इति स्वच्छन्दतन्त्रे ऽंशकाधिकारो ऽष्टमः पटलः समाप्तः नवमः पटलः अतः परं प्रवक्ष्यामि रहस्यमिदमुत्तमम् । यन्न कस्यचिदाख्यातं तत्ते वक्ष्यामि सुव्रते
iti svacchandatantre 'ṃśakādhikāro 'ṣṭamaḥ paṭalaḥ samāptaḥ navamaḥ paṭalaḥ ataḥ paraṃ pravakṣyāmi rahasyamidamuttamam / yanna kasyacidākhyātaṃ tatte vakṣyāmi suvrate
Sanskrit only: no published translation is held for this verse.
महाभैरवदेवस्य क्रीडमानस्य भामिनि । सृष्टिसंहारकर्तारं हृदयात्तु विनिर्गतः
mahābhairavadevasya krīḍamānasya bhāmini / sṛṣṭisaṃhārakartāraṃ hṛdayāttu vinirgataḥ
Sanskrit only: no published translation is held for this verse.
कल्पान्तवह्निवपुषं प्रलयाम्बुदनिःस्वनम् । तडित्पुञ्जनिभोद्दंष्ट्रं जटाज्वालासमप्रभम्
kalpāntavahnivapuṣaṃ pralayāmbudaniḥsvanam / taḍitpuñjanibhoddaṃṣṭraṃ jaṭājvālāsamaprabham
Sanskrit only: no published translation is held for this verse.
चन्द्रसूर्याग्निनयनं कोटराक्षं सुभीषणम् । बृहद्वक्षः स्थलाभोगं नागयज्ञोपवीतिनम्
candrasūryāgninayanaṃ koṭarākṣaṃ subhīṣaṇam / bṛhadvakṣaḥ sthalābhogaṃ nāgayajñopavītinam
Sanskrit only: no published translation is held for this verse.
स्फुरन्माणिक्यमुकुटं सर्पकुण्डलभूषितम् । सर्पहारकृताटोपं सर्पकङ्कणनूपुरम्
sphuranmāṇikyamukuṭaṃ sarpakuṇḍalabhūṣitam / sarpahārakṛtāṭopaṃ sarpakaṅkaṇanūpuram
Sanskrit only: no published translation is held for this verse.
सिंहचर्मपरीधानं सर्पमेखलमण्डितम् । गजचर्मावृतपटं शशाङ्ककृतशेखरम्
siṃhacarmaparīdhānaṃ sarpamekhalamaṇḍitam / gajacarmāvṛtapaṭaṃ śaśāṅkakṛtaśekharam
Sanskrit only: no published translation is held for this verse.
पञ्चवक्त्रं शवारूढं दशबाहुं त्रिलोचनम् । कपालमालाभरणं खड्गखेटकधारिणम्
pañcavaktraṃ śavārūḍhaṃ daśabāhuṃ trilocanam / kapālamālābharaṇaṃ khaḍgakheṭakadhāriṇam
Sanskrit only: no published translation is held for this verse.
पाशाङ्कुशधरं देवं शरशार्ङ्गावतानितम् । कपालखट्वाङ्गधरं वरदाभयपाणिकम्
pāśāṅkuśadharaṃ devaṃ śaraśārṅgāvatānitam / kapālakhaṭvāṅgadharaṃ varadābhayapāṇikam
Sanskrit only: no published translation is held for this verse.
भिन्नाञ्जनचयप्रख्यं स्फुरिताधरभास्वरम् । ब्रह्मेन्द्रविष्णुनमितं त्रिदशैरपि दुर्लभम्
bhinnāñjanacayaprakhyaṃ sphuritādharabhāsvaram / brahmendraviṣṇunamitaṃ tridaśairapi durlabham
Sanskrit only: no published translation is held for this verse.
एवं तं भैरवं देवं स्वच्छन्दं परिकीर्तयेत् । स्मरणान्नाशयेद्देवः पापसंघातमुल्बणम्
evaṃ taṃ bhairavaṃ devaṃ svacchandaṃ parikīrtayet / smaraṇānnāśayeddevaḥ pāpasaṃghātamulbaṇam
Sanskrit only: no published translation is held for this verse.
अस्य मन्त्रः पुराख्यातो द्वात्रिंशाक्षरसंमितः । पञ्चप्रणवपूर्वान्तं तत्र लीनं जपेन्मनुम्
asya mantraḥ purākhyāto dvātriṃśākṣarasaṃmitaḥ / pañcapraṇavapūrvāntaṃ tatra līnaṃ japenmanum
Sanskrit only: no published translation is held for this verse.
तस्य कल्पं प्रवक्ष्यामि समासान्न तु विस्तरात् । पूर्वोक्तभूप्रदेशे च विशुद्धे शुभलक्षणे
tasya kalpaṃ pravakṣyāmi samāsānna tu vistarāt / pūrvoktabhūpradeśe ca viśuddhe śubhalakṣaṇe
Sanskrit only: no published translation is held for this verse.
पुष्पप्रकरसंकीर्णे गन्धधूपाधिवासिते । तत्र मण्डलमालिख्य पूर्वोक्तैर्वर्णकैः शुभैः
puṣpaprakarasaṃkīrṇe gandhadhūpādhivāsite / tatra maṇḍalamālikhya pūrvoktairvarṇakaiḥ śubhaiḥ
Sanskrit only: no published translation is held for this verse.
