Rudradeva: Śyainika-śāstra (on hawking) 7

एवं विहृत्य परितः श्रान्तो विश्राममर्हति प्रच्छाये कमलामोदमेदुरानिलवीजिते

evaṃ vihṛtya paritaḥ śrānto viśrāmamarhati pracchāye kamalāmodamedurānilavījite

Sanskrit only: no published translation is held for this verse.

परावृत्त्य ततः सर्वे ये ऽन्ये मण्डलचारिणः तेषां प्रधानपुरुषा नायकोपार्जितं च यत्

parāvṛttya tataḥ sarve ye 'nye maṇḍalacāriṇaḥ teṣāṃ pradhānapuruṣā nāyakopārjitaṃ ca yat

Sanskrit only: no published translation is held for this verse.

आखेटे तदुपानीय श्येनादीनां च चेष्टितम् निवेदयेयुरखिलं विनोदाय प्रभोः पुरः

ākheṭe tadupānīya śyenādīnāṃ ca ceṣṭitam nivedayeyurakhilaṃ vinodāya prabhoḥ puraḥ

Sanskrit only: no published translation is held for this verse.

तद्द्वारा श्येनिकानां च तत्तन्मण्डलचारिणाम् सत्कारादि प्रभुरपि कुर्यात् प्रोत्साहवृद्धये

taddvārā śyenikānāṃ ca tattanmaṇḍalacāriṇām satkārādi prabhurapi kuryāt protsāhavṛddhaye

Sanskrit only: no published translation is held for this verse.

भुक्तपीतान् सुखच्छाये बद्ध्वा श्येनान् तुरंगमान् स्वयं विविक्ते सेवेत गात्रसंवाहनक्रियाम्

bhuktapītān sukhacchāye baddhvā śyenān turaṃgamān svayaṃ vivikte seveta gātrasaṃvāhanakriyām

Sanskrit only: no published translation is held for this verse.

वल्गुवल्गितहंसानां शृण्वन् स्वनमनुत्तमम् तन्त्रीगीतादि हृदयहारि चैव नयेत् क्षणम्

valguvalgitahaṃsānāṃ śṛṇvan svanamanuttamam tantrīgītādi hṛdayahāri caiva nayet kṣaṇam

Sanskrit only: no published translation is held for this verse.

ततः स्नातोऽनुलिप्तश्च मुक्तास्रग्वसनोज्ज्वलः कृताह्निकः सुकुसुमैर्यथावत्समलंकृतः

tataḥ snāto'nuliptaśca muktāsragvasanojjvalaḥ kṛtāhnikaḥ sukusumairyathāvatsamalaṃkṛtaḥ

Sanskrit only: no published translation is held for this verse.

शुचिहंसोदरचिनीपानकेन हतक्लमः धतस्तु प्रसन्नात्मा भिषग्भिरनुमोदितः

śucihaṃsodaracinīpānakena hataklamaḥ dhatastu prasannātmā bhiṣagbhiranumoditaḥ

Sanskrit only: no published translation is held for this verse.

गरुत्मतोर्मिकायुक्तो याङ्गुलीविद्भिषग्वृतः दत्त्वाश्वेभ्यो वयोभ्यश्च परीक्षार्थं पुरैव हि

garutmatormikāyukto yāṅgulīvidbhiṣagvṛtaḥ dattvāśvebhyo vayobhyaśca parīkṣārthaṃ puraiva hi

Sanskrit only: no published translation is held for this verse.

तज्ज्ञैरुपाहृतान् भक्ष्यान् साधुशूल्यामिषाणि च कुन्दप्रभाणि भक्तानि भक्षयेदनुयायिभिः

tajjñairupāhṛtān bhakṣyān sādhuśūlyāmiṣāṇi ca kundaprabhāṇi bhaktāni bhakṣayedanuyāyibhiḥ

Sanskrit only: no published translation is held for this verse.

ताम्बूलाद्युपयुज्याथ शान्ततेजसि भास्वति स्वावासाय समागच्छेत् कथाः कुर्वन् पृथग्विधाः

tāmbūlādyupayujyātha śāntatejasi bhāsvati svāvāsāya samāgacchet kathāḥ kurvan pṛthagvidhāḥ

Sanskrit only: no published translation is held for this verse.

कुह्याम् उपकथं क्रौञ्चो धूत्या लावो ऽतिगर्ववान् नैकधा वाजिना सोऽयं तृणबर्हिर्यथा हतः

kuhyām upakathaṃ krauñco dhūtyā lāvo 'tigarvavān naikadhā vājinā so'yaṃ tṛṇabarhiryathā hataḥ

Sanskrit only: no published translation is held for this verse.

