श्रीदेवी उवाच महायोगमयी देवी खेचरी परमा कला । योगज्ञानं विना सिद्धिर् नास्ति सत्यं सुरेश्वर
śrīdevī uvāca mahāyogamayī devī khecarī paramā kalā / yogajñānaṃ vinā siddhir nāsti satyaṃ sureśvara
Sanskrit only: no published translation is held for this verse.
ब्रूहि मे देवदेवेश क्षुद्रब्रह्माण्डमध्यतः । किमाधारे स्थिता नाथ सप्तद्वीपा वसुंधरा
brūhi me devadeveśa kṣudrabrahmāṇḍamadhyataḥ / kimādhāre sthitā nātha saptadvīpā vasuṃdharā
Sanskrit only: no published translation is held for this verse.
समुद्रसप्तकं नाथ किमाकारं प्रतिष्ठति । मूलाधारे महीचक्रे संस्थिता मानवादयः
samudrasaptakaṃ nātha kimākāraṃ pratiṣṭhati / mūlādhāre mahīcakre saṃsthitā mānavādayaḥ
Sanskrit only: no published translation is held for this verse.
क्षुद्ररूपा जनाः सर्वे किमाकारेण संस्थिताः । स्वकीयाङ्गुलिमानेन मारुतं कथय प्रभो
kṣudrarūpā janāḥ sarve kimākāreṇa saṃsthitāḥ / svakīyāṅgulimānena mārutaṃ kathaya prabho
Sanskrit only: no published translation is held for this verse.
श्रीशिव उवाच मूलाधारे स्थिता देवि सप्तद्वीपा वसुंधरा । वलयाकाररूपेण समुद्राः सप्त संस्थिताः
śrīśiva uvāca mūlādhāre sthitā devi saptadvīpā vasuṃdharā / valayākārarūpeṇa samudrāḥ sapta saṃsthitāḥ
Sanskrit only: no published translation is held for this verse.
जम्बुद्वीपं मध्यदेशे तद्बाह्ये लवणाम्बुधिः । शाकद्वीपं महेशानि तद्बाह्ये दधिसागरः
jambudvīpaṃ madhyadeśe tadbāhye lavaṇāmbudhiḥ / śākadvīpaṃ maheśāni tadbāhye dadhisāgaraḥ
Sanskrit only: no published translation is held for this verse.
तद्बाह्ये शाल्मलीद्वीपं सागरो दुग्धतद्बहिः । तद्बाह्ये पाटलाद्वीपं तद्बाह्ये तु जलान्तकः
tadbāhye śālmalīdvīpaṃ sāgaro dugdhatadbahiḥ / tadbāhye pāṭalādvīpaṃ tadbāhye tu jalāntakaḥ
Sanskrit only: no published translation is held for this verse.
पृथिव्यां वर्तते देवि यद्रूपा मानवादयः । तेन रूपेण देवेशि मूलाधारे तु जन्तवः
pṛthivyāṃ vartate devi yadrūpā mānavādayaḥ / tena rūpeṇa deveśi mūlādhāre tu jantavaḥ
Sanskrit only: no published translation is held for this verse.
षण्णवत्यङ्गुलं देवि मारुतं परिकीर्तितम् । मार्तण्डस्थितिमानं तु अधिकं परिकीर्तितम्
ṣaṇṇavatyaṅgulaṃ devi mārutaṃ parikīrtitam / mārtaṇḍasthitimānaṃ tu adhikaṃ parikīrtitam
Sanskrit only: no published translation is held for this verse.
श्रीदेवी उवाच कियद् भुवं तु ब्रह्माण्डं वद भूतलवासिनः । अङ्गुल्येकेन किं मानं कथयस्व दयानिधे
śrīdevī uvāca kiyad bhuvaṃ tu brahmāṇḍaṃ vada bhūtalavāsinaḥ / aṅgulyekena kiṃ mānaṃ kathayasva dayānidhe
Sanskrit only: no published translation is held for this verse.
श्रीशिव उवाच अङ्गुल्येकेन देवेशि सहस्राब्दं प्रजायते । षण्णवतिसहस्राब्दं भवेद् भूतलवासिनः
śrīśiva uvāca aṅgulyekena deveśi sahasrābdaṃ prajāyate / ṣaṇṇavatisahasrābdaṃ bhaved bhūtalavāsinaḥ
Sanskrit only: no published translation is held for this verse.
पादाङ्गुष्ठादिगुल्फान्तं प्रिये रन्ध्रसहस्रकम् । रन्ध्रं चन्द्रसहस्राब्दं गुल्फादिजानुसंधिषु
pādāṅguṣṭhādigulphāntaṃ priye randhrasahasrakam / randhraṃ candrasahasrābdaṃ gulphādijānusaṃdhiṣu
Sanskrit only: no published translation is held for this verse.