एकहस्तं द्विहस्तं वा चतुर्हस्ताष्टहस्तकम् । सुसूत्रितं समं कृत्वा चतुरस्रं समन्ततः
ekahastaṃ dvihastaṃ vā caturhastāṣṭahastakam / susūtritaṃ samaṃ kṛtvā caturasraṃ samantataḥ
Sanskrit only: no published translation is held for this verse.
पूर्ववत्साधयित्वा तु दिग्भागांस्तु वरानने । चतुर्द्वारसमोपेतम् अष्टपत्रं सकर्णिकम् । मध्ये पद्मं समालिख्य केसरैरुपलक्षितम्
pūrvavatsādhayitvā tu digbhāgāṃstu varānane / caturdvārasamopetam aṣṭapatraṃ sakarṇikam / madhye padmaṃ samālikhya kesarairupalakṣitam
Sanskrit only: no published translation is held for this verse.
द्वात्रिंशदक्षरं बाह्ये चक्रमालिख्य शोभनम् । एवं सुसूत्रितं कृत्वा बाह्ये चैव तु वर्तुलम्
dvātriṃśadakṣaraṃ bāhye cakramālikhya śobhanam / evaṃ susūtritaṃ kṛtvā bāhye caiva tu vartulam
Sanskrit only: no published translation is held for this verse.
चतुरस्रं तदासन्नं बाह्ये वीथिं प्रकल्पयेत् । मध्यपद्मप्रमाणेन द्वारं कल्प्येत पूर्ववत्
caturasraṃ tadāsannaṃ bāhye vīthiṃ prakalpayet / madhyapadmapramāṇena dvāraṃ kalpyeta pūrvavat
Sanskrit only: no published translation is held for this verse.
भस्मोद्धूलितदेहस्तु मुद्रालङ्कारभूषितः । केशयज्ञोपवीती च दिग्वासाः संयतेन्द्रियः
bhasmoddhūlitadehastu mudrālaṅkārabhūṣitaḥ / keśayajñopavītī ca digvāsāḥ saṃyatendriyaḥ
Sanskrit only: no published translation is held for this verse.
शङ्खार्घपात्रहस्तस्तु सकलीकृतविग्रहः । परितो ऽस्त्रं प्रविन्यस्य भैरवं पूजयेत्प्रिये
śaṅkhārghapātrahastastu sakalīkṛtavigrahaḥ / parito 'straṃ pravinyasya bhairavaṃ pūjayetpriye
Sanskrit only: no published translation is held for this verse.
प्रणवासनसंस्थं तु मूर्तिं हंसाक्षरेण तु । तमेव सकलं देवं स्वच्छन्दं परमेश्वरम्
praṇavāsanasaṃsthaṃ tu mūrtiṃ haṃsākṣareṇa tu / tameva sakalaṃ devaṃ svacchandaṃ parameśvaram
Sanskrit only: no published translation is held for this verse.
यत्तत्परमनिर्भासम् अनामयमरूपकम् । तेन चावाहयेद्देवि हृच्छिरश्च शिखां तथा
yattatparamanirbhāsam anāmayamarūpakam / tena cāvāhayeddevi hṛcchiraśca śikhāṃ tathā
Sanskrit only: no published translation is held for this verse.
वर्म नेत्रे तथास्त्रं च तेनैव परिकल्पयेत् । स्थापनं संनिधानं च निरोधार्धादिपूजनम्
varma netre tathāstraṃ ca tenaiva parikalpayet / sthāpanaṃ saṃnidhānaṃ ca nirodhārdhādipūjanam
Sanskrit only: no published translation is held for this verse.
सर्वं तेनैव कर्तव्यम् उक्तानुक्तं वरानने । मध्यस्थं भैरवं पूज्यम् अङ्गषट्कसमन्वितम्
sarvaṃ tenaiva kartavyam uktānuktaṃ varānane / madhyasthaṃ bhairavaṃ pūjyam aṅgaṣaṭkasamanvitam
Sanskrit only: no published translation is held for this verse.
ततः पत्रस्थिता देवीर् द्वात्रिंशार्णैर्निवेशयेत् । पूर्वारकात्समारभ्य यावदन्ते व्यवस्थिताः
tataḥ patrasthitā devīr dvātriṃśārṇairniveśayet / pūrvārakātsamārabhya yāvadante vyavasthitāḥ
Sanskrit only: no published translation is held for this verse.
तासां नामानि वक्ष्यामि द्वत्रिंशत्परिसंख्यया । अरुणा घोषा देवी च रेवती भोगदायिका
tāsāṃ nāmāni vakṣyāmi dvatriṃśatparisaṃkhyayā / aruṇā ghoṣā devī ca revatī bhogadāyikā
Sanskrit only: no published translation is held for this verse.
स्थापनी घोरसंज्ञा च रक्षा भारभरेति च । घोररूपा रवा घोणा रतिस्ताराथ रूपिणी
sthāpanī ghorasaṃjñā ca rakṣā bhārabhareti ca / ghorarūpā ravā ghoṇā ratistārātha rūpiṇī
Sanskrit only: no published translation is held for this verse.
