श्रीदेवी उवाच श्रुतं महाकालिकाया मन्त्रं परमगोपनम् । संक्षेपं कथितं नाथ वासनां वद मां प्रति
śrīdevī uvāca śrutaṃ mahākālikāyā mantraṃ paramagopanam / saṃkṣepaṃ kathitaṃ nātha vāsanāṃ vada māṃ prati
Sanskrit only: no published translation is held for this verse.
श्रीशिव उवाच शृणु देवि महामन्त्र- वासनां सर्वसिद्धिदाम् । यस्याः श्रवणमात्रेण मन्त्राः सिद्धा भवन्ति हि
śrīśiva uvāca śṛṇu devi mahāmantra- vāsanāṃ sarvasiddhidām / yasyāḥ śravaṇamātreṇa mantrāḥ siddhā bhavanti hi
Sanskrit only: no published translation is held for this verse.
ककारस्योर्ध्वकोणेषु प्राणो वायुः प्रतिष्ठितः । अपानो वायुकोणे च समानो मध्यदेशतः
kakārasyordhvakoṇeṣu prāṇo vāyuḥ pratiṣṭhitaḥ / apāno vāyukoṇe ca samāno madhyadeśataḥ
Sanskrit only: no published translation is held for this verse.
उदानो ऽङ्कुशकोणे च मात्रायां व्यान एव च । बीजं तु कालिकारूपं प्रकारं शृणु पार्वति
udāno 'ṅkuśakoṇe ca mātrāyāṃ vyāna eva ca / bījaṃ tu kālikārūpaṃ prakāraṃ śṛṇu pārvati
Sanskrit only: no published translation is held for this verse.
कलाभागे जटाजूटं केशं च परमेश्वरि । बिन्दुमस्तकभालं तु नासा नेत्रं च पार्वति
kalābhāge jaṭājūṭaṃ keśaṃ ca parameśvari / bindumastakabhālaṃ tu nāsā netraṃ ca pārvati
Sanskrit only: no published translation is held for this verse.
श्रोत्रयुग्मं तथा वक्त्रं स्कन्दनाद् अव्यवस्थितम् । चतुर्बाहुं तथा देहं स्तनद्वंद्वं कटिद्वयम्
śrotrayugmaṃ tathā vaktraṃ skandanād avyavasthitam / caturbāhuṃ tathā dehaṃ stanadvaṃdvaṃ kaṭidvayam
Sanskrit only: no published translation is held for this verse.
हृदयं जठरं पादं तथा सर्वाङ्गुलिः शिवे । ब्रह्मरूपं ककारं च सर्वाङ्गं तनुसंशयः
hṛdayaṃ jaṭharaṃ pādaṃ tathā sarvāṅguliḥ śive / brahmarūpaṃ kakāraṃ ca sarvāṅgaṃ tanusaṃśayaḥ
Sanskrit only: no published translation is held for this verse.
शकारं कामरूपं च योनिरूपं न चान्यथा । चन्द्रसूर्याग्निरूपं च रेफं परमदुर्लभम्
śakāraṃ kāmarūpaṃ ca yonirūpaṃ na cānyathā / candrasūryāgnirūpaṃ ca rephaṃ paramadurlabham
Sanskrit only: no published translation is held for this verse.
सर्वाङ्गद्योतनं तेजो जगदानन्दरूपकम् । बिन्दुनिर्वाणदं नादं महामोक्षप्रदं सदा
sarvāṅgadyotanaṃ tejo jagadānandarūpakam / bindunirvāṇadaṃ nādaṃ mahāmokṣapradaṃ sadā
Sanskrit only: no published translation is held for this verse.
सर्वविघ्नहरं देवि ककारं तोयरूपकम् । सर्वपापहरं रेफं तस्माद् वह्निर्न चान्यथा
sarvavighnaharaṃ devi kakāraṃ toyarūpakam / sarvapāpaharaṃ rephaṃ tasmād vahnirna cānyathā
Sanskrit only: no published translation is held for this verse.
ईकारं परमेशानि शक्तिं चाव्ययरूपिणीम् । महामोक्षप्रदा देवी तस्मान्माया प्रकीर्तिता
īkāraṃ parameśāni śaktiṃ cāvyayarūpiṇīm / mahāmokṣapradā devī tasmānmāyā prakīrtitā
Sanskrit only: no published translation is held for this verse.
