramam
Sanskrit only: no published translation is held for this verse.
अभिषेकं प्रकुर्वीत परं तत्त्वमनुस्मरन् । संध्याया वन्दनं कुर्याद् यथापूर्वं वरानने
abhiṣekaṃ prakurvīta paraṃ tattvamanusmaran / saṃdhyāyā vandanaṃ kuryād yathāpūrvaṃ varānane
Sanskrit only: no published translation is held for this verse.
ततो यागगृहं गत्वा हस्तौ पादौ च क्षालयेत् । शिखां बद्ध्वा शिखां स्मृत्वा उपस्पृश्य विधानतः
tato yāgagṛhaṃ gatvā hastau pādau ca kṣālayet / śikhāṃ baddhvā śikhāṃ smṛtvā upaspṛśya vidhānataḥ
Sanskrit only: no published translation is held for this verse.
सकलीकृतदेहस्तु पुष्पमादाय सुव्रते । दिङ्मातृभ्यो नमस्कृत्य द्वारं संप्रोक्ष्य यत्नतः
sakalīkṛtadehastu puṣpamādāya suvrate / diṅmātṛbhyo namaskṛtya dvāraṃ saṃprokṣya yatnataḥ
Sanskrit only: no published translation is held for this verse.
शिवाम्भसास्त्रमन्त्रेण विघ्नप्रोच्चाटनं भवेत् । द्वारशाखोर्ध्वतो देवं गणेशं च श्रियं तथा
śivāmbhasāstramantreṇa vighnaproccāṭanaṃ bhavet / dvāraśākhordhvato devaṃ gaṇeśaṃ ca śriyaṃ tathā
Sanskrit only: no published translation is held for this verse.
संपूज्य गन्धपुष्पाद्यैर् धूपादिभिरनुक्रमात् । अर्घ्यपाद्योपहारैश्च ततो द्वारस्य चोत्तरे
saṃpūjya gandhapuṣpādyair dhūpādibhiranukramāt / arghyapādyopahāraiśca tato dvārasya cottare
Sanskrit only: no published translation is held for this verse.
नन्दिगङ्गे समभ्यर्च्य महाकालं च दक्षिणे । कालिन्दीं चैव संपूज्य यथानुक्रमयोगतः
nandigaṅge samabhyarcya mahākālaṃ ca dakṣiṇe / kālindīṃ caiva saṃpūjya yathānukramayogataḥ
Sanskrit only: no published translation is held for this verse.
भैरवास्त्रं समुच्चार्य पुष्पं संगृह्य भावितः । सप्ताभिमन्त्रितं कृत्वा ज्वलदग्निशिखाकुलम्
bhairavāstraṃ samuccārya puṣpaṃ saṃgṛhya bhāvitaḥ / saptābhimantritaṃ kṛtvā jvaladagniśikhākulam
Sanskrit only: no published translation is held for this verse.
नाराचास्त्रप्रयोगेण प्रविशेद्गृहमध्यतः । निवारितं तेन सर्वं विघ्नजालमनन्तकम्
nārācāstraprayogeṇa praviśedgṛhamadhyataḥ / nivāritaṃ tena sarvaṃ vighnajālamanantakam
Sanskrit only: no published translation is held for this verse.
ततो रक्षार्थमन्त्रं च दशदिक्षु विनिक्षिपेत् । मध्ये सम्पूज्य ब्रह्माणं गन्धैः पुष्पैरनुक्रमात्
tato rakṣārthamantraṃ ca daśadikṣu vinikṣipet / madhye sampūjya brahmāṇaṃ gandhaiḥ puṣpairanukramāt
Sanskrit only: no published translation is held for this verse.
दक्षिणायां ततो मूर्तौ प्रणवासनसंस्थितः । उपविश्यासनं बद्ध्वा स्वभ्यस्तं वै पुरःस्थितम्
dakṣiṇāyāṃ tato mūrtau praṇavāsanasaṃsthitaḥ / upaviśyāsanaṃ baddhvā svabhyastaṃ vai puraḥsthitam
Sanskrit only: no published translation is held for this verse.
गन्धदिग्धौ करौ कृत्वा अस्त्रेण परिशोधयेत् । कवचेनावगुण्ठ्यैतौ प्लावयेदमृतेन तु
gandhadigdhau karau kṛtvā astreṇa pariśodhayet / kavacenāvaguṇṭhyaitau plāvayedamṛtena tu
Sanskrit only: no published translation is held for this verse.
परां शक्तिं तु संक्षोभ्य ततो ऽनन्तं प्रकल्पयेत् । मूर्तिं न्यस्यानुवक्त्राणि स्वच्छन्दं परिकल्पयेत्
parāṃ śaktiṃ tu saṃkṣobhya tato 'nantaṃ prakalpayet / mūrtiṃ nyasyānuvaktrāṇi svacchandaṃ parikalpayet
Sanskrit only: no published translation is held for this verse.
