इति स्वयम्भू चैत्याश्रमनामसाधनसुवृष्टिचारणो नामाष्टमो ऽध्यायः । नवम अध्यायः श्रीमहाचार्य शान्तिकरगुणसंसिद्धिमहात्म्यानुभाव प्रकथनप्रवर्तनो नाम अथ मैत्रेय आलोक्य समुत्थाय कृताञ्जलिः । भगवन्तं तमानम्य प्रार्थयच्चैवमादरात्
iti svayambhū caityāśramanāmasādhanasuvṛṣṭicāraṇo nāmāṣṭamo 'dhyāyaḥ / navama adhyāyaḥ śrīmahācārya śāntikaraguṇasaṃsiddhimahātmyānubhāva prakathanapravartano nāma atha maitreya ālokya samutthāya kṛtāñjaliḥ / bhagavantaṃ tamānamya prārthayaccaivamādarāt
Sanskrit only: no published translation is held for this verse.
कदा शान्तिकरं नाम तस्याभवत् कथं पुनः । तद्धेतुं श्रोतुमिच्छामि समुपादेष्टुमर्हति
kadā śāntikaraṃ nāma tasyābhavat kathaṃ punaḥ / taddhetuṃ śrotumicchāmi samupādeṣṭumarhati
Sanskrit only: no published translation is held for this verse.
इति संप्रार्थिते तेन मैत्रेयेण स सर्ववित् । भगवास्तं महासत्त्वं सम्पश्यन्नेवमादिशत्
iti saṃprārthite tena maitreyeṇa sa sarvavit / bhagavāstaṃ mahāsattvaṃ sampaśyannevamādiśat
Sanskrit only: no published translation is held for this verse.
शृणु मैत्रेय वक्ष्यामि शान्तश्रियां महद्गुणं । सद्धर्म्मसाधनोत्साहं भद्रश्रीसद्गुर्णार्थदं
śṛṇu maitreya vakṣyāmi śāntaśriyāṃ mahadguṇaṃ / saddharmmasādhanotsāhaṃ bhadraśrīsadgurṇārthadaṃ
Sanskrit only: no published translation is held for this verse.
यो ऽसौ राजा महासत्त्वः सधर्म्मगुणलालसः । त्यक्त्वा कामसुखं राज्यं तीर्थयात्रामुपाचरत्
yo 'sau rājā mahāsattvaḥ sadharmmaguṇalālasaḥ / tyaktvā kāmasukhaṃ rājyaṃ tīrthayātrāmupācarat
Sanskrit only: no published translation is held for this verse.
स सर्वेष्वपि तीर्थेषु स्नात्वा दानं विधाय च । त्रिसमाधिसमाचारः संचर पोषधं व्रतं
sa sarveṣvapi tīrtheṣu snātvā dānaṃ vidhāya ca / trisamādhisamācāraḥ saṃcara poṣadhaṃ vrataṃ
Sanskrit only: no published translation is held for this verse.
एवं सर्वेषु पीठेषु भ्रमन् सद्धर्म्ममानसः । योगचर्याव्रतं धृत्वा प्रचचार समाहितः
evaṃ sarveṣu pīṭheṣu bhraman saddharmmamānasaḥ / yogacaryāvrataṃ dhṛtvā pracacāra samāhitaḥ
Sanskrit only: no published translation is held for this verse.
पुण्यक्षेत्रेषु सर्वेषु भ्रमन्नैवमिहागताः । दृष्ट्वैमं मण्डलं रम्ये विस्मितं समुपाययौ
puṇyakṣetreṣu sarveṣu bhramannaivamihāgatāḥ / dṛṣṭvaimaṃ maṇḍalaṃ ramye vismitaṃ samupāyayau
Sanskrit only: no published translation is held for this verse.
अत्रैमं दूरतो दृष्ट्वा धर्म्मधातुं जिनालयं । मुदाष्टाङ्गैः प्रणत्वाशुः संद्रष्टुं समुपाययौ
atraimaṃ dūrato dṛṣṭvā dharmmadhātuṃ jinālayaṃ / mudāṣṭāṅgaiḥ praṇatvāśuḥ saṃdraṣṭuṃ samupāyayau
Sanskrit only: no published translation is held for this verse.
