Todalatantra 10

श्रीदेवी उवाच काकीचञ्चुं महामुद्रां कथयस्व दयानिधे । येन रूपेण देवेश देहासनपरो भवेत्

śrīdevī uvāca kākīcañcuṃ mahāmudrāṃ kathayasva dayānidhe / yena rūpeṇa deveśa dehāsanaparo bhavet

Sanskrit only: no published translation is held for this verse.

श्रीशिव उवाच अनाकुलेन देवेशि जिह्वां परमयत्नतः । तालुमूले न्यसेत् पश्चात् ततो वायुं पिबेत् शनैः

śrīśiva uvāca anākulena deveśi jihvāṃ paramayatnataḥ / tālumūle nyaset paścāt tato vāyuṃ pibet śanaiḥ

Sanskrit only: no published translation is held for this verse.

दन्तैर्दन्तान् समापीड्य काकीचञ्चुं समभ्यसेत् । बहुयोन्युक्तविधिना सर्वकर्माणि साधयेत्

dantairdantān samāpīḍya kākīcañcuṃ samabhyaset / bahuyonyuktavidhinā sarvakarmāṇi sādhayet

Sanskrit only: no published translation is held for this verse.

अथातः सम्प्रवक्ष्यामि स्वल्पयोनिं शृणु प्रिये । गुदछिद्रे दक्षगुल्फं संधौ लिङ्गं विनिक्षिपेत्

athātaḥ sampravakṣyāmi svalpayoniṃ śṛṇu priye / gudachidre dakṣagulphaṃ saṃdhau liṅgaṃ vinikṣipet

Sanskrit only: no published translation is held for this verse.

नाभिरन्ध्रेऽथवा गुल्फं धारयेद् वामहस्तके । बहुयोन्युक्तविधिना चान्यत् सर्वं समापयेत्

nābhirandhre'thavā gulphaṃ dhārayed vāmahastake / bahuyonyuktavidhinā cānyat sarvaṃ samāpayet

Sanskrit only: no published translation is held for this verse.

मुद्रा चैतन्यतन्त्रे च माहात्म्यं कथितं मया । यथा हेमगिरिर्देवि यथा वेगवती नदी

mudrā caitanyatantre ca māhātmyaṃ kathitaṃ mayā / yathā hemagirirdevi yathā vegavatī nadī

Sanskrit only: no published translation is held for this verse.

चन्द्रादिकं यथा देवि चिरजीवी तथा भवेत् । श्रीदेवी उवाच दशावतारं देवेश ब्रूहि मे जगतां गुरो

candrādikaṃ yathā devi cirajīvī tathā bhavet / śrīdevī uvāca daśāvatāraṃ deveśa brūhi me jagatāṃ guro

Sanskrit only: no published translation is held for this verse.

इदानीं श्रोतुमिच्छामि कथयस्व सुविस्तरात् । का वा देवी कथंभूता वद मे परमेश्वर

idānīṃ śrotumicchāmi kathayasva suvistarāt / kā vā devī kathaṃbhūtā vada me parameśvara

Sanskrit only: no published translation is held for this verse.

श्रीशिव उवाच तारा देवी नीलरूपा वगला कूर्ममूर्तिका । धूमावती वराहं स्यात् छिन्नमस्ता नृसिंहिका

śrīśiva uvāca tārā devī nīlarūpā vagalā kūrmamūrtikā / dhūmāvatī varāhaṃ syāt chinnamastā nṛsiṃhikā

Sanskrit only: no published translation is held for this verse.

भुवनेश्वरी वामनः स्यान्मातंगी राममूर्तिका । त्रिपुरा जामदग्न्यः स्याद् बलभद्रस्तु भैरवी

bhuvaneśvarī vāmanaḥ syānmātaṃgī rāmamūrtikā / tripurā jāmadagnyaḥ syād balabhadrastu bhairavī

Sanskrit only: no published translation is held for this verse.

महालक्ष्मीर् भवेत् बुद्धो दुर्गा स्यात् कल्किरूपिणी । स्वयं भगवती काली कृष्णमूर्तिः समुद्भवा

mahālakṣmīr bhavet buddho durgā syāt kalkirūpiṇī / svayaṃ bhagavatī kālī kṛṣṇamūrtiḥ samudbhavā

Sanskrit only: no published translation is held for this verse.

इति ते कथितं देव्य् अवतारं दशममेव हि । एतासां पूजनाद् देवि महादेवसमो भवेत् । आसां ध्यानादिकं सर्वं कथितं मे पुरा तव

iti te kathitaṃ devy avatāraṃ daśamameva hi / etāsāṃ pūjanād devi mahādevasamo bhavet / āsāṃ dhyānādikaṃ sarvaṃ kathitaṃ me purā tava

Sanskrit only: no published translation is held for this verse.