अग्निरसि वैश्वानरोऽसि । संवत्सरोऽसि परिवत्सरोऽसि । इदावत्सरोऽसीदुवत्सरोऽसि । इद्वत्सरोऽसि वत्सरोऽसि । तस्य ते वसन्तः शिरः । ग्रीष्मो दक्षिणः पक्षः । वर्षाः पुच्छम् । शरदुत्तरः पक्षः । हेमन्तो मध्यम् । पूर्वपक्षाश्चितयः । अपरपक्षाः पुरीषम् । अहोरात्राणीष्टकाः । तस्य ते मासाश्चार्धमासाश्च कल्पन्ताम् । ऋतवस्ते कल्पन्ताम् । संवत्सरस्ते कल्पन्ताम् । अहोरात्राणि ते कल्पन्ताम् । एति प्रेति वीति समित्युदिति । प्रजापतिस्त्वा सादयतु । तया देवतयाऽङ्गिरस्वद्ध्रुवः सीद १
agnirasi vaiśvānaro'si | saṃvatsaro'si parivatsaro'si | idāvatsaro'sīduvatsaro'si | idvatsaro'si vatsaro'si | tasya te vasantaḥ śiraḥ | grīṣmo dakṣiṇaḥ pakṣaḥ | varṣāḥ puccham | śaraduttaraḥ pakṣaḥ | hemanto madhyam | pūrvapakṣāścitayaḥ | aparapakṣāḥ purīṣam | ahorātrāṇīṣṭakāḥ | tasya te māsāścārdhamāsāśca kalpantām | ṛtavaste kalpantām | saṃvatsaraste kalpantām | ahorātrāṇi te kalpantām | eti preti vīti samityuditi | prajāpatistvā sādayatu | tayā devatayā'ṅgirasvaddhruvaḥ sīda 1
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.