Svayambhupurana 3

इत्यादिष्ट मुनीन्द्रेण विश्वभूवा निशम्यते । सर्वे समाश्रिता लोका विस्मयं समुपाययुः

ityādiṣṭa munīndreṇa viśvabhūvā niśamyate / sarve samāśritā lokā vismayaṃ samupāyayuḥ

Sanskrit only: no published translation is held for this verse.

ततः सर्वे ऽपि ते लोकास्तां देवीं श्रीमहेश्वरी । धर्म्मधातुतमाचार्यं द्रष्टुमभिव वाञ्छिरे

tataḥ sarve 'pi te lokāstāṃ devīṃ śrīmaheśvarī / dharmmadhātutamācāryaṃ draṣṭumabhiva vāñchire

Sanskrit only: no published translation is held for this verse.

तदाशयं परिज्ञायः गगणगञ्ज उत्थितः । भगवन्तन्तमानस्पश्यन्नेवमव्रवीत्

tadāśayaṃ parijñāyaḥ gagaṇagañja utthitaḥ / bhagavantantamānaspaśyannevamavravīt

Sanskrit only: no published translation is held for this verse.

भगवन् सर्वमिच्छन्ति द्रष्टुं तां सुगेश्वरीं । धर्म्मधातुं तमाचार्यं तदनुज्ञां ददातु नः

bhagavan sarvamicchanti draṣṭuṃ tāṃ sugeśvarīṃ / dharmmadhātuṃ tamācāryaṃ tadanujñāṃ dadātu naḥ

Sanskrit only: no published translation is held for this verse.

इति संप्रार्थितं तेन भगवान्स मुनीश्वरः । गगणगञ्जमात्मज्ञ तं पश्यन्नेवमादिशत्

iti saṃprārthitaṃ tena bhagavānsa munīśvaraḥ / gagaṇagañjamātmajña taṃ paśyannevamādiśat

Sanskrit only: no published translation is held for this verse.

साधु साध्यामहादेवीं खगाननाजिनेश्वरीं । धर्मधातुं तमाचार्यमपिर्दष्टुं यदीच्छथ

sādhu sādhyāmahādevīṃ khagānanājineśvarīṃ / dharmadhātuṃ tamācāryamapirdaṣṭuṃ yadīcchatha

Sanskrit only: no published translation is held for this verse.

तत्र हिमालये गत्वा तां श्री देवीं खगाननां । धर्मधातुं तमाचार्यं संभजध्वं यथा विधि

tatra himālaye gatvā tāṃ śrī devīṃ khagānanāṃ / dharmadhātuṃ tamācāryaṃ saṃbhajadhvaṃ yathā vidhi

Sanskrit only: no published translation is held for this verse.

इत्यादिष्टं मुनीन्द्रेण विश्वभुवा निशम्यते । सर्वे लोका महोत्साहै रत्राययुः प्रमोदिताः

ityādiṣṭaṃ munīndreṇa viśvabhuvā niśamyate / sarve lokā mahotsāhai ratrāyayuḥ pramoditāḥ

Sanskrit only: no published translation is held for this verse.

अहमपि मुनीन्द्रस्य प्राप्यानुज्ञां प्रमोदितः । तैःसार्द्धं प्रस्थितौ दूरात्पश्यन्निमंमाययौ

ahamapi munīndrasya prāpyānujñāṃ pramoditaḥ / taiḥsārddhaṃ prasthitau dūrātpaśyannimaṃmāyayau

Sanskrit only: no published translation is held for this verse.

अत्र प्राप्नो ऽहं समालोक्य धर्म्मधातुन्निमं मुदा । समभ्यर्च्य महोत्साहैस्तै लोकैः प्राभजं सह

atra prāpno 'haṃ samālokya dharmmadhātunnimaṃ mudā / samabhyarcya mahotsāhaistai lokaiḥ prābhajaṃ saha

Sanskrit only: no published translation is held for this verse.

