Todalatantra 3

श्रीदेवी उवाच देवदेव महादेव संसारार्णवतारक । बद्धयोनिं महामुद्रां कथयस्व दयानिधे

śrīdevī uvāca devadeva mahādeva saṃsārārṇavatāraka / baddhayoniṃ mahāmudrāṃ kathayasva dayānidhe

Sanskrit only: no published translation is held for this verse.

श्रीशिव उवाच शृणु देवि प्रवक्ष्यामि बद्धयोनिं समासतः । उपविश्यासने मन्त्री प्राङ्मुखो वाप्युदङ्मुखः

śrīśiva uvāca śṛṇu devi pravakṣyāmi baddhayoniṃ samāsataḥ / upaviśyāsane mantrī prāṅmukho vāpyudaṅmukhaḥ

Sanskrit only: no published translation is held for this verse.

गुदच्छिद्रे महेशानि स्वलिङ्गाग्रं निवेशयेत् । श्रोत्रे चैव तथा नेत्रे नासायां च ततो मुखे

gudacchidre maheśāni svaliṅgāgraṃ niveśayet / śrotre caiva tathā netre nāsāyāṃ ca tato mukhe

Sanskrit only: no published translation is held for this verse.

अङ्गुष्ठादि महेशानि क्रमेण योजयेत् सुधीः । नासिकायां मुखे चैव समीरं बहुयत्नतः

aṅguṣṭhādi maheśāni krameṇa yojayet sudhīḥ / nāsikāyāṃ mukhe caiva samīraṃ bahuyatnataḥ

Sanskrit only: no published translation is held for this verse.

पूरयेत् परमेशानि किंचिद् अपि न रेचयेत् । शब्दप्रत्यक्षतां कृत्वा वर्णमालां विचिन्तयेत्

pūrayet parameśāni kiṃcid api na recayet / śabdapratyakṣatāṃ kṛtvā varṇamālāṃ vicintayet

Sanskrit only: no published translation is held for this verse.

अष्टोत्तरशतं मूल- मन्त्रं तु प्रजपेत् सुधीः । सो ऽहंमन्त्रेण देवेशि आनयेत्तेन वर्त्मना

aṣṭottaraśataṃ mūla- mantraṃ tu prajapet sudhīḥ / so 'haṃmantreṇa deveśi ānayettena vartmanā

Sanskrit only: no published translation is held for this verse.

षट्चक्रदेवतास्तत्र संतर्प्यामृतधारया । कृते फलं महेशानि कथयिष्यामि ते ऽनघे

ṣaṭcakradevatāstatra saṃtarpyāmṛtadhārayā / kṛte phalaṃ maheśāni kathayiṣyāmi te 'naghe

Sanskrit only: no published translation is held for this verse.

श्रीपार्वती उवाच वद ईशान सर्वज्ञ सर्वतत्त्वविदां वर । मन्त्रमार्गेण देवेश कालिकायाः सुदुर्लभम्

śrīpārvatī uvāca vada īśāna sarvajña sarvatattvavidāṃ vara / mantramārgeṇa deveśa kālikāyāḥ sudurlabham

Sanskrit only: no published translation is held for this verse.

श्रीशिव उवाच शृणु देवि सदानन्दे कालिकामन्त्रमुत्तमम् । यस्याः प्रसङ्गमात्रेण जीवन्मुक्तो भवेन्नरः

śrīśiva uvāca śṛṇu devi sadānande kālikāmantramuttamam / yasyāḥ prasaṅgamātreṇa jīvanmukto bhavennaraḥ

Sanskrit only: no published translation is held for this verse.

शिवाद्यं बिन्दुनादाढ्यं वामनेत्राग्निसंयुतम् । सिद्धविद्या त्व् इयं भद्रे विद्याराज्ञी सुदुर्लभा

śivādyaṃ bindunādāḍhyaṃ vāmanetrāgnisaṃyutam / siddhavidyā tv iyaṃ bhadre vidyārājñī sudurlabhā

Sanskrit only: no published translation is held for this verse.

