Sunyasamadhipada: Tattvajnanasamsiddhi 2

अथ कृतवाह्यार्चनविधिरुरुकरुणो निर्मितारिध्याव्जे ॥ व्यसुहृयोष्णगुविम्वां ध्यायात्पूर्वोदितां देवीम्

atha kṛtavāhyārcanavidhirurukaruṇo nirmitāridhyāvje // vyasuhṛyoṣṇaguvimvāṃ dhyāyātpūrvoditāṃ devīm

Sanskrit only: no published translation is held for this verse.

संध्यासिन्दूरवर्णां खरकरनिकरायास्तसप्तार्क्ककान्तीं । कर्त्त्रीं सर्वार्त्तिहंत्रीं स्फुरदमृतघृणीं विभ्रतीं सव्यदोष्णा ॥ विभ्राणां वामदोष्णा कमलमतिसितं रक्तपूर्णध्वजाढ्यां । काल्या दम्भोलिकाल्या परिगतशिरसं मुक्तमूर्द्धोखहस्तां

saṃdhyāsindūravarṇāṃ kharakaranikarāyāstasaptārkkakāntīṃ / karttrīṃ sarvārttihaṃtrīṃ sphuradamṛtaghṛṇīṃ vibhratīṃ savyadoṣṇā // vibhrāṇāṃ vāmadoṣṇā kamalamatisitaṃ raktapūrṇadhvajāḍhyāṃ / kālyā dambholikālyā parigataśirasaṃ muktamūrddhokhahastāṃ

Sanskrit only: no published translation is held for this verse.

मुण्डालीमण्डिताङ्गीं मुखगलदसृजं स्वादगुं मुक्तनादां, सव्ये चोर्द्धंकिरास्यां वरशुभगमनां क्रोधमूलाननान्तां । सानन्दां सानुरागां विविधरसयुतामर्द्धपर्य्यङ्कनृत्यां मुद्राषण्मुद्रिताङ्गीं व्यपगतवसनां षोडशाव्दां वराङ्गीम्

muṇḍālīmaṇḍitāṅgīṃ mukhagaladasṛjaṃ svādaguṃ muktanādāṃ, savye corddhaṃkirāsyāṃ varaśubhagamanāṃ krodhamūlānanāntāṃ / sānandāṃ sānurāgāṃ vividharasayutāmarddhaparyyaṅkanṛtyāṃ mudrāṣaṇmudritāṅgīṃ vyapagatavasanāṃ ṣoḍaśāvdāṃ varāṅgīm

Sanskrit only: no published translation is held for this verse.

ज्ञानाकर्षादिविधिः प्रागिव कृत्वा विधानविन्मंन्त्री । स्वस्तिकमलिकाभिमुखं भ्रमन्तमेकं द्रूतं ध्यायात्

jñānākarṣādividhiḥ prāgiva kṛtvā vidhānavinmaṃntrī / svastikamalikābhimukhaṃ bhramantamekaṃ drūtaṃ dhyāyāt

Sanskrit only: no published translation is held for this verse.

तदनु वियद्वती धातौ त्रिकूटगिरिगह्वरे भ्रमच्चक्रं । प्रागुक्तमिव ध्यायाद्रक्तं जाज्यल्यमानं सत्

tadanu viyadvatī dhātau trikūṭagirigahvare bhramaccakraṃ / prāguktamiva dhyāyādraktaṃ jājyalyamānaṃ sat

Sanskrit only: no published translation is held for this verse.

तत्र स्थिरमिवातिवेगान्निर्वातनिष्कम्पदीपमिव दीप्तं । द्रावयेदुरुसुखचक्रं श्रवदमृतसारकृतसवनम् कायत्रयस्वभावं परमं सहजात्मकं जगद्व्यापिनं । स्फुरदमितशान्तसन्ततिं पश्येत्पश्चात्सुखं पश्चात्

tatra sthiramivātivegānnirvātaniṣkampadīpamiva dīptaṃ / drāvayedurusukhacakraṃ śravadamṛtasārakṛtasavanam kāyatrayasvabhāvaṃ paramaṃ sahajātmakaṃ jagadvyāpinaṃ / sphuradamitaśāntasantatiṃ paśyetpaścātsukhaṃ paścāt

Sanskrit only: no published translation is held for this verse.

