Uddamaresvaratantra 2

अथान्यत् सम्प्रवक्ष्यामि जलस्तम्भनम् उत्तमम् । कुम्भीरवेल्वदंष्ट्रानि रुधिरं मांसम् एव च

athānyat sampravakṣyāmi jalastambhanam uttamam / kumbhīravelvadaṃṣṭrāni rudhiraṃ māṃsam eva ca

Sanskrit only: no published translation is held for this verse.

हृदयं कच्छपस्यैव शिशुमारं पुनः पुनः । विभीतकस्य तैलेन सर्वान् एकत्र कारयेत्

hṛdayaṃ kacchapasyaiva śiśumāraṃ punaḥ punaḥ / vibhītakasya tailena sarvān ekatra kārayet

Sanskrit only: no published translation is held for this verse.

न्यासकर्म ततः कृत्वा जले तिष्ठेद् यथासुखम् । मद्रकस्य रसं ग्राह्यं लक्षणस्य मकरस्य च

nyāsakarma tataḥ kṛtvā jale tiṣṭhed yathāsukham / madrakasya rasaṃ grāhyaṃ lakṣaṇasya makarasya ca

Sanskrit only: no published translation is held for this verse.

डुण्डुभस्य शिरो ग्राह्यं सर्वान् एकत्र कारयेत् । विभीतकस्य तैले तु पच्यमाने च दापयेत्

ḍuṇḍubhasya śiro grāhyaṃ sarvān ekatra kārayet / vibhītakasya taile tu pacyamāne ca dāpayet

Sanskrit only: no published translation is held for this verse.

न्यासकर्म प्रकुर्वीत सप्ताहं तिष्ठते जले । तत् तैलं पाचयेत् लौहे कृष्णाष्टम्यां समाहितः

nyāsakarma prakurvīta saptāhaṃ tiṣṭhate jale / tat tailaṃ pācayet lauhe kṛṣṇāṣṭamyāṃ samāhitaḥ

Sanskrit only: no published translation is held for this verse.

चतुर्मासोषितो भूत्वा देवम् अभ्यर्च्य शंकरम् । अभिमन्त्र्य च मन्त्रेण मृत्तिकास्नानदक्षिणम्

caturmāsoṣito bhūtvā devam abhyarcya śaṃkaram / abhimantrya ca mantreṇa mṛttikāsnānadakṣiṇam

Sanskrit only: no published translation is held for this verse.

अष्टाधिकसहस्रं तु जपित्वा होमम् आचरेत् । अनेन मन्त्रयित्वा तु ततः सिध्यति नान्यथा

aṣṭādhikasahasraṃ tu japitvā homam ācaret / anena mantrayitvā tu tataḥ sidhyati nānyathā

Sanskrit only: no published translation is held for this verse.

उॐ नमो भगवते उड्डामरेश्वराय जलं स्तम्भय स्तम्भय हुं फट् स्वाहा । वक्ष्ये ऽथ लूताकरणं तं शृणुष्व समासतः । भल्लातकरसं गुञ्जा विषं चित्रकम् एव च

uoṃ namo bhagavate uḍḍāmareśvarāya jalaṃ stambhaya stambhaya huṃ phaṭ svāhā / vakṣye 'tha lūtākaraṇaṃ taṃ śṛṇuṣva samāsataḥ / bhallātakarasaṃ guñjā viṣaṃ citrakam eva ca

Sanskrit only: no published translation is held for this verse.

कपिकच्छपरोमाणि चूर्णां कृत्वा प्रदापयेत् । एतत् सर्वसमायुक्तो लूताकरणम् उत्तमम्

kapikacchaparomāṇi cūrṇāṃ kṛtvā pradāpayet / etat sarvasamāyukto lūtākaraṇam uttamam

Sanskrit only: no published translation is held for this verse.