भयहानिस्तु चण्डा वै सर्वदा च तथा वरा । तक्षकी च तथा शार्वी बर्बरा सर्वगा तथा
bhayahānistu caṇḍā vai sarvadā ca tathā varā / takṣakī ca tathā śārvī barbarā sarvagā tathā
Sanskrit only: no published translation is held for this verse.
रौद्री च भ्रामणी चैव नागिनी च मनोहरा । स्तम्भनी रोषणी चैव द्रावा रुद्रा प्रशासिनी
raudrī ca bhrāmaṇī caiva nāginī ca manoharā / stambhanī roṣaṇī caiva drāvā rudrā praśāsinī
Sanskrit only: no published translation is held for this verse.
भयापहारिणी देवी ज्ञेया द्वात्रिंश तत्क्रमात् । प्रणवादिस्ततो वर्णो देवीनाम नतिस्तथा
bhayāpahāriṇī devī jñeyā dvātriṃśa tatkramāt / praṇavādistato varṇo devīnāma natistathā
Sanskrit only: no published translation is held for this verse.
सर्वासां तु विधिर्ह्येष कर्तव्यो विधिवेदिना । हेमाभं प्राक्चतुष्कं तद् इन्द्रचापसमप्रभम्
sarvāsāṃ tu vidhirhyeṣa kartavyo vidhivedinā / hemābhaṃ prākcatuṣkaṃ tad indracāpasamaprabham
Sanskrit only: no published translation is held for this verse.
चतुर्मुखं चतुर्बाहु वज्रहस्तं सुगर्वितम् । कपालमालाभरणं प्रहसत्तु विचिन्तयेत्
caturmukhaṃ caturbāhu vajrahastaṃ sugarvitam / kapālamālābharaṇaṃ prahasattu vicintayet
Sanskrit only: no published translation is held for this verse.
आग्नेयं रक्तवर्णाभं शक्तिहस्तं सदा स्मरेत् । दण्डहस्तं स्मरेद्याम्यां कृष्णवर्णं सुभीषणम्
āgneyaṃ raktavarṇābhaṃ śaktihastaṃ sadā smaret / daṇḍahastaṃ smaredyāmyāṃ kṛṣṇavarṇaṃ subhīṣaṇam
Sanskrit only: no published translation is held for this verse.
नीलमिन्दीवराभासं नैरृतं खड्गहस्तकम् । श्यामं वारुणदिग्भागे पाशहस्तं विचिन्तयेत्
nīlamindīvarābhāsaṃ nairṛtaṃ khaḍgahastakam / śyāmaṃ vāruṇadigbhāge pāśahastaṃ vicintayet
Sanskrit only: no published translation is held for this verse.
धूम्रं सामीरदिग्भागे ध्वजहस्तं सुचञ्चलम् । उत्तरं धवलं ज्ञेयं गदाखेटकधारि च
dhūmraṃ sāmīradigbhāge dhvajahastaṃ sucañcalam / uttaraṃ dhavalaṃ jñeyaṃ gadākheṭakadhāri ca
Sanskrit only: no published translation is held for this verse.
स्फटिकाभं तथैशान्यां त्रिशूलायुधपाणिकम् । एवं ध्यानपरो यस्तु चक्रमेतत्सदाभ्यसेत्
sphaṭikābhaṃ tathaiśānyāṃ triśūlāyudhapāṇikam / evaṃ dhyānaparo yastu cakrametatsadābhyaset
Sanskrit only: no published translation is held for this verse.
वत्सरार्धाद्वरारोहे तस्य सिद्धिस्त्रिधा भवेत् । महेन्द्रे मलये सह्ये पारियात्रे ऽर्बुदे तथा
vatsarārdhādvarārohe tasya siddhistridhā bhavet / mahendre malaye sahye pāriyātre 'rbude tathā
Sanskrit only: no published translation is held for this verse.
विन्ध्ये श्रीपर्वते चैव तथा कोलगिरौ प्रिये । गङ्गायमुनासंबाधे कुरुक्षेत्रे वरानने
vindhye śrīparvate caiva tathā kolagirau priye / gaṅgāyamunāsaṃbādhe kurukṣetre varānane
Sanskrit only: no published translation is held for this verse.
गङ्गाद्वारे प्रयोगे च ब्रह्मावर्ते समास्थितः । अन्तर्वेद्यां सुपुण्यायां नर्मदायां तथैव च
gaṅgādvāre prayoge ca brahmāvarte samāsthitaḥ / antarvedyāṃ supuṇyāyāṃ narmadāyāṃ tathaiva ca
Sanskrit only: no published translation is held for this verse.
सुस्निग्धदेशे भूभागे पद्मषण्डैर्मनोरमे । येषु येषु प्रदेशेषु स्वयंभूर्भगवाञ्छिवः
susnigdhadeśe bhūbhāge padmaṣaṇḍairmanorame / yeṣu yeṣu pradeśeṣu svayaṃbhūrbhagavāñchivaḥ
Sanskrit only: no published translation is held for this verse.
तेषु स्थानेषु देवेशि नियमस्थो जितेन्द्रियः । वाङ्निरुद्धः प्रसन्नात्मा लक्षाक्षरजपे रतः
teṣu sthāneṣu deveśi niyamastho jitendriyaḥ / vāṅniruddhaḥ prasannātmā lakṣākṣarajape rataḥ
Sanskrit only: no published translation is held for this verse.