अङ्गुष्ठादिकनिष्ठान्तं विन्यसेदङ्गपञ्चकम् । भैरवानपि संकल्प्य परं तत्त्वमनुस्मरेत्
aṅguṣṭhādikaniṣṭhāntaṃ vinyasedaṅgapañcakam / bhairavānapi saṃkalpya paraṃ tattvamanusmaret
Sanskrit only: no published translation is held for this verse.
प्राणायामत्रयं कार्यं देहसंशुद्धिकारणम् । अशुद्धः स्वमरुद्रेच्यः शुद्धेनापूरयेत्तनुम्
prāṇāyāmatrayaṃ kāryaṃ dehasaṃśuddhikāraṇam / aśuddhaḥ svamarudrecyaḥ śuddhenāpūrayettanum
Sanskrit only: no published translation is held for this verse.
कुम्भकं रेचकं कृत्वा व्योम्न्यात्मानं निधापयेत् । खद्योतकनिभं सूक्ष्मं करणैस्तु विवर्जितम्
kumbhakaṃ recakaṃ kṛtvā vyomnyātmānaṃ nidhāpayet / khadyotakanibhaṃ sūkṣmaṃ karaṇaistu vivarjitam
Sanskrit only: no published translation is held for this verse.
कार्येणैव विहीनं च मायाप्रध्वस्तगोचरम् । शिवीकार्यस्तथात्मैव यथा भवति तच्छृणु
kāryeṇaiva vihīnaṃ ca māyāpradhvastagocaram / śivīkāryastathātmaiva yathā bhavati tacchṛṇu
Sanskrit only: no published translation is held for this verse.
परं भावं तु संगृह्य ततः शोष्या तनुः प्रिये । संहारेण यभिन्नेन रुद्रबीजयुतेन च
paraṃ bhāvaṃ tu saṃgṛhya tataḥ śoṣyā tanuḥ priye / saṃhāreṇa yabhinnena rudrabījayutena ca
Sanskrit only: no published translation is held for this verse.
तेनैव दहनं कार्यम् ऊर्ध्वाधो ऽग्नियुतेन च । अधो विष्णुसमायुक्तो वायुवर्णः सबिन्दुकः
tenaiva dahanaṃ kāryam ūrdhvādho 'gniyutena ca / adho viṣṇusamāyukto vāyuvarṇaḥ sabindukaḥ
Sanskrit only: no published translation is held for this verse.
उत्पूयनकरो ह्येष प्लावने वारुणः स्मृतः । बिन्दुमस्तकसंभिन्नः शक्तिन्यासस्ततो भवेत्
utpūyanakaro hyeṣa plāvane vāruṇaḥ smṛtaḥ / bindumastakasaṃbhinnaḥ śaktinyāsastato bhavet
Sanskrit only: no published translation is held for this verse.
आनयेत्तं यथानीतं प्लावयेदमृतेन तु । मलप्रध्वस्तचैतन्यं कलाविद्यासमाश्रितम्
ānayettaṃ yathānītaṃ plāvayedamṛtena tu / malapradhvastacaitanyaṃ kalāvidyāsamāśritam
Sanskrit only: no published translation is held for this verse.
रागेण रञ्जितात्मान कालेन कलितं तथा । नियत्या यमितं भूयः पुंभावेनोपबृंहितम्
rāgeṇa rañjitātmāna kālena kalitaṃ tathā / niyatyā yamitaṃ bhūyaḥ puṃbhāvenopabṛṃhitam
Sanskrit only: no published translation is held for this verse.
प्रधानाशयसंपन्नं गुणत्रयसमन्वितम् । बुद्धितत्त्वसमासीनम् अहङ्कारसमावृतम्
pradhānāśayasaṃpannaṃ guṇatrayasamanvitam / buddhitattvasamāsīnam ahaṅkārasamāvṛtam
Sanskrit only: no published translation is held for this verse.
मनसा बुद्धिकर्माक्षैस् तन्मात्रैः स्थूलभूतकैः । प्रणवेन तु सर्वं तच् छरीरोत्पत्तिकारणम्
manasā buddhikarmākṣais tanmātraiḥ sthūlabhūtakaiḥ / praṇavena tu sarvaṃ tac charīrotpattikāraṇam
Sanskrit only: no published translation is held for this verse.
न्यसेत्क्रमेण देवेशि त्रिंशदेकं च संख्यया । षट्तत्त्वी त्वात्मसंबद्धा ज्ञातव्यात्र वरानने
nyasetkrameṇa deveśi triṃśadekaṃ ca saṃkhyayā / ṣaṭtattvī tvātmasaṃbaddhā jñātavyātra varānane
Sanskrit only: no published translation is held for this verse.
प्रधानावनिपर्यन्तं शरीरं च विनिर्मितम् । चतुर्विंशतितत्त्वानि चैतन्यरहितानि तु
pradhānāvaniparyantaṃ śarīraṃ ca vinirmitam / caturviṃśatitattvāni caitanyarahitāni tu
Sanskrit only: no published translation is held for this verse.
