Svayambhupurana 2

सर्व्वे लोका हितोद्युक्ता भवन्ति क्षितिपाधिपाः । ये चात्र मुनिराजेन्द्रा विचित्र चीवराम्बरैः

sarvve lokā hitodyuktā bhavanti kṣitipādhipāḥ / ye cātra munirājendrā vicitra cīvarāmbaraiḥ

Sanskrit only: no published translation is held for this verse.

प्रवार्य श्रद्धया भक्त्या संभजन्ते समादरात् ॥ ते दिव्यदृष्य कौशेय रत्नाभरणभूषिताः

pravārya śraddhayā bhaktyā saṃbhajante samādarāt // te divyadṛṣya kauśeya ratnābharaṇabhūṣitāḥ

Sanskrit only: no published translation is held for this verse.

सुज्ञा धर्माधिपाः सन्तो भवन्ति भद्रचारिणः । ये चैमं कुसुमैः सर्व्वै जलजै स्थलजैरपि

sujñā dharmādhipāḥ santo bhavanti bhadracāriṇaḥ / ye caimaṃ kusumaiḥ sarvvai jalajai sthalajairapi

Sanskrit only: no published translation is held for this verse.

अर्च्चयित्वा समाश्रित्य संभजन्ते प्रमोदिताः । महीन्द्रश्रीसमृद्धास्ते शक्राधिकप्रभान्विताः

arccayitvā samāśritya saṃbhajante pramoditāḥ / mahīndraśrīsamṛddhāste śakrādhikaprabhānvitāḥ

Sanskrit only: no published translation is held for this verse.

भद्रश्रीसुखसंपन्ना भवन्ति बोधिभागिनः । यचैनं पुष्पमालाभि रचिताभिर्मनोहरैः

bhadraśrīsukhasaṃpannā bhavanti bodhibhāginaḥ / yacainaṃ puṣpamālābhi racitābhirmanoharaiḥ

Sanskrit only: no published translation is held for this verse.

सर्व्वपुष्पैः प्रलम्बाभिः शोभयित्वा भजन्ति च । भवन्ति श्रीसमृद्धास्ते धर्म्मकामाः सुरधिपाः

sarvvapuṣpaiḥ pralambābhiḥ śobhayitvā bhajanti ca / bhavanti śrīsamṛddhāste dharmmakāmāḥ suradhipāḥ

Sanskrit only: no published translation is held for this verse.

सत्कीर्त्तिर्गुणसंरक्ताः शुभगा बोधिचारिणः । ये च पुष्पाणि सर्वाणि मुदात्र सुगतालये

satkīrttirguṇasaṃraktāḥ śubhagā bodhicāriṇaḥ / ye ca puṣpāṇi sarvāṇi mudātra sugatālaye

Sanskrit only: no published translation is held for this verse.

अवकीर्य समाराध्य भजन्ति शरणाश्रिताः । ते ऽपि देवाधिपा स्वर्गे गता मह्यां नृपाधिपाः

avakīrya samārādhya bhajanti śaraṇāśritāḥ / te 'pi devādhipā svarge gatā mahyāṃ nṛpādhipāḥ

Sanskrit only: no published translation is held for this verse.

महच्छ्रीगुणसम्पन्ना भवन्ति बोधिभागिनः । धृतसुगन्धितैलादिसंप्रदीप्तां तमोपहां

mahacchrīguṇasampannā bhavanti bodhibhāginaḥ / dhṛtasugandhitailādisaṃpradīptāṃ tamopahāṃ

Sanskrit only: no published translation is held for this verse.

ज्वालयन्ति मुदा ये ऽस्मिं धर्म्मधातौ जिनालये । सुदुष्टयः सुरुपास्ते ज्ञानदीपतमोपहाः

jvālayanti mudā ye 'smiṃ dharmmadhātau jinālaye / suduṣṭayaḥ surupāste jñānadīpatamopahāḥ

Sanskrit only: no published translation is held for this verse.

