रत्नपद्मासनासीनः संतिष्ठते जगद्धिते । कियत्कालमयं श्रीमान् धर्म्मधातुर्जिनालयः
ratnapadmāsanāsīnaḥ saṃtiṣṭhate jagaddhite / kiyatkālamayaṃ śrīmān dharmmadhāturjinālayaḥ
Sanskrit only: no published translation is held for this verse.
Svayambhupurana 7
एवं संभाषयन् लोकान् संस्थास्यते जगद्धिते । यतः कलौ समया ते लोक पञ्चकषायिते
evaṃ saṃbhāṣayan lokān saṃsthāsyate jagaddhite / yataḥ kalau samayā te loka pañcakaṣāyite
Sanskrit only: no published translation is held for this verse.
सर्वे लोका दुराचारा भविष्यन्ति दुराशयाः । मदाभिमानिनो दुष्टा लोभिनः कामचारिणः
sarve lokā durācārā bhaviṣyanti durāśayāḥ / madābhimānino duṣṭā lobhinaḥ kāmacāriṇaḥ
Sanskrit only: no published translation is held for this verse.
ईर्ष्यालवः प्रमत्ताश्च मात्सर्यव्याकुलाशयाः । क्लेशाहंकारगर्वान्धा निर्विवेकाः प्रमादिनः
īrṣyālavaḥ pramattāśca mātsaryavyākulāśayāḥ / kleśāhaṃkāragarvāndhā nirvivekāḥ pramādinaḥ
Sanskrit only: no published translation is held for this verse.
कामभोगातिसंरक्ता दशाकुशलचारिणः । तदा कथमयं श्रीमान् ज्योतीरूपः प्रभास्वरः
kāmabhogātisaṃraktā daśākuśalacāriṇaḥ / tadā kathamayaṃ śrīmān jyotīrūpaḥ prabhāsvaraḥ
Sanskrit only: no published translation is held for this verse.
रत्नपद्मासनासीन एवं तिष्ठेज्जगद्धिते । नूनं ये लोभिनो दुष्टाः क्लेशव्याकुलमानसाः
ratnapadmāsanāsīna evaṃ tiṣṭhejjagaddhite / nūnaṃ ye lobhino duṣṭāḥ kleśavyākulamānasāḥ
Sanskrit only: no published translation is held for this verse.
इमं चैत्यं प्रतिक्षिप्य रत्नानि संहरेत् तदा । दुष्टा च तथान्ये ऽपि दुष्टाः क्लेशाभिमानिनः
imaṃ caityaṃ pratikṣipya ratnāni saṃharet tadā / duṣṭā ca tathānye 'pi duṣṭāḥ kleśābhimāninaḥ
Sanskrit only: no published translation is held for this verse.
ज्योतीरूपमिमं चैत्यं ध्वंसयिष्यन्ति सर्वथा । एवं तदा कलौ काले ध्वंसिते ऽस्मिन् जिनालये
jyotīrūpamimaṃ caityaṃ dhvaṃsayiṣyanti sarvathā / evaṃ tadā kalau kāle dhvaṃsite 'smin jinālaye
Sanskrit only: no published translation is held for this verse.
महापातकसंभूतं महोत्पातं भवेद् ध्रुवं । इति हेतोरहं धर्मधातोरस्य सुरक्षणे
mahāpātakasaṃbhūtaṃ mahotpātaṃ bhaved dhruvaṃ / iti hetorahaṃ dharmadhātorasya surakṣaṇe
Sanskrit only: no published translation is held for this verse.
गुप्तिकर्त्तु शिलाछाद्य चैत्यं कुर्या महोछ्रयं । तदा सर्वे ऽपि लोकास्ते इमं स्तूपं महोछ्रितं
guptikarttu śilāchādya caityaṃ kuryā mahochrayaṃ / tadā sarve 'pi lokāste imaṃ stūpaṃ mahochritaṃ
Sanskrit only: no published translation is held for this verse.
समीक्ष्य श्रद्धया भक्त्या भजिष्यन्ति प्रसादिताः । तदैतत् पुण्यभावेन सर्वदात्र समन्ततः
samīkṣya śraddhayā bhaktyā bhajiṣyanti prasāditāḥ / tadaitat puṇyabhāvena sarvadātra samantataḥ
Sanskrit only: no published translation is held for this verse.
