इति स्वच्छन्दतन्त्रे तत्त्वदीक्षाप्रकाशनं नाम पञ्चमः पटलः षष्ठः पटलः समयाचारयुक्तस्य साधकस्य वरानने । जायते विविधा सिद्धिः गिरिगह्वरमाश्रिते
iti svacchandatantre tattvadīkṣāprakāśanaṃ nāma pañcamaḥ paṭalaḥ ṣaṣṭhaḥ paṭalaḥ samayācārayuktasya sādhakasya varānane / jāyate vividhā siddhiḥ girigahvaramāśrite
Sanskrit only: no published translation is held for this verse.
सुशुद्धे भूप्रदेशे तु सर्वशल्यविवर्जिते । प्रच्छन्ने विजने रम्ये भैरवं तत्र पूजयेत्
suśuddhe bhūpradeśe tu sarvaśalyavivarjite / pracchanne vijane ramye bhairavaṃ tatra pūjayet
Sanskrit only: no published translation is held for this verse.
जपित्वाक्षरलक्षं तु बहुरूपस्य सुव्रते । पञ्चप्रणवसंयोगाज् जपतः सिद्ध्यते ध्रुवम्
japitvākṣaralakṣaṃ tu bahurūpasya suvrate / pañcapraṇavasaṃyogāj japataḥ siddhyate dhruvam
Sanskrit only: no published translation is held for this verse.
मुच्यते न तु सन्देहो भेदनात् प्रणवस्य तु । ह्रस्वं दीर्घं प्लुतं सूक्ष्मम् अतिसूक्ष्मं परं शिवम्
mucyate na tu sandeho bhedanāt praṇavasya tu / hrasvaṃ dīrghaṃ plutaṃ sūkṣmam atisūkṣmaṃ paraṃ śivam
Sanskrit only: no published translation is held for this verse.
प्रणवं पञ्चधा ज्ञात्वा भित्त्वा मोक्षो न संशयः । प्रणवः पञ्चधावस्थः हंसेन सह संयुक्तः
praṇavaṃ pañcadhā jñātvā bhittvā mokṣo na saṃśayaḥ / praṇavaḥ pañcadhāvasthaḥ haṃsena saha saṃyuktaḥ
Sanskrit only: no published translation is held for this verse.
यत्किञ्चिद्वाङ्मयं लोके शिवज्ञाने प्रतिष्ठितम् । शिवज्ञानं च तत्रस्थं हंसः प्रणवसंयुतः
yatkiñcidvāṅmayaṃ loke śivajñāne pratiṣṭhitam / śivajñānaṃ ca tatrasthaṃ haṃsaḥ praṇavasaṃyutaḥ
Sanskrit only: no published translation is held for this verse.
विना प्रणवसंयोगाज् जीव एको व्यवस्थितः । यथाप्रकृति संयुक्तो न च तिष्ठति चैकतः
vinā praṇavasaṃyogāj jīva eko vyavasthitaḥ / yathāprakṛti saṃyukto na ca tiṣṭhati caikataḥ
Sanskrit only: no published translation is held for this verse.
तथा षष्ठेन सम्भिन्नो देहे जीवः प्रवर्तते । चोदितस्तु यदा तेन तदा चोर्ध्वं प्रवर्तते
tathā ṣaṣṭhena sambhinno dehe jīvaḥ pravartate / coditastu yadā tena tadā cordhvaṃ pravartate
Sanskrit only: no published translation is held for this verse.
प्रत्यक्षमपि तत्तत्त्वं महामायाविमोहिताः । कथितं नाभिजानन्ति विना शास्त्रेण चोदनाम्
pratyakṣamapi tattattvaṃ mahāmāyāvimohitāḥ / kathitaṃ nābhijānanti vinā śāstreṇa codanām
Sanskrit only: no published translation is held for this verse.
षष्ठश्चोर्ध्ववहो ज्ञेयः स्वभावमुखसंस्थितः । अप्रकाशः स्वदेहस्थो गुणभूतः प्रवर्तते
ṣaṣṭhaścordhvavaho jñeyaḥ svabhāvamukhasaṃsthitaḥ / aprakāśaḥ svadehastho guṇabhūtaḥ pravartate
Sanskrit only: no published translation is held for this verse.
निर्गुणस्तु यदा देव एकाकी कालवर्जितः । विज्ञातव्यं न किञ्चित्स्यात् केवलो निष्कलस्तु सः
nirguṇastu yadā deva ekākī kālavarjitaḥ / vijñātavyaṃ na kiñcitsyāt kevalo niṣkalastu saḥ
Sanskrit only: no published translation is held for this verse.