भूपार्चितपदाम्भोजा भवन्ति बोधिभागिनः । प्रणीतं सुरसंभोज्यं वल्भगन्धसमन्वितं

bhūpārcitapadāmbhojā bhavanti bodhibhāginaḥ / praṇītaṃ surasaṃbhojyaṃ valbhagandhasamanvitaṃ

Sanskrit only: no published translation is held for this verse.

ये चास्मिन्नुपढौकित्वा प्रभजन्ति समादरात् । ऋद्धिमन्तो नृपेंद्रास्ते सप्तरत्नसमन्विता

ye cāsminnupaḍhaukitvā prabhajanti samādarāt / ṛddhimanto nṛpeṃdrāste saptaratnasamanvitā

Sanskrit only: no published translation is held for this verse.

स्वर्ग्गे देवाधिपाश्चापि भवन्ति बोधिभागिनः । ये चास्मिं सुरसंपानं सुवर्ण्णगन्धसंयुतं

svargge devādhipāścāpi bhavanti bodhibhāginaḥ / ye cāsmiṃ surasaṃpānaṃ suvarṇṇagandhasaṃyutaṃ

Sanskrit only: no published translation is held for this verse.

उपढौक्य समाराध्य प्रभजन्ते समाहिताः । ते वलिष्ठा महीपेन्द्राः श्रीसमृद्धा निरोगिणः

upaḍhaukya samārādhya prabhajante samāhitāḥ / te valiṣṭhā mahīpendrāḥ śrīsamṛddhā nirogiṇaḥ

Sanskrit only: no published translation is held for this verse.

स्वर्गे गताश्च देवेन्द्रा भवन्ति बोधिभागिनः । ये चास्मिं स्कन्दमूलानि बीजपत्रफलानि च

svarge gatāśca devendrā bhavanti bodhibhāginaḥ / ye cāsmiṃ skandamūlāni bījapatraphalāni ca

Sanskrit only: no published translation is held for this verse.

श्रद्धया समुपस्थाप्य संभजन्ते समाश्रिताः । ते प्रभुक्त्वा यथाकामं भोग्यानि विविधान्यपि

śraddhayā samupasthāpya saṃbhajante samāśritāḥ / te prabhuktvā yathākāmaṃ bhogyāni vividhānyapi

Sanskrit only: no published translation is held for this verse.

सद्धर्म्मसाधना रक्ताः संयान्त्यन्ते जिनालयं । ये चास्मिं सुगताधारे पथ्यौषधगणान्यपि

saddharmmasādhanā raktāḥ saṃyāntyante jinālayaṃ / ye cāsmiṃ sugatādhāre pathyauṣadhagaṇānyapi

Sanskrit only: no published translation is held for this verse.

समर्प्य श्रद्धया नित्यं प्रसेव्यन्ते समादरात् । ते वलिष्ठा सुपुष्टाङ्गाः सौम्येन्द्रिया निरामयाः

samarpya śraddhayā nityaṃ prasevyante samādarāt / te valiṣṭhā supuṣṭāṅgāḥ saumyendriyā nirāmayāḥ

Sanskrit only: no published translation is held for this verse.

राज्यश्रीसुखमाभुज्य संयात्यन्ते सुखावती । ये चाप्यत्र जिनाधारे धर्म्मधातौ स्वयम्भुवि

rājyaśrīsukhamābhujya saṃyātyante sukhāvatī / ye cāpyatra jinādhāre dharmmadhātau svayambhuvi

Sanskrit only: no published translation is held for this verse.

वितत्योच्चै वितानं च ससेव्यन्ते समादरात् ॥ धन्यास्ते गुणिनो वंद्याः शुद्धवंशा विचक्षणाः

vitatyoccai vitānaṃ ca sasevyante samādarāt // dhanyāste guṇino vaṃdyāḥ śuddhavaṃśā vicakṣaṇāḥ

Sanskrit only: no published translation is held for this verse.