प्रतिदिवसं प्रतिसन्ध्यं यथाक्षणम्वा विभावयेदेतत् । यावत्सिद्धिनिमित्तं तावदिदमुच्यते व्यक्तम्

pratidivasaṃ pratisandhyaṃ yathākṣaṇamvā vibhāvayedetat / yāvatsiddhinimittaṃ tāvadidamucyate vyaktam

Sanskrit only: no published translation is held for this verse.

अयत्नजप्रीतिलयानुबन्धनात् यदा भवेद्व्यक्तमिदं विभावितम् ॥ कशाचपेटादिह नैव वेदना तदा भवेत्सिद्धिरदूरवर्त्तिनी

ayatnajaprītilayānubandhanāt yadā bhavedvyaktamidaṃ vibhāvitam // kaśācapeṭādiha naiva vedanā tadā bhavetsiddhiradūravarttinī

Sanskrit only: no published translation is held for this verse.

प्रताडितानां पणवादिकानां पटुध्वनिर्नश्रुतगोचरश्चेत् । यदाप्यते बोधिरनुत्तराग्रा स्वप्ने चिराद्ध्यानवताग्रसिद्धिः

pratāḍitānāṃ paṇavādikānāṃ paṭudhvanirnaśrutagocaraścet / yadāpyate bodhiranuttarāgrā svapne cirāddhyānavatāgrasiddhiḥ

Sanskrit only: no published translation is held for this verse.

दृष्ट्वा सिद्धिनिमित्तं पितृवनगिरिकुञ्जे वृक्षमूलादौ । निवसन्नुत्पन्नक्रमयोगमजस्रं सुधीः कुर्यात्

dṛṣṭvā siddhinimittaṃ pitṛvanagirikuñje vṛkṣamūlādau / nivasannutpannakramayogamajasraṃ sudhīḥ kuryāt

Sanskrit only: no published translation is held for this verse.

सिद्धौ वसुधादीनां भवती लयो ह्युत्तरोत्तरक्रमशः । ख्याति तदा गगनाभं प्रभास्वरं ज्ञानमात्रं सत्

siddhau vasudhādīnāṃ bhavatī layo hyuttarottarakramaśaḥ / khyāti tadā gaganābhaṃ prabhāsvaraṃ jñānamātraṃ sat

Sanskrit only: no published translation is held for this verse.

जानीयात्तच्चिह्नैश्चिह्नानि तु पञ्चधा विदुस्तज्ज्ञाः । अत एव तानि योगी समाहितो लक्षयेन्मनसा

jānīyāttaccihnaiścihnāni tu pañcadhā vidustajjñāḥ / ata eva tāni yogī samāhito lakṣayenmanasā

Sanskrit only: no published translation is held for this verse.

प्रथमं मृगतृष्णाभं धूमाकारं द्वितीयकं चिह्नं । खद्योतवत्तृतीयं चतुर्थं दीपोज्वलं स्पष्टं

prathamaṃ mṛgatṛṣṇābhaṃ dhūmākāraṃ dvitīyakaṃ cihnaṃ / khadyotavattṛtīyaṃ caturthaṃ dīpojvalaṃ spaṣṭaṃ

Sanskrit only: no published translation is held for this verse.

विगताभ्रगगनसदृशं पञ्चमं चिह्नं प्रकाशमविकल्पं । एवं लव्धनिमित्तो मुद्रां महतीमवाप्नोति

vigatābhragaganasadṛśaṃ pañcamaṃ cihnaṃ prakāśamavikalpaṃ / evaṃ lavdhanimitto mudrāṃ mahatīmavāpnoti

Sanskrit only: no published translation is held for this verse.

उत्थातुकामः प्रणिपत्य योगिनीं नाथं च कस्थं समुदीर्य मूः कृतिं । उत्थाय कृत्यं विदधीत तत्वधीस्तिष्ठेत्सदा योगयुगेन योगवित्

utthātukāmaḥ praṇipatya yoginīṃ nāthaṃ ca kasthaṃ samudīrya mūḥ kṛtiṃ / utthāya kṛtyaṃ vidadhīta tatvadhīstiṣṭhetsadā yogayugena yogavit

Sanskrit only: no published translation is held for this verse.