तस्य रूपं शरीरं च नास्ति वर्णः क्रिया तथा । स कथं गृह्यते सूक्ष्म अग्राह्यो नित्यमव्ययः
tasya rūpaṃ śarīraṃ ca nāsti varṇaḥ kriyā tathā / sa kathaṃ gṛhyate sūkṣma agrāhyo nityamavyayaḥ
Sanskrit only: no published translation is held for this verse.
एतस्मात्कारणाद्देवि षष्ठं बीजं नियोजितम् । पञ्चपञ्चकसंयुक्तो देहे सकलनिष्कलः
etasmātkāraṇāddevi ṣaṣṭhaṃ bījaṃ niyojitam / pañcapañcakasaṃyukto dehe sakalaniṣkalaḥ
Sanskrit only: no published translation is held for this verse.
ग्रहणं तु यदा तस्य योगी योगविचिन्तकः । योगेनावाहितस्यापि भावमात्रं तु भावयेत्
grahaṇaṃ tu yadā tasya yogī yogavicintakaḥ / yogenāvāhitasyāpi bhāvamātraṃ tu bhāvayet
Sanskrit only: no published translation is held for this verse.
यदा करोति सृष्टिं च ऊर्ध्वं बिन्दुः प्रवर्तते । बिन्दूपरि च यच्छान्तः शिवः परमकारणम्
yadā karoti sṛṣṭiṃ ca ūrdhvaṃ binduḥ pravartate / bindūpari ca yacchāntaḥ śivaḥ paramakāraṇam
Sanskrit only: no published translation is held for this verse.
तत्र बिन्दुर्लयं याति तत्स्थानं दुर्लभं सुरैः । षष्ठस्वरसमायोगाद् अभ्यासादचिराल्लभेत्
tatra bindurlayaṃ yāti tatsthānaṃ durlabhaṃ suraiḥ / ṣaṣṭhasvarasamāyogād abhyāsādacirāllabhet
Sanskrit only: no published translation is held for this verse.
षष्ठश्च पञ्चमश्चैव तस्य देवि गुणाः स्मृताः । सगुणः सकलो ज्ञेयो निर्गुणो निष्कलः शिवः
ṣaṣṭhaśca pañcamaścaiva tasya devi guṇāḥ smṛtāḥ / saguṇaḥ sakalo jñeyo nirguṇo niṣkalaḥ śivaḥ
Sanskrit only: no published translation is held for this verse.
सकलो ग्रहसंयुक्तो निष्कलो भावमाश्रितः । सकले जप्यमाने तु जप्तो भवति निष्कलः
sakalo grahasaṃyukto niṣkalo bhāvamāśritaḥ / sakale japyamāne tu japto bhavati niṣkalaḥ
Sanskrit only: no published translation is held for this verse.
सुरासुराणां देवेन यजनोपायहेतुना । रूपं तु सकलं तस्य द्विधावस्थं प्रकाशितम्
surāsurāṇāṃ devena yajanopāyahetunā / rūpaṃ tu sakalaṃ tasya dvidhāvasthaṃ prakāśitam
Sanskrit only: no published translation is held for this verse.
प्रथमं प्राकृतं रूपं विकृतं च द्वितीयकम् । प्रकृतिर्विकृतिश्चैव उभे षष्ठेन संयुते
prathamaṃ prākṛtaṃ rūpaṃ vikṛtaṃ ca dvitīyakam / prakṛtirvikṛtiścaiva ubhe ṣaṣṭhena saṃyute
Sanskrit only: no published translation is held for this verse.
ये पदार्थाः पुरा प्रोक्तास् तत्रासावुच्छ्वसन् मुहुः । प्रवर्तते च एतेन पुनस्तेन निवर्तते
ye padārthāḥ purā proktās tatrāsāvucchvasan muhuḥ / pravartate ca etena punastena nivartate
Sanskrit only: no published translation is held for this verse.
प्रणवः पञ्चधावस्थः त्रिवर्णश्च त्रिदैवतः । बिन्दुनादसमायुक्तः प्रणवः परिपठ्यते
praṇavaḥ pañcadhāvasthaḥ trivarṇaśca tridaivataḥ / bindunādasamāyuktaḥ praṇavaḥ paripaṭhyate
Sanskrit only: no published translation is held for this verse.
अकारश्च उकारश्च मकारश्च तृतीयकः । वर्णत्रयमिदं प्रोक्तं ब्रह्माद्या देवतास्त्रयः
akāraśca ukāraśca makāraśca tṛtīyakaḥ / varṇatrayamidaṃ proktaṃ brahmādyā devatāstrayaḥ
Sanskrit only: no published translation is held for this verse.