इदं बीजत्रयं चाद्यं गगनं बिन्दुभूषितम् । वामश्रवणसंयुक्तं द्वंद्वं चापरकं शृणु

idaṃ bījatrayaṃ cādyaṃ gaganaṃ bindubhūṣitam / vāmaśravaṇasaṃyuktaṃ dvaṃdvaṃ cāparakaṃ śṛṇu

Sanskrit only: no published translation is held for this verse.

ईशानं वह्निसंयुक्तं वामनेत्रेन्दुसंयुतम् । द्वितीयं परमेशानि सम्बोधनपदं ततः

īśānaṃ vahnisaṃyuktaṃ vāmanetrendusaṃyutam / dvitīyaṃ parameśāni sambodhanapadaṃ tataḥ

Sanskrit only: no published translation is held for this verse.

पुनर् बीजत्रयं कूर्चं मायाद्वंद्वं च ठद्वयम् । द्वाविंशत्यक्षरं मन्त्रं विद्याराज्ञी सुदुर्लभा

punar bījatrayaṃ kūrcaṃ māyādvaṃdvaṃ ca ṭhadvayam / dvāviṃśatyakṣaraṃ mantraṃ vidyārājñī sudurlabhā

Sanskrit only: no published translation is held for this verse.

वाग्भवाद्या महाविद्या श्रीकाली देवता स्मृता । प्रणवाद्या महाविद्या देवता सिद्धिकालिका

vāgbhavādyā mahāvidyā śrīkālī devatā smṛtā / praṇavādyā mahāvidyā devatā siddhikālikā

Sanskrit only: no published translation is held for this verse.

निजबीजद्वयं कूर्चं बीजैकं परमेश्वरि । त्र्यक्षरी परमा विद्या चामुण्डा कालिका स्मृता

nijabījadvayaṃ kūrcaṃ bījaikaṃ parameśvari / tryakṣarī paramā vidyā cāmuṇḍā kālikā smṛtā

Sanskrit only: no published translation is held for this verse.

एतस्याः सदृशी विद्या सिद्धिदा नास्ति सुन्दरि । यथा षडक्षरी विद्या तथा विद्या च त्र्यक्षरी

etasyāḥ sadṛśī vidyā siddhidā nāsti sundari / yathā ṣaḍakṣarī vidyā tathā vidyā ca tryakṣarī

Sanskrit only: no published translation is held for this verse.

निजबीजत्रयं भद्रे श्मशानकालिका ततः । पुनर् बीजत्रयं भद्रे वह्निकान्तां समुच्चरेत्

nijabījatrayaṃ bhadre śmaśānakālikā tataḥ / punar bījatrayaṃ bhadre vahnikāntāṃ samuccaret

Sanskrit only: no published translation is held for this verse.

चतुर्दशाक्षरी विद्या त्रिषु लोकेषु पूजिता । दक्षिणाकालिका सिद्ध- कालिका गुह्यकालिका

caturdaśākṣarī vidyā triṣu lokeṣu pūjitā / dakṣiṇākālikā siddha- kālikā guhyakālikā

Sanskrit only: no published translation is held for this verse.

श्रीकालिका भद्रकाली चामुण्डाकालिका परा । श्मशानकालिका देवि महाकालीति चाष्टधा

śrīkālikā bhadrakālī cāmuṇḍākālikā parā / śmaśānakālikā devi mahākālīti cāṣṭadhā

Sanskrit only: no published translation is held for this verse.

निजबीजं महेशानि सम्बोधनपदं ततः । पुनश्च कालिकाबीजं ततो वह्निवधूं न्यसेत्

nijabījaṃ maheśāni sambodhanapadaṃ tataḥ / punaśca kālikābījaṃ tato vahnivadhūṃ nyaset

Sanskrit only: no published translation is held for this verse.

