Sunyasamadhipada: Tattvajnanasamsiddhi 3

इति तत्त्वज्ञानसंसिद्धौ भावनाविधिः ॥ २ ॥ अध्येषितश्च बहुशः शिष्यैः कृतमण्डलैः पदाव्जनतैः ॥ मन्त्री तिथौ दशम्यां विदधीतानुग्रहन्तेषां

iti tattvajñānasaṃsiddhau bhāvanāvidhiḥ // 2 // adhyeṣitaśca bahuśaḥ śiṣyaiḥ kṛtamaṇḍalaiḥ padāvjanataiḥ // mantrī tithau daśamyāṃ vidadhītānugrahanteṣāṃ

Sanskrit only: no published translation is held for this verse.

संपूज्य मंत्ररूपां देवीं चक्रस्थितां विहितयोमः । आदाय मंत्रजप्तं परमाद्यं निष्क्रमेत्तस्मात्

saṃpūjya maṃtrarūpāṃ devīṃ cakrasthitāṃ vihitayomaḥ / ādāya maṃtrajaptaṃ paramādyaṃ niṣkramettasmāt

Sanskrit only: no published translation is held for this verse.

अथ विहितपञ्चमण्डलमूर्द्धस्थां तदन्तदक्षिणंशिष्यं । कुसुमस्रजं दधानं ध्यातकेनाथं गुरुः पश्येत् तदनु च यथोक्तं देवीचक्रं प्रोद्यन्मरीचिकं रयवत् । ध्यात्वान्तबासिगात्रे वज्रभृत्तस्य संदद्यात्

atha vihitapañcamaṇḍalamūrddhasthāṃ tadantadakṣiṇaṃśiṣyaṃ / kusumasrajaṃ dadhānaṃ dhyātakenāthaṃ guruḥ paśyet tadanu ca yathoktaṃ devīcakraṃ prodyanmarīcikaṃ rayavat / dhyātvāntabāsigātre vajrabhṛttasya saṃdadyāt

Sanskrit only: no published translation is held for this verse.

एवं स्यादावेशस्तत्कलिका प्रकम्पनं वाष्पः । पातो ज्ञानोत्पादः स्वारूपञ्चापि परिपाद्याः

evaṃ syādāveśastatkalikā prakampanaṃ vāṣpaḥ / pāto jñānotpādaḥ svārūpañcāpi paripādyāḥ

Sanskrit only: no published translation is held for this verse.

तदनु कथयेत्समाधिं पूजामंत्रं च वज्रयोगिन्याः । श्रद्धान्वितस्य गुणिनो गुरुबुद्धाभिन्नसद्भक्तेः

tadanu kathayetsamādhiṃ pūjāmaṃtraṃ ca vajrayoginyāḥ / śraddhānvitasya guṇino gurubuddhābhinnasadbhakteḥ

Sanskrit only: no published translation is held for this verse.

कथयेन्न योगमेनं सद्यः प्रत्ययकरं सुसिद्धंवा ॥ श्रद्धाविरहितमनसो भक्तिविहीनशिष्यस्य

kathayenna yogamenaṃ sadyaḥ pratyayakaraṃ susiddhaṃvā // śraddhāvirahitamanaso bhaktivihīnaśiṣyasya

Sanskrit only: no published translation is held for this verse.

विदधाति यस्तु पूजां देवीचक्रस्य मंत्रयुक्तस्य । तस्यापयान्ति भयान्यष्टौ पापानि च महान्ति

vidadhāti yastu pūjāṃ devīcakrasya maṃtrayuktasya / tasyāpayānti bhayānyaṣṭau pāpāni ca mahānti

Sanskrit only: no published translation is held for this verse.

दुर्भगता दारिद्र्यं व्याधिजरादुःखदौर्मनस्यानि । भ्रमकलिकलुषक्लेशाः पीडा नानाविधाश्चापि

durbhagatā dāridryaṃ vyādhijarāduḥkhadaurmanasyāni / bhramakalikaluṣakleśāḥ pīḍā nānāvidhāścāpi

Sanskrit only: no published translation is held for this verse.

यो जपति चक्रमन्त्रं ध्यात्वा हृदये निरोधवाचासौ । प्राप्नोत्यष्टौ सिद्धीः पञ्चाभिज्ञांस्तथाष्टगुणान

yo japati cakramantraṃ dhyātvā hṛdaye nirodhavācāsau / prāpnotyaṣṭau siddhīḥ pañcābhijñāṃstathāṣṭaguṇāna

Sanskrit only: no published translation is held for this verse.

ध्यायति यः किरवक्त्रां प्रतिदवसं यत्नतश्चतुःसंध्यं हरिहरहिरण्यगर्भैर्जेतुमशक्यां मृतिं जयति

dhyāyati yaḥ kiravaktrāṃ pratidavasaṃ yatnataścatuḥsaṃdhyaṃ hariharahiraṇyagarbhairjetumaśakyāṃ mṛtiṃ jayati

Sanskrit only: no published translation is held for this verse.