द्रष्टव्यानि वरारोहे पुरुषाधिष्ठितानि तु । सचेतनानि सर्वाणि ज्ञातव्यानि सदैव हि
draṣṭavyāni varārohe puruṣādhiṣṭhitāni tu / sacetanāni sarvāṇi jñātavyāni sadaiva hi
Sanskrit only: no published translation is held for this verse.
पञ्चविंशकमेतच्च प्राकृतं समुदाहृतम् । ततो मूर्तिं न्यसेद्देवि मूलमन्त्रसुलक्षितम्
pañcaviṃśakametacca prākṛtaṃ samudāhṛtam / tato mūrtiṃ nyaseddevi mūlamantrasulakṣitam
Sanskrit only: no published translation is held for this verse.
सकलं भैरवं न्यस्य द्वात्रिंशार्णं सुलोचने । मुखानि कल्पयेत्पश्चान् मूर्धादिचरणावधि
sakalaṃ bhairavaṃ nyasya dvātriṃśārṇaṃ sulocane / mukhāni kalpayetpaścān mūrdhādicaraṇāvadhi
Sanskrit only: no published translation is held for this verse.
वक्त्राणि कल्पयेत्पश्चाद् ऊर्ध्वं पूर्वं च दक्षिणम् । उत्तरं पश्चिमं चैव यथावत्प्रविभागशः
vaktrāṇi kalpayetpaścād ūrdhvaṃ pūrvaṃ ca dakṣiṇam / uttaraṃ paścimaṃ caiva yathāvatpravibhāgaśaḥ
Sanskrit only: no published translation is held for this verse.
कलाभेदं यथापूर्वं शोध्याध्वानं प्रकल्पयेत् । नवतत्त्वं त्रितत्त्वं च विद्याङ्गा लोचनत्रयम्
kalābhedaṃ yathāpūrvaṃ śodhyādhvānaṃ prakalpayet / navatattvaṃ tritattvaṃ ca vidyāṅgā locanatrayam
Sanskrit only: no published translation is held for this verse.
वर्गातीतेन क्षुरिकाम् ऊर्ध्वाधो ऽग्निप्रदीपिताम् । षोडशान्तर्हता सा तु रक्षि"का विघ्ननाशिका
vargātītena kṣurikām ūrdhvādho 'gnipradīpitām / ṣoḍaśāntarhatā sā tu rakṣi"kā vighnanāśikā
Sanskrit only: no published translation is held for this verse.
नवकं कल्पयेत्पूर्वं मूर्ध्नि वक्त्रे च कण्ठके । हृदये नाभिदेशे च गुह्य ऊर्वोश्च जानुतः
navakaṃ kalpayetpūrvaṃ mūrdhni vaktre ca kaṇṭhake / hṛdaye nābhideśe ca guhya ūrvośca jānutaḥ
Sanskrit only: no published translation is held for this verse.
पादान्तं चैव विन्यस्य स्वध्यानगुणसंयुतम् । क्रियाज्ञाने तथेच्छा च दक्षे वामे च मध्यतः
pādāntaṃ caiva vinyasya svadhyānaguṇasaṃyutam / kriyājñāne tathecchā ca dakṣe vāme ca madhyataḥ
Sanskrit only: no published translation is held for this verse.
विद्याराजः स्मृतो ह्येष भैरवो मन्त्रनायकः । निष्कलं तु तथावाह्य अङ्गान्येवं यथाक्रमम्
vidyārājaḥ smṛto hyeṣa bhairavo mantranāyakaḥ / niṣkalaṃ tu tathāvāhya aṅgānyevaṃ yathākramam
Sanskrit only: no published translation is held for this verse.
गन्धैर्धूपैस्तथा पुष्पैर् विविधैर्भक्ष्यभोजनैः । पूजयेद्देवदेवेशं मनसैव प्रकल्पितैः
gandhairdhūpaistathā puṣpair vividhairbhakṣyabhojanaiḥ / pūjayeddevadeveśaṃ manasaiva prakalpitaiḥ
Sanskrit only: no published translation is held for this verse.
आत्मानं भैरवं ध्यात्वा ततो हृद्यागमाचरेत् । नाभौ कन्दं समारोप्य नालं तु द्वादशाङ्गुलम्
ātmānaṃ bhairavaṃ dhyātvā tato hṛdyāgamācaret / nābhau kandaṃ samāropya nālaṃ tu dvādaśāṅgulam
Sanskrit only: no published translation is held for this verse.
हृदन्तं कल्पयेद्यावत् तत्र पद्मं विचिन्तयेत् । अष्टपत्रं महादीप्तं केसरालं सकर्णिकम्
hṛdantaṃ kalpayedyāvat tatra padmaṃ vicintayet / aṣṭapatraṃ mahādīptaṃ kesarālaṃ sakarṇikam
Sanskrit only: no published translation is held for this verse.
