Rasādhyaya, 1-302+com with Ṭīkā 48

शुद्धताम्रस्य भागमेकं मूषायां गालयित्वा ततो मनःशिलाया भागाश् चत्वारो मृतनागस्य भागास्तथा चत्वारः तथा चत्वारः थूथाभागाः

śuddhatāmrasya bhāgamekaṃ mūṣāyāṃ gālayitvā tato manaḥśilāyā bhāgāś catvāro mṛtanāgasya bhāgāstathā catvāraḥ tathā catvāraḥ thūthābhāgāḥ

Sanskrit only: no published translation is held for this verse.

एवं द्वादशभागांश्चूर्णीकृत्य स्तोकेन शुल्वमध्ये क्षिप्त्वा तावदावर्तयेद् यावत्ताम्रशेषं भवति

evaṃ dvādaśabhāgāṃścūrṇīkṛtya stokena śulvamadhye kṣiptvā tāvadāvartayed yāvattāmraśeṣaṃ bhavati

Sanskrit only: no published translation is held for this verse.

एषा नागराजिः प्रोच्यते

eṣā nāgarājiḥ procyate

Sanskrit only: no published translation is held for this verse.

थूथानागराजीनां फलमाह राज्यभ्युच्छ्रितलोहानाम् इत्यादि चतसृणामपि राजीनां लोहस्य चूर्णं कृत्वैकैकराजिः

thūthānāgarājīnāṃ phalamāha rājyabhyucchritalohānām ityādi catasṛṇāmapi rājīnāṃ lohasya cūrṇaṃ kṛtvaikaikarājiḥ

Sanskrit only: no published translation is held for this verse.

रसमध्ये पूर्वोक्तरसयुक्त्याष्टगुणा जारणीया क्रमेणेति राजिकरणविधिः

rasamadhye pūrvoktarasayuktyāṣṭaguṇā jāraṇīyā krameṇeti rājikaraṇavidhiḥ

Sanskrit only: no published translation is held for this verse.

इति नागराजिश्चतुर्थी

iti nāgarājiścaturthī

Sanskrit only: no published translation is held for this verse.