तस्य रूपं प्रवक्ष्यामि जायते यस् तु लक्षणैः । अङ्गानि धूमम् आयान्ति मूर्छयन्ति मुहुर् मुहुः

tasya rūpaṃ pravakṣyāmi jāyate yas tu lakṣaṇaiḥ / aṅgāni dhūmam āyānti mūrchayanti muhur muhuḥ

Sanskrit only: no published translation is held for this verse.

एतद् रूपं भवेत् तस्य लूताविकृतलक्षणम् । चिकित्सां तस्य वक्ष्यामि येन सम्पद्यते सुखम्

etad rūpaṃ bhavet tasya lūtāvikṛtalakṣaṇam / cikitsāṃ tasya vakṣyāmi yena sampadyate sukham

Sanskrit only: no published translation is held for this verse.

उशीरं चन्दनं चैव प्रियङ्गुतगरं तथा । रक्तचन्दनकुष्ठं च लेपो लूताविनाशनः

uśīraṃ candanaṃ caiva priyaṅgutagaraṃ tathā / raktacandanakuṣṭhaṃ ca lepo lūtāvināśanaḥ

Sanskrit only: no published translation is held for this verse.

उॐ नमो भगवते उड्डामरेश्वराय कुहलीकुर्वनी स्वाहा । मन्त्राभिमन्त्रितं कृत्वा ततः स्वस्थो भविष्यति । कृष्णसर्पशिरो ग्राह्यं मुखे निःक्षिप्य सर्षपान्

uoṃ namo bhagavate uḍḍāmareśvarāya kuhalīkurvanī svāhā / mantrābhimantritaṃ kṛtvā tataḥ svastho bhaviṣyati / kṛṣṇasarpaśiro grāhyaṃ mukhe niḥkṣipya sarṣapān

Sanskrit only: no published translation is held for this verse.

भल्लातकेन संयुक्तं कृष्णसूत्रेण वेष्टयेत् । वल्मीकस्य मृदः कोशे अन्तर्धूमेन पाचयेत्

bhallātakena saṃyuktaṃ kṛṣṇasūtreṇa veṣṭayet / valmīkasya mṛdaḥ kośe antardhūmena pācayet

Sanskrit only: no published translation is held for this verse.

कपिकच्छपरोमाणि संयुक्तं षोडशांशकैः । विषस्य चूर्णं कृत्वा तु शत्रूणां मूर्ध्नि निःक्षिपेत्

kapikacchaparomāṇi saṃyuktaṃ ṣoḍaśāṃśakaiḥ / viṣasya cūrṇaṃ kṛtvā tu śatrūṇāṃ mūrdhni niḥkṣipet

Sanskrit only: no published translation is held for this verse.

शरद्ग्रीष्मवसन्तेषु लूताकरणम् उत्तमम् । प्रस्विन्ने च ततो गात्रे लग्नास् तस्मिंस् तु सर्षपाः

śaradgrīṣmavasanteṣu lūtākaraṇam uttamam / prasvinne ca tato gātre lagnās tasmiṃs tu sarṣapāḥ

Sanskrit only: no published translation is held for this verse.

लूतां च सविषां कुर्यान् नात्र कार्या विचारणा । वेदनाजातमात्रेण मन्त्रजापं तु पूर्ववत्

lūtāṃ ca saviṣāṃ kuryān nātra kāryā vicāraṇā / vedanājātamātreṇa mantrajāpaṃ tu pūrvavat

Sanskrit only: no published translation is held for this verse.

पूर्वो विधानेन स्वस्थो भवति पूर्ववत् । अथ शस्यविनाशं च कथयामि समासतः

pūrvo vidhānena svastho bhavati pūrvavat / atha śasyavināśaṃ ca kathayāmi samāsataḥ

Sanskrit only: no published translation is held for this verse.

येनैव कृतमात्रेण वज्रं कृत्वा विचक्षणः । क्षेत्रे सम्पातयेद् यस्मिंस् तस्मिञ् शस्यविनाशनम्

yenaiva kṛtamātreṇa vajraṃ kṛtvā vicakṣaṇaḥ / kṣetre sampātayed yasmiṃs tasmiñ śasyavināśanam

Sanskrit only: no published translation is held for this verse.