कन्दं शक्तिमयं तत्र नाले वै कण्टकास्तु ये । भुवनानि च तान्येव रुद्राणां वरवर्णिनि
kandaṃ śaktimayaṃ tatra nāle vai kaṇṭakāstu ye / bhuvanāni ca tānyeva rudrāṇāṃ varavarṇini
Sanskrit only: no published translation is held for this verse.
मायात्मको भवेद्ग्रन्थिर् अशुद्धाध्वव्यवस्थितः । विद्यापद्मं महादीप्तं कर्णिकाबीजराजितम्
māyātmako bhavedgranthir aśuddhādhvavyavasthitaḥ / vidyāpadmaṃ mahādīptaṃ karṇikābījarājitam
Sanskrit only: no published translation is held for this verse.
पुष्कराणि च देवेशि तत्र विद्येश्वराः स्मृताः । एवं ध्यात्वा महापद्मं सर्वदेवमयं शुभम्
puṣkarāṇi ca deveśi tatra vidyeśvarāḥ smṛtāḥ / evaṃ dhyātvā mahāpadmaṃ sarvadevamayaṃ śubham
Sanskrit only: no published translation is held for this verse.
शक्तिन्यासो भवेत्पूर्वं कन्दं तु तदनन्तरम् । अङ्कुरं नालविन्यासम् अनन्तं परिकल्पयेत्
śaktinyāso bhavetpūrvaṃ kandaṃ tu tadanantaram / aṅkuraṃ nālavinyāsam anantaṃ parikalpayet
Sanskrit only: no published translation is held for this verse.
तेजोमयं महाशुभ्रं स्फुरत्किरणभास्वरम् । धर्मं ज्ञानं च वैराग्यम् ऐश्वर्यं च क्रमान्न्यसेत्
tejomayaṃ mahāśubhraṃ sphuratkiraṇabhāsvaram / dharmaṃ jñānaṃ ca vairāgyam aiśvaryaṃ ca kramānnyaset
Sanskrit only: no published translation is held for this verse.
सितरक्तपीतकृष्णा आग्नेय्यादीशदिग्गताः । पादकाः सिंहरूपास्ते त्रिनेत्रा भीमविक्रमाः
sitaraktapītakṛṣṇā āgneyyādīśadiggatāḥ / pādakāḥ siṃharūpāste trinetrā bhīmavikramāḥ
Sanskrit only: no published translation is held for this verse.
शिवशक्तिमया मन्त्रा न्यस्तव्या वीरविन्दते । अधर्माज्ञानावैराग्यम् अनैश्वर्यं च प्राग्दिशः
śivaśaktimayā mantrā nyastavyā vīravindate / adharmājñānāvairāgyam anaiśvaryaṃ ca prāgdiśaḥ
Sanskrit only: no published translation is held for this verse.
उत्तरान्तं निवेश्यं तु गात्रकाः सितवर्णकाः । संधानकीलकाश्चैव अतसीपुष्पसंनिभाः
uttarāntaṃ niveśyaṃ tu gātrakāḥ sitavarṇakāḥ / saṃdhānakīlakāścaiva atasīpuṣpasaṃnibhāḥ
Sanskrit only: no published translation is held for this verse.
वेदा युगाश्च ते चैव ज्ञातव्याः क्रमशः प्रिये । अधश्छादनमूर्ध्वं च रक्तं शुक्लं विचिन्तयेत्
vedā yugāśca te caiva jñātavyāḥ kramaśaḥ priye / adhaśchādanamūrdhvaṃ ca raktaṃ śuklaṃ vicintayet
Sanskrit only: no published translation is held for this verse.
मध्ये तमो विजानीयाद् गुणास्त्वेते व्यवस्थिताः । सितं पद्मं विजानीयात् केसराणि विचिन्तयेत्
madhye tamo vijānīyād guṇāstvete vyavasthitāḥ / sitaṃ padmaṃ vijānīyāt kesarāṇi vicintayet
Sanskrit only: no published translation is held for this verse.
सितरक्तप्रपीतानि मूलमध्याग्रदेशतः । कर्णिका हेमसंकाशा बीजानि हरितानि तु
sitaraktaprapītāni mūlamadhyāgradeśataḥ / karṇikā hemasaṃkāśā bījāni haritāni tu
Sanskrit only: no published translation is held for this verse.
वामां पूर्वदले न्यस्य ज्येष्ठां वह्निदलाश्रिताम् । रौद्रीं दक्षिणपत्रे तु कालीं नैरृतगोचरे
vāmāṃ pūrvadale nyasya jyeṣṭhāṃ vahnidalāśritām / raudrīṃ dakṣiṇapatre tu kālīṃ nairṛtagocare
Sanskrit only: no published translation is held for this verse.
कलविकरणीं देवीं विन्यस्येद्वारुणे दले । बलविकरणीं देवीं वायव्यदलमाश्रिताम्
kalavikaraṇīṃ devīṃ vinyasyedvāruṇe dale / balavikaraṇīṃ devīṃ vāyavyadalamāśritām
Sanskrit only: no published translation is held for this verse.