बिन्दुनादसमायोगाद् ईश्वरश्च सदाशिवः । एते वै प्रणवाः पञ्च हंसः प्राणयुतः सदा
bindunādasamāyogād īśvaraśca sadāśivaḥ / ete vai praṇavāḥ pañca haṃsaḥ prāṇayutaḥ sadā
Sanskrit only: no published translation is held for this verse.
परमात्मा शिवो हंसस् त्व् अपरेण समन्वितः । परतः प्रणवान् पञ्च पुनरेव वदाम्यहम्
paramātmā śivo haṃsas tv apareṇa samanvitaḥ / parataḥ praṇavān pañca punareva vadāmyaham
Sanskrit only: no published translation is held for this verse.
शक्तिश्च व्यापिनी चैव समनात्मा च निष्कलः । उन्मना च तथा देवि प्रणवाः पञ्च कीर्तितः
śaktiśca vyāpinī caiva samanātmā ca niṣkalaḥ / unmanā ca tathā devi praṇavāḥ pañca kīrtitaḥ
Sanskrit only: no published translation is held for this verse.
परतः परमो हंसः सर्वं व्याप्य व्यवस्थितः । एते वै प्रणवाः पञ्च परापरविभागशः
parataḥ paramo haṃsaḥ sarvaṃ vyāpya vyavasthitaḥ / ete vai praṇavāḥ pañca parāparavibhāgaśaḥ
Sanskrit only: no published translation is held for this verse.
परापरेण हंसेन नित्यमेव प्रणामिताः । प्रवर्तन्ते हि सर्वत्र भुक्तिमुक्तिफलप्रदाः
parāpareṇa haṃsena nityameva praṇāmitāḥ / pravartante hi sarvatra bhuktimuktiphalapradāḥ
Sanskrit only: no published translation is held for this verse.
पञ्चभिस्तु युतस्त्वेभिः स पञ्चप्रणवात्मकः । तत्रस्थः एकरूपस्तु निष्कलस्तत्त्वतः स्मृतः
pañcabhistu yutastvebhiḥ sa pañcapraṇavātmakaḥ / tatrasthaḥ ekarūpastu niṣkalastattvataḥ smṛtaḥ
Sanskrit only: no published translation is held for this verse.
तद्योगादपि तद्बीजं सर्वबीजप्ररोहकम् । प्रवर्तते ऽयतो यस्माद् देवासुरनिकेतनम्
tadyogādapi tadbījaṃ sarvabījaprarohakam / pravartate 'yato yasmād devāsuraniketanam
Sanskrit only: no published translation is held for this verse.
तत्र मन्त्राश्च वर्णाश्च प्रतिष्ठां यान्ति नान्यथा । तस्य बोद्धाद्विमुच्यन्ते अहिकञ्चुकवत् प्रिये
tatra mantrāśca varṇāśca pratiṣṭhāṃ yānti nānyathā / tasya boddhādvimucyante ahikañcukavat priye
Sanskrit only: no published translation is held for this verse.
तावद्भ्रमति संसारे यावत्तत्त्वं न विन्दति । विदिते तु पुरे तत्त्वे न भूयो जायते क्वचित्
tāvadbhramati saṃsāre yāvattattvaṃ na vindati / vidite tu pure tattve na bhūyo jāyate kvacit
Sanskrit only: no published translation is held for this verse.
अकृतार्थो नरस्तावद् यावद्धंसं न विन्दति । प्रणवेन समायुक्तं कृतार्थ इति निर्दिशेत्
akṛtārtho narastāvad yāvaddhaṃsaṃ na vindati / praṇavena samāyuktaṃ kṛtārtha iti nirdiśet
Sanskrit only: no published translation is held for this verse.
उच्चारं च ततो ज्ञात्वा उच्चरेत्तं वरानने । उच्चारस्त्रिविधो देवि हंसस्य समुदाहृतः
uccāraṃ ca tato jñātvā uccarettaṃ varānane / uccārastrividho devi haṃsasya samudāhṛtaḥ
Sanskrit only: no published translation is held for this verse.
हकारोकारसंयुक्त- बिन्द्वन्ते तु तृतीयकः । सृष्टिन्यासेन तूच्चारः संहारयोग उच्यते
hakārokārasaṃyukta- bindvante tu tṛtīyakaḥ / sṛṣṭinyāsena tūccāraḥ saṃhārayoga ucyate
Sanskrit only: no published translation is held for this verse.
एवमादिक्रमेणैव मन्त्रमुच्चारयेद्बुधः । बिन्दुस्थं त्रितयं कृत्वा वक्त्रमुद्घाटयेत्ततः
evamādikrameṇaiva mantramuccārayedbudhaḥ / bindusthaṃ tritayaṃ kṛtvā vaktramudghāṭayettataḥ
Sanskrit only: no published translation is held for this verse.