सर्व्वार्थसिद्धिसम्पन्नाः प्रयान्त्यन्ते जिनालयं । ये चास्मिन् सुगतावासे विचित्रानुच्छ्रितान्ध्वजान्

sarvvārthasiddhisampannāḥ prayāntyante jinālayaṃ / ye cāsmin sugatāvāse vicitrānucchritāndhvajān

Sanskrit only: no published translation is held for this verse.

अवरोप्य महोत्साहैः संभजन्ते ऽभिनन्दिता । श्रीसद्गुणसुखधारा भूत्वा भूपाधिपा भुवि

avaropya mahotsāhaiḥ saṃbhajante 'bhinanditā / śrīsadguṇasukhadhārā bhūtvā bhūpādhipā bhuvi

Sanskrit only: no published translation is held for this verse.

स्वर्गे देवाधिपाश्चान्ते संप्रयान्ति जिनालयं । सौवर्ण्णरत्नपुष्पादि छत्राणि विविधानि ये

svarge devādhipāścānte saṃprayānti jinālayaṃ / sauvarṇṇaratnapuṣpādi chatrāṇi vividhāni ye

Sanskrit only: no published translation is held for this verse.

आरोप्यत्र महोत्साहैः संभजन्ते प्रमोदिताः । ते नरेन्द्राः सुरेन्द्राश्च छत्रोपमाः सदा भवे

āropyatra mahotsāhaiḥ saṃbhajante pramoditāḥ / te narendrāḥ surendrāśca chatropamāḥ sadā bhave

Sanskrit only: no published translation is held for this verse.

महत्सुखानि भुक्त्वान्ते संप्रयान्ति जिनालयं । ये चास्मिं सुगतावासे पताकाः पञ्चरङ्गिकाः

mahatsukhāni bhuktvānte saṃprayānti jinālayaṃ / ye cāsmiṃ sugatāvāse patākāḥ pañcaraṅgikāḥ

Sanskrit only: no published translation is held for this verse.

समावलंवयित्वापि संभद्रन्ते महोत्सवैः । ते भूत्वात्र महीपालाः सदा देवाधिपा अपि

samāvalaṃvayitvāpi saṃbhadrante mahotsavaiḥ / te bhūtvātra mahīpālāḥ sadā devādhipā api

Sanskrit only: no published translation is held for this verse.

भद्रश्रीसत्सुखं भुक्त्वा संयात्यन्ते जिनालयं । ये चास्मिन् विविधैर्वाद्यैः संगीतिमुरुजादिभिः

bhadraśrīsatsukhaṃ bhuktvā saṃyātyante jinālayaṃ / ye cāsmin vividhairvādyaiḥ saṃgītimurujādibhiḥ

Sanskrit only: no published translation is held for this verse.

तौर्यै वंशादिभिश्चापि संसेव्यन्ते महोत्सवैः । ते मनोज्ञस्वनादिव्यश्रीश्रीश्रीसद्गुणाश्रयाः

tauryai vaṃśādibhiścāpi saṃsevyante mahotsavaiḥ / te manojñasvanādivyaśrīśrīśrīsadguṇāśrayāḥ

Sanskrit only: no published translation is held for this verse.

सद्धर्म्मसाधनं कृत्वा व्रजन्ति सुगतालयं । सलाजाक्षतपुष्पाणि ये चास्मिं सुगतालये

saddharmmasādhanaṃ kṛtvā vrajanti sugatālayaṃ / salājākṣatapuṣpāṇi ye cāsmiṃ sugatālaye

Sanskrit only: no published translation is held for this verse.

प्रक्षिप्य श्रद्धया भक्त्या संभजन्ते समादरात् । दुर्गतिन्ते न गच्छन्ति संजाताः सङ्गतौ सदा

prakṣipya śraddhayā bhaktyā saṃbhajante samādarāt / durgatinte na gacchanti saṃjātāḥ saṅgatau sadā

Sanskrit only: no published translation is held for this verse.

सर्वसत्त्वहितं कृत्वा संप्रयान्ति जिनालयं । सधातुद्रव्यरत्नादि दक्षिणान्यत्र ये मुदा

sarvasattvahitaṃ kṛtvā saṃprayānti jinālayaṃ / sadhātudravyaratnādi dakṣiṇānyatra ye mudā

Sanskrit only: no published translation is held for this verse.

