Rasādhyaya, 1-302+com with Ṭīkā 31

इह कूपवह्मोष्टबन्धः काञ्चिकहस्तमानो गर्ते सुधायाश् छोहया लिप्तो यदि वागुडं सहितेन चूर्णेन लिप्तः शुष्कः सन्

iha kūpavahmoṣṭabandhaḥ kāñcikahastamāno garte sudhāyāś chohayā lipto yadi vāguḍaṃ sahitena cūrṇena liptaḥ śuṣkaḥ san

Sanskrit only: no published translation is held for this verse.

भूधरनामायं यन्त्रः प्रोच्यते

bhūdharanāmāyaṃ yantraḥ procyate

Sanskrit only: no published translation is held for this verse.

ततः काचलिप्तमृत्तिकाकांस्यं शरावे जीर्णे हेमराजिं सूतं तथाषोडशभागेन शुद्धगन्धकचूर्णं वा क्षिप्त्वोपरि मुखकाचलिप्तमृत्तिकाकोडीयकं दत्त्वा कर्पटमृत्तिकया लिप्त्वा तं शरावं सम्पुटं भूधरयन्त्रमध्ये मुक्त्वा हठाग्निर्ज्वालनीयः

tataḥ kācaliptamṛttikākāṃsyaṃ śarāve jīrṇe hemarājiṃ sūtaṃ tathāṣoḍaśabhāgena śuddhagandhakacūrṇaṃ vā kṣiptvopari mukhakācaliptamṛttikākoḍīyakaṃ dattvā karpaṭamṛttikayā liptvā taṃ śarāvaṃ sampuṭaṃ bhūdharayantramadhye muktvā haṭhāgnirjvālanīyaḥ

Sanskrit only: no published translation is held for this verse.

शुद्धं गन्धकस्वरूपं च गुरुमुखाद् अवज्ञेयम्

śuddhaṃ gandhakasvarūpaṃ ca gurumukhād avajñeyam

Sanskrit only: no published translation is held for this verse.

यतः सर्वस्मिन्न् अप्यत्र ग्रन्थे ऽन्यत्रापि च शुद्धगन्धक एव कीचनसि द्विमूलबीजम्

yataḥ sarvasminn apyatra granthe 'nyatrāpi ca śuddhagandhaka eva kīcanasi dvimūlabījam

Sanskrit only: no published translation is held for this verse.

अत एव सर्वत्र गन्धकशुद्धियुक्तिर् गोपितैषेति ज्ञेयम्

ata eva sarvatra gandhakaśuddhiyuktir gopitaiṣeti jñeyam

Sanskrit only: no published translation is held for this verse.

सदोषे च गन्धके जारिते न कार्यसिद्धिरिति तु गुरुमुखाद् गन्धकशुद्धिर् अवगन्तव्या

sadoṣe ca gandhake jārite na kāryasiddhiriti tu gurumukhād gandhakaśuddhir avagantavyā

Sanskrit only: no published translation is held for this verse.

तथा पूर्वक्षिप्तगन्धकषोडशभागे जीर्णे पुनः कोडीयकमूर्छायाशुगन्धकषोडशभागं क्षिप्त्वा कोडीयकं दत्त्वा हठाग्निर् ज्वालनीयः

tathā pūrvakṣiptagandhakaṣoḍaśabhāge jīrṇe punaḥ koḍīyakamūrchāyāśugandhakaṣoḍaśabhāgaṃ kṣiptvā koḍīyakaṃ dattvā haṭhāgnir jvālanīyaḥ

Sanskrit only: no published translation is held for this verse.

एवं च रसात् षड्गुणशुद्धगन्धके जीर्णे ऽतीवरक्तः पारदो भवति

evaṃ ca rasāt ṣaḍguṇaśuddhagandhake jīrṇe 'tīvaraktaḥ pārado bhavati

Sanskrit only: no published translation is held for this verse.

तेन च रसेन रूप्यं ताम्रं लोहं वङ्गं नागं पित्तलं कांस्यं चेति सप्त लोहानि अभ्यञ्ज्य गालितानि पञ्चदशसुवर्णानि भवन्ति

tena ca rasena rūpyaṃ tāmraṃ lohaṃ vaṅgaṃ nāgaṃ pittalaṃ kāṃsyaṃ ceti sapta lohāni abhyañjya gālitāni pañcadaśasuvarṇāni bhavanti

Sanskrit only: no published translation is held for this verse.

इति जीर्णहेमराजिसूतस्य गन्धकजारणं पञ्चमम्

iti jīrṇahemarājisūtasya gandhakajāraṇaṃ pañcamam

Sanskrit only: no published translation is held for this verse.