समेत्य संमहासत्त्वा ज्योतीरूपं जिनालयं । धर्म्मधातुमिमं दृष्ट्वा प्रणत्वा समुपाश्रयत्
sametya saṃmahāsattvā jyotīrūpaṃ jinālayaṃ / dharmmadhātumimaṃ dṛṣṭvā praṇatvā samupāśrayat
Sanskrit only: no published translation is held for this verse.
ततः समुदितो राजा नेपाले ऽत्र मनोरमे । सर्वत्रापि च संद्रष्टुं प्रचचार विलोकयन्
tataḥ samudito rājā nepāle 'tra manorame / sarvatrāpi ca saṃdraṣṭuṃ pracacāra vilokayan
Sanskrit only: no published translation is held for this verse.
तेषु सर्वेषु तीर्थेषु स्नात्वा दत्वा यथेप्सितं । यथाविधि समाधाय व्रतं चर समाहितः
teṣu sarveṣu tīrtheṣu snātvā datvā yathepsitaṃ / yathāvidhi samādhāya vrataṃ cara samāhitaḥ
Sanskrit only: no published translation is held for this verse.
ततोष्टौ वीतरागांश्च दृष्ट्वा स संप्रमोदितः । यथाविधि समाराध्य समभ्यर्च्य सदाभजन्
tatoṣṭau vītarāgāṃśca dṛṣṭvā sa saṃpramoditaḥ / yathāvidhi samārādhya samabhyarcya sadābhajan
Sanskrit only: no published translation is held for this verse.
ततश्चासौ महादेवी खगाननां महेश्वरीं । यथाविधि समाराध्य समभ्यर्च्याभजन्मुदा
tataścāsau mahādevī khagānanāṃ maheśvarīṃ / yathāvidhi samārādhya samabhyarcyābhajanmudā
Sanskrit only: no published translation is held for this verse.
ततो मञ्जुश्रियश्चैत्यं समीक्ष्य स प्रमोदितः । यथाविधि समभ्यर्च्य प्राभजत् समुपस्थितः
tato mañjuśriyaścaityaṃ samīkṣya sa pramoditaḥ / yathāvidhi samabhyarcya prābhajat samupasthitaḥ
Sanskrit only: no published translation is held for this verse.
ततः श्चैतत्महत्पुण्यैः शान्तिश्रीशुभितेन्द्रियः । प्रवज्या संवरं धृत्वा ब्रह्मचारी बभूव सः
tataḥ ścaitatmahatpuṇyaiḥ śāntiśrīśubhitendriyaḥ / pravajyā saṃvaraṃ dhṛtvā brahmacārī babhūva saḥ
Sanskrit only: no published translation is held for this verse.
यत्तस्य सुप्रशान्तश्रीशोभितानीन्द्रियानि षट् । तं ननाम प्रसिद्धं च शान्तश्रीरित्यभूद्यतः
yattasya supraśāntaśrīśobhitānīndriyāni ṣaṭ / taṃ nanāma prasiddhaṃ ca śāntaśrīrityabhūdyataḥ
Sanskrit only: no published translation is held for this verse.
ततो ऽसौ सत्मतिर्विज्ञो बोधिसत्त्वो जगद्धिते । वज्रचर्याव्रतं गृहय प्रचचार समाहितः
tato 'sau satmatirvijño bodhisattvo jagaddhite / vajracaryāvrataṃ gṛhaya pracacāra samāhitaḥ
Sanskrit only: no published translation is held for this verse.
ततश्च शिलयाछाद्य धर्म्मधातुंमिमं जिनं । इष्टिकाभिर्महत्स्तूपं विधाय समगोपयत्
tataśca śilayāchādya dharmmadhātuṃmimaṃ jinaṃ / iṣṭikābhirmahatstūpaṃ vidhāya samagopayat
Sanskrit only: no published translation is held for this verse.
