श्रीदेवी उवाच त्वत्प्रसादान्महादेव पवित्राहं न चान्यथा । शम्भुनाथार्चनं देव श्रोतुम् इच्छामि साम्प्रतम्
śrīdevī uvāca tvatprasādānmahādeva pavitrāhaṃ na cānyathā / śambhunāthārcanaṃ deva śrotum icchāmi sāmpratam
Sanskrit only: no published translation is held for this verse.
शिव उवाच शृणु पार्वति वक्ष्यामि यन्मां त्वं परिपृच्छसि । नकुलीशं समुद्धृत्य मनुस्वरविभूषितम्
śiva uvāca śṛṇu pārvati vakṣyāmi yanmāṃ tvaṃ paripṛcchasi / nakulīśaṃ samuddhṛtya manusvaravibhūṣitam
Sanskrit only: no published translation is held for this verse.
बिन्दुनादकलायुक्तं प्रासादाख्यं महामनुम् । अस्य मन्त्रस्य माहात्म्यम् ऊर्ध्वाम्नाये मयोदितम्
bindunādakalāyuktaṃ prāsādākhyaṃ mahāmanum / asya mantrasya māhātmyam ūrdhvāmnāye mayoditam
Sanskrit only: no published translation is held for this verse.
नमस्कारं समुद्धृत्य वान्तं नेत्रविभूषितम् । वारुणं मुखवृत्तं च वायुं ललाटसंयुतम्
namaskāraṃ samuddhṛtya vāntaṃ netravibhūṣitam / vāruṇaṃ mukhavṛttaṃ ca vāyuṃ lalāṭasaṃyutam
Sanskrit only: no published translation is held for this verse.
अयं पञ्चाक्षरो मन्त्रः पञ्चाम्नायफलप्रदः । प्रणवादि यदा देवि तदा मन्त्रं षडक्षरम्
ayaṃ pañcākṣaro mantraḥ pañcāmnāyaphalapradaḥ / praṇavādi yadā devi tadā mantraṃ ṣaḍakṣaram
Sanskrit only: no published translation is held for this verse.
प्रासादाख्यं समुद्धृत्य अर्धनारीश्वराय च । पुनः प्रासादमुद्धृत्य मन्त्रं परमगोपनम्
prāsādākhyaṃ samuddhṛtya ardhanārīśvarāya ca / punaḥ prāsādamuddhṛtya mantraṃ paramagopanam
Sanskrit only: no published translation is held for this verse.
एवं बहुविधाकारं विग्रहं मे नगात्मजे । कण्ठे तु गरलं देवि न कलौ भावयेत् क्वचित्
evaṃ bahuvidhākāraṃ vigrahaṃ me nagātmaje / kaṇṭhe tu garalaṃ devi na kalau bhāvayet kvacit
Sanskrit only: no published translation is held for this verse.
यदीच्छेदात्मनो मृत्युं यदि उन्मत्तम् इच्छति । तदैव सहसा देवि नीलकण्ठम् उपासते
yadīcchedātmano mṛtyuṃ yadi unmattam icchati / tadaiva sahasā devi nīlakaṇṭham upāsate
Sanskrit only: no published translation is held for this verse.
दुरदृष्टवशाद् देवि नीलकण्ठस्तवादिकम् । करोति कारयेद्वापि मम हत्यां करोति सः
duradṛṣṭavaśād devi nīlakaṇṭhastavādikam / karoti kārayedvāpi mama hatyāṃ karoti saḥ
Sanskrit only: no published translation is held for this verse.
अत एव महेशानि स पापिष्ठो न चान्यथा । निषिद्धाचरणं पापं करोति यदि पामरः
ata eva maheśāni sa pāpiṣṭho na cānyathā / niṣiddhācaraṇaṃ pāpaṃ karoti yadi pāmaraḥ
Sanskrit only: no published translation is held for this verse.
पुत्रदाराधनं तस्य नाशमेति न संशयः । कण्ठे तु गरलं देवि यदि पूजापरो भवेत्
putradārādhanaṃ tasya nāśameti na saṃśayaḥ / kaṇṭhe tu garalaṃ devi yadi pūjāparo bhavet
Sanskrit only: no published translation is held for this verse.
इहलोके दरिद्रः स्यान् मृते शूकरतां व्रजेत् । नीलकण्ठस्य यन्मन्त्रं यदि कुर्यात् पुरस्क्रियाम्
ihaloke daridraḥ syān mṛte śūkaratāṃ vrajet / nīlakaṇṭhasya yanmantraṃ yadi kuryāt puraskriyām
Sanskrit only: no published translation is held for this verse.