श्रद्धया परिढौकित्वा संभजन्ते सदादरं । दिव्यश्रीसुखभुंजाना भद्रश्री सद्गुणाश्रयाः

śraddhayā pariḍhaukitvā saṃbhajante sadādaraṃ / divyaśrīsukhabhuṃjānā bhadraśrī sadguṇāśrayāḥ

Sanskrit only: no published translation is held for this verse.

सर्वसत्त्वहितं कृत्वा संप्रयान्ति जिनालये । ये चापि स्तुतिभिस्तथ्यैरेनं बुद्धालयं मुदा

sarvasattvahitaṃ kṛtvā saṃprayānti jinālaye / ye cāpi stutibhistathyairenaṃ buddhālayaṃ mudā

Sanskrit only: no published translation is held for this verse.

पद्यैर्गद्यमयैश्चापि स्तुत्वा भजन्ति सादरं । बहुरत्नसमृद्धास्ते सर्व्वविद्याविचक्षणाः

padyairgadyamayaiścāpi stutvā bhajanti sādaraṃ / bahuratnasamṛddhāste sarvvavidyāvicakṣaṇāḥ

Sanskrit only: no published translation is held for this verse.

भूपाः स्वर्गाधिपाश्चापि भूत्वान्ते यान्ति सौगतं । श्रद्धयैनं जगन्नाथं समाश्रयं स्वयम्भूवं

bhūpāḥ svargādhipāścāpi bhūtvānte yānti saugataṃ / śraddhayainaṃ jagannāthaṃ samāśrayaṃ svayambhūvaṃ

Sanskrit only: no published translation is held for this verse.

नत्वाष्टांगैः प्रसन्ना ये संभजन्ते समादरं । सप्तरत्नसमेतास्ते नृपाधिपा महर्धिकाः

natvāṣṭāṃgaiḥ prasannā ye saṃbhajante samādaraṃ / saptaratnasametāste nṛpādhipā mahardhikāḥ

Sanskrit only: no published translation is held for this verse.

सद्धर्म्मसाधनारक्ता भवन्ति बोधिचारिणः । ये चैनं चैत्यराजेन्द्रमनेकशः प्रदक्षिणां

saddharmmasādhanāraktā bhavanti bodhicāriṇaḥ / ye cainaṃ caityarājendramanekaśaḥ pradakṣiṇāṃ

Sanskrit only: no published translation is held for this verse.

कृत्वा ध्यात्वाप्यनुस्मृत्वा नामोच्चार्य भजन्त्यपि । जातिस्मराश्चिरायुष्का मतिमन्तः सुवर्ण्णिनः

kṛtvā dhyātvāpyanusmṛtvā nāmoccārya bhajantyapi / jātismarāścirāyuṣkā matimantaḥ suvarṇṇinaḥ

Sanskrit only: no published translation is held for this verse.

वन्द्याः पूज्याश्च मान्यास्ते भवेयुर्बोधिचारिणः । शुद्धाश्च भस्मसंक्षालैः समालिप्य समन्ततः

vandyāḥ pūjyāśca mānyāste bhaveyurbodhicāriṇaḥ / śuddhāśca bhasmasaṃkṣālaiḥ samālipya samantataḥ

Sanskrit only: no published translation is held for this verse.

समभ्यर्च्यमहोत्साहै ये भजन्त्येनमीश्वरं । शोकक्लेशाग्निसंतापविवर्जिताश्चिरायुषः

samabhyarcyamahotsāhai ye bhajantyenamīśvaraṃ / śokakleśāgnisaṃtāpavivarjitāścirāyuṣaḥ

Sanskrit only: no published translation is held for this verse.

नीरोगाः सुखिनो देवा भवेयु भूमिपाश्च ते । ये च निर्माल्यमाकृष्य शोधयित्वात्र सर्वतः

nīrogāḥ sukhino devā bhaveyu bhūmipāśca te / ye ca nirmālyamākṛṣya śodhayitvātra sarvataḥ

Sanskrit only: no published translation is held for this verse.