इति चाष्टविधं मन्त्रं सर्वतन्त्रेषु गोपितम् । श्रीदेवी उवाच श्रुतं महाकालिकाया मन्त्रं परमगोपनम्

iti cāṣṭavidhaṃ mantraṃ sarvatantreṣu gopitam / śrīdevī uvāca śrutaṃ mahākālikāyā mantraṃ paramagopanam

Sanskrit only: no published translation is held for this verse.

ताराया मन्त्रराजं तु श्रोतुमिच्छामि साम्प्रतम् । यस्याः प्रसङ्गमात्रेण भवाब्धौ न निमज्जति

tārāyā mantrarājaṃ tu śrotumicchāmi sāmpratam / yasyāḥ prasaṅgamātreṇa bhavābdhau na nimajjati

Sanskrit only: no published translation is held for this verse.

तन्मन्त्रं वद ईशान यदि स्नेहोऽस्ति मां प्रति । श्रीशिव उवाच चन्द्रबीजं समुच्चार्य आद्यं वह्निसमागतम्

tanmantraṃ vada īśāna yadi sneho'sti māṃ prati / śrīśiva uvāca candrabījaṃ samuccārya ādyaṃ vahnisamāgatam

Sanskrit only: no published translation is held for this verse.

वामनेत्रेन्दुसंयुक्तं मन्त्रराजमिमं प्रिये । एकाक्षरी महाविद्या त्रिषु लोकेषु पूजिता

vāmanetrendusaṃyuktaṃ mantrarājamimaṃ priye / ekākṣarī mahāvidyā triṣu lokeṣu pūjitā

Sanskrit only: no published translation is held for this verse.

ईशानबिन्दुसंयुक्तं वामकर्णविभूषितम् । एकाक्षरी महाविद्या मन्त्रराजद्वितीयकम्

īśānabindusaṃyuktaṃ vāmakarṇavibhūṣitam / ekākṣarī mahāvidyā mantrarājadvitīyakam

Sanskrit only: no published translation is held for this verse.

शिरं बिन्दुसमारूढं वामनेत्रेन्दुसंयुतम् । आद्यबीजं द्वितीयं च अस्त्रमन्त्रं समुच्चरेत्

śiraṃ bindusamārūḍhaṃ vāmanetrendusaṃyutam / ādyabījaṃ dvitīyaṃ ca astramantraṃ samuccaret

Sanskrit only: no published translation is held for this verse.

प्रणवाद्या यदा विद्या सोग्रतारा प्रकीर्तिता । विद्या चैकजटा प्रोक्ता महामोक्षप्रदायिनी

praṇavādyā yadā vidyā sogratārā prakīrtitā / vidyā caikajaṭā proktā mahāmokṣapradāyinī

Sanskrit only: no published translation is held for this verse.

तारास्त्ररहिता त्र्यर्णा महानीलसरस्वती । वाग्भवाद्या यदा विद्या वागीशत्वप्रदायिनी

tārāstrarahitā tryarṇā mahānīlasarasvatī / vāgbhavādyā yadā vidyā vāgīśatvapradāyinī

Sanskrit only: no published translation is held for this verse.

श्रीबीजाद्या महाविद्या सदा लक्ष्मीप्रदायिनी । मायाद्या परमा विद्या सदा सिद्धिप्रदायिनी

śrībījādyā mahāvidyā sadā lakṣmīpradāyinī / māyādyā paramā vidyā sadā siddhipradāyinī

Sanskrit only: no published translation is held for this verse.

कूर्चबीजादिका चैषा शब्दराशिप्रकाशिनी । गगनाद्या महाविद्या निर्वाणमोक्षदायिनी

kūrcabījādikā caiṣā śabdarāśiprakāśinī / gaganādyā mahāvidyā nirvāṇamokṣadāyinī

Sanskrit only: no published translation is held for this verse.