ककारं ब्रह्मरूपं च मकारं विष्णुरूपकम् । रेफः संहाररूपत्वाच् छिवरूपो न चान्यथा
kakāraṃ brahmarūpaṃ ca makāraṃ viṣṇurūpakam / rephaḥ saṃhārarūpatvāc chivarūpo na cānyathā
Sanskrit only: no published translation is held for this verse.
ब्रह्मविष्णुशिवः साक्षात् ककारं परमेश्वरि । अनुच्चार्यं तदेव स्याद् विना मायायुतं शिवे
brahmaviṣṇuśivaḥ sākṣāt kakāraṃ parameśvari / anuccāryaṃ tadeva syād vinā māyāyutaṃ śive
Sanskrit only: no published translation is held for this verse.
मायायुक्तं यदा देवि तदा मुक्तिप्रदं महत् । अत एव महेशानि मायाशक्तिर्निगद्यते
māyāyuktaṃ yadā devi tadā muktipradaṃ mahat / ata eva maheśāni māyāśaktirnigadyate
Sanskrit only: no published translation is held for this verse.
ककारं धर्मदं देवि ईकारश्चार्थदायकम् । रकारं कामदं कान्ते मकारं मोक्षदायकम्
kakāraṃ dharmadaṃ devi īkāraścārthadāyakam / rakāraṃ kāmadaṃ kānte makāraṃ mokṣadāyakam
Sanskrit only: no published translation is held for this verse.
एकत्रोच्चारणाद्देवि निर्वाणमोक्षदायिनी । माहात्म्यं देवदेवेशि किं वक्तुं शक्यते मया
ekatroccāraṇāddevi nirvāṇamokṣadāyinī / māhātmyaṃ devadeveśi kiṃ vaktuṃ śakyate mayā
Sanskrit only: no published translation is held for this verse.
जिह्वाकोटिसहस्रेण वक्त्रकोटिशतेन च । जन्मान्तरसहस्रेण वर्णितुं नैव शक्यते
jihvākoṭisahasreṇa vaktrakoṭiśatena ca / janmāntarasahasreṇa varṇituṃ naiva śakyate
Sanskrit only: no published translation is held for this verse.
विधिवल्लक्षजापेन पुरश्चरणम् उच्यते । एतद्रूपं महामायां कूर्चबीजं तु सुन्दरि
vidhivallakṣajāpena puraścaraṇam ucyate / etadrūpaṃ mahāmāyāṃ kūrcabījaṃ tu sundari
Sanskrit only: no published translation is held for this verse.
वाग्भवं प्रणवं देवि एतद्रूपं न संशयः । अग्निजाया महाविद्या एतद्रूपं न संशयः
vāgbhavaṃ praṇavaṃ devi etadrūpaṃ na saṃśayaḥ / agnijāyā mahāvidyā etadrūpaṃ na saṃśayaḥ
Sanskrit only: no published translation is held for this verse.
द्रुतसिद्धिप्रदा विद्या वह्निजाया परा मनुः । सम्बोधनपदेनैव सदा संनिधिकारिणी
drutasiddhipradā vidyā vahnijāyā parā manuḥ / sambodhanapadenaiva sadā saṃnidhikāriṇī
Sanskrit only: no published translation is held for this verse.
अथ वक्ष्ये महाविद्या- पुरश्चरणम् उत्तमम् । कथितं मन्त्रराजस्य त्रिपुरश्चरणं शृणु
atha vakṣye mahāvidyā- puraścaraṇam uttamam / kathitaṃ mantrarājasya tripuraścaraṇaṃ śṛṇu
Sanskrit only: no published translation is held for this verse.
दिवा लक्षं जपेन्मन्त्रं हविष्याशी जितेन्द्रियः । दिव्यवीरमते देवि रात्रौ लक्षं जपेत् सुधीः
divā lakṣaṃ japenmantraṃ haviṣyāśī jitendriyaḥ / divyavīramate devi rātrau lakṣaṃ japet sudhīḥ
Sanskrit only: no published translation is held for this verse.
अथ षडक्षरस्यास्य शृणु देवि पुरस्क्रियाम् । दिव्यवीरमतेनैव विंशत्येकेन पार्वति
atha ṣaḍakṣarasyāsya śṛṇu devi puraskriyām / divyavīramatenaiva viṃśatyekena pārvati
Sanskrit only: no published translation is held for this verse.