पक्षान्तरे महेशानि तस्य मृत्युर्न चान्यथा । शृणु देवि प्रवक्ष्यामि पार्थिवं शिवपूजनम्
pakṣāntare maheśāni tasya mṛtyurna cānyathā / śṛṇu devi pravakṣyāmi pārthivaṃ śivapūjanam
Sanskrit only: no published translation is held for this verse.
तत्रादौ परमेशानि गुरुदेवं नमेत् सुधीः । ॐ हराय नमस्कारं मृत्तिकामाहरेत् सुधीः
tatrādau parameśāni gurudevaṃ namet sudhīḥ / oṃ harāya namaskāraṃ mṛttikāmāharet sudhīḥ
Sanskrit only: no published translation is held for this verse.
महेश्वराय नमस्कारं लिङ्गं निर्माय यत्नतः । शूलपाणे इहोच्चार्य सुसंप्रतिष्ठितो भव
maheśvarāya namaskāraṃ liṅgaṃ nirmāya yatnataḥ / śūlapāṇe ihoccārya susaṃpratiṣṭhito bhava
Sanskrit only: no published translation is held for this verse.
अनेन मनुना देवि जीवन्यासो विधीयते । शकारं बिन्दुसंयुक्तं दीर्घमुक्तं षडङ्गकम्
anena manunā devi jīvanyāso vidhīyate / śakāraṃ bindusaṃyuktaṃ dīrghamuktaṃ ṣaḍaṅgakam
Sanskrit only: no published translation is held for this verse.
तस्य ध्यानं प्रवक्ष्यामि शृणुष्व सुसमाहिता । ॐ ध्यायेन्नित्यं महेशं रजतगिरिनिभं चारुचन्द्रावतंसं रत्नाकल्पोज्ज्वलाङ्गं परशुमृगवराभीतिहस्तं प्रसन्नम् । पद्मासीनं समन्तात् स्तुतम् अमरगणैर् व्याघ्रकृत्तिं वसानं विश्वाद्यं विश्वबीजं निखिलभयहरं पञ्चवक्त्रं त्रिनेत्रम्
tasya dhyānaṃ pravakṣyāmi śṛṇuṣva susamāhitā / oṃ dhyāyennityaṃ maheśaṃ rajatagirinibhaṃ cārucandrāvataṃsaṃ ratnākalpojjvalāṅgaṃ paraśumṛgavarābhītihastaṃ prasannam / padmāsīnaṃ samantāt stutam amaragaṇair vyāghrakṛttiṃ vasānaṃ viśvādyaṃ viśvabījaṃ nikhilabhayaharaṃ pañcavaktraṃ trinetram
Sanskrit only: no published translation is held for this verse.
पुष्पं शिरसि संधार्य मानसैः पूजनं चरेत् । पुनर्ध्यात्वा महेशानि शिवे पुष्पं निधाय च
puṣpaṃ śirasi saṃdhārya mānasaiḥ pūjanaṃ caret / punardhyātvā maheśāni śive puṣpaṃ nidhāya ca
Sanskrit only: no published translation is held for this verse.
पिनाकधृगिति चोच्चार्य इहागच्छ द्वयं वदेत् । इह तिष्ठ ततो द्वंद्वं संनिधेहि द्वयम् इह
pinākadhṛgiti coccārya ihāgaccha dvayaṃ vadet / iha tiṣṭha tato dvaṃdvaṃ saṃnidhehi dvayam iha
Sanskrit only: no published translation is held for this verse.
इह सन्नि ततो रुद्ध- स्वशब्दं च ततो वदेत् । यावत् पूजां समुच्चार्य ततश्चैवं करोम्यहम्
iha sanni tato ruddha- svaśabdaṃ ca tato vadet / yāvat pūjāṃ samuccārya tataścaivaṃ karomyaham
Sanskrit only: no published translation is held for this verse.
स्नानीयं च पशुपतिं ङेयुक्तं च नमश्चरेत् । वेदाद्यं योजयेद्देवि ब्राह्मणः साधकोत्तमः
snānīyaṃ ca paśupatiṃ ṅeyuktaṃ ca namaścaret / vedādyaṃ yojayeddevi brāhmaṇaḥ sādhakottamaḥ
Sanskrit only: no published translation is held for this verse.
एतत् पाद्यं महेशानि षडक्षरमनुं ततः । नमस्कारं समुच्चार्य सर्वं दद्याद् विचक्षणः
etat pādyaṃ maheśāni ṣaḍakṣaramanuṃ tataḥ / namaskāraṃ samuccārya sarvaṃ dadyād vicakṣaṇaḥ
Sanskrit only: no published translation is held for this verse.