प्रासादाद्या महाविद्या शिवसायुज्यदायिनी । प्राणबीजादिका चैषा वाञ्छासिद्धिप्रदायिनी

prāsādādyā mahāvidyā śivasāyujyadāyinī / prāṇabījādikā caiṣā vāñchāsiddhipradāyinī

Sanskrit only: no published translation is held for this verse.

कालिकाद्या महाविद्या मुक्तिदा सिद्धिदा सदा । कालिकायाश्च ताराया आराधनम् इहोच्यते

kālikādyā mahāvidyā muktidā siddhidā sadā / kālikāyāśca tārāyā ārādhanam ihocyate

Sanskrit only: no published translation is held for this verse.

प्रातरुत्थाय मन्त्रज्ञः सहस्रारे गुरुं यजेत् । षट्चक्रं भेदयित्वा तु चाष्टोत्तरशतं जपेत्

prātarutthāya mantrajñaḥ sahasrāre guruṃ yajet / ṣaṭcakraṃ bhedayitvā tu cāṣṭottaraśataṃ japet

Sanskrit only: no published translation is held for this verse.

ततः प्रणम्य विधिवत् स्नानकर्म समारभेत् । अद्येत्यादि समुच्चार्य सौरमासं समुच्चरेत्

tataḥ praṇamya vidhivat snānakarma samārabhet / adyetyādi samuccārya sauramāsaṃ samuccaret

Sanskrit only: no published translation is held for this verse.

देवताप्रीतये पश्चात् स्नापयेच्छुद्धवारिणा । ॐकारं च समुच्चार्य गङ्गे चेति समुच्चरेत्

devatāprītaye paścāt snāpayecchuddhavāriṇā / oṃkāraṃ ca samuccārya gaṅge ceti samuccaret

Sanskrit only: no published translation is held for this verse.

यमुनेति ततः पश्चाद् गोदावरि सरस्वति । नर्मदेति समुच्चार्य सिन्धुकावेरिसंयुतम्

yamuneti tataḥ paścād godāvari sarasvati / narmadeti samuccārya sindhukāverisaṃyutam

Sanskrit only: no published translation is held for this verse.

अस्मिन् जले च संनिधिं कुरु शब्दमथो वदेत् । आनयेदङ्कुशाख्येन रविसंयुक्तमण्डलात्

asmin jale ca saṃnidhiṃ kuru śabdamatho vadet / ānayedaṅkuśākhyena ravisaṃyuktamaṇḍalāt

Sanskrit only: no published translation is held for this verse.

मुद्राचतुष्टयं देवि दर्शयेद् बहुयत्नतः । रुद्रसंख्यं जपेन्मन्त्रम् आच्छाद्य मीनमुद्रया

mudrācatuṣṭayaṃ devi darśayed bahuyatnataḥ / rudrasaṃkhyaṃ japenmantram ācchādya mīnamudrayā

Sanskrit only: no published translation is held for this verse.

सूर्यायाभिमुखं तोयं निःक्षिप्य रविसंख्यया । मूलमन्त्रं समुच्चार्य क्षालयेच्चरणद्वयम्

sūryāyābhimukhaṃ toyaṃ niḥkṣipya ravisaṃkhyayā / mūlamantraṃ samuccārya kṣālayeccaraṇadvayam

Sanskrit only: no published translation is held for this verse.

चरणान्निःसृते तोये त्रिर् निमज्य जपेन्मनुम् । मूलमन्त्रं त्रिर् जप्त्वा तु मुद्रया कुम्भसंज्ञया

caraṇānniḥsṛte toye trir nimajya japenmanum / mūlamantraṃ trir japtvā tu mudrayā kumbhasaṃjñayā

Sanskrit only: no published translation is held for this verse.