शाकभक्षः फलाहारी नीवाराद्यशने रातः । त्रिकालपूजानिरतो ऽथाग्निकार्यपरायणः
śākabhakṣaḥ phalāhārī nīvārādyaśane rātaḥ / trikālapūjānirato 'thāgnikāryaparāyaṇaḥ
Sanskrit only: no published translation is held for this verse.
भावितात्मा महासत्त्वो रक्षायाश्च विधानवीत् । तस्य मन्त्रः प्रसिद्ध्येत्तु साधयेत्सचराचरम्
bhāvitātmā mahāsattvo rakṣāyāśca vidhānavīt / tasya mantraḥ prasiddhyettu sādhayetsacarācaram
Sanskrit only: no published translation is held for this verse.
कालाग्निर्नरकाश्चैव पाताला हाटकेश्वरः । सप्तलोकं सब्रह्माण्डं पञ्चाष्टकमतः परम्
kālāgnirnarakāścaiva pātālā hāṭakeśvaraḥ / saptalokaṃ sabrahmāṇḍaṃ pañcāṣṭakamataḥ param
Sanskrit only: no published translation is held for this verse.
देवयोन्यष्टकं चैव प्रधानपुरुषान्तकम् । नियतिः कालतत्त्वं च रागो विद्या कला तथा
devayonyaṣṭakaṃ caiva pradhānapuruṣāntakam / niyatiḥ kālatattvaṃ ca rāgo vidyā kalā tathā
Sanskrit only: no published translation is held for this verse.
माया विद्येश्वरं तत्त्वं सादाख्यं शक्तिगोचरम् । सर्वं सिद्ध्यत्यनायासान् मन्त्रराजप्रब्भावतः
māyā vidyeśvaraṃ tattvaṃ sādākhyaṃ śaktigocaram / sarvaṃ siddhyatyanāyāsān mantrarājaprabbhāvataḥ
Sanskrit only: no published translation is held for this verse.
पूर्वोक्तं कर्म वै क्षिप्रम् अधमं मध्यमोत्तमम् । साधयेन्नात्र संदेहो भैरवस्य वचो यथा
pūrvoktaṃ karma vai kṣipram adhamaṃ madhyamottamam / sādhayennātra saṃdeho bhairavasya vaco yathā
Sanskrit only: no published translation is held for this verse.
अथैकवीरमाश्रित्य अङ्गषट्कसमन्वितम् । जातियोगयुतं कृत्वा अष्टपत्रे कुशेशये
athaikavīramāśritya aṅgaṣaṭkasamanvitam / jātiyogayutaṃ kṛtvā aṣṭapatre kuśeśaye
Sanskrit only: no published translation is held for this verse.
पूजयेत्पूर्वविधिना जपहोमार्चने रतः । ध्यायन्नेव महादेवि स्वच्छन्दं परमेश्वरम्
pūjayetpūrvavidhinā japahomārcane rataḥ / dhyāyanneva mahādevi svacchandaṃ parameśvaram
Sanskrit only: no published translation is held for this verse.
प्राप्नोति चिन्तितान्कामान् देवि नास्त्यत्र संशयः । अथ रक्षाविधानेषु अघोरं योजयेद्यथा
prāpnoti cintitānkāmān devi nāstyatra saṃśayaḥ / atha rakṣāvidhāneṣu aghoraṃ yojayedyathā
Sanskrit only: no published translation is held for this verse.
तथाहं कथयिष्यामि तदेकाग्रमनाः शृणु । द्वात्रिंशदरसंयुक्तं चक्रमालिख्य भामिनि
tathāhaṃ kathayiṣyāmi tadekāgramanāḥ śṛṇu / dvātriṃśadarasaṃyuktaṃ cakramālikhya bhāmini
Sanskrit only: no published translation is held for this verse.
नाभिकेसरसंयुक्तं सुसमं तु वरानने । गोरोचनां तु संगृह्य सिद्धालक्तकसंयुताम्
nābhikesarasaṃyuktaṃ susamaṃ tu varānane / gorocanāṃ tu saṃgṛhya siddhālaktakasaṃyutām
Sanskrit only: no published translation is held for this verse.
दूर्वाकाण्डेन देवेशि हरितेन समालिखेत् । विद्याराजं कर्णिकास्थं बिन्दुनादसमन्वितम्
dūrvākāṇḍena deveśi haritena samālikhet / vidyārājaṃ karṇikāsthaṃ bindunādasamanvitam
Sanskrit only: no published translation is held for this verse.
शक्त्यवसानं देवेशि तस्मिन्साध्यं समालिखेत् । कषमध्ये वरारोहे नयनाद्यन्तरोधितम्
śaktyavasānaṃ deveśi tasminsādhyaṃ samālikhet / kaṣamadhye varārohe nayanādyantarodhitam
Sanskrit only: no published translation is held for this verse.
ईकारवेष्टितं कृत्वा अरकस्था निवेशयेत् । पूर्वोक्तदेवता देवि तद्गर्भे साध्यमालिखेत्
īkāraveṣṭitaṃ kṛtvā arakasthā niveśayet / pūrvoktadevatā devi tadgarbhe sādhyamālikhet
Sanskrit only: no published translation is held for this verse.