तथा च त्र्यक्षरं मन्त्रं प्रजपेत् साधकाग्रणीः । ध्यानपूजादिकं सर्वं समानं वीरवन्दिते
tathā ca tryakṣaraṃ mantraṃ prajapet sādhakāgraṇīḥ / dhyānapūjādikaṃ sarvaṃ samānaṃ vīravandite
Sanskrit only: no published translation is held for this verse.
एतस्याः सदृशी विद्या फलदा नास्ति योगिनि । सर्वमन्त्रस्य चैतन्यं शृणु पार्वति सादरम्
etasyāḥ sadṛśī vidyā phaladā nāsti yogini / sarvamantrasya caitanyaṃ śṛṇu pārvati sādaram
Sanskrit only: no published translation is held for this verse.
सहस्रारे महापद्मे बिन्दुरूपं परं शिवम् । कुण्डलिनीं समुत्थाप्य हंसेन मनुना सुधीः
sahasrāre mahāpadme bindurūpaṃ paraṃ śivam / kuṇḍalinīṃ samutthāpya haṃsena manunā sudhīḥ
Sanskrit only: no published translation is held for this verse.
नासाग्रे या स्थिरा दृष्टिर् जायते परमेश्वरि । तदैव मन्त्रचैतन्यं कुण्डलीचक्रगं भवेत्
nāsāgre yā sthirā dṛṣṭir jāyate parameśvari / tadaiva mantracaitanyaṃ kuṇḍalīcakragaṃ bhavet
Sanskrit only: no published translation is held for this verse.
सहस्रारे महापद्मे कुण्डल्या सहितं गुरुम् । भावयेत् सर्वमन्त्राणां चैतन्यं जायते प्रिये
sahasrāre mahāpadme kuṇḍalyā sahitaṃ gurum / bhāvayet sarvamantrāṇāṃ caitanyaṃ jāyate priye
Sanskrit only: no published translation is held for this verse.
तदैव प्रजपेन्मन्त्रं सिद्धिदं नात्र संशयः । श्रीदेवी उवाच इदानीं तारिणीमन्त्र- वासनां वद शंकर । कालिका मोक्षदा नित्या तारिणी भववारिधौ
tadaiva prajapenmantraṃ siddhidaṃ nātra saṃśayaḥ / śrīdevī uvāca idānīṃ tāriṇīmantra- vāsanāṃ vada śaṃkara / kālikā mokṣadā nityā tāriṇī bhavavāridhau
Sanskrit only: no published translation is held for this verse.
श्रीशंकर उवाच कलाकेशं महेशानि बिन्दुमस्तकमीरितम् । नादं च वक्त्रं भालं च नासां नेत्रं च पार्वति
śrīśaṃkara uvāca kalākeśaṃ maheśāni bindumastakamīritam / nādaṃ ca vaktraṃ bhālaṃ ca nāsāṃ netraṃ ca pārvati
Sanskrit only: no published translation is held for this verse.
भुजचतुष्टयं देहं स्तनद्वंद्वं च वक्षसम् । मकारेण तु देवेशि पृष्ठं चैव कटिद्वयम्
bhujacatuṣṭayaṃ dehaṃ stanadvaṃdvaṃ ca vakṣasam / makāreṇa tu deveśi pṛṣṭhaṃ caiva kaṭidvayam
Sanskrit only: no published translation is held for this verse.
तकारेण योनिदेशं गुदं पादद्वयं तथा । सर्वाङ्गुलीर् नखं चैव भावयेत् साधकोत्तमः
takāreṇa yonideśaṃ gudaṃ pādadvayaṃ tathā / sarvāṅgulīr nakhaṃ caiva bhāvayet sādhakottamaḥ
Sanskrit only: no published translation is held for this verse.
चन्द्रसूर्यात्मकं रेफं वह्निबीजं न चान्यथा । सर्वा नाड्यस्तथा ज्योती रोमं च भूषणादिकम्
candrasūryātmakaṃ rephaṃ vahnibījaṃ na cānyathā / sarvā nāḍyastathā jyotī romaṃ ca bhūṣaṇādikam
Sanskrit only: no published translation is held for this verse.
शकारं च महामाया शक्तिरूपप्रकाशिनी । मूर्धादिपादपर्यन्तं शक्तिबीजं सुदुर्लभम्
śakāraṃ ca mahāmāyā śaktirūpaprakāśinī / mūrdhādipādaparyantaṃ śaktibījaṃ sudurlabham
Sanskrit only: no published translation is held for this verse.