माहेन्द्रेण क्षिपेत् तत्र प्रयोगेण तु मन्त्रवित् । अथ मन्त्रं पुनर् वक्ष्ये प्रयोगेषु प्रयोजकम्

māhendreṇa kṣipet tatra prayogeṇa tu mantravit / atha mantraṃ punar vakṣye prayogeṣu prayojakam

Sanskrit only: no published translation is held for this verse.

अष्टोत्तरशतेनैव मन्त्रेणानेन मन्त्रयेत् । उॐ नमो भगवते उड्डामरेश्वराय वज्रं विनाशय वज्रं सुरपतिर् आज्ञापय हुं फट् स्वाहा । इमं योगं प्रयुञ्जानो विधिपूर्वेण कर्मणा । पर्णानां चैव योगेन क्षिपेत् पर्णं विनश्यति

aṣṭottaraśatenaiva mantreṇānena mantrayet / uoṃ namo bhagavate uḍḍāmareśvarāya vajraṃ vināśaya vajraṃ surapatir ājñāpaya huṃ phaṭ svāhā / imaṃ yogaṃ prayuñjāno vidhipūrveṇa karmaṇā / parṇānāṃ caiva yogena kṣipet parṇaṃ vinaśyati

Sanskrit only: no published translation is held for this verse.

पुनर् उच्चाटनं वक्ष्ये शृणु पुत्र यथातथा । येनैव कृतमात्रेण ग्रामस्योच्चाटनं भवेत्

punar uccāṭanaṃ vakṣye śṛṇu putra yathātathā / yenaiva kṛtamātreṇa grāmasyoccāṭanaṃ bhavet

Sanskrit only: no published translation is held for this verse.

ग्रामे चतुर्णां च पथां मृदम् आदाय बुद्धिमान् । गोमयेनाकृतिं कृत्वा ग्रामस्य च चतुर्दिशः

grāme caturṇāṃ ca pathāṃ mṛdam ādāya buddhimān / gomayenākṛtiṃ kṛtvā grāmasya ca caturdiśaḥ

Sanskrit only: no published translation is held for this verse.

चिताकाष्ठानलं कृत्वा कोकिलाकाकपक्षकैः । हुत्वा चाहुतिसाहस्रं ततो भस्म समाहरेत्

citākāṣṭhānalaṃ kṛtvā kokilākākapakṣakaiḥ / hutvā cāhutisāhasraṃ tato bhasma samāharet

Sanskrit only: no published translation is held for this verse.

अभेदेन समुत्सार्य कृत्वा मुष्टिं सभस्मकम् । शतवाराभिजप्तेन अनेनैव तु मन्त्रितः

abhedena samutsārya kṛtvā muṣṭiṃ sabhasmakam / śatavārābhijaptena anenaiva tu mantritaḥ

Sanskrit only: no published translation is held for this verse.

उॐ नमो भगवते महाकालरुद्राय त्रिपुरविनाशनकारणाय दह दह धम धम पच पच मथ मथ मोहय मोहय उन्मादय उन्मादय उच्छेदय उच्छेदय श्रीमहारुद्र आज्ञापयति शब्दकरी मोहिनी भगवती खें खें हुं फट् स्वाहा । ग्रामे वा नगरे वापि भस्मप्रक्षेपणेन च । उच्छेदनं भवत्य् एव रिपूणां नात्र संशयः

uoṃ namo bhagavate mahākālarudrāya tripuravināśanakāraṇāya daha daha dhama dhama paca paca matha matha mohaya mohaya unmādaya unmādaya ucchedaya ucchedaya śrīmahārudra ājñāpayati śabdakarī mohinī bhagavatī kheṃ kheṃ huṃ phaṭ svāhā / grāme vā nagare vāpi bhasmaprakṣepaṇena ca / ucchedanaṃ bhavaty eva ripūṇāṃ nātra saṃśayaḥ

Sanskrit only: no published translation is held for this verse.