बलप्रमथनीं देवीम् उत्तरे विनियोजयेत् । सर्वभूतदमनीं च ऐशान्यां विनियोजयेत्
balapramathanīṃ devīm uttare viniyojayet / sarvabhūtadamanīṃ ca aiśānyāṃ viniyojayet
Sanskrit only: no published translation is held for this verse.
मध्ये मनोन्मनीं देवीं कर्णिकायां निवेशयेत् । शक्रचापनिभं देवि ध्यातव्यं शक्तिमण्डलम्
madhye manonmanīṃ devīṃ karṇikāyāṃ niveśayet / śakracāpanibhaṃ devi dhyātavyaṃ śaktimaṇḍalam
Sanskrit only: no published translation is held for this verse.
मध्ये सूर्यसहस्राभां चिन्तयेत्तु मनोन्मनीम् । सूर्याध्वमण्डलं पत्रे सोमं संयोज्य केसरे
madhye sūryasahasrābhāṃ cintayettu manonmanīm / sūryādhvamaṇḍalaṃ patre somaṃ saṃyojya kesare
Sanskrit only: no published translation is held for this verse.
वह्निमण्डलकं देवि कर्णिकायां निवेशयेत् । ब्रह्मा विष्णुर्हरश्चैव मण्डलेष्वधिपाः स्मृताः
vahnimaṇḍalakaṃ devi karṇikāyāṃ niveśayet / brahmā viṣṇurharaścaiva maṇḍaleṣvadhipāḥ smṛtāḥ
Sanskrit only: no published translation is held for this verse.
ब्रह्मा चतुर्मुखो रक्तश् चतुर्बाहुविभूषितः । कृष्णाजिनोत्तरीयश्च राजीवासनसंस्थितः
brahmā caturmukho raktaś caturbāhuvibhūṣitaḥ / kṛṣṇājinottarīyaśca rājīvāsanasaṃsthitaḥ
Sanskrit only: no published translation is held for this verse.
कमण्डलुधरो देवि दण्डहस्तस्तथैव च । अक्षमालाधरो देवः पद्महस्तः सुलोचनः
kamaṇḍaludharo devi daṇḍahastastathaiva ca / akṣamālādharo devaḥ padmahastaḥ sulocanaḥ
Sanskrit only: no published translation is held for this verse.
ध्यात्वा पत्रेषु तं न्यस्येत् सर्वकिल्विषनाशनम् । अतसीपुष्पसंकाशं शङ्खचक्रगदाधरम्
dhyātvā patreṣu taṃ nyasyet sarvakilviṣanāśanam / atasīpuṣpasaṃkāśaṃ śaṅkhacakragadādharam
Sanskrit only: no published translation is held for this verse.
पीताम्बरधरं देवं वनमालाविभूषितम् । स्फुरन्मुकुटमाणिक्यं किङ्किणीजालमण्डितम्
pītāmbaradharaṃ devaṃ vanamālāvibhūṣitam / sphuranmukuṭamāṇikyaṃ kiṅkiṇījālamaṇḍitam
Sanskrit only: no published translation is held for this verse.
दिव्यकुण्डलधर्तारं गरुडासनसंस्थितम् । ध्यात्वा विष्णुं महात्मानं केसरेषु निवेशयेत्
divyakuṇḍaladhartāraṃ garuḍāsanasaṃsthitam / dhyātvā viṣṇuṃ mahātmānaṃ kesareṣu niveśayet
Sanskrit only: no published translation is held for this verse.
शङ्खकुन्देन्दुधवलं शूलहस्तं त्रिलोचनम् । दशबाहुं विशालाक्षं नागयज्ञोपवीतिनम्
śaṅkhakundendudhavalaṃ śūlahastaṃ trilocanam / daśabāhuṃ viśālākṣaṃ nāgayajñopavītinam
Sanskrit only: no published translation is held for this verse.
सिंहचर्मपरीधानं शशाङ्ककृतभूषणम् । नीलकण्ठं वृषारूढं रुद्रं ध्यात्वा वरानने
siṃhacarmaparīdhānaṃ śaśāṅkakṛtabhūṣaṇam / nīlakaṇṭhaṃ vṛṣārūḍhaṃ rudraṃ dhyātvā varānane
Sanskrit only: no published translation is held for this verse.
निवेशयेत्कर्णिकायां महापातकनाशनम् । महाप्रेतं न्यसेत्पश्चात् प्रहसन्तं सचेतनम्
niveśayetkarṇikāyāṃ mahāpātakanāśanam / mahāpretaṃ nyasetpaścāt prahasantaṃ sacetanam
Sanskrit only: no published translation is held for this verse.
रक्तवर्णं सुतेजस्कं नेत्रत्रयविभूषितम् । प्रणवेन न्यसेत्सर्वम् आसनं भैरवस्य तु
raktavarṇaṃ sutejaskaṃ netratrayavibhūṣitam / praṇavena nyasetsarvam āsanaṃ bhairavasya tu
Sanskrit only: no published translation is held for this verse.