श्रमुपाश्रित्य सेव्यन्ते सम्बुद्धभक्तिमानसाः । निर्मुक्तिक्लेशशोकास्ते दर्शनीयाः शुभेन्द्रियाः

śramupāśritya sevyante sambuddhabhaktimānasāḥ / nirmuktikleśaśokāste darśanīyāḥ śubhendriyāḥ

Sanskrit only: no published translation is held for this verse.

श्रीमन्तः पुण्डरीकास्या भवेयुर्बोधिचारिणः । जीर्णे शीर्णे विभग्ने ऽस्मिन् प्रतिसंस्कृत्य ये मुदा

śrīmantaḥ puṇḍarīkāsyā bhaveyurbodhicāriṇaḥ / jīrṇe śīrṇe vibhagne 'smin pratisaṃskṛtya ye mudā

Sanskrit only: no published translation is held for this verse.

प्रतिष्ठाप्य महोत्साहैः संभजन्ते समादरात् । सर्वसम्पत्समृद्धास्ते पुष्टेन्द्रिया निरामयाः

pratiṣṭhāpya mahotsāhaiḥ saṃbhajante samādarāt / sarvasampatsamṛddhāste puṣṭendriyā nirāmayāḥ

Sanskrit only: no published translation is held for this verse.

धर्मकामाः शुभाचारा भवेयुर्बोधिचारिणः । जल्पित्वा यस्य मन्त्राणि धारणीश्च समाहिताः

dharmakāmāḥ śubhācārā bhaveyurbodhicāriṇaḥ / jalpitvā yasya mantrāṇi dhāraṇīśca samāhitāḥ

Sanskrit only: no published translation is held for this verse.

ध्यात्वा स्मृत्वा समुच्चार्य नामापि प्रभजन्ति च । ते ऽपि सर्वे महासत्त्वाः परिशुद्धत्रिमण्डलाः

dhyātvā smṛtvā samuccārya nāmāpi prabhajanti ca / te 'pi sarve mahāsattvāḥ pariśuddhatrimaṇḍalāḥ

Sanskrit only: no published translation is held for this verse.

भद्रश्रीसद्गुणाधारा भवेयुर्बोधिचारिणः । एवं महत्तरं पुण्यमस्मिं धर्म्माधिपालये

bhadraśrīsadguṇādhārā bhaveyurbodhicāriṇaḥ / evaṃ mahattaraṃ puṇyamasmiṃ dharmmādhipālaye

Sanskrit only: no published translation is held for this verse.

श्रद्धाभजनसंभूतमित्यादिष्टं मुनीश्वरैः । मयैतत्पुण्यसंक्षिप्तमात्रं तु कथ्यते ऽधुना

śraddhābhajanasaṃbhūtamityādiṣṭaṃ munīśvaraiḥ / mayaitatpuṇyasaṃkṣiptamātraṃ tu kathyate 'dhunā

Sanskrit only: no published translation is held for this verse.

समग्रं विस्तरेनात्र समाख्यातुं न शक्यते । एवं मत्वास्य सत्कारपूजाफलं महत्तरं

samagraṃ vistarenātra samākhyātuṃ na śakyate / evaṃ matvāsya satkārapūjāphalaṃ mahattaraṃ

Sanskrit only: no published translation is held for this verse.

श्रद्धया शरणं गत्वा कर्तव्यं भजनं सदा । येप्यस्मिंञ्छरणं गत्वा श्रद्धया समुपाश्रिताः

śraddhayā śaraṇaṃ gatvā kartavyaṃ bhajanaṃ sadā / yepyasmiṃñcharaṇaṃ gatvā śraddhayā samupāśritāḥ

Sanskrit only: no published translation is held for this verse.

सुप्रसन्नाशया भक्त्या भजन्ति बोधिमानसाः । न ते गच्छन्ति कुत्रापि दुर्गतिं च कदाचन

suprasannāśayā bhaktyā bhajanti bodhimānasāḥ / na te gacchanti kutrāpi durgatiṃ ca kadācana

Sanskrit only: no published translation is held for this verse.