श्रद्धया शरणं गत्वा कृत्वा चैनं प्रदक्षिणां । स्तुत्वाष्टांगैः प्रणत्वा च प्रार्थयं बोधिसम्वरं

śraddhayā śaraṇaṃ gatvā kṛtvā cainaṃ pradakṣiṇāṃ / stutvāṣṭāṃgaiḥ praṇatvā ca prārthayaṃ bodhisamvaraṃ

Sanskrit only: no published translation is held for this verse.

ततो ऽहं मञ्जुदेवाख्यं तमाचार्य समीक्ष्य च । समभ्यर्च्य महोत्साहैः प्राभजध्वं सहानुजैः

tato 'haṃ mañjudevākhyaṃ tamācārya samīkṣya ca / samabhyarcya mahotsāhaiḥ prābhajadhvaṃ sahānujaiḥ

Sanskrit only: no published translation is held for this verse.

ततस्तस्योपदेश तां श्रीदेवीं खगाननां । यथाविधि समाराध्य महोत्साहैः समर्चयं

tatastasyopadeśa tāṃ śrīdevīṃ khagānanāṃ / yathāvidhi samārādhya mahotsāhaiḥ samarcayaṃ

Sanskrit only: no published translation is held for this verse.

कृत्वा प्रदक्षिणां चापि नत्वाष्टाङ्गैः प्रमोदितः । स्तुत्वा ध्यात्वा च संबोधिं संप्रार्थय जगद्धिते

kṛtvā pradakṣiṇāṃ cāpi natvāṣṭāṅgaiḥ pramoditaḥ / stutvā dhyātvā ca saṃbodhiṃ saṃprārthaya jagaddhite

Sanskrit only: no published translation is held for this verse.

एतत्पुण्यानुभावेन परिशुद्ध त्रिमण्डलाः । अष्टाक्षण विनिर्मुक्तो बोधिसत्त्वो भवं कृती

etatpuṇyānubhāvena pariśuddha trimaṇḍalāḥ / aṣṭākṣaṇa vinirmukto bodhisattvo bhavaṃ kṛtī

Sanskrit only: no published translation is held for this verse.

ततः सम्बोधिसंभारं पूरयित्वा यथाक्रमं । जित्वा मारगणान् अर्हन् कलावपि जिनोभवे

tataḥ sambodhisaṃbhāraṃ pūrayitvā yathākramaṃ / jitvā māragaṇān arhan kalāvapi jinobhave

Sanskrit only: no published translation is held for this verse.

एवमस्या महादेव्याः ये ये शरण आश्रिताः । यथाविधि समाराध्य भजेयु बोधिमानसाः

evamasyā mahādevyāḥ ye ye śaraṇa āśritāḥ / yathāvidhi samārādhya bhajeyu bodhimānasāḥ

Sanskrit only: no published translation is held for this verse.

ते ते सर्वे महासत्त्वाः परिशुद्ध त्रिमण्डलाः । बोधिसत्त्वा महाभिज्ञा भवेयु स्त्रिगुणाधिपाः

te te sarve mahāsattvāḥ pariśuddha trimaṇḍalāḥ / bodhisattvā mahābhijñā bhaveyu striguṇādhipāḥ

Sanskrit only: no published translation is held for this verse.

कुत्रापि ते नगच्छेत् दुर्ग्गतिञ्च कदाचन । सदासङ्गतिसंजात भवेयुः श्री गुणाश्रयाः

kutrāpi te nagacchet durggatiñca kadācana / sadāsaṅgatisaṃjāta bhaveyuḥ śrī guṇāśrayāḥ

Sanskrit only: no published translation is held for this verse.

यथाभिवाच्छितं द्रव्यं दत्वार्थिभ्यो समादरात् । यथाकामं सुखं भुक्त्वा सञ्चरेरञ्जगद्धिते

yathābhivācchitaṃ dravyaṃ datvārthibhyo samādarāt / yathākāmaṃ sukhaṃ bhuktvā sañcarerañjagaddhite

Sanskrit only: no published translation is held for this verse.

ततो विशुद्धशीलास्ते चतुर्ब्रह्म विहारिणः । बोधिसत्त्वसम्वरमाधाय संचरेरन् सदा शुभे

tato viśuddhaśīlāste caturbrahma vihāriṇaḥ / bodhisattvasamvaramādhāya saṃcareran sadā śubhe

Sanskrit only: no published translation is held for this verse.