भवगर्भे तु तत्कृत्वा ईकाराख्येन वेष्टयेत् । त्रीन्वारांस्तु वरारोहे ध्यानयोगसमाश्रितः
bhavagarbhe tu tatkṛtvā īkārākhyena veṣṭayet / trīnvārāṃstu varārohe dhyānayogasamāśritaḥ
Sanskrit only: no published translation is held for this verse.
ऊर्ध्वे चैव तु संरोध्य क्र्ॐकारेण वरानने । इन्दुनाच्छुरितं कृत्वा पुष्पधूपैः प्रपूजयेत्
ūrdhve caiva tu saṃrodhya kroṃkāreṇa varānane / indunācchuritaṃ kṛtvā puṣpadhūpaiḥ prapūjayet
Sanskrit only: no published translation is held for this verse.
वेष्टयेच्चैव तद्भूर्जम् अरन्ध्रं निर्व्रणं समम् । पञ्चरङ्गकसूत्रेण वेष्टयित्वा वरानने
veṣṭayeccaiva tadbhūrjam arandhraṃ nirvraṇaṃ samam / pañcaraṅgakasūtreṇa veṣṭayitvā varānane
Sanskrit only: no published translation is held for this verse.
सिक्थेन मुटयेत्पश्चात् क्षौद्रमध्ये निधापयेत् । यदा मृत्युवशाघ्रातं कालेन कलितं प्रिये
sikthena muṭayetpaścāt kṣaudramadhye nidhāpayet / yadā mṛtyuvaśāghrātaṃ kālena kalitaṃ priye
Sanskrit only: no published translation is held for this verse.
अरिष्टचिह्नितं ज्ञात्वा रक्षामेतां समालिखेत् । तस्य मृत्युर्न जायेत इत्येवं भैरवो ऽब्रवीत्
ariṣṭacihnitaṃ jñātvā rakṣāmetāṃ samālikhet / tasya mṛtyurna jāyeta ityevaṃ bhairavo 'bravīt
Sanskrit only: no published translation is held for this verse.
कपालीशस्य गर्भे तु नाम यस्य समालिखेत् । भूर्जपत्रे वरारोहे रोचनाया रसेन तु
kapālīśasya garbhe tu nāma yasya samālikhet / bhūrjapatre varārohe rocanāyā rasena tu
Sanskrit only: no published translation is held for this verse.
ॐकारपुटमध्यस्थं रोधितं नयनाक्षरैः । वौषड्जातिप्रयोगेण तस्य मृत्युर्न जायते
oṃkārapuṭamadhyasthaṃ rodhitaṃ nayanākṣaraiḥ / vauṣaḍjātiprayogeṇa tasya mṛtyurna jāyate
Sanskrit only: no published translation is held for this verse.
शिख्याह्वेन तु देवेशि साध्यनाम विदर्भयेत् । अनलार्णमधश्चोर्ध्वे साध्यार्णेषु नियोजयेत्
śikhyāhvena tu deveśi sādhyanāma vidarbhayet / analārṇamadhaścordhve sādhyārṇeṣu niyojayet
Sanskrit only: no published translation is held for this verse.
तस्य वै जायते दाहः फट्काराद्यन्तरोधितम् । ज्वलन्तं चिन्तयेत्साध्यं दिनानां सप्तकं यदि
tasya vai jāyate dāhaḥ phaṭkārādyantarodhitam / jvalantaṃ cintayetsādhyaṃ dinānāṃ saptakaṃ yadi
Sanskrit only: no published translation is held for this verse.
तत्क्षणाज्जायते दाहो भैरवस्य वचो यथा । क्रोधराजनिरुद्धं तु श्मशानपटमध्यगम्
tatkṣaṇājjāyate dāho bhairavasya vaco yathā / krodharājaniruddhaṃ tu śmaśānapaṭamadhyagam
Sanskrit only: no published translation is held for this verse.
श्मशानादलिना लेख्यं विषरक्तान्वितेन तु । यस्य नाम वरारोहे हुंफट्कारविदर्भितम्
śmaśānādalinā lekhyaṃ viṣaraktānvitena tu / yasya nāma varārohe huṃphaṭkāravidarbhitam
Sanskrit only: no published translation is held for this verse.
मारयेतिसमायोगात् क्रूरजातिसमन्वितम् । म्रियते सप्तरात्रेण यो रक्षाभिः सुरक्षितः
mārayetisamāyogāt krūrajātisamanvitam / mriyate saptarātreṇa yo rakṣābhiḥ surakṣitaḥ
Sanskrit only: no published translation is held for this verse.
विकरालो महादेवि ऊर्ध्वाधः पाशसंस्थितः । साध्यनाम्नस्तु देवेशि हुंफट्कारविदर्भिणः
vikarālo mahādevi ūrdhvādhaḥ pāśasaṃsthitaḥ / sādhyanāmnastu deveśi huṃphaṭkāravidarbhiṇaḥ
Sanskrit only: no published translation is held for this verse.
न क्षामयत्ययत्नेन तस्य शत्रोर्भयं भवेत् । मन्मथेन युतं कृत्वा साध्यनाम वरानने
na kṣāmayatyayatnena tasya śatrorbhayaṃ bhavet / manmathena yutaṃ kṛtvā sādhyanāma varānane
Sanskrit only: no published translation is held for this verse.