अस्य मन्त्रस्य माहात्म्यं किं मया कथ्यतेऽधुना । अश्वमेधसहस्राणि वाजपेयशतानि च
asya mantrasya māhātmyaṃ kiṃ mayā kathyate'dhunā / aśvamedhasahasrāṇi vājapeyaśatāni ca
Sanskrit only: no published translation is held for this verse.
काश्यादितीर्थं देवेशि सार्धकोटिभुवात्मकम् । पूर्णां शस्येन देवेशि सप्तद्वीपां वसुंधराम्
kāśyāditīrthaṃ deveśi sārdhakoṭibhuvātmakam / pūrṇāṃ śasyena deveśi saptadvīpāṃ vasuṃdharām
Sanskrit only: no published translation is held for this verse.
मेरुतुल्यसुवर्णं तु ब्राह्मणे वेदपारगे । सदक्षिणं व्रतं सर्वं चतुर्वेदसुविस्तरम्
merutulyasuvarṇaṃ tu brāhmaṇe vedapārage / sadakṣiṇaṃ vrataṃ sarvaṃ caturvedasuvistaram
Sanskrit only: no published translation is held for this verse.
गां चैव भूमिसंस्थं च हस्त्यश्वं च तथैव च । बलिदानं महेशानि पितृयज्ञं तथैव च
gāṃ caiva bhūmisaṃsthaṃ ca hastyaśvaṃ ca tathaiva ca / balidānaṃ maheśāni pitṛyajñaṃ tathaiva ca
Sanskrit only: no published translation is held for this verse.
विहितं च महापुण्यं यदुक्तं शास्त्रवेदिभिः । सकृज्जपान्महेशानि कलां नार्हन्ति षोडशीम्
vihitaṃ ca mahāpuṇyaṃ yaduktaṃ śāstravedibhiḥ / sakṛjjapānmaheśāni kalāṃ nārhanti ṣoḍaśīm
Sanskrit only: no published translation is held for this verse.
एकोच्चारेण देवेशि किं पुनर्ब्रह्म केवलम् । सृष्टिस्थितिलयादीनां कर्तारो नात्र संशयः
ekoccāreṇa deveśi kiṃ punarbrahma kevalam / sṛṣṭisthitilayādīnāṃ kartāro nātra saṃśayaḥ
Sanskrit only: no published translation is held for this verse.
सगुणं निर्गुणं साक्षात् निराकारं च मूर्तिमत् । वैखरीयं महाविद्या वर्णाश्रिता सुनिश्चला
saguṇaṃ nirguṇaṃ sākṣāt nirākāraṃ ca mūrtimat / vaikharīyaṃ mahāvidyā varṇāśritā suniścalā
Sanskrit only: no published translation is held for this verse.
यतो निरक्षरं वस्तु अतस्तारा प्रकीर्तिता । ब्रह्मविद्यास्वरूपेयं भोगमोक्षफलप्रदा
yato nirakṣaraṃ vastu atastārā prakīrtitā / brahmavidyāsvarūpeyaṃ bhogamokṣaphalapradā
Sanskrit only: no published translation is held for this verse.
जन्मकोटिसहस्रेण वर्णितुं नैव शक्यते । पञ्चवक्त्रेण देवेशि किं मया कथ्यतेऽधुना
janmakoṭisahasreṇa varṇituṃ naiva śakyate / pañcavaktreṇa deveśi kiṃ mayā kathyate'dhunā
Sanskrit only: no published translation is held for this verse.
एकाक्षरी महाविद्या त्रिषु लोकेषु पूजिता । एकाक्षरीविहीनो यो मन्त्रं गृह्णाति पार्वति
ekākṣarī mahāvidyā triṣu lokeṣu pūjitā / ekākṣarīvihīno yo mantraṃ gṛhṇāti pārvati
Sanskrit only: no published translation is held for this verse.
कल्पकोटिसहस्रेण तस्य सिद्धिर्न जायते । सकारो विष्णुरूपश्च तकारश्च प्रजापतिः
kalpakoṭisahasreṇa tasya siddhirna jāyate / sakāro viṣṇurūpaśca takāraśca prajāpatiḥ
Sanskrit only: no published translation is held for this verse.