ततस्ते स्यु र्महासत्त्वाः सद्धर्म्म सुखलालसाः । स्वपरात्महिताधारक्षान्तिव्रतसमारताः

tataste syu rmahāsattvāḥ saddharmma sukhalālasāḥ / svaparātmahitādhārakṣāntivratasamāratāḥ

Sanskrit only: no published translation is held for this verse.

ततस्ते सद्गुणाधारा वीर्यवन्तो विचक्षणाः । सद्धर्म्म साधनोद्युक्ता भवेयु स्त्रिगुणाधिपाः

tataste sadguṇādhārā vīryavanto vicakṣaṇāḥ / saddharmma sādhanodyuktā bhaveyu striguṇādhipāḥ

Sanskrit only: no published translation is held for this verse.

ततस्ते सुधियो धीरा निःक्लेशा विजितेन्द्रियाः । समाधि गुणसम्पन्ना भवेयुबोधियोगिनः

tataste sudhiyo dhīrā niḥkleśā vijitendriyāḥ / samādhi guṇasampannā bhaveyubodhiyoginaḥ

Sanskrit only: no published translation is held for this verse.

ततस्ते विमलात्मानः सर्वविद्या गुणाधिपाः । प्रज्ञाश्री रत्न संप्राप्तो भवेयुः सुगतात्मजाः

tataste vimalātmānaḥ sarvavidyā guṇādhipāḥ / prajñāśrī ratna saṃprāpto bhaveyuḥ sugatātmajāḥ

Sanskrit only: no published translation is held for this verse.

ततश्च ते सहासत्त्वाः सर्वे सत्त्वा हितोत्सुकाः । सर्वापाय विधि प्राज्ञा भवेयुश्त्रिगुणाधिपाः

tataśca te sahāsattvāḥ sarve sattvā hitotsukāḥ / sarvāpāya vidhi prājñā bhaveyuśtriguṇādhipāḥ

Sanskrit only: no published translation is held for this verse.

ततस्ते बोधिसंभार प्रणिधिरत्नसागराः । सर्वसत्त्वहितं कृत्वा संचरेरं सदाशुभे

tataste bodhisaṃbhāra praṇidhiratnasāgarāḥ / sarvasattvahitaṃ kṛtvā saṃcareraṃ sadāśubhe

Sanskrit only: no published translation is held for this verse.

ततश्च ते महाभिज्ञाः भद्रश्री सत्गुणान्विताः । वलिष्ठा दुष्ट जेतारो भवेयु स्त्रिभवेश्वराः

tataśca te mahābhijñāḥ bhadraśrī satguṇānvitāḥ / valiṣṭhā duṣṭa jetāro bhaveyu stribhaveśvarāḥ

Sanskrit only: no published translation is held for this verse.

ततस्ते त्रिविधां बोधिमासाद्य भद्रचारिणः । सम्बोधिज्ञानसद्रन्तसमृद्धाः स्यु र्मुनीश्वराः

tataste trividhāṃ bodhimāsādya bhadracāriṇaḥ / sambodhijñānasadrantasamṛddhāḥ syu rmunīśvarāḥ

Sanskrit only: no published translation is held for this verse.

ततस्ते सुगताः बुद्धाः दशभूमीश्वराजिनाः । बोधिमार्गे प्रतिष्ठाप्य कूर्युः सर्वान्सुधर्म्मिणः

tataste sugatāḥ buddhāḥ daśabhūmīśvarājināḥ / bodhimārge pratiṣṭhāpya kūryuḥ sarvānsudharmmiṇaḥ

Sanskrit only: no published translation is held for this verse.

एवं धर्ममयं कृत्वा सर्वत्र भुवनेष्वपि । सुनिवृर्तिपदं प्राप्य संप्रयायुर्जिनालयं

evaṃ dharmamayaṃ kṛtvā sarvatra bhuvaneṣvapi / sunivṛrtipadaṃ prāpya saṃprayāyurjinālayaṃ

Sanskrit only: no published translation is held for this verse.