दूरीकृतं पुनर् भस्म नगरे वसते पुनः । कुल्वीकारं प्रवक्ष्यामि शृणु योगं समासतः

dūrīkṛtaṃ punar bhasma nagare vasate punaḥ / kulvīkāraṃ pravakṣyāmi śṛṇu yogaṃ samāsataḥ

Sanskrit only: no published translation is held for this verse.

येन योजितमात्रेण पुनः कुल्वो भविष्यति । पादपांशुसमायुक्तैर् अन्तरा घृतगोमयैः

yena yojitamātreṇa punaḥ kulvo bhaviṣyati / pādapāṃśusamāyuktair antarā ghṛtagomayaiḥ

Sanskrit only: no published translation is held for this verse.

वृषभस्य पुनः शत्रोः कृत्वा चैवाकृतिं बुधः । एकविंशतिवारं हि मन्त्रेणानेन मन्त्रिताम्

vṛṣabhasya punaḥ śatroḥ kṛtvā caivākṛtiṃ budhaḥ / ekaviṃśativāraṃ hi mantreṇānena mantritām

Sanskrit only: no published translation is held for this verse.

छेदयेत् तीव्रशस्त्रेण ततः कुल्वो भविष्यति । उॐ नमो भगवते उड्डामरेश्वराय कामप्रभञ्जनाय अमुकं च्छः च्छः स्वाहा । प्रस्थितानां च करणे मन्त्रेणानेन मन्त्रवित्

chedayet tīvraśastreṇa tataḥ kulvo bhaviṣyati / uoṃ namo bhagavate uḍḍāmareśvarāya kāmaprabhañjanāya amukaṃ cchaḥ cchaḥ svāhā / prasthitānāṃ ca karaṇe mantreṇānena mantravit

Sanskrit only: no published translation is held for this verse.

कृत्वा मधु घृताक्तं च स्थाने ह्य् अत्र प्रयोजयेत् । स्नात्वा च गव्यदुग्धेन ततः स्वस्थो भविष्यति

kṛtvā madhu ghṛtāktaṃ ca sthāne hy atra prayojayet / snātvā ca gavyadugdhena tataḥ svastho bhaviṣyati

Sanskrit only: no published translation is held for this verse.

अथ उन्मत्तीकरणम् । मूलं कनकबीजस्य घृतचूर्णं समन्ततः । गृहचटकस्य विष्टा च तथा करञ्जबीजकम्

atha unmattīkaraṇam / mūlaṃ kanakabījasya ghṛtacūrṇaṃ samantataḥ / gṛhacaṭakasya viṣṭā ca tathā karañjabījakam

Sanskrit only: no published translation is held for this verse.

एतद् उन्मत्तकरं चूर्णं भक्षणात् तत्करं व्रजेत् । एकविंशतिवारं च मन्त्रेणानेन मन्त्रितम्

etad unmattakaraṃ cūrṇaṃ bhakṣaṇāt tatkaraṃ vrajet / ekaviṃśativāraṃ ca mantreṇānena mantritam

Sanskrit only: no published translation is held for this verse.

खाने पाने प्रदातव्यम् उन्मत्तः स्यान् न संशयः । उॐ नमो भगवते उड्डामरेश्वराय अमुकम् उन्मादय उन्मादय च्छः च्छः स्वाहा । अजक्षीरेण शोणितेन पिबेत् तु शतपुष्पिकाम्

khāne pāne pradātavyam unmattaḥ syān na saṃśayaḥ / uoṃ namo bhagavate uḍḍāmareśvarāya amukam unmādaya unmādaya cchaḥ cchaḥ svāhā / ajakṣīreṇa śoṇitena pibet tu śatapuṣpikām

Sanskrit only: no published translation is held for this verse.

घृतेन सह वा पीत्वा ततः सम्पद्यते सुखम् । इत्य् उन्मत्तीकरणम् । एकविंशतिवारं हि मन्त्रितं लवणं खरम्

ghṛtena saha vā pītvā tataḥ sampadyate sukham / ity unmattīkaraṇam / ekaviṃśativāraṃ hi mantritaṃ lavaṇaṃ kharam

Sanskrit only: no published translation is held for this verse.