जलादुत्थाय देवेशि तिलकं कुलवर्त्मतः । आत्मविद्याशिवैस् तत्त्वैर् आचामेत् पयसा ततः

jalādutthāya deveśi tilakaṃ kulavartmataḥ / ātmavidyāśivais tattvair ācāmet payasā tataḥ

Sanskrit only: no published translation is held for this verse.

वह्निजायान्विता मन्त्रा विज्ञेयाः प्रणवादिकाः । गङ्गे चेत्यादिना देवि तीर्थमावाहनं चरेत्

vahnijāyānvitā mantrā vijñeyāḥ praṇavādikāḥ / gaṅge cetyādinā devi tīrthamāvāhanaṃ caret

Sanskrit only: no published translation is held for this verse.

मूलेन दर्भया भूमौ त्रिवारं निक्षिपेत् सुधीः । तज्जलेन सप्तवारम् आत्माभिषेकमाचरेत्

mūlena darbhayā bhūmau trivāraṃ nikṣipet sudhīḥ / tajjalena saptavāram ātmābhiṣekamācaret

Sanskrit only: no published translation is held for this verse.

अङ्गन्यासं ततः कृत्वा वामहस्ते सुरेश्वरि । गगनं वायुबीजं च वरुणं भूमिबीजकम्

aṅganyāsaṃ tataḥ kṛtvā vāmahaste sureśvari / gaganaṃ vāyubījaṃ ca varuṇaṃ bhūmibījakam

Sanskrit only: no published translation is held for this verse.

वह्निबीजं बिन्दुयुक्तं त्रिवारं जपमाचरेत् । अनेन मनुना देवि तज्जलं चाभिमन्त्रितम्

vahnibījaṃ binduyuktaṃ trivāraṃ japamācaret / anena manunā devi tajjalaṃ cābhimantritam

Sanskrit only: no published translation is held for this verse.

मूलमन्त्रं समुच्चार्य सप्तधा तत्त्वमुद्रया । अभिषेचनमात्रेण मुच्यते सर्वपातकैः

mūlamantraṃ samuccārya saptadhā tattvamudrayā / abhiṣecanamātreṇa mucyate sarvapātakaiḥ

Sanskrit only: no published translation is held for this verse.

शेषं जलं महेशानि दक्षहस्ते समानयेत् । इडया पूरयेत्तोयं क्षालयेद् देहमध्यगम्

śeṣaṃ jalaṃ maheśāni dakṣahaste samānayet / iḍayā pūrayettoyaṃ kṣālayed dehamadhyagam

Sanskrit only: no published translation is held for this verse.

ततः पिङ्गलया देवि तत्तोयं तु विरेचयेत् । कृष्णवर्णं तदुदकं पापरूपं विचिन्तयेत्

tataḥ piṅgalayā devi tattoyaṃ tu virecayet / kṛṣṇavarṇaṃ tadudakaṃ pāparūpaṃ vicintayet

Sanskrit only: no published translation is held for this verse.

पुरतो वज्रपाषाणे फट्कारेण विनिक्षिपेत् । हस्तं प्रक्षाल्य चाचम्य प्राणायामपुरःसरम्

purato vajrapāṣāṇe phaṭkāreṇa vinikṣipet / hastaṃ prakṣālya cācamya prāṇāyāmapuraḥsaram

Sanskrit only: no published translation is held for this verse.

तर्पयेत् कुलदेवं च सूर्यायार्घ्यं निवेदयेत् । देवतार्घ्यं ततः पश्चाद् गायत्रीं परमाक्षरीम्

tarpayet kuladevaṃ ca sūryāyārghyaṃ nivedayet / devatārghyaṃ tataḥ paścād gāyatrīṃ paramākṣarīm

Sanskrit only: no published translation is held for this verse.

प्रणवं च समुद्धृत्य कालिकायै ततो वदेत् । विद्महे इति संलिख्य श्मशानं च समुद्धरेत्

praṇavaṃ ca samuddhṛtya kālikāyai tato vadet / vidmahe iti saṃlikhya śmaśānaṃ ca samuddharet

Sanskrit only: no published translation is held for this verse.