एवमस्या महादेव्या भजनो हूतमुक्तमं । पुण्यं महत्तरं सिद्धं सम्बुद्धपदसाधनं

evamasyā mahādevyā bhajano hūtamuktamaṃ / puṇyaṃ mahattaraṃ siddhaṃ sambuddhapadasādhanaṃ

Sanskrit only: no published translation is held for this verse.

इति सत्यं समाख्यातं सर्वै रपि मुनीश्वरैः । विज्ञायास्या महादेव्या भजध्वं शरणे स्थिता

iti satyaṃ samākhyātaṃ sarvai rapi munīśvaraiḥ / vijñāyāsyā mahādevyā bhajadhvaṃ śaraṇe sthitā

Sanskrit only: no published translation is held for this verse.

अस्यापि धर्म धातौश्च भजनोद्भूतमुक्तमं । पुण्यं महत्तरं सिद्धं सम्बुद्धपदसाधनं

asyāpi dharma dhātauśca bhajanodbhūtamuktamaṃ / puṇyaṃ mahattaraṃ siddhaṃ sambuddhapadasādhanaṃ

Sanskrit only: no published translation is held for this verse.

अस्यापि मञ्जुदेवस्यः भजनोद् भूतमुक्तमं । पुण्यं महत्तरं सिद्धं सम्बुद्धपदसाधनं

asyāpi mañjudevasyaḥ bhajanod bhūtamuktamaṃ / puṇyaṃ mahattaraṃ siddhaṃ sambuddhapadasādhanaṃ

Sanskrit only: no published translation is held for this verse.

मत्वेति यदि वो वांच्छा विद्यते सौगते पदे । सर्वे यूयं समाधाय भजतान्त्र जिनालये

matveti yadi vo vāṃcchā vidyate saugate pade / sarve yūyaṃ samādhāya bhajatāntra jinālaye

Sanskrit only: no published translation is held for this verse.

खगाननास्याया महादेव्याः शरणे च समाश्रिताः । ध्यात्वा स्मृत्वा समुच्चार्य नामापि भजताभवं

khagānanāsyāyā mahādevyāḥ śaraṇe ca samāśritāḥ / dhyātvā smṛtvā samuccārya nāmāpi bhajatābhavaṃ

Sanskrit only: no published translation is held for this verse.

य एषां शरणे स्थित्वा ध्यात्वा स्मृत्वा समाहिताः । नामापि समुदाहृत्य भजन्ति सर्वदाभवे

ya eṣāṃ śaraṇe sthitvā dhyātvā smṛtvā samāhitāḥ / nāmāpi samudāhṛtya bhajanti sarvadābhave

Sanskrit only: no published translation is held for this verse.

ते सभद्रा नगच्छन्ति दुर्ग्गतिं च कदाचन । सदा सद्गति संजाता भवेयुः श्री गुणाश्रयाः

te sabhadrā nagacchanti durggatiṃ ca kadācana / sadā sadgati saṃjātā bhaveyuḥ śrī guṇāśrayāḥ

Sanskrit only: no published translation is held for this verse.

बोधिसत्त्वा महासत्त्वा सद्धर्म बोधि चारिणः । सर्वसत्त्व हितोद्युक्ता भवेयुः सुगतात्मजाः

bodhisattvā mahāsattvā saddharma bodhi cāriṇaḥ / sarvasattva hitodyuktā bhaveyuḥ sugatātmajāḥ

Sanskrit only: no published translation is held for this verse.

एवन्तेषां महत्सौख्यं भद्रश्री सद्गुणान्वितं । सर्वदापि निरुत्पातं प्रवर्क्तते समाहितः

evanteṣāṃ mahatsaukhyaṃ bhadraśrī sadguṇānvitaṃ / sarvadāpi nirutpātaṃ pravarktate samāhitaḥ

Sanskrit only: no published translation is held for this verse.

दैवोत्पातभयन्तेषांत विद्यते समन्ततः । यक्तान्दृष्ट्वा सुराः सर्वे रक्षन्तीन्द्रादयोमुदा

daivotpātabhayanteṣāṃta vidyate samantataḥ / yaktāndṛṣṭvā surāḥ sarve rakṣantīndrādayomudā

Sanskrit only: no published translation is held for this verse.