रेफः संहाररूपत्वाच् छिवः साक्षान्न संशयः । या चाद्या परमा विद्या सा माया परमा कला
rephaḥ saṃhārarūpatvāc chivaḥ sākṣānna saṃśayaḥ / yā cādyā paramā vidyā sā māyā paramā kalā
Sanskrit only: no published translation is held for this verse.
निराकारं परं ज्योतिर् बिन्दुं चाव्ययसंज्ञकम् । बिन्दुशब्देन शून्यं स्यात् तथा च गुणसूचकम्
nirākāraṃ paraṃ jyotir binduṃ cāvyayasaṃjñakam / binduśabdena śūnyaṃ syāt tathā ca guṇasūcakam
Sanskrit only: no published translation is held for this verse.
बिन्दुचक्रामृता देवि प्लवन्ती चार्धमात्रया । अर्धमात्राकृतिर्नादो व्यापको विश्वपालकः
binducakrāmṛtā devi plavantī cārdhamātrayā / ardhamātrākṛtirnādo vyāpako viśvapālakaḥ
Sanskrit only: no published translation is held for this verse.
यथेयं वैखरी विद्या कूर्चविद्या तथैव च । माहात्म्यं चैव पूजायां भेदो नास्ति सुरेश्वरि
yatheyaṃ vaikharī vidyā kūrcavidyā tathaiva ca / māhātmyaṃ caiva pūjāyāṃ bhedo nāsti sureśvari
Sanskrit only: no published translation is held for this verse.
सतारं च तथा बिन्दुं माया पञ्चाक्षरी परा । विभक्ते चाक्षरे चैव क्रियते मूर्तिकल्पना
satāraṃ ca tathā binduṃ māyā pañcākṣarī parā / vibhakte cākṣare caiva kriyate mūrtikalpanā
Sanskrit only: no published translation is held for this verse.
सार्धपञ्चाक्षरी विद्या तारिणी मूर्तिमत् स्वयम् । तद्रूपं पक्षिरूपं हि वाग्भवश्च हरिप्रियाम्
sārdhapañcākṣarī vidyā tāriṇī mūrtimat svayam / tadrūpaṃ pakṣirūpaṃ hi vāgbhavaśca haripriyām
Sanskrit only: no published translation is held for this verse.
प्रणवं कामबीजं तु गगनश् च शिवं शिवे । अस्त्रबीजं तदेव स्याद् वह्निजायां सुरेश्वरि
praṇavaṃ kāmabījaṃ tu gaganaś ca śivaṃ śive / astrabījaṃ tadeva syād vahnijāyāṃ sureśvari
Sanskrit only: no published translation is held for this verse.
सम्बोधनपदेनैव सदा संनिधिकारिणी । पञ्चाक्षरेण देवेशि तारिणी कामरूपिणी
sambodhanapadenaiva sadā saṃnidhikāriṇī / pañcākṣareṇa deveśi tāriṇī kāmarūpiṇī
Sanskrit only: no published translation is held for this verse.
तथा पञ्चाक्षरं पश्य ब्रह्मविष्णुशिवात्मकम् । शक्तिरूपं निराकारं तथा पञ्चाक्षरेण तु
tathā pañcākṣaraṃ paśya brahmaviṣṇuśivātmakam / śaktirūpaṃ nirākāraṃ tathā pañcākṣareṇa tu
Sanskrit only: no published translation is held for this verse.
यथा पञ्चाक्षरी विद्या तथा विद्या षडक्षरी । तथैव षोडशी विद्या तथा विद्या च व्यक्षरी
yathā pañcākṣarī vidyā tathā vidyā ṣaḍakṣarī / tathaiva ṣoḍaśī vidyā tathā vidyā ca vyakṣarī
Sanskrit only: no published translation is held for this verse.
तथैवाष्टाक्षरी विद्या तथा नवाक्षरी परा । माहात्म्यं ध्यानपूजायां भेदो नास्ति सुरेश्वरि
tathaivāṣṭākṣarī vidyā tathā navākṣarī parā / māhātmyaṃ dhyānapūjāyāṃ bhedo nāsti sureśvari
Sanskrit only: no published translation is held for this verse.
अतिस्नेहेन देवेशि किं मया न प्रकाशितम् । प्राणान्तेऽपि पशोरग्रे वैखरीं न प्रकाशयेत्
atisnehena deveśi kiṃ mayā na prakāśitam / prāṇānte'pi paśoragre vaikharīṃ na prakāśayet
Sanskrit only: no published translation is held for this verse.