ततः पञ्चपुरेष्वत्र स्थापिता पञ्च देवताः । मञ्जुश्रीयामिदं चैत्यमनेन च महत्कृतं
tataḥ pañcapureṣvatra sthāpitā pañca devatāḥ / mañjuśrīyāmidaṃ caityamanena ca mahatkṛtaṃ
Sanskrit only: no published translation is held for this verse.
एवं कृत्वात्र कार्याणि सर्वाणि स महामतिः । बोधिसत्त्वा महाभिज्ञः प्रचचार जगद्धिते
evaṃ kṛtvātra kāryāṇi sarvāṇi sa mahāmatiḥ / bodhisattvā mahābhijñaḥ pracacāra jagaddhite
Sanskrit only: no published translation is held for this verse.
ततश्चात्र महत्पातं शमीकृत्य समंततः । भद्रश्रीमङ्गलोत्साहं न शान्तश्रीःस्सदा व्यधात्
tataścātra mahatpātaṃ śamīkṛtya samaṃtataḥ / bhadraśrīmaṅgalotsāhaṃ na śāntaśrīḥssadā vyadhāt
Sanskrit only: no published translation is held for this verse.
ततश्चासौ महाभिज्ञो दुर्वृष्टि परिवर्त्तते । नागराजान् समाराध्य सुवृष्टि समचारयत्
tataścāsau mahābhijño durvṛṣṭi parivarttate / nāgarājān samārādhya suvṛṣṭi samacārayat
Sanskrit only: no published translation is held for this verse.
एवं स त्रिगुणाभिज्ञां महोत्पात प्रशान्तिकृत् । शुभंकर सदा तेन शान्तिकरे इति स्मृतः
evaṃ sa triguṇābhijñāṃ mahotpāta praśāntikṛt / śubhaṃkara sadā tena śāntikare iti smṛtaḥ
Sanskrit only: no published translation is held for this verse.
ईदृग्मन्त्री महाभिज्ञो वज्राचार्या महामतिः । समृद्धिसिद्धिसंपन्ना न भूता न भविष्यति
īdṛgmantrī mahābhijño vajrācāryā mahāmatiḥ / samṛddhisiddhisaṃpannā na bhūtā na bhaviṣyati
Sanskrit only: no published translation is held for this verse.
एवं विधाय सर्वत्र निरुत्पातं शुभोत्सवं । बोधिसत्त्व स शान्तश्रीस्त्रैलोक्यमहितोभवत्
evaṃ vidhāya sarvatra nirutpātaṃ śubhotsavaṃ / bodhisattva sa śāntaśrīstrailokyamahitobhavat
Sanskrit only: no published translation is held for this verse.
एवमस्य महत्पुण्यं भद्रश्रीगुणसाधनं । विज्ञाय शरणं गत्वा सवितव्यं शुभार्थिभिः
evamasya mahatpuṇyaṃ bhadraśrīguṇasādhanaṃ / vijñāya śaraṇaṃ gatvā savitavyaṃ śubhārthibhiḥ
Sanskrit only: no published translation is held for this verse.
यद्यस्य शरणं गत्वा श्रद्धया समुपाश्रिताः । यथाविधि समाराध्य भजेयुः सर्वदा मुदा
yadyasya śaraṇaṃ gatvā śraddhayā samupāśritāḥ / yathāvidhi samārādhya bhajeyuḥ sarvadā mudā
Sanskrit only: no published translation is held for this verse.
ते सर्वे विमलत्मानो निःक्लेशा विजितेन्द्रियाः । भद्रश्रीगुणसंपत्तिं सर्द्धिसिद्धिं समाययुः
te sarve vimalatmāno niḥkleśā vijitendriyāḥ / bhadraśrīguṇasaṃpattiṃ sarddhisiddhiṃ samāyayuḥ
Sanskrit only: no published translation is held for this verse.