शिकारेणामुना ब्रूमः कथं तित्तिरिनिग्रहः श्येनिकेनामुना मोकः सोल्लासस्फूर्जितस्ततः

śikāreṇāmunā brūmaḥ kathaṃ tittirinigrahaḥ śyenikenāmunā mokaḥ sollāsasphūrjitastataḥ

Sanskrit only: no published translation is held for this verse.

तथाधमेनामुना तु तिर्यक् क्षिप्तो न चोत्थितः एतस्य पत्री न तथा विरोधमुपपद्यते

tathādhamenāmunā tu tiryak kṣipto na cotthitaḥ etasya patrī na tathā virodhamupapadyate

Sanskrit only: no published translation is held for this verse.

वर्जयेत् सर्वमांसानि धर्मो ह्यत्र विधीयते मांसं तु [॥। औ३ लेत्तेरौस्झ्झ्] सर्वराजभिः

varjayet sarvamāṃsāni dharmo hyatra vidhīyate māṃsaṃ tu [... au3 letterausjhjh] sarvarājabhiḥ

Sanskrit only: no published translation is held for this verse.

सर्वभूतात्मभूतैस्तैः [॥। औ२ लेत्तेरौस्झ्झ्] परावरैः नाभागेनाम्बरीषेण रामेण च महात्मना

sarvabhūtātmabhūtaistaiḥ [... au2 letterausjhjh] parāvaraiḥ nābhāgenāmbarīṣeṇa rāmeṇa ca mahātmanā

Sanskrit only: no published translation is held for this verse.

ऐलेन पृथुना चैव वीरसेनेन चैव हि हर्यश्वेन च राजेन्द्र भूपेन भरतेन च

ailena pṛthunā caiva vīrasenena caiva hi haryaśvena ca rājendra bhūpena bharatena ca

Sanskrit only: no published translation is held for this verse.

एतैश्चान्यैश्च राजेन्द्र पुरा मांसं न भक्षितम् शारदे कौमुदपक्षे ततस्ते स्वर्गमाप्नुवन्

etaiścānyaiśca rājendra purā māṃsaṃ na bhakṣitam śārade kaumudapakṣe tataste svargamāpnuvan

Sanskrit only: no published translation is held for this verse.

ब्रह्मलोके च तिष्ठन्ति कल्पमानाः स्त्रिया वृताः यथा तत्रैव विहिता मृगयान्यत्र कौमुदात्

brahmaloke ca tiṣṭhanti kalpamānāḥ striyā vṛtāḥ yathā tatraiva vihitā mṛgayānyatra kaumudāt

Sanskrit only: no published translation is held for this verse.

अनिषिद्धात् त्वन्यदा सा तत्रैव परिवर्जयेत् प्रजानां हितकामेन ह्यगस्त्येन महात्मना

aniṣiddhāt tvanyadā sā tatraiva parivarjayet prajānāṃ hitakāmena hyagastyena mahātmanā

Sanskrit only: no published translation is held for this verse.

आरण्याः सर्वदैवत्याः प्रोक्षिताः तामसा मृगाः

āraṇyāḥ sarvadaivatyāḥ prokṣitāḥ tāmasā mṛgāḥ

Sanskrit only: no published translation is held for this verse.

युक्त्या शरदि सेवेत यथाच्छन्दं हिमागमे वसन्ते तु प्रकर्षेण बलारोग्यमभीप्सुभिः

yuktyā śaradi seveta yathācchandaṃ himāgame vasante tu prakarṣeṇa balārogyamabhīpsubhiḥ

Sanskrit only: no published translation is held for this verse.

धनुर्वेदाभ्यासः समविधिरनूनश्च लघुता गतेर्गात्रोत्साहः तुरगविहृतौ चातिपटुता तथा नीतेर्योगे रसपरिचयश्चाप्यनुपमो मृगव्यायां क्षात्रो गुणसमुदयो ऽभ्यस्यत इव

dhanurvedābhyāsaḥ samavidhiranūnaśca laghutā gatergātrotsāhaḥ turagavihṛtau cātipaṭutā tathā nīteryoge rasaparicayaścāpyanupamo mṛgavyāyāṃ kṣātro guṇasamudayo 'bhyasyata iva

Sanskrit only: no published translation is held for this verse.

इति श्रीरुद्रदेवविरचिते श्यैनिके शास्त्रे मृगयानन्तरेतिकर्तव्यता परिच्छेदः सप्तमः

iti śrīrudradevaviracite śyainike śāstre mṛgayānantaretikartavyatā paricchedaḥ saptamaḥ

Sanskrit only: no published translation is held for this verse.