ईषदुद्घाटिते वक्त्रे तदा नादं विजानत । नादस्थं पञ्चधा चैव शक्तिस्थं पञ्चधा पुनः
īṣadudghāṭite vaktre tadā nādaṃ vijānata / nādasthaṃ pañcadhā caiva śaktisthaṃ pañcadhā punaḥ
Sanskrit only: no published translation is held for this verse.
व्यापिन्यां पञ्चधा चैव समनानिष्कलात्मनोः । उन्मना च परं तत्त्वं सर्वं व्याप्य व्यवस्थितम्
vyāpinyāṃ pañcadhā caiva samanāniṣkalātmanoḥ / unmanā ca paraṃ tattvaṃ sarvaṃ vyāpya vyavasthitam
Sanskrit only: no published translation is held for this verse.
एवं ज्ञात्वा विमुच्यन्ते शिवतत्त्वविदो जनाः । अन्यथा नैव मुच्यन्ते बिन्द्वन्ते ये व्यवस्थिताः
evaṃ jñātvā vimucyante śivatattvavido janāḥ / anyathā naiva mucyante bindvante ye vyavasthitāḥ
Sanskrit only: no published translation is held for this verse.
ज्योतीरूपं तु बिन्दुस्थं नादस्थं शब्दरूपकम् । शक्तिस्थं स्पर्शगं चैव तदूर्ध्वं शून्यरूपकम्
jyotīrūpaṃ tu bindusthaṃ nādasthaṃ śabdarūpakam / śaktisthaṃ sparśagaṃ caiva tadūrdhvaṃ śūnyarūpakam
Sanskrit only: no published translation is held for this verse.
ब्रह्मादिपञ्चकं यच्च तेषां शून्यं च तत्पदम् । परापरविभागेन ते सर्वत्र व्यवस्थिताः
brahmādipañcakaṃ yacca teṣāṃ śūnyaṃ ca tatpadam / parāparavibhāgena te sarvatra vyavasthitāḥ
Sanskrit only: no published translation is held for this verse.
शून्यातीता तु समना शुद्धात्मा तून्मना तथा । सर्वातीतं परं तत्त्वं सर्वं व्याप्य व्यवस्थितम्
śūnyātītā tu samanā śuddhātmā tūnmanā tathā / sarvātītaṃ paraṃ tattvaṃ sarvaṃ vyāpya vyavasthitam
Sanskrit only: no published translation is held for this verse.
मन्त्ररूपाश्च विज्ञेया बिन्दुधर्मात्तु देवताः । तत्रस्था सर्वकर्माणि साधयन्ति न संशयः
mantrarūpāśca vijñeyā bindudharmāttu devatāḥ / tatrasthā sarvakarmāṇi sādhayanti na saṃśayaḥ
Sanskrit only: no published translation is held for this verse.
तत्त्वं च उन्मनात्मा तु समना शून्यमेव च । स्पर्शश्चैव तथा शब्दो रूपं च तदनन्तरम्
tattvaṃ ca unmanātmā tu samanā śūnyameva ca / sparśaścaiva tathā śabdo rūpaṃ ca tadanantaram
Sanskrit only: no published translation is held for this verse.
मन्त्रात्मनि स्थिताः सर्वे ज्ञातव्या दैशिकेन तु । तत्रस्था ज्ञानयोगं च प्रयच्छन्ति वरानने
mantrātmani sthitāḥ sarve jñātavyā daiśikena tu / tatrasthā jñānayogaṃ ca prayacchanti varānane
Sanskrit only: no published translation is held for this verse.
कर्मकाले तु सकलान् शिरः पाण्यादिभिर्युतान् । जपेत् तु सकलान् देवि निष्कलेन समन्वितान्
karmakāle tu sakalān śiraḥ pāṇyādibhiryutān / japet tu sakalān devi niṣkalena samanvitān
Sanskrit only: no published translation is held for this verse.
ध्यायेज्ज्योतिर्मयान् सर्वान् शब्दसिद्धिप्रदायकान् । शक्तिस्थाः शक्तिदाः प्रोक्ताः शून्यस्था व्यापकाः स्मृताः
dhyāyejjyotirmayān sarvān śabdasiddhipradāyakān / śaktisthāḥ śaktidāḥ proktāḥ śūnyasthā vyāpakāḥ smṛtāḥ
Sanskrit only: no published translation is held for this verse.
क्रमाज्ज्ञानप्रदास्ते वै समनास्था वरानने । कैवल्यदास्ततश्चोर्ध्वे सर्वज्ञाश्चोन्मने पदे
kramājjñānapradāste vai samanāsthā varānane / kaivalyadāstataścordhve sarvajñāśconmane pade
Sanskrit only: no published translation is held for this verse.
