Library·Uddamaresvaratantra·10
तत्र चेटकसाधनम् । अथ चेटका लिख्यन्ते । कामातुरेण चित्तेन निशि मन्त्रं जपेत् सदा । जप्तो ऽवश्यं वश्यकरो मन्त्रो ऽयं नात्र संशयः
tatra ceṭakasādhanam / atha ceṭakā likhyante / kāmātureṇa cittena niśi mantraṃ japet sadā / japto 'vaśyaṃ vaśyakaro mantro 'yaṃ nātra saṃśayaḥ
Sanskrit only: no published translation is held for this verse.
ॐ ऐं स्कीं क्लीं क्लीं सहवल्लरि क्लीं कामपिशाच क्लीं ह्रीं कामपिशाच अमुकीं कामिनीं कामयाम्य् अहं तां कामेन ग्राहय २ स्वप्ने मम रूपे नखैर् विदारय २ द्रावय २ अस्त्रेण बन्धय २ श्रीं फट् स्वाहा । जपेन् मासत्रयं मन्त्रं कम्बलः सुप्रसन्नधीः । मृतकोत्थापनं कुर्यात् प्रतिमां चालयेत् तथा
oṃ aiṃ skīṃ klīṃ klīṃ sahavallari klīṃ kāmapiśāca klīṃ hrīṃ kāmapiśāca amukīṃ kāminīṃ kāmayāmy ahaṃ tāṃ kāmena grāhaya 2 svapne mama rūpe nakhair vidāraya 2 drāvaya 2 astreṇa bandhaya 2 śrīṃ phaṭ svāhā / japen māsatrayaṃ mantraṃ kambalaḥ suprasannadhīḥ / mṛtakotthāpanaṃ kuryāt pratimāṃ cālayet tathā
Sanskrit only: no published translation is held for this verse.
सदारक्तकम्बल महादेवदूत मृतकम् उत्थापय २ प्रतिमां चालय २ पर्वतान् कम्पय २ लीलया विलसय २ ईं ईं फट् स्वाहा । चतुर्लक्षं जपेन् मन्त्रं सागरस्य तटे शुचिः । पत्त्रपुष्पफलादीनि करोत्य् आकर्षणं ध्रुवम्
sadāraktakambala mahādevadūta mṛtakam utthāpaya 2 pratimāṃ cālaya 2 parvatān kampaya 2 līlayā vilasaya 2 īṃ īṃ phaṭ svāhā / caturlakṣaṃ japen mantraṃ sāgarasya taṭe śuciḥ / pattrapuṣpaphalādīni karoty ākarṣaṇaṃ dhruvam
Sanskrit only: no published translation is held for this verse.
अभय घुद्घुताकर्ष कर्मकर्ता सृष्टिपुत्र अमुकम् आकर्षय द्रीं । सहस्राष्टम् इमं मन्त्रं जपेत् सप्तदिनावधि । प्रत्यहं मणिभद्राख्यः प्रयच्छत्य् एकरूप्यकम्
abhaya ghudghutākarṣa karmakartā sṛṣṭiputra amukam ākarṣaya drīṃ / sahasrāṣṭam imaṃ mantraṃ japet saptadināvadhi / pratyahaṃ maṇibhadrākhyaḥ prayacchaty ekarūpyakam
Sanskrit only: no published translation is held for this verse.
ॐ नमो मणिभद्राय नमः पूर्णभद्राय नमो महायक्षाय सेनाधिपतये मौद्धमौद्धधराय सुघटमुद्रावहे स्वाहा । त्रिसंध्यं बलिदानं च निशायां प्रजपेन् मनुम् । सहस्रं हि जपेन् नित्यं यावत् स्वप्नं प्रजायते
oṃ namo maṇibhadrāya namaḥ pūrṇabhadrāya namo mahāyakṣāya senādhipataye mauddhamauddhadharāya sughaṭamudrāvahe svāhā / trisaṃdhyaṃ balidānaṃ ca niśāyāṃ prajapen manum / sahasraṃ hi japen nityaṃ yāvat svapnaṃ prajāyate
Sanskrit only: no published translation is held for this verse.