सुभिक्षं मङ्गलोत्साहं निरुत्पातं भवेद् ध्रुवं । इति ध्यात्वा स शान्तश्रीः शास्तारं तं पुनर्मुदा
subhikṣaṃ maṅgalotsāhaṃ nirutpātaṃ bhaved dhruvaṃ / iti dhyātvā sa śāntaśrīḥ śāstāraṃ taṃ punarmudā
Sanskrit only: no published translation is held for this verse.
उपेत्य साञ्जलिर्नत्वा प्रार्थयदेवमादरात् । भदन्त सद्गुरोशास्तर्यदिच्छामिह साम्प्रतं
upetya sāñjalirnatvā prārthayadevamādarāt / bhadanta sadgurośāstaryadicchāmiha sāmprataṃ
Sanskrit only: no published translation is held for this verse.
धर्म्माधातुमिमं चैत्यं गुप्ति कर्त्तुं सुरक्षणे । तदूर्द्ध शिलयाछाद्य स्वीष्टिकाभिः समुछ्रितं
dharmmādhātumimaṃ caityaṃ gupti karttuṃ surakṣaṇe / tadūrddha śilayāchādya svīṣṭikābhiḥ samuchritaṃ
Sanskrit only: no published translation is held for this verse.
स्तूपं कृत्वा प्रतिष्ठाप्य स्थिरीकर्त्तुं समुत्सहे । इत्यत्र मे भवाञ्छास्ता गुप्ति कृत्वाभिरक्षणे
stūpaṃ kṛtvā pratiṣṭhāpya sthirīkarttuṃ samutsahe / ityatra me bhavāñchāstā gupti kṛtvābhirakṣaṇe
Sanskrit only: no published translation is held for this verse.
धर्म्मधातोः जगद्भर्त्तुरनुज्ञां दातुमर्हति । इति संप्रार्थिते तेन शान्तश्रिया निशम्य सः
dharmmadhātoḥ jagadbhartturanujñāṃ dātumarhati / iti saṃprārthite tena śāntaśriyā niśamya saḥ
Sanskrit only: no published translation is held for this verse.
महामतिर्महासत्त्वं तं पश्यन्नेवमब्रवीत् । भद्रस्वंयम्भूवांस्तस्य गुप्तिकर्त्तुं यदीच्छसि
mahāmatirmahāsattvaṃ taṃ paśyannevamabravīt / bhadrasvaṃyambhūvāṃstasya guptikarttuṃ yadīcchasi
Sanskrit only: no published translation is held for this verse.
प्रत्येकं श्रावकं यानं मुक्त्वा महति संश्रितः । वज्राभिषेकमादाय चर वज्रव्रतं पुनः
pratyekaṃ śrāvakaṃ yānaṃ muktvā mahati saṃśritaḥ / vajrābhiṣekamādāya cara vajravrataṃ punaḥ
Sanskrit only: no published translation is held for this verse.
ततो मारान् विनिर्ज्जित्य समाराध्य जिनेश्वरं । संप्रार्थ्य शिलयाच्छाद्य कुरु स्तूपं समुछ्रितं
tato mārān vinirjjitya samārādhya jineśvaraṃ / saṃprārthya śilayācchādya kuru stūpaṃ samuchritaṃ
Sanskrit only: no published translation is held for this verse.
इति शास्ता समादिष्टं निशम्य स प्रमोदितः । शास्तारं तं प्रणत्वा च प्रार्थयदेवमादरात्
iti śāstā samādiṣṭaṃ niśamya sa pramoditaḥ / śāstāraṃ taṃ praṇatvā ca prārthayadevamādarāt
Sanskrit only: no published translation is held for this verse.
सद्गुरुर्मे भवाञ्छास्ता धर्म्मधातुसुरक्षणे । वज्रचर्याव्रतं दत्वा चारय मां जगद्धिते
sadgururme bhavāñchāstā dharmmadhātusurakṣaṇe / vajracaryāvrataṃ datvā cāraya māṃ jagaddhite
Sanskrit only: no published translation is held for this verse.
इति संप्रार्थिते तेन शान्तश्रिया निशम्य सः । महामतिर्महासत्त्वं तं समीक्ष्यैवमब्रवीत्
iti saṃprārthite tena śāntaśriyā niśamya saḥ / mahāmatirmahāsattvaṃ taṃ samīkṣyaivamabravīt
Sanskrit only: no published translation is held for this verse.