ध्रुवाद्यं स्वाहयान्तेन रक्तध्यानसमन्वितम् । अमुको ऽत्र वरारोहे तद्दिशो ऽभिमुखः स्थितः
dhruvādyaṃ svāhayāntena raktadhyānasamanvitam / amuko 'tra varārohe taddiśo 'bhimukhaḥ sthitaḥ
Sanskrit only: no published translation is held for this verse.
अमुकस्य वशं यातु जपहोमौ समाचरेत् । सप्ताहाद्वशमायाति इति शास्त्रस्य निश्चयः
amukasya vaśaṃ yātu japahomau samācaret / saptāhādvaśamāyāti iti śāstrasya niścayaḥ
Sanskrit only: no published translation is held for this verse.
मेघनादावसाने तु नाम यस्य समालिखेत् । यकाराद्यन्तसंरुद्धं मन्त्रं फड्द्वितयान्वितम्
meghanādāvasāne tu nāma yasya samālikhet / yakārādyantasaṃruddhaṃ mantraṃ phaḍdvitayānvitam
Sanskrit only: no published translation is held for this verse.
प्रेतस्थाने निधाप्यैतद् भैरवं तत्र पूजयेत् । अक्षपुष्पैर्वरारोहे तद्दिशो ऽभिमुखः स्थितः
pretasthāne nidhāpyaitad bhairavaṃ tatra pūjayet / akṣapuṣpairvarārohe taddiśo 'bhimukhaḥ sthitaḥ
Sanskrit only: no published translation is held for this verse.
तमुच्चाटयते क्षिप्रं देवि नास्त्यत्र संशयः । सोमराजेन देवेशि आदिमध्यान्तसंयुतम्
tamuccāṭayate kṣipraṃ devi nāstyatra saṃśayaḥ / somarājena deveśi ādimadhyāntasaṃyutam
Sanskrit only: no published translation is held for this verse.
नाम यस्य समालिख्य वषड्जातिसमन्वितम् । संनिधाप्य त्रिमधुरे स्थापयेत्सुरसुन्दरि
nāma yasya samālikhya vaṣaḍjātisamanvitam / saṃnidhāpya trimadhure sthāpayetsurasundari
Sanskrit only: no published translation is held for this verse.
सप्तरात्रप्रयोगेण त्रिकालाष्टशतेन च । असाध्यं साधयत्याशु धनं च विपुलं लभेत्
saptarātraprayogeṇa trikālāṣṭaśatena ca / asādhyaṃ sādhayatyāśu dhanaṃ ca vipulaṃ labhet
Sanskrit only: no published translation is held for this verse.
पञ्चाङ्गेन पिशाचस्य क्रोधराजावसानिकाम् । संज्ञां समुच्चरेद्देवि क्रूरजातिसमन्विताम्
pañcāṅgena piśācasya krodharājāvasānikām / saṃjñāṃ samuccareddevi krūrajātisamanvitām
Sanskrit only: no published translation is held for this verse.
उन्मत्तो जायते साद्यो होमेन च जपेन च । मृत्युन्ञ्जयं प्रवक्ष्यामि तमेकाग्रमनाः शृणु
unmatto jāyate sādyo homena ca japena ca / mṛtyunñjayaṃ pravakṣyāmi tamekāgramanāḥ śṛṇu
Sanskrit only: no published translation is held for this verse.
भूर्जपत्रं समादाय नीरन्ध्रं निर्व्रणं समम् । तस्मिन्समालिखेत्पद्मम् अष्टपत्रं सकर्णिकम्
bhūrjapatraṃ samādāya nīrandhraṃ nirvraṇaṃ samam / tasminsamālikhetpadmam aṣṭapatraṃ sakarṇikam
Sanskrit only: no published translation is held for this verse.
तस्मिन्वै कर्णिकामध्ये साध्यनाम समालिखेत् । संवेष्टयाष्टौ दिशो देवि स्वच्छन्देन कृशोदरि
tasminvai karṇikāmadhye sādhyanāma samālikhet / saṃveṣṭayāṣṭau diśo devi svacchandena kṛśodari
Sanskrit only: no published translation is held for this verse.
प्रणवेन तु संवेष्ट्य पत्रेष्वेवं समालिखेत् । पत्राष्टके ऽप्यघोरस्य नामाधस्तात्समालिखेत्
praṇavena tu saṃveṣṭya patreṣvevaṃ samālikhet / patrāṣṭake 'pyaghorasya nāmādhastātsamālikhet
Sanskrit only: no published translation is held for this verse.
वक्तव्यं देव संरक्ष शरणं त्वामुपागतम् । आदौ त्र्यक्षरविन्यासं स्वच्छन्दं तदनन्तरम्
vaktavyaṃ deva saṃrakṣa śaraṇaṃ tvāmupāgatam / ādau tryakṣaravinyāsaṃ svacchandaṃ tadanantaram
Sanskrit only: no published translation is held for this verse.
जन्मनाम तु साध्यस्य अक्षरान्तरितं लिखेत् । पुनस्त्र्यक्षरविन्यासं वषडन्तं नियोजयेत्
janmanāma tu sādhyasya akṣarāntaritaṃ likhet / punastryakṣaravinyāsaṃ vaṣaḍantaṃ niyojayet
Sanskrit only: no published translation is held for this verse.