तत्त्वेन वेधिताः सर्वे ये मया परिकीर्तिताः । तज्ज्ञात्वा सिद्धिदाः सर्वे मुक्तिदाश्च न संशयः
tattvena vedhitāḥ sarve ye mayā parikīrtitāḥ / tajjñātvā siddhidāḥ sarve muktidāśca na saṃśayaḥ
Sanskrit only: no published translation is held for this verse.
पञ्चप्रणवसंयुक्तं तत्त्वं ते कथितं मया । पञ्चप्रणवपूर्वेण ॐकाराद्ययुतेन तु
pañcapraṇavasaṃyuktaṃ tattvaṃ te kathitaṃ mayā / pañcapraṇavapūrveṇa oṃkārādyayutena tu
Sanskrit only: no published translation is held for this verse.
नमस्कारावसानेन बहुरूपेण सुव्रते । जपतः सिद्धिमाप्नोति लक्षेनाक्षरसंख्यया
namaskārāvasānena bahurūpeṇa suvrate / japataḥ siddhimāpnoti lakṣenākṣarasaṃkhyayā
Sanskrit only: no published translation is held for this verse.
प्रणवाद्येन संयुक्तं मन्त्रमेवं जपेत् सदा । जपान्ते तु पुनर्होमं दशमांशेन कारयेत्
praṇavādyena saṃyuktaṃ mantramevaṃ japet sadā / japānte tu punarhomaṃ daśamāṃśena kārayet
Sanskrit only: no published translation is held for this verse.
नृमांसं पुरसंयुक्तं घृतेन च परिप्लुतम् । ततः सिद्धिमवाप्नोति अधमां मध्यमोत्तमम्
nṛmāṃsaṃ purasaṃyuktaṃ ghṛtena ca pariplutam / tataḥ siddhimavāpnoti adhamāṃ madhyamottamam
Sanskrit only: no published translation is held for this verse.
त्रिगुणेन तु जप्येन स्वच्छन्दसदृशो भवेत् । ब्रह्मविष्ण्विन्द्रदेवानां सिद्धदैत्योरगेशिनाम्
triguṇena tu japyena svacchandasadṛśo bhavet / brahmaviṣṇvindradevānāṃ siddhadaityorageśinām
Sanskrit only: no published translation is held for this verse.
भयदाता च हर्ता च शापानुग्रहकृद् भवेत् । दर्पं हरति कालस्य पातयेद् भूधरानपि
bhayadātā ca hartā ca śāpānugrahakṛd bhavet / darpaṃ harati kālasya pātayed bhūdharānapi
Sanskrit only: no published translation is held for this verse.
स्फोटयेद्बिल्वयन्त्राणि दिग्गजानपि चालयेत् । ब्रह्मराक्षसवेतालान् क्रूरग्रहविनायकान्
sphoṭayedbilvayantrāṇi diggajānapi cālayet / brahmarākṣasavetālān krūragrahavināyakān
Sanskrit only: no published translation is held for this verse.
स्मरणान्नाशयेद्देवि अवध्यस्त्रिदशैरपि । प्राकृतान्यपि कर्माणि सिद्ध्यन्ति जपलक्षतः
smaraṇānnāśayeddevi avadhyastridaśairapi / prākṛtānyapi karmāṇi siddhyanti japalakṣataḥ
Sanskrit only: no published translation is held for this verse.
तानि सम्यक्प्रवक्ष्यामि यथावदनुपूर्वशः । मोहना सहदेवा च भूधात्री चक्रलाञ्छना
tāni samyakpravakṣyāmi yathāvadanupūrvaśaḥ / mohanā sahadevā ca bhūdhātrī cakralāñchanā
Sanskrit only: no published translation is held for this verse.
रामवल्ल्या सहैकत्र आत्मबीजेन पोषयेत् । भक्षे पाने च दातव्यं वशीकरणमुत्तमम्
rāmavallyā sahaikatra ātmabījena poṣayet / bhakṣe pāne ca dātavyaṃ vaśīkaraṇamuttamam
Sanskrit only: no published translation is held for this verse.
उत्तवारणिमूलं तु पुष्यर्क्षेण तु ग्राहयेत् । आत्मेन्द्रियेण संयुक्तं वशीकरणमुत्तमम्
uttavāraṇimūlaṃ tu puṣyarkṣeṇa tu grāhayet / ātmendriyeṇa saṃyuktaṃ vaśīkaraṇamuttamam
Sanskrit only: no published translation is held for this verse.