ये च तस्य सदा स्मृत्वा ध्यात्वापि च समाहिताः । नामापि च समुच्चार्य भजेयुः श्रद्धया सदा
ye ca tasya sadā smṛtvā dhyātvāpi ca samāhitāḥ / nāmāpi ca samuccārya bhajeyuḥ śraddhayā sadā
Sanskrit only: no published translation is held for this verse.
ते ऽपि सर्वे विकल्माषाः परिशुद्धत्रिमण्डलाः । तद्गुणश्रीसमापन्ना भवेयु बोधिचारिणः
te 'pi sarve vikalmāṣāḥ pariśuddhatrimaṇḍalāḥ / tadguṇaśrīsamāpannā bhaveyu bodhicāriṇaḥ
Sanskrit only: no published translation is held for this verse.
इत्येवं तत्महत्पुण्यं विज्ञाय तद्गुणार्थिनः । तस्यैव शरणं गत्वा भजन्तु ते सदा मुदा
ityevaṃ tatmahatpuṇyaṃ vijñāya tadguṇārthinaḥ / tasyaiva śaraṇaṃ gatvā bhajantu te sadā mudā
Sanskrit only: no published translation is held for this verse.
इत्यादिष्टं मुनीन्द्रेण सर्वे ऽपि ते सभाश्रिताः । लोकास्तथेति विज्ञप्य प्राभ्यनन्दन् प्रबोधिताः
ityādiṣṭaṃ munīndreṇa sarve 'pi te sabhāśritāḥ / lokāstatheti vijñapya prābhyanandan prabodhitāḥ
Sanskrit only: no published translation is held for this verse.
एवमसौ महासत्त्वो भद्रश्रीसद्गुणार्थभृत् ॥ सर्वसत्त्वहितं कृत्वा संतस्थे सुचिरं तथा
evamasau mahāsattvo bhadraśrīsadguṇārthabhṛt // sarvasattvahitaṃ kṛtvā saṃtasthe suciraṃ tathā
Sanskrit only: no published translation is held for this verse.
ततः काले गते राजा वृद्धोभिजीर्ण्णितेन्द्रियः । निःक्लेशो विरताभागो ध्यात्वैव समचिन्तयत्
tataḥ kāle gate rājā vṛddhobhijīrṇṇitendriyaḥ / niḥkleśo viratābhāgo dhyātvaiva samacintayat
Sanskrit only: no published translation is held for this verse.
अहं वृद्धोतिजीर्ण्णाङ्गः स्थास्याम्येवं कियाच्चरं । अवश्यं दैवयोगेण यास्यामि मरणं ध्रुवं
ahaṃ vṛddhotijīrṇṇāṅgaḥ sthāsyāmyevaṃ kiyāccaraṃ / avaśyaṃ daivayogeṇa yāsyāmi maraṇaṃ dhruvaṃ
Sanskrit only: no published translation is held for this verse.
तदत्राहं स्वपुत्राय यूने लोकानुपालने । साभिषेकमिदं राज्यं दातुमर्हामि साम्प्रतं
tadatrāhaṃ svaputrāya yūne lokānupālane / sābhiṣekamidaṃ rājyaṃ dātumarhāmi sāmprataṃ
Sanskrit only: no published translation is held for this verse.
इति ध्यात्वा स भूपालो नरेन्द्रदेवमात्मजं । अभिषिंच्य नृपं कृत्वा बोधयन्नेवमंन्वशात्
iti dhyātvā sa bhūpālo narendradevamātmajaṃ / abhiṣiṃcya nṛpaṃ kṛtvā bodhayannevamaṃnvaśāt
Sanskrit only: no published translation is held for this verse.
राजन् पुत्र समाधाय धर्मनीत्या समाचरन् । त्रिरत्नभजनं कृत्वा संचरस्व सदा शुभे
rājan putra samādhāya dharmanītyā samācaran / triratnabhajanaṃ kṛtvā saṃcarasva sadā śubhe
Sanskrit only: no published translation is held for this verse.