वासिनीं ङेयुतां देवि धीमहीति ततो वदेत् । तन्नो घोरे महेशानि प्रजपेत्तु प्रचोदयात्

vāsinīṃ ṅeyutāṃ devi dhīmahīti tato vadet / tanno ghore maheśāni prajapettu pracodayāt

Sanskrit only: no published translation is held for this verse.

गायत्रीं प्रपठेद् धीमान् त्रिवारं जलमुत्क्षिपेत् । ततो जपेन्महामन्त्रं गायत्रीं परमाक्षरीम्

gāyatrīṃ prapaṭhed dhīmān trivāraṃ jalamutkṣipet / tato japenmahāmantraṃ gāyatrīṃ paramākṣarīm

Sanskrit only: no published translation is held for this verse.

अङ्गन्यासं ततः कृत्वा आचम्य परमेश्वरि । इष्टदेवीं महेशानि ध्यात्वा तु परिमण्डले

aṅganyāsaṃ tataḥ kṛtvā ācamya parameśvari / iṣṭadevīṃ maheśāni dhyātvā tu parimaṇḍale

Sanskrit only: no published translation is held for this verse.

ॐ तारायै विद्महे इति महोग्रायै ततो वदेत् । धीमहीति ततः पश्चात् ततो देवि प्रचोदयात्

oṃ tārāyai vidmahe iti mahogrāyai tato vadet / dhīmahīti tataḥ paścāt tato devi pracodayāt

Sanskrit only: no published translation is held for this verse.

प्राणायामं ततः कृत्वा चाष्टोत्तरशतं जपेत् । सूत्राकारेण देवेशि पूजाविधिरिहोच्यते

prāṇāyāmaṃ tataḥ kṛtvā cāṣṭottaraśataṃ japet / sūtrākāreṇa deveśi pūjāvidhirihocyate

Sanskrit only: no published translation is held for this verse.

स्वस्तिवाचनसंकल्पं घटं संस्थाप्य यत्नतः । मन्त्रेणाचमनं कार्यं सामान्यार्घ्यं ततो न्यसेत्

svastivācanasaṃkalpaṃ ghaṭaṃ saṃsthāpya yatnataḥ / mantreṇācamanaṃ kāryaṃ sāmānyārghyaṃ tato nyaset

Sanskrit only: no published translation is held for this verse.

तज्जलैर् द्वारम् अभ्युक्ष्य द्वारपूजां समाचरेत् । त्रिविधं विघ्नम् उत्सार्य भूतापसरणं ततः

tajjalair dvāram abhyukṣya dvārapūjāṃ samācaret / trividhaṃ vighnam utsārya bhūtāpasaraṇaṃ tataḥ

Sanskrit only: no published translation is held for this verse.

आसनं च समभ्यर्च्य गुरुदेवं नमेत् सुधीः । करशुद्धिं च तालं च त्रयं दिग्बन्धनं ततः

āsanaṃ ca samabhyarcya gurudevaṃ namet sudhīḥ / karaśuddhiṃ ca tālaṃ ca trayaṃ digbandhanaṃ tataḥ

Sanskrit only: no published translation is held for this verse.

वह्निना वेष्टनं कार्यं भूतशुद्धिम् अथाचरेत् । मातृकायाः षडङ्गं च कुर्याद् आन्तरमातृकाम्

vahninā veṣṭanaṃ kāryaṃ bhūtaśuddhim athācaret / mātṛkāyāḥ ṣaḍaṅgaṃ ca kuryād āntaramātṛkām

Sanskrit only: no published translation is held for this verse.