जान्वादिगुदपर्यन्तं मानं विंशसहस्रकम् । मूलाधारादिलिङ्गान्तं चतुर्वर्षसहस्रकम्
jānvādigudaparyantaṃ mānaṃ viṃśasahasrakam / mūlādhārādiliṅgāntaṃ caturvarṣasahasrakam
Sanskrit only: no published translation is held for this verse.
लिङ्गादिनाभिपर्यन्तं भवेदृषिसहस्रकम् । नाभ्यादिहृदयान्तं च ग्रहसंख्यसहस्रकम्
liṅgādinābhiparyantaṃ bhavedṛṣisahasrakam / nābhyādihṛdayāntaṃ ca grahasaṃkhyasahasrakam
Sanskrit only: no published translation is held for this verse.
हृदादिकण्ठपर्यन्तम् ऋषिसंख्यसहस्रकम् । विशुद्धादिकमाज्ञान्तं मानं रुद्रसहस्रकम्
hṛdādikaṇṭhaparyantam ṛṣisaṃkhyasahasrakam / viśuddhādikamājñāntaṃ mānaṃ rudrasahasrakam
Sanskrit only: no published translation is held for this verse.
आज्ञाचक्राच्छिवान्तं वै दिक्सहस्रं सुरेश्वरि । सूर्यसंख्यासहस्रं तु समीरश्चाधिकः स्मृतः
ājñācakrācchivāntaṃ vai diksahasraṃ sureśvari / sūryasaṃkhyāsahasraṃ tu samīraścādhikaḥ smṛtaḥ
Sanskrit only: no published translation is held for this verse.
शरीरसहकारेण हासो वृद्धिश्च जायते । षड्गुणो रतिकाले च त्रिगुणो भोजनाद्बहिः
śarīrasahakāreṇa hāso vṛddhiśca jāyate / ṣaḍguṇo ratikāle ca triguṇo bhojanādbahiḥ
Sanskrit only: no published translation is held for this verse.
धमने चाष्टधा प्रोक्तः समीरो वृद्धितां गतः । सद्गुरोर् उपदेशेन मन्त्रमार्गेण पार्वति
dhamane cāṣṭadhā proktaḥ samīro vṛddhitāṃ gataḥ / sadguror upadeśena mantramārgeṇa pārvati
Sanskrit only: no published translation is held for this verse.
यदि चैकाङ्गुलं ह्रस्वं सहस्राब्दं स जीवति । एवं क्रमेण देवेशि समता यदि वा भवेत्
yadi caikāṅgulaṃ hrasvaṃ sahasrābdaṃ sa jīvati / evaṃ krameṇa deveśi samatā yadi vā bhavet
Sanskrit only: no published translation is held for this verse.
जित्वा मृत्युं महेशानि शम्भुवद् विहरेत् क्षितौ । अत एव महेशानि योनिमुद्रा मयोदिता
jitvā mṛtyuṃ maheśāni śambhuvad viharet kṣitau / ata eva maheśāni yonimudrā mayoditā
Sanskrit only: no published translation is held for this verse.
प्राणायामेन देवेशि तथैव योनिमुद्रया । तथैवाभ्यासयोगेन यदि वायुः समो भवेत्
prāṇāyāmena deveśi tathaiva yonimudrayā / tathaivābhyāsayogena yadi vāyuḥ samo bhavet
Sanskrit only: no published translation is held for this verse.
जित्वा मृत्युं महेशानि खेचरो जायतेऽचिरात् । प्रमाणं कथितं सर्वं मनुष्यस्य प्रियंवदे
jitvā mṛtyuṃ maheśāni khecaro jāyate'cirāt / pramāṇaṃ kathitaṃ sarvaṃ manuṣyasya priyaṃvade
Sanskrit only: no published translation is held for this verse.
श्वासोच्छ्वासविकासेन कुण्डली गगनं चरेत् । श्रीदेवी उवाच इदानीं पृथिवीमानं वद मे परमेश्वर
śvāsocchvāsavikāsena kuṇḍalī gaganaṃ caret / śrīdevī uvāca idānīṃ pṛthivīmānaṃ vada me parameśvara
Sanskrit only: no published translation is held for this verse.
सप्तस्वर्गस्थितो यो यो या या शक्तिः स्थिता सदा । तत्सर्वं श्रोतुमिच्छामि यदि स्नेहोऽस्ति मां प्रति
saptasvargasthito yo yo yā yā śaktiḥ sthitā sadā / tatsarvaṃ śrotumicchāmi yadi sneho'sti māṃ prati
Sanskrit only: no published translation is held for this verse.
श्रीशिव उवाच मूलाधारे महीचक्रे संस्थिता मानवादयः । तेषां मानेन देवेशि चार्धं चैव द्विसप्ततिः
śrīśiva uvāca mūlādhāre mahīcakre saṃsthitā mānavādayaḥ / teṣāṃ mānena deveśi cārdhaṃ caiva dvisaptatiḥ
Sanskrit only: no published translation is held for this verse.