प्राणिनां मृत्युसमयं वदत्य् एव न संशयः । ॐ नमो भगवते रुद्राय देहि मे वचनसिद्धिविधानं पार्वतीपते ह्रां ह्रीं हूं ह्रें ह्रौं ह्रः । रात्रौ रात्रौ जपेन् मन्त्रं सागरस्य तटे शुचिः । लक्षजापे कृते सिद्धो दत्ते सागरचेटकः
prāṇināṃ mṛtyusamayaṃ vadaty eva na saṃśayaḥ / oṃ namo bhagavate rudrāya dehi me vacanasiddhividhānaṃ pārvatīpate hrāṃ hrīṃ hūṃ hreṃ hrauṃ hraḥ / rātrau rātrau japen mantraṃ sāgarasya taṭe śuciḥ / lakṣajāpe kṛte siddho datte sāgaraceṭakaḥ
Sanskrit only: no published translation is held for this verse.
रत्नत्रयं तदा मौन्यं यस्मिन् मन्त्री सुखी भवेत् । सहस्रदशकं नित्यं रात्रौ मन्त्रं जपेत् सुधीः
ratnatrayaṃ tadā maunyaṃ yasmin mantrī sukhī bhavet / sahasradaśakaṃ nityaṃ rātrau mantraṃ japet sudhīḥ
Sanskrit only: no published translation is held for this verse.
तद्दशांशं मधुपयोमिश्रैः पद्मैश् च होमयेत् । ॐ नमो भगवते रुद्र देहि मे निजराशिं श्रीं नमो ऽस्तु ते स्वाहा । ॐ ह्रीं अमुकं रञ्जय स्वाहा । अनेन मन्त्रेण सर्वजनास् तस्मात् तु रञ्जका भवन्ति निशाचरं ध्यात्वा आत्मपाणिना जपनाद् अदृश्यकारिणीं विद्याम् आप्नोति
taddaśāṃśaṃ madhupayomiśraiḥ padmaiś ca homayet / oṃ namo bhagavate rudra dehi me nijarāśiṃ śrīṃ namo 'stu te svāhā / oṃ hrīṃ amukaṃ rañjaya svāhā / anena mantreṇa sarvajanās tasmāt tu rañjakā bhavanti niśācaraṃ dhyātvā ātmapāṇinā japanād adṛśyakāriṇīṃ vidyām āpnoti
Sanskrit only: no published translation is held for this verse.
ॐ नमो रसाचारिणे महेश्वराय मम पर्यटने सर्वलोकलोचनानि बन्धय २ देव्य् आज्ञापयति स्वाहा । सकृद् उच्चारमात्रेण नृसिंहचेटकाख्यो मन्त्रो डाकिन्यादिदोषं नाशयति । ॐ नमो भगवते हिरण्यकशिपुबलविदारणाय त्रिभुवनव्यापकाय भूतप्रेतपिशाचकूष्माण्डब्रह्मराक्षसयोगिनीडाकिनीकुलोन्मूलनाय स्तम्भोद्भवाय समस्तदोषान् नाशय २ विसर २ कम्पय २ मथ २ हूं हृं स्वाहा एह्य् एहि रुद्र आज्ञापयति स्वाहा । प्रेरकः सहस्रपादः अनिद्राम् आकर्षयति । ॐ प्रेरक अमुकीं तव मण्डलं समावर्तय द्रावय दाहय संतापय हौं
oṃ namo rasācāriṇe maheśvarāya mama paryaṭane sarvalokalocanāni bandhaya 2 devy ājñāpayati svāhā / sakṛd uccāramātreṇa nṛsiṃhaceṭakākhyo mantro ḍākinyādidoṣaṃ nāśayati / oṃ namo bhagavate hiraṇyakaśipubalavidāraṇāya tribhuvanavyāpakāya bhūtapretapiśācakūṣmāṇḍabrahmarākṣasayoginīḍākinīkulonmūlanāya stambhodbhavāya samastadoṣān nāśaya 2 visara 2 kampaya 2 matha 2 hūṃ hṛṃ svāhā ehy ehi rudra ājñāpayati svāhā / prerakaḥ sahasrapādaḥ anidrām ākarṣayati / oṃ preraka amukīṃ tava maṇḍalaṃ samāvartaya drāvaya dāhaya saṃtāpaya hauṃ
Sanskrit only: no published translation is held for this verse.