करवीरककाष्ठाग्नौ मन्त्रैर् धूमेन पाचयेत् । लवणं तन्तु संगृह्य चूर्णं कृत्वा विचक्षणः

karavīrakakāṣṭhāgnau mantrair dhūmena pācayet / lavaṇaṃ tantu saṃgṛhya cūrṇaṃ kṛtvā vicakṣaṇaḥ

Sanskrit only: no published translation is held for this verse.

खाने पाने प्रदातव्यं मन्त्रेणानेन मन्त्रितम् । मन्त्रितं शतवारं च शत्रोर् वा यस्य कस्यचित्

khāne pāne pradātavyaṃ mantreṇānena mantritam / mantritaṃ śatavāraṃ ca śatror vā yasya kasyacit

Sanskrit only: no published translation is held for this verse.

भक्षणाच् च भवेद् अन्धो नात्र कार्या विचारणा । उॐ नम उड्डामरेश्वराय शरीरम् अन्धं कुरु ठः ठः स्वाहा । अथान्यत् सम्प्रवक्ष्यामि कुष्ठीकरणम् उत्तमम्

bhakṣaṇāc ca bhaved andho nātra kāryā vicāraṇā / uoṃ nama uḍḍāmareśvarāya śarīram andhaṃ kuru ṭhaḥ ṭhaḥ svāhā / athānyat sampravakṣyāmi kuṣṭhīkaraṇam uttamam

Sanskrit only: no published translation is held for this verse.

येन सम्पीतमात्रेण कुष्ठी भवति मानवः । भल्लातकरसं गुञ्जा तथा मण्डलकारिका

yena sampītamātreṇa kuṣṭhī bhavati mānavaḥ / bhallātakarasaṃ guñjā tathā maṇḍalakārikā

Sanskrit only: no published translation is held for this verse.

गृहगोधासमायुक्ता भक्षे पाने प्रदापयेत् । सप्ताहाज् जायते कुष्ठं तत्पीतं च समेधितम्

gṛhagodhāsamāyuktā bhakṣe pāne pradāpayet / saptāhāj jāyate kuṣṭhaṃ tatpītaṃ ca samedhitam

Sanskrit only: no published translation is held for this verse.

एतस्य शमनं कुर्याद् यथा रुद्रेण भाषितम् । धत्रीखदिरनिम्बानि शर्करासहितानि च

etasya śamanaṃ kuryād yathā rudreṇa bhāṣitam / dhatrīkhadiranimbāni śarkarāsahitāni ca

Sanskrit only: no published translation is held for this verse.

विचूर्ण्य मधुसर्पिर्भ्यां जीर्णानि दापयेद् भिषक् । शालिभक्तं पटोलं च घृतयुक्तं तु पायसम्

vicūrṇya madhusarpirbhyāṃ jīrṇāni dāpayed bhiṣak / śālibhaktaṃ paṭolaṃ ca ghṛtayuktaṃ tu pāyasam

Sanskrit only: no published translation is held for this verse.

सोष्णं वा मुद्गचूर्णं तु शालियुक्तम् अथापि वा । एतेन दत्तमात्रेण नरः सम्पद्यते सुखम्

soṣṇaṃ vā mudgacūrṇaṃ tu śāliyuktam athāpi vā / etena dattamātreṇa naraḥ sampadyate sukham

Sanskrit only: no published translation is held for this verse.

जलजीवं तु संगृह्य शोषयेद् आतपे नरः । तस्य संदापयेद् धीमान् यस्य इच्छेत् तु जीवितम्

jalajīvaṃ tu saṃgṛhya śoṣayed ātape naraḥ / tasya saṃdāpayed dhīmān yasya icchet tu jīvitam

Sanskrit only: no published translation is held for this verse.