गन्धैः पुष्पैः समभ्यर्च्य ततो मूर्तिं प्रकल्पयेत् । कदम्बकुसुमाकारां तुषारकिरणत्विषम्
gandhaiḥ puṣpaiḥ samabhyarcya tato mūrtiṃ prakalpayet / kadambakusumākārāṃ tuṣārakiraṇatviṣam
Sanskrit only: no published translation is held for this verse.
मूर्त्यूर्ध्वे भैरवं देवं सकलं परिकल्पयेत् । द्वात्रिंशद्वर्णकचितं स्फुरत्तडिदिवोज्ज्वलम्
mūrtyūrdhve bhairavaṃ devaṃ sakalaṃ parikalpayet / dvātriṃśadvarṇakacitaṃ sphurattaḍidivojjvalam
Sanskrit only: no published translation is held for this verse.
वक्त्राणि कल्पयेद्देवि स्वध्यानेन महेश्वरि । मूर्धादिचरणं यावत् प्रणवादिनमोन्ततः
vaktrāṇi kalpayeddevi svadhyānena maheśvari / mūrdhādicaraṇaṃ yāvat praṇavādinamontataḥ
Sanskrit only: no published translation is held for this verse.
अष्टात्रिंशत्कलाभेदं शोध्याध्वानं प्रकल्पयेत् । नवतत्त्वं त्रितत्त्वं च नवकं भैरवाभिधम्
aṣṭātriṃśatkalābhedaṃ śodhyādhvānaṃ prakalpayet / navatattvaṃ tritattvaṃ ca navakaṃ bhairavābhidham
Sanskrit only: no published translation is held for this verse.
विद्याङ्गा लोचनं चैव क्षुरिकां च प्रकल्पयेत् । शक्तित्रयं ततो न्यस्येद् दक्षदिग्वामगोचरे
vidyāṅgā locanaṃ caiva kṣurikāṃ ca prakalpayet / śaktitrayaṃ tato nyasyed dakṣadigvāmagocare
Sanskrit only: no published translation is held for this verse.
मध्यप्रदेशे देवेशि ततो रूपमनुस्मरेत् । त्रिपञ्चनयनं देवं जटामुकुटमण्डितम्
madhyapradeśe deveśi tato rūpamanusmaret / tripañcanayanaṃ devaṃ jaṭāmukuṭamaṇḍitam
Sanskrit only: no published translation is held for this verse.
चन्द्रकोटिप्रतीकाशां चन्द्रार्धकृतशेखरम् । पञ्चवक्त्रं विशालाक्षं सर्पगोनासमण्डितम्
candrakoṭipratīkāśāṃ candrārdhakṛtaśekharam / pañcavaktraṃ viśālākṣaṃ sarpagonāsamaṇḍitam
Sanskrit only: no published translation is held for this verse.
वृश्चिकैरग्निवर्णाभैर् हारेण तु विराजितम् । कपालमालाभरणं खड्गखेटकधारिणम्
vṛścikairagnivarṇābhair hāreṇa tu virājitam / kapālamālābharaṇaṃ khaḍgakheṭakadhāriṇam
Sanskrit only: no published translation is held for this verse.
पाशाङ्कुशधरं देवं शरहस्तं पिनाकिनम् । वरदाभयहस्तं च मुण्डखट्वाङ्गधारिणम्
pāśāṅkuśadharaṃ devaṃ śarahastaṃ pinākinam / varadābhayahastaṃ ca muṇḍakhaṭvāṅgadhāriṇam
Sanskrit only: no published translation is held for this verse.
वीणाडमरुहस्तं च घण्टाहस्तं त्रिशूलिनम् । वज्रदण्डकृताटोपं परश्वायुधहस्तकम्
vīṇāḍamaruhastaṃ ca ghaṇṭāhastaṃ triśūlinam / vajradaṇḍakṛtāṭopaṃ paraśvāyudhahastakam
Sanskrit only: no published translation is held for this verse.
मुद्गरेण विचित्रेण वर्तुलेन विराजितम् । सिंहचर्मपरीधानं गजचर्मोत्तरीयकम्
mudgareṇa vicitreṇa vartulena virājitam / siṃhacarmaparīdhānaṃ gajacarmottarīyakam
Sanskrit only: no published translation is held for this verse.
अष्टादशभुजं देवं नीलकण्ठं सुतेजसम् । ऊर्ध्ववक्त्रं महेशानि स्फटिकाभं विचिन्तयेत्
aṣṭādaśabhujaṃ devaṃ nīlakaṇṭhaṃ sutejasam / ūrdhvavaktraṃ maheśāni sphaṭikābhaṃ vicintayet
Sanskrit only: no published translation is held for this verse.
आपीतं पूर्ववक्त्रं तु नीलोत्पलदलप्रभम् । दक्षिणं तु विजानीयाद् वामं चैव विचिन्तयेत्
āpītaṃ pūrvavaktraṃ tu nīlotpaladalaprabham / dakṣiṇaṃ tu vijānīyād vāmaṃ caiva vicintayet
Sanskrit only: no published translation is held for this verse.