द्विगुणः परमेशानि तद्बाह्ये लवणाम्बुधिः । एवं क्रमेण देवेशि द्विगुणं परिकीर्तितम्
dviguṇaḥ parameśāni tadbāhye lavaṇāmbudhiḥ / evaṃ krameṇa deveśi dviguṇaṃ parikīrtitam
Sanskrit only: no published translation is held for this verse.
डाकिनीसहितो ब्रह्मा मूलाधारे तु सुन्दरि । राकिणीसहितो विष्णुः स्वाधिष्ठाने व्यवस्थितः
ḍākinīsahito brahmā mūlādhāre tu sundari / rākiṇīsahito viṣṇuḥ svādhiṣṭhāne vyavasthitaḥ
Sanskrit only: no published translation is held for this verse.
लाकिनीसहितो रुद्रो मणिपूरे सुरेश्वरि । अनाहते महापद्मे काकिनीसहितो हरः
lākinīsahito rudro maṇipūre sureśvari / anāhate mahāpadme kākinīsahito haraḥ
Sanskrit only: no published translation is held for this verse.
विशुद्धाख्ये वसेन्नित्या साकिनी च सदाशिवः । हाकिनी परशिवो देवश् चाज्ञाचक्रे सुरेश्वरि
viśuddhākhye vasennityā sākinī ca sadāśivaḥ / hākinī paraśivo devaś cājñācakre sureśvari
Sanskrit only: no published translation is held for this verse.
सहस्रारे महापद्मे विश्वरूपः परः शिवः । महाकुण्डलिनी तत्र स्थिता नित्या सुरेश्वरि
sahasrāre mahāpadme viśvarūpaḥ paraḥ śivaḥ / mahākuṇḍalinī tatra sthitā nityā sureśvari
Sanskrit only: no published translation is held for this verse.
श्रीदेवी उवाच कुत्र मूले महापीठे वर्तते परमेश्वर । मूलाधारादधोभागे पातालं कीदृशं प्रभो
śrīdevī uvāca kutra mūle mahāpīṭhe vartate parameśvara / mūlādhārādadhobhāge pātālaṃ kīdṛśaṃ prabho
Sanskrit only: no published translation is held for this verse.
श्रीशिव उवाच मूलाधारे कामरूपं हृदि जालंधरं प्रिये । पूर्णगिरिम् अधोभागे उड्डीयानं तदूर्ध्वके
śrīśiva uvāca mūlādhāre kāmarūpaṃ hṛdi jālaṃdharaṃ priye / pūrṇagirim adhobhāge uḍḍīyānaṃ tadūrdhvake
Sanskrit only: no published translation is held for this verse.
वाराणसी भ्रुवोर्मध्ये ज्वलन्ती लोचनत्रये । मायावती मुखवृत्ते कण्ठे चाष्टपुरी तथा
vārāṇasī bhruvormadhye jvalantī locanatraye / māyāvatī mukhavṛtte kaṇṭhe cāṣṭapurī tathā
Sanskrit only: no published translation is held for this verse.
नाभिमूले महेशानि अयोध्यापुरी संस्थिता । काञ्चीपीठं कटीदेशे श्रीहृट्टं पृष्ठदेशके
nābhimūle maheśāni ayodhyāpurī saṃsthitā / kāñcīpīṭhaṃ kaṭīdeśe śrīhṛṭṭaṃ pṛṣṭhadeśake
Sanskrit only: no published translation is held for this verse.
मूलाधारात् शतं चैव अतलं परिकीर्तितम् । सुतलं च वर्षशतं तलातलशतं प्रिये
mūlādhārāt śataṃ caiva atalaṃ parikīrtitam / sutalaṃ ca varṣaśataṃ talātalaśataṃ priye
Sanskrit only: no published translation is held for this verse.
ऋषिबाणेन्दुवर्षान्तं संस्थितं च महातलम् । शतद्वयान्तं पातालं द्विशतं वै रसातलम्
ṛṣibāṇenduvarṣāntaṃ saṃsthitaṃ ca mahātalam / śatadvayāntaṃ pātālaṃ dviśataṃ vai rasātalam
Sanskrit only: no published translation is held for this verse.
मूलाधाराच्च देवेशि द्वेऽङ्गुली चान्तिके स्थिते । तयोर्मध्ये च पातालास् तिष्ठन्ति परमेश्वरि
mūlādhārācca deveśi dve'ṅgulī cāntike sthite / tayormadhye ca pātālās tiṣṭhanti parameśvari
Sanskrit only: no published translation is held for this verse.
इति ते कथितं कान्ते योगसारं समासतः । न वक्तव्यं पशोर् अग्रे प्राणान्तेऽपि कदाचन
iti te kathitaṃ kānte yogasāraṃ samāsataḥ / na vaktavyaṃ paśor agre prāṇānte'pi kadācana
Sanskrit only: no published translation is held for this verse.