अङ्गदाहेन तीव्रेण धमेत् तं नष्टचेतसम् । यदीच्छेज् जीवितं तस्य अङ्गं प्रक्षालयेद् ध्रुवम्

aṅgadāhena tīvreṇa dhamet taṃ naṣṭacetasam / yadīcchej jīvitaṃ tasya aṅgaṃ prakṣālayed dhruvam

Sanskrit only: no published translation is held for this verse.

पदमूलस्य चूर्णं तु क्षालयेत् काञ्जिकेन तु । तैलेनोद्वर्तयेल् लिङ्गं क्षालयेत् शीतवारिणा

padamūlasya cūrṇaṃ tu kṣālayet kāñjikena tu / tailenodvartayel liṅgaṃ kṣālayet śītavāriṇā

Sanskrit only: no published translation is held for this verse.

अनेन क्रियमाणेन नरः सम्पद्यते सुखम् । अथान्यत् सम्प्रवक्ष्यामि वश्यादिकरणं परम्

anena kriyamāṇena naraḥ sampadyate sukham / athānyat sampravakṣyāmi vaśyādikaraṇaṃ param

Sanskrit only: no published translation is held for this verse.

येन विज्ञानमात्रेण लोको भवति किंकरः । पुराणिकस्य हृदयं तथा कुष्ठेन भावितम्

yena vijñānamātreṇa loko bhavati kiṃkaraḥ / purāṇikasya hṛdayaṃ tathā kuṣṭhena bhāvitam

Sanskrit only: no published translation is held for this verse.

शिवनिर्माल्यं संचूर्णं यस्य मूर्ध्नि विनिक्षिपेत् । नियतं किंकरो भूत्वा यावज् जीवं स तिष्ठति

śivanirmālyaṃ saṃcūrṇaṃ yasya mūrdhni vinikṣipet / niyataṃ kiṃkaro bhūtvā yāvaj jīvaṃ sa tiṣṭhati

Sanskrit only: no published translation is held for this verse.

सप्तवारं मन्त्रयित्वा मन्त्रेणानेन मन्त्रवित् । उॐ नमो भगवते उड्डामरेश्वराय स्वाधिकारं साधय साधय स्वाहा । चन्दनं तगरं कुष्ठं प्रियङ्गुनागकेसरम्

saptavāraṃ mantrayitvā mantreṇānena mantravit / uoṃ namo bhagavate uḍḍāmareśvarāya svādhikāraṃ sādhaya sādhaya svāhā / candanaṃ tagaraṃ kuṣṭhaṃ priyaṅgunāgakesaram

Sanskrit only: no published translation is held for this verse.

कृष्णधत्तूरपञ्चाङ्गं समभागं तु कारयेत् । छायायां वटिका कार्या प्रदेया खानपानतः

kṛṣṇadhattūrapañcāṅgaṃ samabhāgaṃ tu kārayet / chāyāyāṃ vaṭikā kāryā pradeyā khānapānataḥ

Sanskrit only: no published translation is held for this verse.

पुरुषं चाथ वा नरीं यावज् जीवं वशं नयेत् । सप्ताहं मन्त्रितं कृत्वा मन्त्रेणानेन मन्त्रवित्

puruṣaṃ cātha vā narīṃ yāvaj jīvaṃ vaśaṃ nayet / saptāhaṃ mantritaṃ kṛtvā mantreṇānena mantravit

Sanskrit only: no published translation is held for this verse.

उॐ नमो भगवते मोहमालिने ठः ठः स्वाहा । शङ्खपुष्पी ह्य् अधःपुष्पी तथा संकोचपुष्पिका । श्वेता च गिरिकर्णी च समं सप्ताहभाविताः

uoṃ namo bhagavate mohamāline ṭhaḥ ṭhaḥ svāhā / śaṅkhapuṣpī hy adhaḥpuṣpī tathā saṃkocapuṣpikā / śvetā ca girikarṇī ca samaṃ saptāhabhāvitāḥ

Sanskrit only: no published translation is held for this verse.