यदि श्रद्धास्ति ते भद्र वज्रचर्या महाव्रतं । यथाविधि प्रदास्यामि तद् गृहाण जगद्धिते
yadi śraddhāsti te bhadra vajracaryā mahāvrataṃ / yathāvidhi pradāsyāmi tad gṛhāṇa jagaddhite
Sanskrit only: no published translation is held for this verse.
इत्युक्त्वा स महाचार्यस्तस्मै शान्तश्रिये क्रमात् । साभिषेकं महायाने वज्रचर्याव्रतं ददौ
ityuktvā sa mahācāryastasmai śāntaśriye kramāt / sābhiṣekaṃ mahāyāne vajracaryāvrataṃ dadau
Sanskrit only: no published translation is held for this verse.
शान्तश्रीवज्राचार्य इति स्थापितः तत्क्षणे ऽर्ये चाधिज्ञप्राप्तो ऽभूत् । ततः प्राप्ताभिषेकः स शान्तश्री वज्रयोगवित्
śāntaśrīvajrācārya iti sthāpitaḥ tatkṣaṇe 'rye cādhijñaprāpto 'bhūt / tataḥ prāptābhiṣekaḥ sa śāntaśrī vajrayogavit
Sanskrit only: no published translation is held for this verse.
स स्वात्मा दक्षिणां तस्मै गुरवे प्रददौ मुदा । ततः स वज्रधृग् योगी महाभिज्ञः सुसिद्धिमान्
sa svātmā dakṣiṇāṃ tasmai gurave pradadau mudā / tataḥ sa vajradhṛg yogī mahābhijñaḥ susiddhimān
Sanskrit only: no published translation is held for this verse.
स्वकुलेशं समाराध्य सगणं प्राभजन् मुदा । ततः स वज्रधृग् योगी महाभिज्ञः सुसिद्धिमान्
svakuleśaṃ samārādhya sagaṇaṃ prābhajan mudā / tataḥ sa vajradhṛg yogī mahābhijñaḥ susiddhimān
Sanskrit only: no published translation is held for this verse.
सद्धर्म्मसाधनोत्साही सर्वविद्याधिपोप्यभूत् । ततः सास्तुरनुज्ञां स समासाद्य प्रसादितः
saddharmmasādhanotsāhī sarvavidyādhipopyabhūt / tataḥ sāsturanujñāṃ sa samāsādya prasāditaḥ
Sanskrit only: no published translation is held for this verse.
धर्मधातुं समाराध्य प्रार्थयदेवमानतः । भगवन् नाथ सर्वज्ञ भवतां रक्षणाय यत्
dharmadhātuṃ samārādhya prārthayadevamānataḥ / bhagavan nātha sarvajña bhavatāṃ rakṣaṇāya yat
Sanskrit only: no published translation is held for this verse.
ज्योतीरूपं समाच्छाद्य चैत्यं कर्त्तुमिहोत्सहे । तद् भवान् त्रिजगन्नाथ कृपया मे प्रसीदतु
jyotīrūpaṃ samācchādya caityaṃ karttumihotsahe / tad bhavān trijagannātha kṛpayā me prasīdatu
Sanskrit only: no published translation is held for this verse.
यद त्राप्यपरार्ध मे तत्सर्व क्षन्तुमर्हति । इति संप्रार्थ्य स प्राज्ञ ज्योतीरूपं जिनालयं
yada trāpyaparārdha me tatsarva kṣantumarhati / iti saṃprārthya sa prājña jyotīrūpaṃ jinālayaṃ
Sanskrit only: no published translation is held for this verse.
स रत्नपद्माछाद्य शिलया समगोपयत् । तदुपरीष्टिकाभिश्च विधाय चैत्यमुच्छ्रितं
sa ratnapadmāchādya śilayā samagopayat / taduparīṣṭikābhiśca vidhāya caityamucchritaṃ
Sanskrit only: no published translation is held for this verse.
यथाविधि प्रतिष्ठाप्य महोत्साहैः सदाभजत् । तत इदञ्च पुच्छाग्रं मञ्जुदेवस्य निर्म्मितं
yathāvidhi pratiṣṭhāpya mahotsāhaiḥ sadābhajat / tata idañca pucchāgraṃ mañjudevasya nirmmitaṃ
Sanskrit only: no published translation is held for this verse.