मातृकाध्यानम् उच्चार्य बाह्ये तु मातृकां न्यसेत् । पीठन्यासं ततः कृत्वा प्राणायामं समाचरेत्

mātṛkādhyānam uccārya bāhye tu mātṛkāṃ nyaset / pīṭhanyāsaṃ tataḥ kṛtvā prāṇāyāmaṃ samācaret

Sanskrit only: no published translation is held for this verse.

ऋष्यादिकं कराङ्गं च वर्णन्यासं समाचरेत् । षोढान्यासं ततो देवि व्यापकं तदनन्तरम्

ṛṣyādikaṃ karāṅgaṃ ca varṇanyāsaṃ samācaret / ṣoḍhānyāsaṃ tato devi vyāpakaṃ tadanantaram

Sanskrit only: no published translation is held for this verse.

एवं समाहितमनास् तत्त्वन्यासं समाचरेत् । बीजन्यासं ततो देवि व्यापकं विन्यसेत् सुधीः

evaṃ samāhitamanās tattvanyāsaṃ samācaret / bījanyāsaṃ tato devi vyāpakaṃ vinyaset sudhīḥ

Sanskrit only: no published translation is held for this verse.

मूलेन सप्तधा ध्यानं मानसैः पूजनं चरेत् । विशेषार्घ्यं पीठपूजां पुनर्ध्यानं सनेत्रकम्

mūlena saptadhā dhyānaṃ mānasaiḥ pūjanaṃ caret / viśeṣārghyaṃ pīṭhapūjāṃ punardhyānaṃ sanetrakam

Sanskrit only: no published translation is held for this verse.

मुद्रादिदर्शनं कार्यम् आवाहनषडङ्गकम् । धेन्वादिकं ततः प्राण- प्रतिष्ठां मूलपूजनम्

mudrādidarśanaṃ kāryam āvāhanaṣaḍaṅgakam / dhenvādikaṃ tataḥ prāṇa- pratiṣṭhāṃ mūlapūjanam

Sanskrit only: no published translation is held for this verse.

आज्ञाप्रार्थनमङ्गानि काल्यादीन् परिपूजयेत् । ब्राह्म्यादीनसिताङ्गादीन् महाकालं प्रपूजयेत्

ājñāprārthanamaṅgāni kālyādīn paripūjayet / brāhmyādīnasitāṅgādīn mahākālaṃ prapūjayet

Sanskrit only: no published translation is held for this verse.

खड्गादीन् गुरुपङ्क्तिं च पुनर्देवीं प्रपूजयेत् । बलिदानं ततो होमं प्राणायामं ततो जपम्

khaḍgādīn gurupaṅktiṃ ca punardevīṃ prapūjayet / balidānaṃ tato homaṃ prāṇāyāmaṃ tato japam

Sanskrit only: no published translation is held for this verse.

जपं समर्पयेद्धीमान् प्राणायामं ततश्चरेत् । एतस्मिन् समये देवि कारणादीन् समाहरेत्

japaṃ samarpayeddhīmān prāṇāyāmaṃ tataścaret / etasmin samaye devi kāraṇādīn samāharet

Sanskrit only: no published translation is held for this verse.

अर्घ्यं दत्त्वा महेशानि चात्मानं च समर्पयेत् । स्तुतिं च कवचं स्मृत्वा चाष्टाङ्गं प्रणमेत् सुधीः

arghyaṃ dattvā maheśāni cātmānaṃ ca samarpayet / stutiṃ ca kavacaṃ smṛtvā cāṣṭāṅgaṃ praṇamet sudhīḥ

Sanskrit only: no published translation is held for this verse.

शिवोऽहम् इति संचिन्त्य संहारेण विसर्जयेत् । ऐशान्यां मण्डलं कृत्वा चाण्डाल्युच्छिष्टपूर्विकाम्

śivo'ham iti saṃcintya saṃhāreṇa visarjayet / aiśānyāṃ maṇḍalaṃ kṛtvā cāṇḍālyucchiṣṭapūrvikām

Sanskrit only: no published translation is held for this verse.