अद्यारभ्यासि सर्वेषां लोकानामधिपः प्रभुः । सर्वधर्मानुशास्ता च सर्वसत्त्वहितार्थभृत्
adyārabhyāsi sarveṣāṃ lokānāmadhipaḥ prabhuḥ / sarvadharmānuśāstā ca sarvasattvahitārthabhṛt
Sanskrit only: no published translation is held for this verse.
तदत्र सकलान् लोकान् धर्मनीत्यानुपालयन् । त्रिरत्नभजनं कृत्वा संचरंस्व सदा शुभे
tadatra sakalān lokān dharmanītyānupālayan / triratnabhajanaṃ kṛtvā saṃcaraṃsva sadā śubhe
Sanskrit only: no published translation is held for this verse.
इत्यनुशास्य तन्पुत्रं पिता स भवनिस्पृहः । सर्वपरिग्रहान्स्त्यक्त्वा वनप्रस्थसमाश्रयन्
ityanuśāsya tanputraṃ pitā sa bhavanispṛhaḥ / sarvaparigrahānstyaktvā vanaprasthasamāśrayan
Sanskrit only: no published translation is held for this verse.
तत्रस्थासौ महाभिज्ञः परिशुद्धित्रिमण्डलः । समाधिनिहितः स्वान्तः ससंचरे बह्मसंबरं
tatrasthāsau mahābhijñaḥ pariśuddhitrimaṇḍalaḥ / samādhinihitaḥ svāntaḥ sasaṃcare bahmasaṃbaraṃ
Sanskrit only: no published translation is held for this verse.
ततः काले गते मृत्युसमये स समाहितः । त्रिरत्नं स स्मरंस्त्यक्त्वा देहं ययौ सुखावतीं
tataḥ kāle gate mṛtyusamaye sa samāhitaḥ / triratnaṃ sa smaraṃstyaktvā dehaṃ yayau sukhāvatīṃ
Sanskrit only: no published translation is held for this verse.
ततः स नृपती राजा नरेन्द्रदेव इन्द्रवत् । संबोधयन् प्रयत्नेन सर्वान् लोकानपालयत्
tataḥ sa nṛpatī rājā narendradeva indravat / saṃbodhayan prayatnena sarvān lokānapālayat
Sanskrit only: no published translation is held for this verse.
सो ऽपि राजा विशुद्धात्मा सद्धर्म्मगुणलालसः । शान्तिकरं तमाचार्य समेत्य शरणं ययौ
so 'pi rājā viśuddhātmā saddharmmaguṇalālasaḥ / śāntikaraṃ tamācārya sametya śaraṇaṃ yayau
Sanskrit only: no published translation is held for this verse.
तत्र स समुपाश्रित्य शास्तुराज्ञां शिरोवहन् । त्रिरत्नभजनं कृत्वा प्राचरत् सर्वदा शुभे
tatra sa samupāśritya śāsturājñāṃ śirovahan / triratnabhajanaṃ kṛtvā prācarat sarvadā śubhe
Sanskrit only: no published translation is held for this verse.
सदा सर्वेषु तीर्थेषु स्नानं कृत्वा यथाविधि । पित्रेभ्यः प्रददौ पिण्डंमर्थिभ्यो ऽपि यथेप्सितं
sadā sarveṣu tīrtheṣu snānaṃ kṛtvā yathāvidhi / pitrebhyaḥ pradadau piṇḍaṃmarthibhyo 'pi yathepsitaṃ
Sanskrit only: no published translation is held for this verse.
तथाष्टौ वीतरागांश्च क्षत्रलोकाधिपामपि । यथाविधि समाराध्य समार्चयत् स पर्वसुः
tathāṣṭau vītarāgāṃśca kṣatralokādhipāmapi / yathāvidhi samārādhya samārcayat sa parvasuḥ
Sanskrit only: no published translation is held for this verse.
तथा च श्रीमहादेवीं खगाननां यथाविधि । समाराध्य समभ्यर्च्य महोत्साहैर्मुदाभजत्
tathā ca śrīmahādevīṃ khagānanāṃ yathāvidhi / samārādhya samabhyarcya mahotsāhairmudābhajat
Sanskrit only: no published translation is held for this verse.