पूजयित्वा महेशानि चाष्टमूर्तिं प्रपूजयेत् । शर्वो भवस्तथा रुद्र उग्रो भीमः पशोः पतिः
pūjayitvā maheśāni cāṣṭamūrtiṃ prapūjayet / śarvo bhavastathā rudra ugro bhīmaḥ paśoḥ patiḥ
Sanskrit only: no published translation is held for this verse.
महादेवं च ईशानं ङेयुतं कुरु यत्नतः । क्षितिं जलं तथा चाग्निं वायुं चाकाशमेव च
mahādevaṃ ca īśānaṃ ṅeyutaṃ kuru yatnataḥ / kṣitiṃ jalaṃ tathā cāgniṃ vāyuṃ cākāśameva ca
Sanskrit only: no published translation is held for this verse.
यजमानं तथा सोमं सूर्यं च मूर्तिना सह । सर्वत्र ङेयुतं कृत्वा पूजयेत् साधकोत्तमः
yajamānaṃ tathā somaṃ sūryaṃ ca mūrtinā saha / sarvatra ṅeyutaṃ kṛtvā pūjayet sādhakottamaḥ
Sanskrit only: no published translation is held for this verse.
प्रणवादिनमोऽन्तेन वामावर्तेन पूजयेत् । मूर्तयोऽष्टौ शिवस्यैताः पूर्वादिक्रमयोगतः
praṇavādinamo'ntena vāmāvartena pūjayet / mūrtayo'ṣṭau śivasyaitāḥ pūrvādikramayogataḥ
Sanskrit only: no published translation is held for this verse.
आग्नेय्यान्ताः प्रपूज्याथ विद्यां लिङ्गिशिवं यजेत् । अष्टोत्तरसहस्रं वा शतं वा प्रजपेत्ततः
āgneyyāntāḥ prapūjyātha vidyāṃ liṅgiśivaṃ yajet / aṣṭottarasahasraṃ vā śataṃ vā prajapettataḥ
Sanskrit only: no published translation is held for this verse.
गुह्यातिगुह्यगोप्ता त्वं गृहाणास्मत्कृतं जपम् । सिद्धिर्भवतु मे देव त्वत्प्रसादान्महेश्वर
guhyātiguhyagoptā tvaṃ gṛhāṇāsmatkṛtaṃ japam / siddhirbhavatu me deva tvatprasādānmaheśvara
Sanskrit only: no published translation is held for this verse.
ततस्तोयं समादाय जपं चैव समर्पयेत् । मुखवाद्यं ततः कृत्वा चाष्टाङ्गं प्रणमेत् सुधीः
tatastoyaṃ samādāya japaṃ caiva samarpayet / mukhavādyaṃ tataḥ kṛtvā cāṣṭāṅgaṃ praṇamet sudhīḥ
Sanskrit only: no published translation is held for this verse.
संहारेण महादेव क्षमस्वेति विसर्जयेत् । एवं पूजा प्रकर्तव्या शक्तिमन्त्रान् यजेद् यदि
saṃhāreṇa mahādeva kṣamasveti visarjayet / evaṃ pūjā prakartavyā śaktimantrān yajed yadi
Sanskrit only: no published translation is held for this verse.
प्रासादादीन् महामन्त्रान् यदि दीक्षापरो भवेत् । शक्तिदीक्षा न कर्तव्या कदाचिदपि मोहतः
prāsādādīn mahāmantrān yadi dīkṣāparo bhavet / śaktidīkṣā na kartavyā kadācidapi mohataḥ
Sanskrit only: no published translation is held for this verse.
स शैव इति विख्यातः सर्वतन्त्रेश्वरो भवेत् । अथातः सम्प्रवक्ष्यामि सूत्रं परमगोपनम्
sa śaiva iti vikhyātaḥ sarvatantreśvaro bhavet / athātaḥ sampravakṣyāmi sūtraṃ paramagopanam
Sanskrit only: no published translation is held for this verse.
हरो महेश्वरश्चैव शूलपाणिः पिनाकधृक् । पशुपतिः शिवश्चैव महादेव इति क्रमात्
haro maheśvaraścaiva śūlapāṇiḥ pinākadhṛk / paśupatiḥ śivaścaiva mahādeva iti kramāt
Sanskrit only: no published translation is held for this verse.