चैत्यं स शिलयाछाद्य स्तूपं व्यधात्तथोत्तमं । इदं स्तूपं च स शान्तश्रीः प्रतिष्ठाप्य यथाविधि
caityaṃ sa śilayāchādya stūpaṃ vyadhāttathottamaṃ / idaṃ stūpaṃ ca sa śāntaśrīḥ pratiṣṭhāpya yathāvidhi
Sanskrit only: no published translation is held for this verse.
सर्वदा श्रद्धया भक्त्या महोत्साहैर्मुदाभजत् । ततश्चासौ महाचार्यं आराध्य पञ्चदेवताः
sarvadā śraddhayā bhaktyā mahotsāhairmudābhajat / tataścāsau mahācāryaṃ ārādhya pañcadevatāḥ
Sanskrit only: no published translation is held for this verse.
पञ्च सुताः पुरेष्वेवं प्रतिष्ठाप्य सदाभजत् । तद् यथा देवता पञ्च प्रथमं वायुदेवता
pañca sutāḥ pureṣvevaṃ pratiṣṭhāpya sadābhajat / tad yathā devatā pañca prathamaṃ vāyudevatā
Sanskrit only: no published translation is held for this verse.
वायुपुरे प्रतिष्ठाप्य वह्निपुरो ऽग्निदेवता । नागपुरे च नागेन्द्रो वसुपुरे वसुन्धरां
vāyupure pratiṣṭhāpya vahnipuro 'gnidevatā / nāgapure ca nāgendro vasupure vasundharāṃ
Sanskrit only: no published translation is held for this verse.
शान्तिपुरे महाश्रीमत्सम्बरं सुगणं तथा । एतान् सर्वान् समाराध्य स आचार्य यथाविधि
śāntipure mahāśrīmatsambaraṃ sugaṇaṃ tathā / etān sarvān samārādhya sa ācārya yathāvidhi
Sanskrit only: no published translation is held for this verse.
महोत्साहैः समभ्यर्च्य प्राभजन् सर्वदा मुदा । एवं कृत्वा स आचार्य शान्तश्रीः कृतकृत्यौ महर्द्धिकः
mahotsāhaiḥ samabhyarcya prābhajan sarvadā mudā / evaṃ kṛtvā sa ācārya śāntaśrīḥ kṛtakṛtyau maharddhikaḥ
Sanskrit only: no published translation is held for this verse.
भद्रश्रीमन्त्रसंसिद्धः सर्वविद्याधिपो ऽभवत् । ततो भूयः स आचार्यो बोधिसत्त्वा महामतिः
bhadraśrīmantrasaṃsiddhaḥ sarvavidyādhipo 'bhavat / tato bhūyaḥ sa ācāryo bodhisattvā mahāmatiḥ
Sanskrit only: no published translation is held for this verse.
सर्वसत्त्वहितोत्साही ध्यात्वैवं समचिन्तयत् । अत्रैवमहमाराध्य सर्वान् देवान् यथाविधि
sarvasattvahitotsāhī dhyātvaivaṃ samacintayat / atraivamahamārādhya sarvān devān yathāvidhi
Sanskrit only: no published translation is held for this verse.
प्रतिष्ठाप्य समभ्यर्च्य महोत्साहैर्भजे मुदा । तथात्र सर्वदा धर्म्मधातुवागीश्वरं सदा
pratiṣṭhāpya samabhyarcya mahotsāhairbhaje mudā / tathātra sarvadā dharmmadhātuvāgīśvaraṃ sadā
Sanskrit only: no published translation is held for this verse.
स्मृत्वा ध्यात्वा समाराध्य संतिष्ठेयं जगद्धिते । इति ध्यात्वा स शान्तश्रीराचार्यस्त्रिगुणार्थभृत्
smṛtvā dhyātvā samārādhya saṃtiṣṭheyaṃ jagaddhite / iti dhyātvā sa śāntaśrīrācāryastriguṇārthabhṛt
Sanskrit only: no published translation is held for this verse.
सर्वसत्त्वहितार्थेन तथावत्रैव नन्दितः । एवं ता देवता भक्त्या भजन्ति ये यथाविधि
sarvasattvahitārthena tathāvatraiva nanditaḥ / evaṃ tā devatā bhaktyā bhajanti ye yathāvidhi
Sanskrit only: no published translation is held for this verse.