दाडिमीकुसुमप्रख्यं कुङ्कुमोदकसंनिभम् । चन्द्रार्बुदप्रतीकाशं पश्चिमं तु विचिन्तयेत्
dāḍimīkusumaprakhyaṃ kuṅkumodakasaṃnibham / candrārbudapratīkāśaṃ paścimaṃ tu vicintayet
Sanskrit only: no published translation is held for this verse.
स्वच्छन्दभैरवं देवं सर्वकामफलप्रदम् । ध्यायते यस्तु युक्तात्मा क्षिप्रं सिध्यति मानवः
svacchandabhairavaṃ devaṃ sarvakāmaphalapradam / dhyāyate yastu yuktātmā kṣipraṃ sidhyati mānavaḥ
Sanskrit only: no published translation is held for this verse.
ततः परमबीजेन परं परमकारणम् । सुशान्तं निष्कलं देवं सर्वव्यापिनिरञ्जनम्
tataḥ paramabījena paraṃ paramakāraṇam / suśāntaṃ niṣkalaṃ devaṃ sarvavyāpinirañjanam
Sanskrit only: no published translation is held for this verse.
आवाहयेत्सुहृष्टात्मा तव देवि वदाम्यहम् । हृत्कण्ठतालुभ्रूमध्य- नादान्तान्तसमाश्रितम्
āvāhayetsuhṛṣṭātmā tava devi vadāmyaham / hṛtkaṇṭhatālubhrūmadhya- nādāntāntasamāśritam
Sanskrit only: no published translation is held for this verse.
निष्कम्पं कारणातीतम् आवाह्य परमेश्वरम् । संस्थाप्य विधिवद्देवम् अङ्गषट्कं ततो न्यसेत्
niṣkampaṃ kāraṇātītam āvāhya parameśvaram / saṃsthāpya vidhivaddevam aṅgaṣaṭkaṃ tato nyaset
Sanskrit only: no published translation is held for this verse.
पाद्यमाचमनं चार्घं स्वागतं तदनन्तरम् । संनिधानं च देवेशि निष्ठुरया निरोधयेत्
pādyamācamanaṃ cārghaṃ svāgataṃ tadanantaram / saṃnidhānaṃ ca deveśi niṣṭhurayā nirodhayet
Sanskrit only: no published translation is held for this verse.
गन्धैः पुष्पैस्तथा धूपैर् धूपयित्वा तमर्चयेत् । मुद्रां प्रदर्शयेत्पश्चात् त्रिधा त्रैकाल्यकर्मणि
gandhaiḥ puṣpaistathā dhūpair dhūpayitvā tamarcayet / mudrāṃ pradarśayetpaścāt tridhā traikālyakarmaṇi
Sanskrit only: no published translation is held for this verse.
ततः स्नानादिकं कर्म कृत्वा चैव वरानने । परिधाप्य सुवस्त्राणि नेत्रपट्टोद्भवानि च
tataḥ snānādikaṃ karma kṛtvā caiva varānane / paridhāpya suvastrāṇi netrapaṭṭodbhavāni ca
Sanskrit only: no published translation is held for this verse.
विलिप्यागुरुकर्पूरैर् मुकुटाद्यैर्विभूषयेत् । पुष्पैर्नानाविधैः शुभ्रैर् अर्चयेद्भूषयेत्पुनः
vilipyāgurukarpūrair mukuṭādyairvibhūṣayet / puṣpairnānāvidhaiḥ śubhrair arcayedbhūṣayetpunaḥ
Sanskrit only: no published translation is held for this verse.
अर्घं दत्त्वा महेशानि पुनर्मुद्रां प्रदर्शयेत् । प्रणम्य भैरवं देवं स्वच्छन्दं विश्वनायकम्
arghaṃ dattvā maheśāni punarmudrāṃ pradarśayet / praṇamya bhairavaṃ devaṃ svacchandaṃ viśvanāyakam
Sanskrit only: no published translation is held for this verse.
ततो ह्याभरणं बाह्ये विनिवेश्यं वरानने । ऐशान्यां पूर्वतो याम्यां उत्तराप्यावसानकम्
tato hyābharaṇaṃ bāhye viniveśyaṃ varānane / aiśānyāṃ pūrvato yāmyāṃ uttarāpyāvasānakam
Sanskrit only: no published translation is held for this verse.
विन्यसेत्पञ्च वक्त्राणि पञ्चवक्त्रयुतानि च । बाहुभिर्दशभिश्चैव शशाङ्कमुकुटैः सह
vinyasetpañca vaktrāṇi pañcavaktrayutāni ca / bāhubhirdaśabhiścaiva śaśāṅkamukuṭaiḥ saha
Sanskrit only: no published translation is held for this verse.