संजाताः सद्गतिष्वेव भवेयुर्बोधिचारिणः । सदा ते सुकुले जाता बोधिसत्त्वा विचक्षणाः

saṃjātāḥ sadgatiṣveva bhaveyurbodhicāriṇaḥ / sadā te sukule jātā bodhisattvā vicakṣaṇāḥ

Sanskrit only: no published translation is held for this verse.

सर्वसत्त्व हिता धानं चरेयुर्व्रतमाभवं । ततस्ते बोधिसंभारं पूरयित्वा यथाक्रमं

sarvasattva hitā dhānaṃ careyurvratamābhavaṃ / tataste bodhisaṃbhāraṃ pūrayitvā yathākramaṃ

Sanskrit only: no published translation is held for this verse.

त्रिविधां बोधिमासाद्य निर्वृतिपदमाप्नुयुः । न हिचित्त प्रसादस्प स्वल्पाभवति दक्षिणा

trividhāṃ bodhimāsādya nirvṛtipadamāpnuyuḥ / na hicitta prasādaspa svalpābhavati dakṣiṇā

Sanskrit only: no published translation is held for this verse.

तथागतेषु सद्धर्म्म संबुद्ध श्रावकेष्वपि ॥ एवं ह्यचिन्त्याः संबुद्धाः बुद्ध धर्माश्च निर्मलाः

tathāgateṣu saddharmma saṃbuddha śrāvakeṣvapi // evaṃ hyacintyāḥ saṃbuddhāḥ buddha dharmāśca nirmalāḥ

Sanskrit only: no published translation is held for this verse.

अचिन्त्योहि प्रसन्नानां विपाकश्च महाफल । एवं मत्वा त्रिरत्नेषु भक्तिपूजा फलं महत्

acintyohi prasannānāṃ vipākaśca mahāphala / evaṃ matvā triratneṣu bhaktipūjā phalaṃ mahat

Sanskrit only: no published translation is held for this verse.

कार्याभक्तिषु सदात्रैव धर्म्मधातौ जिनालये । इत्यादिष्टं मुनीन्द्रेन श्रुत्वा सर्वे समाश्रिताः

kāryābhaktiṣu sadātraiva dharmmadhātau jinālaye / ityādiṣṭaṃ munīndrena śrutvā sarve samāśritāḥ

Sanskrit only: no published translation is held for this verse.

लोकास्तथेति विज्ञप्य प्रात्यनन्द प्रवोधिताः । इति मे गुरुणादिष्टं श्रुतमया तथोच्यते

lokāstatheti vijñapya prātyananda pravodhitāḥ / iti me guruṇādiṣṭaṃ śrutamayā tathocyate

Sanskrit only: no published translation is held for this verse.

त्वमप्येवं सदा राजन् भज तत्र जिनालये । तत्पुण्येन ते भद्रं निरुत्पातं सदाभवेत्

tvamapyevaṃ sadā rājan bhaja tatra jinālaye / tatpuṇyena te bhadraṃ nirutpātaṃ sadābhavet

Sanskrit only: no published translation is held for this verse.

बोधिचित्त रसं च संप्राप्य बोधिसत्त्वो भवेरपि । ततः सम्बोधि संभारं पूरयित्वा तथाक्रमं

bodhicitta rasaṃ ca saṃprāpya bodhisattvo bhaverapi / tataḥ sambodhi saṃbhāraṃ pūrayitvā tathākramaṃ

Sanskrit only: no published translation is held for this verse.

मारान्निर्ज्जित्य संबोधि प्राप्य बुद्धपदं लभेः । इति शास्तार्हता दिष्टं सम्यकनराधिपः

mārānnirjjitya saṃbodhi prāpya buddhapadaṃ labheḥ / iti śāstārhatā diṣṭaṃ samyakanarādhipaḥ

Sanskrit only: no published translation is held for this verse.