ते भद्रश्रीगुणापन्ना भवेयुर्बोधिचारिणः । तद् विशेषफलं चापि शृणु मैत्रेय सांप्रतं
te bhadraśrīguṇāpannā bhaveyurbodhicāriṇaḥ / tad viśeṣaphalaṃ cāpi śṛṇu maitreya sāṃprataṃ
Sanskrit only: no published translation is held for this verse.
सर्व सत्त्वानुबोधार्थ वक्ष्याम्यत्र समासतः । तद्यथा ये समाराध्य सगणां वायुदेवतां
sarva sattvānubodhārtha vakṣyāmyatra samāsataḥ / tadyathā ye samārādhya sagaṇāṃ vāyudevatāṃ
Sanskrit only: no published translation is held for this verse.
यथाविधि समभ्यर्च्य संभजन्ते समादरात् । तेषां वातमहोत्पातभयं क्वापि न विद्यते
yathāvidhi samabhyarcya saṃbhajante samādarāt / teṣāṃ vātamahotpātabhayaṃ kvāpi na vidyate
Sanskrit only: no published translation is held for this verse.
नीरोग्यं श्रीसमापन्नं कामभोज्यं सदा भवे । ये चाप्येवं समाराध्य सगणां वह्निदेवतां
nīrogyaṃ śrīsamāpannaṃ kāmabhojyaṃ sadā bhave / ye cāpyevaṃ samārādhya sagaṇāṃ vahnidevatāṃ
Sanskrit only: no published translation is held for this verse.
यथाविधि समभ्यर्च्य सम्भजन्ते समादरात् । तेषां वह्निमहोत्पातं भयं क्वापि न विद्यते
yathāvidhi samabhyarcya sambhajante samādarāt / teṣāṃ vahnimahotpātaṃ bhayaṃ kvāpi na vidyate
Sanskrit only: no published translation is held for this verse.
परिपुष्टेन्द्रियारोग्य महासौख्यं सदा भवे । ये चाप्येवं समाराध्य सगणां नागदेवतां
paripuṣṭendriyārogya mahāsaukhyaṃ sadā bhave / ye cāpyevaṃ samārādhya sagaṇāṃ nāgadevatāṃ
Sanskrit only: no published translation is held for this verse.
यथाविधि समभ्यर्च्य प्रभजन्ते सदा मुदा । तेषां न विद्यते क्वापि दुर्भिक्षोत्पातजं भयं
yathāvidhi samabhyarcya prabhajante sadā mudā / teṣāṃ na vidyate kvāpi durbhikṣotpātajaṃ bhayaṃ
Sanskrit only: no published translation is held for this verse.
भद्रश्रीरत्नसंपत्तिकामभोज्यं सदा भवे । ये चाप्येवं समाराध्य सगणां श्रीबसुन्धरां
bhadraśrīratnasaṃpattikāmabhojyaṃ sadā bhave / ye cāpyevaṃ samārādhya sagaṇāṃ śrībasundharāṃ
Sanskrit only: no published translation is held for this verse.
यथाविधि समभ्यर्च्य संभजन्ते समादरात् । तेषां दारिद्रयदुःखादि भयं नास्ति कदाचन
yathāvidhi samabhyarcya saṃbhajante samādarāt / teṣāṃ dāridrayaduḥkhādi bhayaṃ nāsti kadācana
Sanskrit only: no published translation is held for this verse.
भद्रश्रीसद्गुणापन्नमहासंपत्सुखं सदा । ये चाप्येवं समाराध्य सगणं सम्बरं जिनं
bhadraśrīsadguṇāpannamahāsaṃpatsukhaṃ sadā / ye cāpyevaṃ samārādhya sagaṇaṃ sambaraṃ jinaṃ
Sanskrit only: no published translation is held for this verse.
यथाविधि समभ्यर्च्य संभजन्ते सदादरात् । तेषां मारापसर्ग्ग च भयं क्वापि न विद्यते
yathāvidhi samabhyarcya saṃbhajante sadādarāt / teṣāṃ mārāpasargga ca bhayaṃ kvāpi na vidyate
Sanskrit only: no published translation is held for this verse.
सद्धर्म्मरत्नसंपत्तिमहैश्वर्यसुखं सदा । ये चेदं चैत्यमाराध्य मञ्जुदेवस्य निर्म्मितं
saddharmmaratnasaṃpattimahaiśvaryasukhaṃ sadā / ye cedaṃ caityamārādhya mañjudevasya nirmmitaṃ
Sanskrit only: no published translation is held for this verse.