अर्घ्यं संधार्य शिरसि चन्दनं तु ललाटके । नैवेद्यं किंचित् स्वीकृत्य विहरेच्च निजेच्छया

arghyaṃ saṃdhārya śirasi candanaṃ tu lalāṭake / naivedyaṃ kiṃcit svīkṛtya viharecca nijecchayā

Sanskrit only: no published translation is held for this verse.

संक्षेपपूजामथवा कुर्यान्मन्त्री समाहितः । आदौ ऋष्यादिकं न्यासं करशुद्धिस्ततः परम्

saṃkṣepapūjāmathavā kuryānmantrī samāhitaḥ / ādau ṛṣyādikaṃ nyāsaṃ karaśuddhistataḥ param

Sanskrit only: no published translation is held for this verse.

अङ्गुलीव्यापकन्यासौ हृदादिन्यास एव च । तालत्रयं च दिग्बन्धः प्राणायामस्ततः परम्

aṅgulīvyāpakanyāsau hṛdādinyāsa eva ca / tālatrayaṃ ca digbandhaḥ prāṇāyāmastataḥ param

Sanskrit only: no published translation is held for this verse.

ध्यानं मानसयागं च अर्घ्यस्थापनमेव च । पीठपूजां पुनर्ध्यानं ततश्चावाहनं चरेत्

dhyānaṃ mānasayāgaṃ ca arghyasthāpanameva ca / pīṭhapūjāṃ punardhyānaṃ tataścāvāhanaṃ caret

Sanskrit only: no published translation is held for this verse.

जीवन्यासं ततः कृत्वा पूजयेत् परदेवताम् । अङ्गपूजां च काल्यादीन् ब्राह्म्यादींश्चाष्टभैरवान्

jīvanyāsaṃ tataḥ kṛtvā pūjayet paradevatām / aṅgapūjāṃ ca kālyādīn brāhmyādīṃścāṣṭabhairavān

Sanskrit only: no published translation is held for this verse.

महाकालं पूजयित्वा गुरुपङ्क्तिं यजेत्ततः । खड्गादीन् पूजयित्वा तु पुनर्देवीं प्रपूजयेत्

mahākālaṃ pūjayitvā gurupaṅktiṃ yajettataḥ / khaḍgādīn pūjayitvā tu punardevīṃ prapūjayet

Sanskrit only: no published translation is held for this verse.

प्राणायामं ततः कृत्वा पूजयेत् साधकाग्रणीः । देव्या हस्ते जपफलं समर्पणमथाचरेत्

prāṇāyāmaṃ tataḥ kṛtvā pūjayet sādhakāgraṇīḥ / devyā haste japaphalaṃ samarpaṇamathācaret

Sanskrit only: no published translation is held for this verse.

प्राणायामं ततः कृत्वा चाष्टाङ्गं प्रणमेत् सुधीः । स्तुतिं च कवचं स्मृत्वा विशेषार्घ्यं प्रदापयेत्

prāṇāyāmaṃ tataḥ kṛtvā cāṣṭāṅgaṃ praṇamet sudhīḥ / stutiṃ ca kavacaṃ smṛtvā viśeṣārghyaṃ pradāpayet

Sanskrit only: no published translation is held for this verse.

आत्मसमर्पणं कृत्वा संहारेण विसर्जयेत् । ऐशान्यां मण्डलं कृत्वा चाण्डाल्युच्छिष्टपूर्विकाम् । नैवेद्यं किंचित् स्वीकृत्य विहरेच्च निजेच्छया

ātmasamarpaṇaṃ kṛtvā saṃhāreṇa visarjayet / aiśānyāṃ maṇḍalaṃ kṛtvā cāṇḍālyucchiṣṭapūrvikām / naivedyaṃ kiṃcit svīkṛtya viharecca nijecchayā

Sanskrit only: no published translation is held for this verse.