श्रवणाक्षिमलं लाला रुधिरेन्द्रियसंयुतम् । भूकदम्बसमोपेतं दातव्यं पयसा निशि
śravaṇākṣimalaṃ lālā rudhirendriyasaṃyutam / bhūkadambasamopetaṃ dātavyaṃ payasā niśi
Sanskrit only: no published translation is held for this verse.
अप्रवासे प्रदातव्यं म्रियते विरहेण सा । षष्टिं कनकबीजानि षोडश मणिचन्द्रिकाः
apravāse pradātavyaṃ mriyate viraheṇa sā / ṣaṣṭiṃ kanakabījāni ṣoḍaśa maṇicandrikāḥ
Sanskrit only: no published translation is held for this verse.
नरगोदन्तसंयुक्ताः प्रदद्याद्यस्य भामिनी । एष कापालिको योगो गच्छन्तमनुगच्छति
naragodantasaṃyuktāḥ pradadyādyasya bhāminī / eṣa kāpāliko yogo gacchantamanugacchati
Sanskrit only: no published translation is held for this verse.
श्वेतार्कमूलं मञ्जिष्ठा चटकस्य शिरस्तथा । गृहोद्भवस्य कुष्ठं च स्वरक्तेन्द्रियसंयुतम्
śvetārkamūlaṃ mañjiṣṭhā caṭakasya śirastathā / gṛhodbhavasya kuṣṭhaṃ ca svaraktendriyasaṃyutam
Sanskrit only: no published translation is held for this verse.
भक्ष्ये पाने प्रदातव्यं वशीकरणमुत्तमम् । मोहना चैव कान्तारी मयूरशिखया युता
bhakṣye pāne pradātavyaṃ vaśīkaraṇamuttamam / mohanā caiva kāntārī mayūraśikhayā yutā
Sanskrit only: no published translation is held for this verse.
आत्मलालेन्द्रियैर्युक्तं वशीकरणमुत्तमम् । लज्जालुका च गोरम्भा चण्डालीकर्मकं तथा
ātmalālendriyairyuktaṃ vaśīkaraṇamuttamam / lajjālukā ca gorambhā caṇḍālīkarmakaṃ tathā
Sanskrit only: no published translation is held for this verse.
नागेन्द्रपदमिश्रं तद् आत्मबीजसमन्वितम् । एष योगवरो दिव्यो दीयते यस्य सुव्रते
nāgendrapadamiśraṃ tad ātmabījasamanvitam / eṣa yogavaro divyo dīyate yasya suvrate
Sanskrit only: no published translation is held for this verse.
मधुरेण समायुक्तो यावदायुर्वशी स तु । चणका माषमुद्गाश्च अपानेन विनिर्गताः
madhureṇa samāyukto yāvadāyurvaśī sa tu / caṇakā māṣamudgāśca apānena vinirgatāḥ
Sanskrit only: no published translation is held for this verse.
वान्तं घृतं तथा रेतः स्त्रीरजो हृन्मलं तथा । मूत्रं रक्तं तथा केशो लाला चैव वरानने
vāntaṃ ghṛtaṃ tathā retaḥ strīrajo hṛnmalaṃ tathā / mūtraṃ raktaṃ tathā keśo lālā caiva varānane
Sanskrit only: no published translation is held for this verse.
पुत्रजानिः कृताह्वा च नागेन्द्रपदसंयुता । मोहना विष्णुक्रान्ता च धात्री चैवैकतः स्थिता
putrajāniḥ kṛtāhvā ca nāgendrapadasaṃyutā / mohanā viṣṇukrāntā ca dhātrī caivaikataḥ sthitā
Sanskrit only: no published translation is held for this verse.
पुष्यर्क्षेण नियुञ्जीत गर्वितानां वरानने । भक्ष्ये पाने प्रदातव्यो योगस्त्रिदशपूजितः
puṣyarkṣeṇa niyuñjīta garvitānāṃ varānane / bhakṣye pāne pradātavyo yogastridaśapūjitaḥ
Sanskrit only: no published translation is held for this verse.
उच्चाटनं प्रवक्ष्यामि शत्रूणां गर्वितात्मनाम् । काकोलूकस्य पक्षांश्च खरोष्ट्रमूत्रमृत्तिका
uccāṭanaṃ pravakṣyāmi śatrūṇāṃ garvitātmanām / kākolūkasya pakṣāṃśca kharoṣṭramūtramṛttikā
Sanskrit only: no published translation is held for this verse.
कृत्वा प्रतिकृतिं प्राज्ञः काकरक्तेन लेपयेत् । काकोलूकस्य पक्षांश्च गुदे तस्य विनिक्षिपेत्
kṛtvā pratikṛtiṃ prājñaḥ kākaraktena lepayet / kākolūkasya pakṣāṃśca gude tasya vinikṣipet
Sanskrit only: no published translation is held for this verse.
