Library·Rasādhyaya, 1-302+com with Ṭīkā·20

Rasādhyaya, 1-302+com with Ṭīkā 20

Tika 20.1

पूर्वस्मिन् योगे पातनसंस्कारार्थं ताम्रात्सूतः सूताच् च ताम्रं पृथक् सप्तवारकृतम्

pūrvasmin yoge pātanasaṃskārārthaṃ tāmrātsūtaḥ sūtāc ca tāmraṃ pṛthak saptavārakṛtam

Sanskrit only: no published translation is held for this verse.

Tika 20.2

इहापि योगे तदेव करिष्यते परं तत्र पातनायेहैव पातितस्योत्थापनायेति विशेषः

ihāpi yoge tadeva kariṣyate paraṃ tatra pātanāyehaiva pātitasyotthāpanāyeti viśeṣaḥ

Sanskrit only: no published translation is held for this verse.

Tika 20.3

तच् चैवम्

tac caivam

Sanskrit only: no published translation is held for this verse.

Tika 20.4

रसपल६६ ताम्रचूर्णपल१६ लवणपल२ सर्वं निम्बुकरसे मृदित्वा पूर्ववत्पीठीं कृत्वा स्थालिकायां क्षिप्त्वोपरि च मध्ये मुखस्थालीं दत्त्वा द्वयोर्मुखयोगे कर्पटमृत्तिकया लिप्यते

rasapala66 tāmracūrṇapala16 lavaṇapala2 sarvaṃ nimbukarase mṛditvā pūrvavatpīṭhīṃ kṛtvā sthālikāyāṃ kṣiptvopari ca madhye mukhasthālīṃ dattvā dvayormukhayoge karpaṭamṛttikayā lipyate

Sanskrit only: no published translation is held for this verse.

Tika 20.5

एष डमरुकनामा विद्याधरनामा च यन्त्र उच्यते

eṣa ḍamarukanāmā vidyādharanāmā ca yantra ucyate

Sanskrit only: no published translation is held for this verse.

Tika 20.6

ततो या उपरि स्थाली तस्या बुन्धे बाह्यपार्श्वे गोमयं दत्त्वाधस्तनस्थबुन्धाधो याममात्रं मृदुवह्निर् ज्वालनीयः

tato yā upari sthālī tasyā bundhe bāhyapārśve gomayaṃ dattvādhastanasthabundhādho yāmamātraṃ mṛduvahnir jvālanīyaḥ

Sanskrit only: no published translation is held for this verse.

Tika 20.7

ततः सूत उड्डीयोपरितनस्थाल्यां याति

tataḥ sūta uḍḍīyoparitanasthālyāṃ yāti