यथाविधि समभ्यर्च्य संभजन्ते समादरात् । तद्दुर्भ्भगा दुराचारा दुष्टा स्युर्न कदाचन
yathāvidhi samabhyarcya saṃbhajante samādarāt / taddurbhbhagā durācārā duṣṭā syurna kadācana
Sanskrit only: no published translation is held for this verse.
सर्वे धर्माधिपा नाथा भवेयुः श्रीगुणाकराः । ये चापीदं समाराध्य धर्म्मधातुं जिनालयं
sarve dharmādhipā nāthā bhaveyuḥ śrīguṇākarāḥ / ye cāpīdaṃ samārādhya dharmmadhātuṃ jinālayaṃ
Sanskrit only: no published translation is held for this verse.
यथाविधि समभ्यर्च्य सम्भजन्ते समादरात् । ते सर्व्वे विमलत्मानो भद्रश्रीसद्गुणाश्रयाः
yathāvidhi samabhyarcya sambhajante samādarāt / te sarvve vimalatmāno bhadraśrīsadguṇāśrayāḥ
Sanskrit only: no published translation is held for this verse.
बोधिसत्त्वा महाभिज्ञा भवेयु बोधिचारिणः । य एता देवताः सर्वाः स्मृत्वा ध्यात्वापि सर्वदा
bodhisattvā mahābhijñā bhaveyu bodhicāriṇaḥ / ya etā devatāḥ sarvāḥ smṛtvā dhyātvāpi sarvadā
Sanskrit only: no published translation is held for this verse.
नामापि च समुच्चार्य संभजन्ते समाद्रिताः । ते ऽपि सर्वे न यास्यन्ति दुर्ग्गतिं च कदाचन
nāmāpi ca samuccārya saṃbhajante samādritāḥ / te 'pi sarve na yāsyanti durggatiṃ ca kadācana
Sanskrit only: no published translation is held for this verse.
सदा सद्गतिसंजाता भवेयुः श्रीगुणाश्रयाः । ततस्ते सुकृतारक्ताः सधर्म्मगुणलालसाः
sadā sadgatisaṃjātā bhaveyuḥ śrīguṇāśrayāḥ / tataste sukṛtāraktāḥ sadharmmaguṇalālasāḥ
Sanskrit only: no published translation is held for this verse.
त्रिरत्नशरणं कृत्वा संचरेरन् सदा शुभे । ततस्ते विमलात्मानः परिशुद्धेन्द्रियाशयाः
triratnaśaraṇaṃ kṛtvā saṃcareran sadā śubhe / tataste vimalātmānaḥ pariśuddhendriyāśayāḥ
Sanskrit only: no published translation is held for this verse.
बोधिसत्त्वा महासत्त्वाश्चतुर्ब्रह्मविहारिणः । सर्वसत्त्वहिताधानं चरेयुर्बोधिसम्बरं
bodhisattvā mahāsattvāścaturbrahmavihāriṇaḥ / sarvasattvahitādhānaṃ careyurbodhisambaraṃ
Sanskrit only: no published translation is held for this verse.
ततस्ते बोधिसंभारं पुरयित्वा यथाक्रमं । दशभूमीश्वरा नाथा भवेयुः सुगतात्मजाः
tataste bodhisaṃbhāraṃ purayitvā yathākramaṃ / daśabhūmīśvarā nāthā bhaveyuḥ sugatātmajāḥ
Sanskrit only: no published translation is held for this verse.
ततस्ते निर्म्मलात्मानः संसारगति निःस्पृहाः । अर्हन्तः सवल मारं निर्जित्य स्युर्निरंजनाः
tataste nirmmalātmānaḥ saṃsāragati niḥspṛhāḥ / arhantaḥ savala māraṃ nirjitya syurniraṃjanāḥ
Sanskrit only: no published translation is held for this verse.
त्रिविधां बोधिमासाद्य सद्धर्म्मगुणभास्कराः । सर्वसत्त्वहितार्थेन संबुद्धपदमाप्नुयु
trividhāṃ bodhimāsādya saddharmmaguṇabhāskarāḥ / sarvasattvahitārthena saṃbuddhapadamāpnuyu
Sanskrit only: no published translation is held for this verse.