अग्न्युत्पातंभयं तेषां विद्यते न कदाचन । यत् तान्दृष्ट्वा प्रसीदन्तो रक्षेयुर्वह्नयः सदा

agnyutpātaṃbhayaṃ teṣāṃ vidyate na kadācana / yat tāndṛṣṭvā prasīdanto rakṣeyurvahnayaḥ sadā

Sanskrit only: no published translation is held for this verse.

अकाल मरणाद् भीतिस्तेषान्नविद्यते क्वचित् । यद्यमोपि समलोक्य रक्षति तां प्रसादितः

akāla maraṇād bhītisteṣānnavidyate kvacit / yadyamopi samalokya rakṣati tāṃ prasāditaḥ

Sanskrit only: no published translation is held for this verse.

राक्षसस्याभयं तेषां विद्यते न समन्ततः । यद् वायवो ऽपि ता वीज्य रक्षेयुः सर्वदानुगाः

rākṣasasyābhayaṃ teṣāṃ vidyate na samantataḥ / yad vāyavo 'pi tā vījya rakṣeyuḥ sarvadānugāḥ

Sanskrit only: no published translation is held for this verse.

यक्षस्यापि भयं तेषां विद्यते न सदा क्वचित् । यक्षा समीक्ष्य रक्षेयुः सर्वे यक्षाधिपा अपि

yakṣasyāpi bhayaṃ teṣāṃ vidyate na sadā kvacit / yakṣā samīkṣya rakṣeyuḥ sarve yakṣādhipā api

Sanskrit only: no published translation is held for this verse.

भूतेभ्यो ऽपि भयन्तेषां विद्यते न समन्ततः । यदीशानोपि तान्पश्य संरक्षेत्संप्रमोदिताः

bhūtebhyo 'pi bhayanteṣāṃ vidyate na samantataḥ / yadīśānopi tānpaśya saṃrakṣetsaṃpramoditāḥ

Sanskrit only: no published translation is held for this verse.

गन्धर्वोत्पति तो भीतिस्तेषान्नविद्यते क्वचित् । धृतराष्टो ऽपि तान्पश्यत् संरक्षेत्सं प्रसादितः

gandharvotpati to bhītisteṣānnavidyate kvacit / dhṛtarāṣṭo 'pi tānpaśyat saṃrakṣetsaṃ prasāditaḥ

Sanskrit only: no published translation is held for this verse.

कुम्भाण्डेभ्यो ऽपि नास्त्येवं भयन्तेषां कदाचन । विरुढकोहितान् पश्यनभिरक्षन् प्रसादतः

kumbhāṇḍebhyo 'pi nāstyevaṃ bhayanteṣāṃ kadācana / viruḍhakohitān paśyanabhirakṣan prasādataḥ

Sanskrit only: no published translation is held for this verse.

नागेभ्यो ऽपि भयन्तेषां विद्यते न सदा क्वचित । विरुपाक्षो हि सम्यश्यन्तान्रक्षन्सम्प्रसादितः

nāgebhyo 'pi bhayanteṣāṃ vidyate na sadā kvacita / virupākṣo hi samyaśyantānrakṣansamprasāditaḥ

Sanskrit only: no published translation is held for this verse.

यक्षेभ्यो ऽपि सदा तेषां विद्यते न भयं क्वचित । कुवेरो हि समालोक्य संरक्षस्तान् प्रसादितः

yakṣebhyo 'pi sadā teṣāṃ vidyate na bhayaṃ kvacita / kuvero hi samālokya saṃrakṣastān prasāditaḥ

Sanskrit only: no published translation is held for this verse.

भयं न किन्नरेभ्योपि तेषामस्ति कदाचन । द्रुमो हितान् महासत्त्वा संवीक्षवत् प्रसादितः

bhayaṃ na kinnarebhyopi teṣāmasti kadācana / drumo hitān mahāsattvā saṃvīkṣavat prasāditaḥ

Sanskrit only: no published translation is held for this verse.