मुटित्वा सिक्थकेनैव क्षीरमध्ये तु प्रक्षिपेत् । जायते परमा शान्तिः पुनरन्यन्निबोध मे
muṭitvā sikthakenaiva kṣīramadhye tu prakṣipet / jāyate paramā śāntiḥ punaranyannibodha me
Sanskrit only: no published translation is held for this verse.
जुंसः संपुटमध्यस्थं प्रणवोभयसंयुतम् । नाम कृत्वा वरारोहे प्रक्षिपेन्मधुरत्रये
juṃsaḥ saṃpuṭamadhyasthaṃ praṇavobhayasaṃyutam / nāma kṛtvā varārohe prakṣipenmadhuratraye
Sanskrit only: no published translation is held for this verse.
परां शान्तिमवाप्नोति मृत्युरोगैर्न बाध्यते । भूर्जपत्रं समादाय रोचनाया वरानने
parāṃ śāntimavāpnoti mṛtyurogairna bādhyate / bhūrjapatraṃ samādāya rocanāyā varānane
Sanskrit only: no published translation is held for this verse.
मातृकान्तरितं नाम दूर्वाकाण्डेन चालिखेत् । तदभ्यन्तरगर्भे तु स्वरैरन्तरीतं कुरु
mātṛkāntaritaṃ nāma dūrvākāṇḍena cālikhet / tadabhyantaragarbhe tu svarairantarītaṃ kuru
Sanskrit only: no published translation is held for this verse.
पुनर्गर्भे समालिख्य साध्यनाम वरानने । ध्रुवेण वेष्टयेत्पश्चाद् वकारेण ततः प्रिये
punargarbhe samālikhya sādhyanāma varānane / dhruveṇa veṣṭayetpaścād vakāreṇa tataḥ priye
Sanskrit only: no published translation is held for this verse.
सकारं च क्षकारं च लिखेच्च तदनन्तरम् । पुनर्वेष्टय ठकारेण मायाबीजेन सुव्रते
sakāraṃ ca kṣakāraṃ ca likhecca tadanantaram / punarveṣṭaya ṭhakāreṇa māyābījena suvrate
Sanskrit only: no published translation is held for this verse.
अङ्कुशेन निरुद्ध्येत रक्षां मृत्युविनाशिनीम् । स्वच्छन्दसहितां देवि प्रणवेनादियोजिताम्
aṅkuśena niruddhyeta rakṣāṃ mṛtyuvināśinīm / svacchandasahitāṃ devi praṇavenādiyojitām
Sanskrit only: no published translation is held for this verse.
वषड्जातिसमोपेतां कर्पूरक्षोदचर्चिताम् । गन्धपुष्पादिना पूज्य प्रक्षिपेन्मधुरत्रये
vaṣaḍjātisamopetāṃ karpūrakṣodacarcitām / gandhapuṣpādinā pūjya prakṣipenmadhuratraye
Sanskrit only: no published translation is held for this verse.
जायते परमा शान्तिर् नात्र कार्या विचारणा । अथवा गुटिकां कृत्वा कण्ठे बाहौ च धारयेत्
jāyate paramā śāntir nātra kāryā vicāraṇā / athavā guṭikāṃ kṛtvā kaṇṭhe bāhau ca dhārayet
Sanskrit only: no published translation is held for this verse.
तस्य व्याधिर्न जायेत इत्येवं भैरवो ऽब्रवीत् । त्र्यक्षरं मूलमन्त्रं च वषड्जातिसमन्वितम्
tasya vyādhirna jāyeta ityevaṃ bhairavo 'bravīt / tryakṣaraṃ mūlamantraṃ ca vaṣaḍjātisamanvitam
Sanskrit only: no published translation is held for this verse.
भोजनोदकपाने तु मन्त्रयित्वाश्नतः सदा । न तस्य जायते मृत्युर् भैरवस्य वचो यथा
bhojanodakapāne tu mantrayitvāśnataḥ sadā / na tasya jāyate mṛtyur bhairavasya vaco yathā
Sanskrit only: no published translation is held for this verse.
अथा हिना महादेवि दूषितः साधको यदा । मूलमन्त्रसमोपेतम् अघोरं तत्र योजयेत्
athā hinā mahādevi dūṣitaḥ sādhako yadā / mūlamantrasamopetam aghoraṃ tatra yojayet
Sanskrit only: no published translation is held for this verse.
आत्मनो भैरवं रूपं कृत्वा चैव सुदारुणम् । दंष्ट्राकरालविकटं ज्वालामालोपशोभितम्
ātmano bhairavaṃ rūpaṃ kṛtvā caiva sudāruṇam / daṃṣṭrākarālavikaṭaṃ jvālāmālopaśobhitam
Sanskrit only: no published translation is held for this verse.
सर्पैर्ललल्लम्बमानैः खड्गहस्तं सुभीषणम् । पूर्वरूपसमोपेतं सूर्यकोटिसमप्रभम्
sarpairlalallambamānaiḥ khaḍgahastaṃ subhīṣaṇam / pūrvarūpasamopetaṃ sūryakoṭisamaprabham
Sanskrit only: no published translation is held for this verse.