तां चतुष्पथे निखनेत् श्मशानाग्निमथोपरि । प्रज्वाल्य होमयेत्तत्र काकपक्षांश्च सुव्रते
tāṃ catuṣpathe nikhanet śmaśānāgnimathopari / prajvālya homayettatra kākapakṣāṃśca suvrate
Sanskrit only: no published translation is held for this verse.
उद्भ्रान्तपत्रसहितान् खरमूत्रेण भावितान् । यस्य नाम समुद्दिश्य यकाराद्यन्तरोधितम्
udbhrāntapatrasahitān kharamūtreṇa bhāvitān / yasya nāma samuddiśya yakārādyantarodhitam
Sanskrit only: no published translation is held for this verse.
मन्त्रावसाने विन्यस्तं विसर्गान्तं प्रचाटयेत् । भ्रमते काकवत् पृथ्वीं शत्रुर्व्याधिनिपीडितः
mantrāvasāne vinyastaṃ visargāntaṃ pracāṭayet / bhramate kākavat pṛthvīṃ śatrurvyādhinipīḍitaḥ
Sanskrit only: no published translation is held for this verse.
पिण्याकं निम्बपत्त्राणि मृत्किण्वं तु तुषाणि च । शत्रोः प्रतिकृतिं कृत्वा अक्षपुष्पैस्तु वेष्टिताम्
piṇyākaṃ nimbapattrāṇi mṛtkiṇvaṃ tu tuṣāṇi ca / śatroḥ pratikṛtiṃ kṛtvā akṣapuṣpaistu veṣṭitām
Sanskrit only: no published translation is held for this verse.
श्मशाने निखनेत्तां तु वह्निं प्रज्वाल्य चोपरि । पुष्पैर्विभीततरुजैर् यस्य नाम्ना तु होमयेत्
śmaśāne nikhanettāṃ tu vahniṃ prajvālya copari / puṣpairvibhītatarujair yasya nāmnā tu homayet
Sanskrit only: no published translation is held for this verse.
विद्विष्टो वै भवेच्छत्रुः कामदेवसमो ऽपि यः । प्रियङ्गुलतिकामिश्रं गुग्गुलुं घृतवेधितम्
vidviṣṭo vai bhavecchatruḥ kāmadevasamo 'pi yaḥ / priyaṅgulatikāmiśraṃ gugguluṃ ghṛtavedhitam
Sanskrit only: no published translation is held for this verse.
हृत्वा त्वष्टशतं देवि सुभगः सम्प्रजायते । जातिकुट्मलकैर्मिश्रैस् त्रिमध्वक्तैस्तिलैर्हुतैः
hṛtvā tvaṣṭaśataṃ devi subhagaḥ samprajāyate / jātikuṭmalakairmiśrais trimadhvaktaistilairhutaiḥ
Sanskrit only: no published translation is held for this verse.
सुभगत्वमवाप्नोति रूपहीनो ऽपि यो नरः । तिलैर्लवणसम्मिश्रैस् त्रिमध्वक्तैर्हुतैः प्रियैः
subhagatvamavāpnoti rūpahīno 'pi yo naraḥ / tilairlavaṇasammiśrais trimadhvaktairhutaiḥ priyaiḥ
Sanskrit only: no published translation is held for this verse.
सप्ताहाद्वशमायाति या स्त्री रूपेण गर्विता । राजिका लवणं चैव मधुक्षीरघृतप्लुतम्
saptāhādvaśamāyāti yā strī rūpeṇa garvitā / rājikā lavaṇaṃ caiva madhukṣīraghṛtaplutam
Sanskrit only: no published translation is held for this verse.
होमयेन्नामसम्मिश्रं यस्याकर्षेत्तु तं द्रुतम् । नरस्य रोचनां गृह्य द्विरदस्य मदेन तु
homayennāmasammiśraṃ yasyākarṣettu taṃ drutam / narasya rocanāṃ gṛhya dviradasya madena tu
Sanskrit only: no published translation is held for this verse.
भावयित्वाभिमन्त्र्यैतन् मन्त्रेणाष्टशतं जपेत् । स्नाने विलेपने मद्ये गन्धे वा यस्य दीयते
bhāvayitvābhimantryaitan mantreṇāṣṭaśataṃ japet / snāne vilepane madye gandhe vā yasya dīyate
Sanskrit only: no published translation is held for this verse.
स वश्यो भवति क्षिप्रं धनदः प्राणदस्तथा । अथवा मारयेत्क्षिप्रं शत्रुं निश्चितमात्मनः
sa vaśyo bhavati kṣipraṃ dhanadaḥ prāṇadastathā / athavā mārayetkṣipraṃ śatruṃ niścitamātmanaḥ
Sanskrit only: no published translation is held for this verse.