तथा मञ्जुश्रीयश्चैत्ये पृच्छाग्रेस्मिन्नुपाश्रयत् । यथाविधि समाराध्य समभ्यर्च्याभजत् सदा
tathā mañjuśrīyaścaitye pṛcchāgresminnupāśrayat / yathāvidhi samārādhya samabhyarcyābhajat sadā
Sanskrit only: no published translation is held for this verse.
तथा वायुपुरे वायुदेवताः सगणा अपि । यथाविधि समाराध्य समभ्यर्च्याभजत् सदा
tathā vāyupure vāyudevatāḥ sagaṇā api / yathāvidhi samārādhya samabhyarcyābhajat sadā
Sanskrit only: no published translation is held for this verse.
तथा वह्निपुरे वह्निदेवताः सगणा अपि । यथाविधि समाराध्य समभ्यर्च्याभजत् सदा
tathā vahnipure vahnidevatāḥ sagaṇā api / yathāvidhi samārādhya samabhyarcyābhajat sadā
Sanskrit only: no published translation is held for this verse.
तथा नागपुरे नागदेवताः सगणा अपि । यथाविधि समाराध्य समभ्यर्च्याभजत् सदा
tathā nāgapure nāgadevatāḥ sagaṇā api / yathāvidhi samārādhya samabhyarcyābhajat sadā
Sanskrit only: no published translation is held for this verse.
तथा वसुपुरे देवीं वसुधारां समण्डलाम् । यथाविधि समाराध्य समभ्यर्च्या सदाभजत्
tathā vasupure devīṃ vasudhārāṃ samaṇḍalām / yathāvidhi samārādhya samabhyarcyā sadābhajat
Sanskrit only: no published translation is held for this verse.
तथा शान्तिपुरे श्रीमत्सम्बरं सगणं जिनं । यथाविधि समाराध्य समभ्यर्च्या सदाभजत्
tathā śāntipure śrīmatsambaraṃ sagaṇaṃ jinaṃ / yathāvidhi samārādhya samabhyarcyā sadābhajat
Sanskrit only: no published translation is held for this verse.
तथा तस्य धर्मधातोः स नरेन्द्रः समुपाश्रितः । यथाविधि समाराध्य प्राभजन् सर्वदार्चयन्
tathā tasya dharmadhātoḥ sa narendraḥ samupāśritaḥ / yathāvidhi samārādhya prābhajan sarvadārcayan
Sanskrit only: no published translation is held for this verse.
एवं स नृपती राजा सद्धर्मगुणलालसः । त्रिरत्नभजनं कृत्वा संप्राचरत् सदा शुभे
evaṃ sa nṛpatī rājā saddharmaguṇalālasaḥ / triratnabhajanaṃ kṛtvā saṃprācarat sadā śubhe
Sanskrit only: no published translation is held for this verse.
एवं स नृप एतेषु तीर्थयात्रादिकर्मसु । बोधयित्वा प्रयत्नेन सर्वान् लोकान् यया जयत्
evaṃ sa nṛpa eteṣu tīrthayātrādikarmasu / bodhayitvā prayatnena sarvān lokān yayā jayat
Sanskrit only: no published translation is held for this verse.
तथा सर्वे ऽपि ते लोका धृत्वा नृपानुशासनं । एतेषु तीर्थयात्रादिकर्मसु संप्रचेरिरे
tathā sarve 'pi te lokā dhṛtvā nṛpānuśāsanaṃ / eteṣu tīrthayātrādikarmasu saṃpracerire
Sanskrit only: no published translation is held for this verse.
तथाष्टौ वीतरागांश्च देवीं खगाननामपि । पञ्चैता देवताश्चापि चैत्यं मञ्जुश्रियो ऽपि च
tathāṣṭau vītarāgāṃśca devīṃ khagānanāmapi / pañcaitā devatāścāpi caityaṃ mañjuśriyo 'pi ca
Sanskrit only: no published translation is held for this verse.
