Sunyasamadhipada: Tattvajnanasamsiddhi 1

ओम् नमः श्री वज्रवाराह्यै उद्याता तलचक्रतो ऽनिलधुता विद्युच्छटाभास्वरा, दग्धालित्रितया त्रिलोकमहिता पीयूषधाराप्लुता । बुद्धज्ञानरसाविला विकलुषा स्वानन्दसन्दोहदा भावाभावविचारणाविरहिता वाराहिका पातु वः

om namaḥ śrī vajravārāhyai udyātā talacakrato 'niladhutā vidyucchaṭābhāsvarā, dagdhālitritayā trilokamahitā pīyūṣadhārāplutā / buddhajñānarasāvilā vikaluṣā svānandasandohadā bhāvābhāvavicāraṇāvirahitā vārāhikā pātu vaḥ

Sanskrit only: no published translation is held for this verse.

निर्माणालिदिनेशमण्डलगता काद्यादिवर्णावृता, प्रज्बालज्वलनोज्वलामृतसवा सूक्ष्माजसूत्रोपमा विद्याबुद्धकदम्वकं दहति या चक्रत्रयोर्भेदिनी सानन्दा ललितोर्द्वगा स्फुरतु वो वाराहिका चेतसि

nirmāṇālidineśamaṇḍalagatā kādyādivarṇāvṛtā, prajbālajvalanojvalāmṛtasavā sūkṣmājasūtropamā vidyābuddhakadamvakaṃ dahati yā cakratrayorbhedinī sānandā lalitordvagā sphuratu vo vārāhikā cetasi

Sanskrit only: no published translation is held for this verse.

प्रणिपत्य वज्रपूर्वां वाराहीं वज्रयोगिनीम् । शिरसा स्वस्मृतये वक्ष्ये ऽहं तत्त्वज्ञानस्य संसिद्धिम्

praṇipatya vajrapūrvāṃ vārāhīṃ vajrayoginīm / śirasā svasmṛtaye vakṣye 'haṃ tattvajñānasya saṃsiddhim

Sanskrit only: no published translation is held for this verse.

विजनमनो ऽनुकूलस्थानं नाथांककः प्रविशेत्सुधीः । तत्र सुकुमारमासनमुपविश्य विभावयेच्छुद्धिं

vijanamano 'nukūlasthānaṃ nāthāṃkakaḥ praviśetsudhīḥ / tatra sukumāramāsanamupaviśya vibhāvayecchuddhiṃ

Sanskrit only: no published translation is held for this verse.

तदनु च षष्ठजिनेन त्र्यक्षरजप्तेन वज्रधरहृदयं । संलिख्यानामिकया, लोहितकुसुमार्चितं कुर्यात्

tadanu ca ṣaṣṭhajinena tryakṣarajaptena vajradharahṛdayaṃ / saṃlikhyānāmikayā, lohitakusumārcitaṃ kuryāt

Sanskrit only: no published translation is held for this verse.

तदनु परमाद्यपात्रे करकमलं दक्षिणेतरं क्षिप्त्वा । विदधीत सवनं यथोपदेशं शयस्पर्शात्

tadanu paramādyapātre karakamalaṃ dakṣiṇetaraṃ kṣiptvā / vidadhīta savanaṃ yathopadeśaṃ śayasparśāt

Sanskrit only: no published translation is held for this verse.

प्रविधाय करन्यासं बृद्धाङ्गुष्ठाङ्गुलिसमायोगात् । कुर्वीताङ्गन्यासं षड्भिर्वीरेश्वरीमन्त्रैः

pravidhāya karanyāsaṃ bṛddhāṅguṣṭhāṅgulisamāyogāt / kurvītāṅganyāsaṃ ṣaḍbhirvīreśvarīmantraiḥ

Sanskrit only: no published translation is held for this verse.

तदनु चक्रवज्रवरोपरि रङ्गारुणोयोगजसमममन्त्रं । भुजगभवैः सुविशिष्टैः सिचयगतैरवकिरेच्छनकैः

tadanu cakravajravaropari raṅgāruṇoyogajasamamamantraṃ / bhujagabhavaiḥ suviśiṣṭaiḥ sicayagatairavakirecchanakaiḥ

Sanskrit only: no published translation is held for this verse.

तत्र जिनहृदयचक्रं शिखिकोटिकं समभिलिख्य । तद्गर्भे मन्त्रालीं गाङ्गेयशलाकया विलिखेत्

tatra jinahṛdayacakraṃ śikhikoṭikaṃ samabhilikhya / tadgarbhe mantrālīṃ gāṅgeyaśalākayā vilikhet

Sanskrit only: no published translation is held for this verse.

चक्रस्य वाह्यभागे पूर्वोत्तरपश्चिमार्किदिग्देशे । सत्स्वस्तिकानभिलिखेत्क्रमेण वामहस्तेन

cakrasya vāhyabhāge pūrvottarapaścimārkidigdeśe / satsvastikānabhilikhetkrameṇa vāmahastena

Sanskrit only: no published translation is held for this verse.

आकृष्य वज्रदेवीम्प्रविश्य मन्त्राक्षरेषु बद्ध्वा परितोषयेत् । सुविधानात् जः हुं वं होरिति पठित्वा

ākṛṣya vajradevīmpraviśya mantrākṣareṣu baddhvā paritoṣayet / suvidhānāt jaḥ huṃ vaṃ horiti paṭhitvā

Sanskrit only: no published translation is held for this verse.

तदनु सपर्या विविधास्तस्या विदधीत मंत्ररूपायाः । भक्ष्यैर्भोज्यैर्लेह्यैः पेयैश्चोष्यैः सकामगुणैः

tadanu saparyā vividhāstasyā vidadhīta maṃtrarūpāyāḥ / bhakṣyairbhojyairlehyaiḥ peyaiścoṣyaiḥ sakāmaguṇaiḥ

Sanskrit only: no published translation is held for this verse.

विविधैर्वलैः समदनैरुपहारैः पञ्चभिरतिपरार्ध्यैः । गीतैवद्यैर्न्नृत्यैः प्रदक्षिणाप्रणतिनुतिभिश्च

vividhairvalaiḥ samadanairupahāraiḥ pañcabhiratiparārdhyaiḥ / gītaivadyairnnṛtyaiḥ pradakṣiṇāpraṇatinutibhiśca

Sanskrit only: no published translation is held for this verse.

प्रतिदिवसं प्रतिपक्षं प्रतिमासं वा तिथौ दशम्यां । कुर्याद्यथोक्तपूजाविधिमस्याः सिद्धिमाकांक्षणः

pratidivasaṃ pratipakṣaṃ pratimāsaṃ vā tithau daśamyāṃ / kuryādyathoktapūjāvidhimasyāḥ siddhimākāṃkṣaṇaḥ

Sanskrit only: no published translation is held for this verse.