ध्यातव्यानि स्वरूपाणि वराभयकराणि तु । अग्नीशरक्षोवायव्य- चतुर्दिक्षु च तं न्यसेत्
dhyātavyāni svarūpāṇi varābhayakarāṇi tu / agnīśarakṣovāyavya- caturdikṣu ca taṃ nyaset
Sanskrit only: no published translation is held for this verse.
हृच्छिरश्च शिखा वर्म अस्त्रं च प्रविभागशः । हृदयं रक्तवर्णाभं शिरो गोरोचनप्रभम्
hṛcchiraśca śikhā varma astraṃ ca pravibhāgaśaḥ / hṛdayaṃ raktavarṇābhaṃ śiro gorocanaprabham
Sanskrit only: no published translation is held for this verse.
तडिद्वलयसंकाशां शिखां देवीं विचिन्तयेत् । आधूम्रं कवचं विद्यात् कपिशं चास्त्रमेव च
taḍidvalayasaṃkāśāṃ śikhāṃ devīṃ vicintayet / ādhūmraṃ kavacaṃ vidyāt kapiśaṃ cāstrameva ca
Sanskrit only: no published translation is held for this verse.
ज्योतीरूपप्रतीकाशं नेत्रं मध्ये च संस्थितम् । पञ्चवक्त्राः स्मृताः सर्वे दशबाह्विन्दुभूषिताः
jyotīrūpapratīkāśaṃ netraṃ madhye ca saṃsthitam / pañcavaktrāḥ smṛtāḥ sarve daśabāhvindubhūṣitāḥ
Sanskrit only: no published translation is held for this verse.
नानाभरणसंयुक्ता नानास्रग्गन्धलेपनाः । नानावस्त्रपरीधाना मुकुटैरुज्ज्वलैः शुभैः
nānābharaṇasaṃyuktā nānāsraggandhalepanāḥ / nānāvastraparīdhānā mukuṭairujjvalaiḥ śubhaiḥ
Sanskrit only: no published translation is held for this verse.
रत्नमालावनद्धाश्च हारकेयूरभूषिताः । द्विरष्टवर्षकाकाराः सुरूपाः स्थिरयौवनाः
ratnamālāvanaddhāśca hārakeyūrabhūṣitāḥ / dviraṣṭavarṣakākārāḥ surūpāḥ sthirayauvanāḥ
Sanskrit only: no published translation is held for this verse.
भैरवाद्याः स्मृता मन्त्राः पीठेशाः पीठमर्दकाः । या सा पूर्वं मया ख्याता अघोरी शक्तिरुत्तमा
bhairavādyāḥ smṛtā mantrāḥ pīṭheśāḥ pīṭhamardakāḥ / yā sā pūrvaṃ mayā khyātā aghorī śaktiruttamā
Sanskrit only: no published translation is held for this verse.
भैरवं पूजयित्वा तु तस्योत्सङ्गे तु तां न्यसेत् । यादृशं भैरवं रूपं भैरव्यास्तादृगेव हि
bhairavaṃ pūjayitvā tu tasyotsaṅge tu tāṃ nyaset / yādṛśaṃ bhairavaṃ rūpaṃ bhairavyāstādṛgeva hi
Sanskrit only: no published translation is held for this verse.
ईषत्करालवदनां गम्भीरविपुलस्वनाम् । प्रसन्नास्यां सदा ध्यायेद् भैरवीं विस्मितेक्षणाम्
īṣatkarālavadanāṃ gambhīravipulasvanām / prasannāsyāṃ sadā dhyāyed bhairavīṃ vismitekṣaṇām
Sanskrit only: no published translation is held for this verse.
द्वितीयावरणे देवि विन्यसेद्भैरवाष्टकम् । कपालीशं तु पूर्वायाम् आग्नेय्यां शिखिवाहनम्
dvitīyāvaraṇe devi vinyasedbhairavāṣṭakam / kapālīśaṃ tu pūrvāyām āgneyyāṃ śikhivāhanam
Sanskrit only: no published translation is held for this verse.
दक्षिणे क्रोधराजं तु विकरालं तु नैरृते । मन्मथं पश्चिमे भागे मेघनादेश्वरं तथा
dakṣiṇe krodharājaṃ tu vikarālaṃ tu nairṛte / manmathaṃ paścime bhāge meghanādeśvaraṃ tathā
Sanskrit only: no published translation is held for this verse.
वायव्ये देवि विन्यस्य सोमराजं तथोत्तरे । विद्याराजं तथैशान्यां विन्यसेत्तु सुभावितः
vāyavye devi vinyasya somarājaṃ tathottare / vidyārājaṃ tathaiśānyāṃ vinyasettu subhāvitaḥ
Sanskrit only: no published translation is held for this verse.
पञ्चवक्त्रास्त्रिनेत्राश्च दशबाह्विन्दुशेखराः । कपालमालाभरणाः स्फुरन्माणिक्यमण्डिताः
pañcavaktrāstrinetrāśca daśabāhvinduśekharāḥ / kapālamālābharaṇāḥ sphuranmāṇikyamaṇḍitāḥ
Sanskrit only: no published translation is held for this verse.