गुह्यकेभ्योपि नास्त्येव भयन्तेषां सुधर्म्मणां । वज्रपाणिर्हितान्वीक्ष्य प्रसादिता भवेत् सदा

guhyakebhyopi nāstyeva bhayanteṣāṃ sudharmmaṇāṃ / vajrapāṇirhitānvīkṣya prasāditā bhavet sadā

Sanskrit only: no published translation is held for this verse.

तथा विद्याधरेभ्यो ऽपि भयन्तेषान्न विद्यते । यतः सर्वार्थसिद्धो ऽपि सम्यश्यन्स्तान् वेत्सदा

tathā vidyādharebhyo 'pi bhayanteṣānna vidyate / yataḥ sarvārthasiddho 'pi samyaśyanstān vetsadā

Sanskrit only: no published translation is held for this verse.

ग्रहोत्पात भयन्तेषां विद्यते न कदाचन । ग्रहाधिपाहि सर्वे ऽपि समीक्ष्य तानवेत्सदा

grahotpāta bhayanteṣāṃ vidyate na kadācana / grahādhipāhi sarve 'pi samīkṣya tānavetsadā

Sanskrit only: no published translation is held for this verse.

तथा तारागणोत्पातभयं तेषान्नविद्यते । सर्वास्ता राहि तान्वीक्ष्य सर्वत्रा वेयुराभवं

tathā tārāgaṇotpātabhayaṃ teṣānnavidyate / sarvāstā rāhi tānvīkṣya sarvatrā veyurābhavaṃ

Sanskrit only: no published translation is held for this verse.

सिद्धाः साध्याश्चरुद्राश्च वीक्ष्यावेयुः सदापि तान् । तत्तेभ्योपि भयं क्वापि तेषां नास्ति कदाचन

siddhāḥ sādhyāścarudrāśca vīkṣyāveyuḥ sadāpi tān / tattebhyopi bhayaṃ kvāpi teṣāṃ nāsti kadācana

Sanskrit only: no published translation is held for this verse.

तथा च मातृकोत्पातं भयं नास्ति कदाचन । सर्वाहि मातृकान् दृष्ट्वा रक्षेयु स्तां प्रसादिताः

tathā ca mātṛkotpātaṃ bhayaṃ nāsti kadācana / sarvāhi mātṛkān dṛṣṭvā rakṣeyu stāṃ prasāditāḥ

Sanskrit only: no published translation is held for this verse.

महाकालो गणेश स्कन्दश्च भैरवा अपि । सर्वदा तान्समालोक्य रक्षेयुः संप्रसादिताः

mahākālo gaṇeśa skandaśca bhairavā api / sarvadā tānsamālokya rakṣeyuḥ saṃprasāditāḥ

Sanskrit only: no published translation is held for this verse.

प्रेता भूताः पिशाश्चाश्च वेताडा डाकिनीगणाः । अपि तान्सर्वदालोक्य संरक्षेयुः प्रसादिताः

pretā bhūtāḥ piśāścāśca vetāḍā ḍākinīgaṇāḥ / api tānsarvadālokya saṃrakṣeyuḥ prasāditāḥ

Sanskrit only: no published translation is held for this verse.

तेभ्यो ऽपि भयन्तेषां विद्यते न कदाचन । सर्वे ऽपि र्तेसहायाः स्यु संवोधि धर्म्मसाधने

tebhyo 'pi bhayanteṣāṃ vidyate na kadācana / sarve 'pi rtesahāyāḥ syu saṃvodhi dharmmasādhane

Sanskrit only: no published translation is held for this verse.

सिंहादि सर्वजन्तुभ्योः पक्षिभ्यो ऽपि समन्ततः । सर्पादि कृमिकीटेभ्यो भयन्तेषां सदापि न

siṃhādi sarvajantubhyoḥ pakṣibhyo 'pi samantataḥ / sarpādi kṛmikīṭebhyo bhayanteṣāṃ sadāpi na

Sanskrit only: no published translation is held for this verse.

दुष्ट प्रत्यर्थिकेभ्यो ऽपि तस्करेभ्योपि सर्वतः । शत्रुभ्यो ऽपि भयन्तेषां विद्यते न समन्ततः

duṣṭa pratyarthikebhyo 'pi taskarebhyopi sarvataḥ / śatrubhyo 'pi bhayanteṣāṃ vidyate na samantataḥ

Sanskrit only: no published translation is held for this verse.