तेनाक्रान्तं महादेवि दष्टकं तु विचिन्तयेत् । तज्ज्वालाभिः सुदीप्ताभिर् दग्धं संचिन्तयेद्विषम्
tenākrāntaṃ mahādevi daṣṭakaṃ tu vicintayet / tajjvālābhiḥ sudīptābhir dagdhaṃ saṃcintayedviṣam
Sanskrit only: no published translation is held for this verse.
तत्क्षणाद्देवदेवेशि निर्विषः स तु जायते । ग्रहेष्वेवं विधं ध्यानं यः कुर्यान्मोचयेत्क्षणात्
tatkṣaṇāddevadeveśi nirviṣaḥ sa tu jāyate / graheṣvevaṃ vidhaṃ dhyānaṃ yaḥ kuryānmocayetkṣaṇāt
Sanskrit only: no published translation is held for this verse.
अथ ध्याने ह्यकुशलो यदा कश्चिन्नरो भवेत् । तदागदैर्महादेवि निर्विषं कुरुते क्षणात्
atha dhyāne hyakuśalo yadā kaścinnaro bhavet / tadāgadairmahādevi nirviṣaṃ kurute kṣaṇāt
Sanskrit only: no published translation is held for this verse.
कुमारिद्वितयं गृह्य नागिन्या तु सहैकतः । गोकर्णिकासितं मूलं सोमाह्वामूलसंयुतम्
kumāridvitayaṃ gṛhya nāginyā tu sahaikataḥ / gokarṇikāsitaṃ mūlaṃ somāhvāmūlasaṃyutam
Sanskrit only: no published translation is held for this verse.
आमगोक्षीरसंपिष्टं भक्षयेन्निर्विषो भवेत् । गोनिम्बस्य च मूलेन निर्विषत्वं प्रजायते
āmagokṣīrasaṃpiṣṭaṃ bhakṣayennirviṣo bhavet / gonimbasya ca mūlena nirviṣatvaṃ prajāyate
Sanskrit only: no published translation is held for this verse.
अश्वमारस्य मूलं तु उदकेन तु पेषयेत् । पाने नस्ये प्रदातव्यं तदा भवति निर्विषः
aśvamārasya mūlaṃ tu udakena tu peṣayet / pāne nasye pradātavyaṃ tadā bhavati nirviṣaḥ
Sanskrit only: no published translation is held for this verse.
आरग्वधस्य मूलं तु उदकेन च पेषयेत् । पाने नस्ये प्रदातव्यं तदा भवति निर्विषः
āragvadhasya mūlaṃ tu udakena ca peṣayet / pāne nasye pradātavyaṃ tadā bhavati nirviṣaḥ
Sanskrit only: no published translation is held for this verse.
मधुकस्य तु सारं यन् नस्ये पाने प्रयोजयेत् । निर्विषस्तु प्रजायेत भैरवस्य वचो यथा
madhukasya tu sāraṃ yan nasye pāne prayojayet / nirviṣastu prajāyeta bhairavasya vaco yathā
Sanskrit only: no published translation is held for this verse.
जम्बुलासिकमूलं तु पाने नस्ये प्रयोजयेत् । निर्विषस्तु भवेद्देवि नात्र कार्या विचारणा
jambulāsikamūlaṃ tu pāne nasye prayojayet / nirviṣastu bhaveddevi nātra kāryā vicāraṇā
Sanskrit only: no published translation is held for this verse.
षड्बिन्दुपटखर्जूर- सूक्ष्मचूर्णं तु कारयेत् । मयूरपित्तसंयुक्तं गुटिकां कारयेत्प्रिये
ṣaḍbindupaṭakharjūra- sūkṣmacūrṇaṃ tu kārayet / mayūrapittasaṃyuktaṃ guṭikāṃ kārayetpriye
Sanskrit only: no published translation is held for this verse.
त्रिलोहवेष्टितां कृत्वा करे कण्ठे निधापयेत् । न विषं क्रमते तस्य यश्च दष्टो महोरगैः
trilohaveṣṭitāṃ kṛtvā kare kaṇṭhe nidhāpayet / na viṣaṃ kramate tasya yaśca daṣṭo mahoragaiḥ
Sanskrit only: no published translation is held for this verse.
अगदान्घृतसंयुक्तान् पिबेद्वै विषदूषितः । न विषं क्रमते तस्य इति शास्त्रस्य निश्चयः
agadānghṛtasaṃyuktān pibedvai viṣadūṣitaḥ / na viṣaṃ kramate tasya iti śāstrasya niścayaḥ
Sanskrit only: no published translation is held for this verse.
एवमन्ये ऽपि ये योगाः स्वच्छन्देन विनिर्मिताः । कालाग्निर्नरकाश्चैव पाताला हाटकेश्वरः
evamanye 'pi ye yogāḥ svacchandena vinirmitāḥ / kālāgnirnarakāścaiva pātālā hāṭakeśvaraḥ
Sanskrit only: no published translation is held for this verse.
स्वच्छन्देनेति सर्वं हि परमेश्वरेण प्रवर्तितम्]
svacchandeneti sarvaṃ hi parameśvareṇa pravartitam]
Sanskrit only: no published translation is held for this verse.