अष्टमूर्तिस् ततो देवि पूजयेत् साधकोत्तमः । ततो जपेन्महेशानि मुखवाद्यं ततः परम्
aṣṭamūrtis tato devi pūjayet sādhakottamaḥ / tato japenmaheśāni mukhavādyaṃ tataḥ param
Sanskrit only: no published translation is held for this verse.
एतदन्यन्न कर्तव्यं शक्तिदीक्षापरो यदि । निषिद्धाचरणाद्देवि पापभाग् जायते नरः
etadanyanna kartavyaṃ śaktidīkṣāparo yadi / niṣiddhācaraṇāddevi pāpabhāg jāyate naraḥ
Sanskrit only: no published translation is held for this verse.
न्यूनाधिकं महादेवि यदि पूजादिकं चरेत् । स गुरुं चापि शिष्यं च शिवहत्यां प्रयच्छति
nyūnādhikaṃ mahādevi yadi pūjādikaṃ caret / sa guruṃ cāpi śiṣyaṃ ca śivahatyāṃ prayacchati
Sanskrit only: no published translation is held for this verse.
न्यूनाधिकं महेशानि यदि चैकाक्षरं भवेत् । वर्णसंख्या महेशानि ब्रह्महत्या भविष्यति
nyūnādhikaṃ maheśāni yadi caikākṣaraṃ bhavet / varṇasaṃkhyā maheśāni brahmahatyā bhaviṣyati
Sanskrit only: no published translation is held for this verse.
अत एव स पापिष्ठः सत्यं सत्यं सुरेश्वरि । एवं पूजां विधायादौ ततश्चान्यं प्रपूजयेत्
ata eva sa pāpiṣṭhaḥ satyaṃ satyaṃ sureśvari / evaṃ pūjāṃ vidhāyādau tataścānyaṃ prapūjayet
Sanskrit only: no published translation is held for this verse.
आदौ शिवं पूजयित्वा शक्तिपूजा ततः परम् । यत् किंचिद् उपचारं हि तस्य किंचिन्निवेदयेत्
ādau śivaṃ pūjayitvā śaktipūjā tataḥ param / yat kiṃcid upacāraṃ hi tasya kiṃcinnivedayet
Sanskrit only: no published translation is held for this verse.
अन्यथा मूत्रवत् सर्वं गङ्गातोयं भवेद् यदि । अत एव महेशानि आदौ लिङ्गं प्रपूजयेत्
anyathā mūtravat sarvaṃ gaṅgātoyaṃ bhaved yadi / ata eva maheśāni ādau liṅgaṃ prapūjayet
Sanskrit only: no published translation is held for this verse.
शिवस्नानोदकं देवि मूर्ध्नि संधारयेद् यदि । सत्यं सत्यं महेशानि शिवतुल्यो न संशयः
śivasnānodakaṃ devi mūrdhni saṃdhārayed yadi / satyaṃ satyaṃ maheśāni śivatulyo na saṃśayaḥ
Sanskrit only: no published translation is held for this verse.
शिवरूपी स्वयं भूत्वा देवीपूजां समाचरेत् । शैववैष्णवदौर्गार्क- गाणपत्यैन्द्रदीक्षितः
śivarūpī svayaṃ bhūtvā devīpūjāṃ samācaret / śaivavaiṣṇavadaurgārka- gāṇapatyaindradīkṣitaḥ
Sanskrit only: no published translation is held for this verse.
आदौ लिङ्गं पूजयित्वा यदि चान्यत् प्रपूजयेत् । तत्फलं कोटिगुणितं सत्यं सत्यं न संशयः
ādau liṅgaṃ pūjayitvā yadi cānyat prapūjayet / tatphalaṃ koṭiguṇitaṃ satyaṃ satyaṃ na saṃśayaḥ
Sanskrit only: no published translation is held for this verse.
अन्यदेवं पूजयित्वा शिवं पश्चाद् यजेद् यदि । तस्य पूजाफलं चैव भुज्यते यक्षराक्षसैः
anyadevaṃ pūjayitvā śivaṃ paścād yajed yadi / tasya pūjāphalaṃ caiva bhujyate yakṣarākṣasaiḥ
Sanskrit only: no published translation is held for this verse.
इति ते कथितं कान्ते तन्त्राणां सारमुत्तमम् । बहु किं कथ्यते देवि भूयः किं श्रोतुमिच्छसि
iti te kathitaṃ kānte tantrāṇāṃ sāramuttamam / bahu kiṃ kathyate devi bhūyaḥ kiṃ śrotumicchasi
Sanskrit only: no published translation is held for this verse.