यदेतत्पुण्यलिप्तास्तां समीक्ष्य ते प्रसादिताः । सर्वे मैत्री कृपा स्नेह निवद्धाः स्युहितार्थिनः

yadetatpuṇyaliptāstāṃ samīkṣya te prasāditāḥ / sarve maitrī kṛpā sneha nivaddhāḥ syuhitārthinaḥ

Sanskrit only: no published translation is held for this verse.

एवं सर्वे ऽपि सत्वास्तान्दृष्ट्वा संप्रसादिताः । स्निग्धचिक्ताप्रसन्नास्याः पश्येयु मैत्रीभावतः

evaṃ sarve 'pi satvāstāndṛṣṭvā saṃprasāditāḥ / snigdhaciktāprasannāsyāḥ paśyeyu maitrībhāvataḥ

Sanskrit only: no published translation is held for this verse.

राजानो ऽपि च तान्दृष्ट्वा मैत्री स्नेहसभाविताः । सुप्रसन्नाशयाः प्रीता मानयेयुः सदा मुदा

rājāno 'pi ca tāndṛṣṭvā maitrī snehasabhāvitāḥ / suprasannāśayāḥ prītā mānayeyuḥ sadā mudā

Sanskrit only: no published translation is held for this verse.

मन्त्रीणो ऽपि सदा तेषां मैत्रीस्नेह सभाषिताः । मानयेयुःयथाकामं सद्धर्म्म व्रतसाधनं

mantrīṇo 'pi sadā teṣāṃ maitrīsneha sabhāṣitāḥ / mānayeyuḥyathākāmaṃ saddharmma vratasādhanaṃ

Sanskrit only: no published translation is held for this verse.

ब्राम्हणा अपि सर्वे च तेषां सद्धर्म्म साधनं । दृष्ट्वानुमोदितात्मानो दधु भद्राशिवं सदा

brāmhaṇā api sarve ca teṣāṃ saddharmma sādhanaṃ / dṛṣṭvānumoditātmāno dadhu bhadrāśivaṃ sadā

Sanskrit only: no published translation is held for this verse.

ऋषयो ऽपि तथा सर्वे तां दृष्ट्वा संप्रसादिताः । पश्यन्तः कृपया दृष्ट्वा मोदयेयुः सुभाशिषा

ṛṣayo 'pi tathā sarve tāṃ dṛṣṭvā saṃprasāditāḥ / paśyantaḥ kṛpayā dṛṣṭvā modayeyuḥ subhāśiṣā

Sanskrit only: no published translation is held for this verse.

एवं च योगिनः सिद्धा यतयो ब्रम्हचारिणः । तीर्थिकास्तापसाश्चापि व्रतिनश्चाप्युपासकाः

evaṃ ca yoginaḥ siddhā yatayo bramhacāriṇaḥ / tīrthikāstāpasāścāpi vratinaścāpyupāsakāḥ

Sanskrit only: no published translation is held for this verse.

चैरका भिक्षवोश्चापि भिक्षुण्यश्चाप्युपासिकाः । अपि तां सुदृशालोक्य नन्दयेयुः शुभाशिषाः

cairakā bhikṣavoścāpi bhikṣuṇyaścāpyupāsikāḥ / api tāṃ sudṛśālokya nandayeyuḥ śubhāśiṣāḥ

Sanskrit only: no published translation is held for this verse.

एवं च श्रावकाः सर्वे प्रत्येक सुगता अपि । बोधिसत्वाश्च सर्वे ऽपि तान् दृष्ट्वा संप्रसादिताः

evaṃ ca śrāvakāḥ sarve pratyeka sugatā api / bodhisatvāśca sarve 'pi tān dṛṣṭvā saṃprasāditāḥ

Sanskrit only: no published translation is held for this verse.

कृपया दृष्टवानुपश्यन्तो मैत्री स्नेहसुभाविनः । रक्षित्वा बोधिमार्गेषु नियाजेयुः सदा भवं

kṛpayā dṛṣṭavānupaśyanto maitrī snehasubhāvinaḥ / rakṣitvā bodhimārgeṣu niyājeyuḥ sadā bhavaṃ

Sanskrit only: no published translation is held for this verse.

