Uddamaresvaratantra 11

अथ दिग्बन्धनमन्त्रः । वज्रक्रोधाय महादन्ताय दशदिशो बन्ध बन्ध हं फट् स्वाहा । अथ योनिसंकोचनम् । कुमुदं हरितालं च पिष्ट्वा योनिं प्रलेपयेत् । त्रिरात्रं पञ्चरात्रं च योनिर् भवति संयुता

atha digbandhanamantraḥ / vajrakrodhāya mahādantāya daśadiśo bandha bandha haṃ phaṭ svāhā / atha yonisaṃkocanam / kumudaṃ haritālaṃ ca piṣṭvā yoniṃ pralepayet / trirātraṃ pañcarātraṃ ca yonir bhavati saṃyutā

Sanskrit only: no published translation is held for this verse.

मांसी चन्दनमुस्ता च तगरं नागकेसरम् । एभिर् मासप्रयोगं च भगलेपनम् उत्तमम्

māṃsī candanamustā ca tagaraṃ nāgakesaram / ebhir māsaprayogaṃ ca bhagalepanam uttamam

Sanskrit only: no published translation is held for this verse.

मालतीकुसुमैस् तैलैर् वल्कैर् वराङ्गलेपनम् । ऋतुकाले ऽथवा कुर्यात् तदा तत्तुल्यता भवेत्

mālatīkusumais tailair valkair varāṅgalepanam / ṛtukāle 'thavā kuryāt tadā tattulyatā bhavet

Sanskrit only: no published translation is held for this verse.

डिम्बस्यानीय पञ्चाङ्गं सर्षपतैलपाचितम् । सततम् अभिलेपेन सा भर्तारं वशं नयेत्

ḍimbasyānīya pañcāṅgaṃ sarṣapatailapācitam / satatam abhilepena sā bhartāraṃ vaśaṃ nayet

Sanskrit only: no published translation is held for this verse.

मूलं तु वानरीशृङ्गं छागीमूत्रेण लेपयेत् । लेपनात् तु ततः शिश्नं यथेच्छं कामयेद् बलात्

mūlaṃ tu vānarīśṛṅgaṃ chāgīmūtreṇa lepayet / lepanāt tu tataḥ śiśnaṃ yathecchaṃ kāmayed balāt

Sanskrit only: no published translation is held for this verse.

सौभाग्यपिप्पली लाक्षा विषं च क्रमवर्धितम् । लेपं प्रक्षालितं लिङ्गं नारी कामयते चिरात्

saubhāgyapippalī lākṣā viṣaṃ ca kramavardhitam / lepaṃ prakṣālitaṃ liṅgaṃ nārī kāmayate cirāt

Sanskrit only: no published translation is held for this verse.

पारावतं तथा गुञ्जा श्वेतोत्पलं समक्षिकम् । नाभिलेपनम् इत्य् उक्तं वीर्यस्तम्भकरं परम्

pārāvataṃ tathā guñjā śvetotpalaṃ samakṣikam / nābhilepanam ity uktaṃ vīryastambhakaraṃ param

Sanskrit only: no published translation is held for this verse.

द्वादशारं लिखेच् चक्रं कुङ्कुमेन समन्वितम् । भूर्जपत्त्रे ऽथवा वस्त्रे नेत्रे बद्धफलादिके

dvādaśāraṃ likhec cakraṃ kuṅkumena samanvitam / bhūrjapattre 'thavā vastre netre baddhaphalādike

Sanskrit only: no published translation is held for this verse.

पत्त्रे पत्त्रे लिखेद् बीजं ह्रींकारं परमोज्ज्वलम् । साध्यनाम तथा मध्ये कर्णिकायां विशेषतः

pattre pattre likhed bījaṃ hrīṃkāraṃ paramojjvalam / sādhyanāma tathā madhye karṇikāyāṃ viśeṣataḥ

Sanskrit only: no published translation is held for this verse.

विदर्भमन्त्रमुख्येन तत्कूटं परिमण्डले । मृत्तिकाभिः समस्ताभिः प्रतिमां कारयेद् दृढम्

vidarbhamantramukhyena tatkūṭaṃ parimaṇḍale / mṛttikābhiḥ samastābhiḥ pratimāṃ kārayed dṛḍham

Sanskrit only: no published translation is held for this verse.

कर्षयेत् प्रमदां नॄणां गर्वितां तु न संशयः । वैराग्यं न पुनर् याति दासीभावेन तिष्ठति

karṣayet pramadāṃ nṝṇāṃ garvitāṃ tu na saṃśayaḥ / vairāgyaṃ na punar yāti dāsībhāvena tiṣṭhati

Sanskrit only: no published translation is held for this verse.

दाडिमं पञ्चकोलं च लोहं वज्रोरसं घृतम् । चूर्णं भूमन्दरा शाखा दन्तनखं करोति वै

dāḍimaṃ pañcakolaṃ ca lohaṃ vajrorasaṃ ghṛtam / cūrṇaṃ bhūmandarā śākhā dantanakhaṃ karoti vai

Sanskrit only: no published translation is held for this verse.

मनःशिला प्रयङ्गुश् च रोचना नागकेसरम् । नेत्राञ्जनसमायुक्तं सर्वसत्त्ववशंकरम्

manaḥśilā prayaṅguś ca rocanā nāgakesaram / netrāñjanasamāyuktaṃ sarvasattvavaśaṃkaram

Sanskrit only: no published translation is held for this verse.