जगदीशं जगन्नाथं धर्मधातुं जिनालयं । यथाविधि समभ्यर्च्य प्राभजन्त सदा मुदा
jagadīśaṃ jagannāthaṃ dharmadhātuṃ jinālayaṃ / yathāvidhi samabhyarcya prābhajanta sadā mudā
Sanskrit only: no published translation is held for this verse.
एतद्धर्मानुभावेन सर्वदात्र सुमङ्गलं । निरुत्पातं महोत्साहं प्रावर्त्तत समन्ततः
etaddharmānubhāvena sarvadātra sumaṅgalaṃ / nirutpātaṃ mahotsāhaṃ prāvarttata samantataḥ
Sanskrit only: no published translation is held for this verse.
एवं स नृपती राजा नरेन्द्र देव आत्मनः । बोधिचर्याः व्रतं धृत्वा संप्रचर जगद्धिते
evaṃ sa nṛpatī rājā narendra deva ātmanaḥ / bodhicaryāḥ vrataṃ dhṛtvā saṃpracara jagaddhite
Sanskrit only: no published translation is held for this verse.
परानपि तथा सर्वान् लोकान् यत्नेन बोधयन् । बोधिमार्गे समायुज्य प्राचारयज्जगद्धिते
parānapi tathā sarvān lokān yatnena bodhayan / bodhimārge samāyujya prācārayajjagaddhite
Sanskrit only: no published translation is held for this verse.
एवं स इन्द्रवद् राज बोधिसत्त्वा जगत्प्रभुः । सर्वसत्त्वहितं कृत्वा तस्थौ चिरं शुभे रमन्
evaṃ sa indravad rāja bodhisattvā jagatprabhuḥ / sarvasattvahitaṃ kṛtvā tasthau ciraṃ śubhe raman
Sanskrit only: no published translation is held for this verse.
ततः श्रीमान् स आचार्यः शान्तिकरो महर्द्धिकः । कृतकृत्यः प्रवृद्धो ऽपि निर्वातुं नाभिवांछति
tataḥ śrīmān sa ācāryaḥ śāntikaro maharddhikaḥ / kṛtakṛtyaḥ pravṛddho 'pi nirvātuṃ nābhivāṃchati
Sanskrit only: no published translation is held for this verse.
सर्वसत्त्वहिताकांक्षी शान्तिपुराग्रताधसि । ध्यानागारे महोद्दारे याजनैक प्रमाणिके
sarvasattvahitākāṃkṣī śāntipurāgratādhasi / dhyānāgāre mahoddāre yājanaika pramāṇike
Sanskrit only: no published translation is held for this verse.
आरोप्य श्रीमहोज्वाले चिन्तामणि महाध्वजं । स प्राज्ञः स महासत्त्वो बोधिसत्त्वा जिनात्मजः
āropya śrīmahojvāle cintāmaṇi mahādhvajaṃ / sa prājñaḥ sa mahāsattvo bodhisattvā jinātmajaḥ
Sanskrit only: no published translation is held for this verse.
समाधिधारणीविद्यायोगध्यानसमाहितः । सम्बोधिप्रणिधिं धृत्वा तस्थौ निश्चरमानसः
samādhidhāraṇīvidyāyogadhyānasamāhitaḥ / sambodhipraṇidhiṃ dhṛtvā tasthau niścaramānasaḥ
Sanskrit only: no published translation is held for this verse.
यदा सद्धर्म्महीणे ऽत्र लोकपंच कषायिते । तदोत्थाय समाधेः स सद्धर्म्म देशयिष्यति
yadā saddharmmahīṇe 'tra lokapaṃca kaṣāyite / tadotthāya samādheḥ sa saddharmma deśayiṣyati
Sanskrit only: no published translation is held for this verse.
यदा यदात्र सत्मित्रः शास्त्रा विद्याधिपा न हि । तदा तदा न सन्मित्रः शास्त्राविद्याधिपोभवन्
yadā yadātra satmitraḥ śāstrā vidyādhipā na hi / tadā tadā na sanmitraḥ śāstrāvidyādhipobhavan
Sanskrit only: no published translation is held for this verse.