एवं सर्वे ऽपि संबुद्धा दृष्ट्वा तां संप्रसादिताः । सर्वदा कृपया रक्ष्युचारयेयुर्ज्जगद्धिते

evaṃ sarve 'pi saṃbuddhā dṛṣṭvā tāṃ saṃprasāditāḥ / sarvadā kṛpayā rakṣyucārayeyurjjagaddhite

Sanskrit only: no published translation is held for this verse.

एवं तेषां महत्पुण्यं सम्बुद्ध पदसाधनं । भद्रश्रीगुणसंपत्ति समृद्धि सिद्धिसंप्रदं

evaṃ teṣāṃ mahatpuṇyaṃ sambuddha padasādhanaṃ / bhadraśrīguṇasaṃpatti samṛddhi siddhisaṃpradaṃ

Sanskrit only: no published translation is held for this verse.

एवं यूयमपि ज्ञात्वा सर्वदा शरणाश्रिताः । यथाशक्ति समभ्यर्च्य भजतैतांस्त्रिरत्निकान्

evaṃ yūyamapi jñātvā sarvadā śaraṇāśritāḥ / yathāśakti samabhyarcya bhajataitāṃstriratnikān

Sanskrit only: no published translation is held for this verse.

स्मृत्वा ध्यात्वापि नामापि समुच्चार्य सदा मुदा । एषामेव त्रिरत्नानां भजध्वं शरणे स्थिता

smṛtvā dhyātvāpi nāmāpi samuccārya sadā mudā / eṣāmeva triratnānāṃ bhajadhvaṃ śaraṇe sthitā

Sanskrit only: no published translation is held for this verse.

एतत्पुण्यविलिप्ता ये परिशुद्धत्रिमण्डलाः । भद्रश्रीगुणसंपन्ना भवेस्ते शुभाशया

etatpuṇyaviliptā ye pariśuddhatrimaṇḍalāḥ / bhadraśrīguṇasaṃpannā bhaveste śubhāśayā

Sanskrit only: no published translation is held for this verse.

दुर्गतिं ते न गच्छेयुः सदा सद्गतिसंभवाः । बोधिसत्वा महासत्वा भवेर्युभद्रचारिणः

durgatiṃ te na gaccheyuḥ sadā sadgatisaṃbhavāḥ / bodhisatvā mahāsatvā bhaveryubhadracāriṇaḥ

Sanskrit only: no published translation is held for this verse.

ततस्ते सर्वसत्वानां हितार्थ साधनोद्यताः । सुधीरा बोधिसम्भारं पूरयित्वा यथाक्रमं

tataste sarvasatvānāṃ hitārtha sādhanodyatāḥ / sudhīrā bodhisambhāraṃ pūrayitvā yathākramaṃ

Sanskrit only: no published translation is held for this verse.

ततो मारगणाञ्जित्वा निःक्लेशा विजितेन्द्रियाः । अर्हन्त त्रिविधां बोधिंप्राप्य यायु जिनालयं

tato māragaṇāñjitvā niḥkleśā vijitendriyāḥ / arhanta trividhāṃ bodhiṃprāpya yāyu jinālayaṃ

Sanskrit only: no published translation is held for this verse.

एत्सर्व मया ख्यातं सर्वैरपि मुनीश्वरैः । श्रुत्वानुमोदनां कृत्वा प्रचरध्वं सदाशुभे

etsarva mayā khyātaṃ sarvairapi munīśvaraiḥ / śrutvānumodanāṃ kṛtvā pracaradhvaṃ sadāśubhe

Sanskrit only: no published translation is held for this verse.

इत्यादिष्टं मुनीन्द्रेण निशम्यते सभाश्रिताः । सर्वे तथानुमोदन्तः प्राप्यानन्दत्प्रवोधिताः

ityādiṣṭaṃ munīndreṇa niśamyate sabhāśritāḥ / sarve tathānumodantaḥ prāpyānandatpravodhitāḥ

Sanskrit only: no published translation is held for this verse.