येप्येतद्गुणमाहात्म्यं श्रुत्वाप्यत्यनुमोदिताः । तथा तत्पुण्यमाहात्म्यं प्रशसन्ति समादरात्
yepyetadguṇamāhātmyaṃ śrutvāpyatyanumoditāḥ / tathā tatpuṇyamāhātmyaṃ praśasanti samādarāt
Sanskrit only: no published translation is held for this verse.
ते ऽपि सर्वे विकल्माषाः परिशुद्धित्रिमण्डलाः । श्रीमन्तः सद्गुणाधारा भवेयु बोधिमानसाः
te 'pi sarve vikalmāṣāḥ pariśuddhitrimaṇḍalāḥ / śrīmantaḥ sadguṇādhārā bhaveyu bodhimānasāḥ
Sanskrit only: no published translation is held for this verse.
न यायुर्दुगतिं क्वापि सदा सद्गतिसम्भवाः । सर्वसत्त्वहितं कृत्वा संचरेरञ्जगद्धिते
na yāyurdugatiṃ kvāpi sadā sadgatisambhavāḥ / sarvasattvahitaṃ kṛtvā saṃcarerañjagaddhite
Sanskrit only: no published translation is held for this verse.
ततः सर्वाधिपास्ते स्यु र्धम्मार्थि संप्रपूरकाः । बोधिसंभारं संपूर्य संबुद्धपदमाप्नुयुः
tataḥ sarvādhipāste syu rdhammārthi saṃprapūrakāḥ / bodhisaṃbhāraṃ saṃpūrya saṃbuddhapadamāpnuyuḥ
Sanskrit only: no published translation is held for this verse.
इति सत्यं परिज्ञाय बौद्धं पदं यदीच्छथ । एतान् देवान् समाराध्य भजध्वं सर्वदा भवे
iti satyaṃ parijñāya bauddhaṃ padaṃ yadīcchatha / etān devān samārādhya bhajadhvaṃ sarvadā bhave
Sanskrit only: no published translation is held for this verse.
एतत्पुण्यानुभावेन यूयमप्येवमाभवं । दुर्ग्गतिं नैव यायात कदाचिन् कुत्रचिद् ध्रुवं
etatpuṇyānubhāvena yūyamapyevamābhavaṃ / durggatiṃ naiva yāyāta kadācin kutracid dhruvaṃ
Sanskrit only: no published translation is held for this verse.
सदा सद्गतिसंजाता भद्रश्रीसद्गुणाश्रयाः । बोधिसत्त्वा महासत्त्वा भवत बोधिचारिणः
sadā sadgatisaṃjātā bhadraśrīsadguṇāśrayāḥ / bodhisattvā mahāsattvā bhavata bodhicāriṇaḥ
Sanskrit only: no published translation is held for this verse.
ततः संबोधिसंभारं पूरयित्वा यथाक्रमं । त्रिविधां बोधिमासाद्य संबुद्धपदमाप्स्यथ
tataḥ saṃbodhisaṃbhāraṃ pūrayitvā yathākramaṃ / trividhāṃ bodhimāsādya saṃbuddhapadamāpsyatha
Sanskrit only: no published translation is held for this verse.
इति मत्वात्र ये लोका र्वाञ्छन्ति सौगतं पदं । स देवान् सगणां सर्वान् समाराध्य भजन्तु ते
iti matvātra ye lokā rvāñchanti saugataṃ padaṃ / sa devān sagaṇāṃ sarvān samārādhya bhajantu te
Sanskrit only: no published translation is held for this verse.
इत्यादिष्टं मुनीन्द्रेण निशम्य ते सभाश्रिताः । सर्वे तथेति विज्ञप्य प्राभ्यनन्दन् प्रबोधिताः
ityādiṣṭaṃ munīndreṇa niśamya te sabhāśritāḥ / sarve tatheti vijñapya prābhyanandan prabodhitāḥ
Sanskrit only: no published translation is held for this verse.
तदा शान्तश्रिया यंस्सं गुप्तिकृतो जिनालयः । इत्यादिश्य मुनीन्द्रो ऽपि समाधिं विद्धेक्षणं
tadā śāntaśriyā yaṃssaṃ guptikṛto jinālayaḥ / ityādiśya munīndro 'pi samādhiṃ viddhekṣaṇaṃ
Sanskrit only: no published translation is held for this verse.