सर्वान्लोकान् प्रयत्नेन निवार्य पापमार्गतः । बोधिमार्गे प्रतिष्ठाप्य चारयिष्यति सद्धर्मे
sarvānlokān prayatnena nivārya pāpamārgataḥ / bodhimārge pratiṣṭhāpya cārayiṣyati saddharme
Sanskrit only: no published translation is held for this verse.
एवं ध्यात्वा स आचार्यः शान्तिकरः समाधिभृत् । सर्वसत्त्वहितार्थेन तस्थौ योगसमाहितः
evaṃ dhyātvā sa ācāryaḥ śāntikaraḥ samādhibhṛt / sarvasattvahitārthena tasthau yogasamāhitaḥ
Sanskrit only: no published translation is held for this verse.
एवं स त्रिगुणाचार्यः सर्वसत्त्वहितार्थभृत् । बोधिसत्त्वमहाभिज्ञ तिष्ठ तत्र जगद्धित
evaṃ sa triguṇācāryaḥ sarvasattvahitārthabhṛt / bodhisattvamahābhijña tiṣṭha tatra jagaddhita
Sanskrit only: no published translation is held for this verse.
ये तस्य शरणं गत्वा स्मृत्वा ध्यात्वा समादरात् । नामापि च समुच्चार्यं भजन्ति श्रद्धया सदा
ye tasya śaraṇaṃ gatvā smṛtvā dhyātvā samādarāt / nāmāpi ca samuccāryaṃ bhajanti śraddhayā sadā
Sanskrit only: no published translation is held for this verse.
ते ऽपि सर्वे महाभिज्ञा बोधिसत्त्वा विचक्षणाः । भद्रश्रीगुणसंपन्ना भविष्यन्ति सदा भवे
te 'pi sarve mahābhijñā bodhisattvā vicakṣaṇāḥ / bhadraśrīguṇasaṃpannā bhaviṣyanti sadā bhave
Sanskrit only: no published translation is held for this verse.
ततस्ते विमलात्मानश्चतुर्ब्रह्मविहारिणः । बोधिचर्याव्रतं धृत्वा चरिष्यन्ति जगद्धिते
tataste vimalātmānaścaturbrahmavihāriṇaḥ / bodhicaryāvrataṃ dhṛtvā cariṣyanti jagaddhite
Sanskrit only: no published translation is held for this verse.
ततस्ते बोधिसंभारं पूरयित्वा यथाक्रमं । अर्हन्तो बोधिमासाद्य प्राप्स्यन्ति सौगतं पदं
tataste bodhisaṃbhāraṃ pūrayitvā yathākramaṃ / arhanto bodhimāsādya prāpsyanti saugataṃ padaṃ
Sanskrit only: no published translation is held for this verse.
ये च तद्गुणमाहात्म्यं शृण्वन्ति श्रद्धया मुदा । ते ऽपि तद्गुण संपत्ति संसिद्धिं समवाप्नुयुः
ye ca tadguṇamāhātmyaṃ śṛṇvanti śraddhayā mudā / te 'pi tadguṇa saṃpatti saṃsiddhiṃ samavāpnuyuḥ
Sanskrit only: no published translation is held for this verse.
इति विज्ञाय वाञ्छन्ति यस्तस्य गुणसंपद । ते सद्गुणमाहात्म्यं श्रोतुमर्हति सादरं
iti vijñāya vāñchanti yastasya guṇasaṃpada / te sadguṇamāhātmyaṃ śrotumarhati sādaraṃ
Sanskrit only: no published translation is held for this verse.
इत्यादिष्टं मुणीन्द्रेन श्रुत्वा सर्वसभाश्रिताः । लोकास्तथेति संश्रुत्य प्राभ्यनन्दन् प्रबोधिताः
ityādiṣṭaṃ muṇīndrena śrutvā sarvasabhāśritāḥ / lokāstatheti saṃśrutya prābhyanandan prabodhitāḥ
Sanskrit only: no published translation is held for this verse.