अपकारशतैर्युक्तं कृतघ्नं दुष्टचेतसम् । कपालद्वयमादाय नाम शत्रोः समालिखेत्
apakāraśatairyuktaṃ kṛtaghnaṃ duṣṭacetasam / kapāladvayamādāya nāma śatroḥ samālikhet
Sanskrit only: no published translation is held for this verse.
कपालसम्पुटस्थं तद् विषाङ्गारेण भावितम् । रुधिरेण समायुक्तं हुम्फट्कारविदर्भितम्
kapālasampuṭasthaṃ tad viṣāṅgāreṇa bhāvitam / rudhireṇa samāyuktaṃ humphaṭkāravidarbhitam
Sanskrit only: no published translation is held for this verse.
महाप्रेतवनं गत्वा स्वच्छन्दं पूजयेत्ततः । कृष्णमाल्योपहारैश्च ततः कर्म समारभेत्
mahāpretavanaṃ gatvā svacchandaṃ pūjayettataḥ / kṛṣṇamālyopahāraiśca tataḥ karma samārabhet
Sanskrit only: no published translation is held for this verse.
विज्ञाप्य भैरवं देवं शत्रुं मे विनिपातय । अनुज्ञातस्तु देवेन गृहित्त्वा तच्छिरोद्वयम्
vijñāpya bhairavaṃ devaṃ śatruṃ me vinipātaya / anujñātastu devena gṛhittvā tacchirodvayam
Sanskrit only: no published translation is held for this verse.
तत्र गत्वा महादेवि कपालासनसंस्थितः । तत्रस्थो रोषसम्पूर्णो दक्षिणाभिमुखः स्थितः
tatra gatvā mahādevi kapālāsanasaṃsthitaḥ / tatrastho roṣasampūrṇo dakṣiṇābhimukhaḥ sthitaḥ
Sanskrit only: no published translation is held for this verse.
आत्मनो भैरवं रूपं ज्ञात्वा घोरं सुभीषणम् । क्रुद्धः समुच्चरेन्मन्त्री द्वात्रिंशाक्षरसम्मितम्
ātmano bhairavaṃ rūpaṃ jñātvā ghoraṃ subhīṣaṇam / kruddhaḥ samuccarenmantrī dvātriṃśākṣarasammitam
Sanskrit only: no published translation is held for this verse.
विलोमेन महाभागे शत्रुनाम ततो ऽन्तगम् । हुम्फड्द्वयं समुच्चार्य काद्ये चास्फालयेद्भृशम्
vilomena mahābhāge śatrunāma tato 'ntagam / humphaḍdvayaṃ samuccārya kādye cāsphālayedbhṛśam
Sanskrit only: no published translation is held for this verse.
खण्डशश्चूर्णिते यावत् तावच्छतुर्विनश्यति । सप्तरात्रेण देवेशि प्रयोगस्त्वनिवर्तकः
khaṇḍaśaścūrṇite yāvat tāvacchaturvinaśyati / saptarātreṇa deveśi prayogastvanivartakaḥ
Sanskrit only: no published translation is held for this verse.
एवं शतसहस्राणि अन्यकल्पोत्थितानि च । प्रयोगाणां करोत्येष मन्त्रराजेश्वरेश्वरः
evaṃ śatasahasrāṇi anyakalpotthitāni ca / prayogāṇāṃ karotyeṣa mantrarājeśvareśvaraḥ
Sanskrit only: no published translation is held for this verse.
अनुलोमगतं देवं वौषत्कारान्तसंस्थितम् । क्षीरं तु होमयेद्देवि शान्त्यर्थे हितकारकम्
anulomagataṃ devaṃ vauṣatkārāntasaṃsthitam / kṣīraṃ tu homayeddevi śāntyarthe hitakārakam
Sanskrit only: no published translation is held for this verse.
वषदाप्यायने शस्तं स्वाहान्तं वशकर्मणि । मन्त्राणां तर्पणार्थं च नत्यन्तं चार्चने स्मृतम्
vaṣadāpyāyane śastaṃ svāhāntaṃ vaśakarmaṇi / mantrāṇāṃ tarpaṇārthaṃ ca natyantaṃ cārcane smṛtam
Sanskrit only: no published translation is held for this verse.
एतद्धि कथितं देवि साधकस्य सुमेधसः । क्रियाकालांशयुक्तस्य अक्लेशात्तु सुखावहम्
etaddhi kathitaṃ devi sādhakasya sumedhasaḥ / kriyākālāṃśayuktasya akleśāttu sukhāvaham
Sanskrit only: no published translation is held for this verse.