स्वशुक्रेण समायुक्ता खाने पाने प्रदापयेत् । तं वशीकरणं प्रोक्तं यावज् जीवं न संशयः

svaśukreṇa samāyuktā khāne pāne pradāpayet / taṃ vaśīkaraṇaṃ proktaṃ yāvaj jīvaṃ na saṃśayaḥ

Sanskrit only: no published translation is held for this verse.

वज्रं वाथाभया लोध्रं मञ्जिष्ठा हिङ्गुपत्त्रिका । दिव्यं वचा विशालाक्षा कम्बुग्रीवा सुशोभना

vajraṃ vāthābhayā lodhraṃ mañjiṣṭhā hiṅgupattrikā / divyaṃ vacā viśālākṣā kambugrīvā suśobhanā

Sanskrit only: no published translation is held for this verse.

कुमारीत्वचाङ्गलेपेन सप्तहस्तप्रमाणतः । ददाति दशमीना च मन्त्रः कश्चित् प्रगृह्यते

kumārītvacāṅgalepena saptahastapramāṇataḥ / dadāti daśamīnā ca mantraḥ kaścit pragṛhyate

Sanskrit only: no published translation is held for this verse.

विषसुप्तपतित्वेन नात्र कार्या विचारणा । जलमध्ये सहा चौरं कुरुते वर्तिको मम

viṣasuptapatitvena nātra kāryā vicāraṇā / jalamadhye sahā cauraṃ kurute vartiko mama

Sanskrit only: no published translation is held for this verse.

दधि मधु नवनीतं पिप्पली शृङ्गवेरं मरिचम् अपि तु दद्यात् सप्तमं सैन्धवेन । यदि भवति सरोषं तक्षकेणापि दष्टं गदम् इह खलु पीत्वा निर्विषं तत्क्षणं स्यात्

dadhi madhu navanītaṃ pippalī śṛṅgaveraṃ maricam api tu dadyāt saptamaṃ saindhavena / yadi bhavati saroṣaṃ takṣakeṇāpi daṣṭaṃ gadam iha khalu pītvā nirviṣaṃ tatkṣaṇaṃ syāt

Sanskrit only: no published translation is held for this verse.

कुष्ठामृता चातिविषा हरिद्राया विलेपनम् । गरुडोक्तं विषहरम् औषधं प्राणिजीवनम्

kuṣṭhāmṛtā cātiviṣā haridrāyā vilepanam / garuḍoktaṃ viṣaharam auṣadhaṃ prāṇijīvanam

Sanskrit only: no published translation is held for this verse.

उलूकस्य जम्बुकस्य गृध्रस्य महिषस्य च । बिडालस्य वराहस्य काकभेकस्य च त्वचः

ulūkasya jambukasya gṛdhrasya mahiṣasya ca / biḍālasya varāhasya kākabhekasya ca tvacaḥ

Sanskrit only: no published translation is held for this verse.

मूषकस्य तु नेत्रं च सूक्ष्मचूर्णानि कारयेत् । अनेनाञ्जितनेत्रो हि रात्रौ पश्येद् यथा दिवा

mūṣakasya tu netraṃ ca sūkṣmacūrṇāni kārayet / anenāñjitanetro hi rātrau paśyed yathā divā

Sanskrit only: no published translation is held for this verse.

एतेषां योगमन्त्रो ऽयं मनुहीनो न सिध्यति । उॐ नमो भगवते रुद्राय शिवाय ज्योतिषां पतये देहि ज्योतींषि मतिवीर्यकरणाय स्वाहा । एकरात्रोषितो भूत्वा कृष्णाष्टम्यां समाहितः

eteṣāṃ yogamantro 'yaṃ manuhīno na sidhyati / uoṃ namo bhagavate rudrāya śivāya jyotiṣāṃ pataye dehi jyotīṃṣi mativīryakaraṇāya svāhā / ekarātroṣito bhūtvā kṛṣṇāṣṭamyāṃ samāhitaḥ

Sanskrit only: no published translation is held for this verse.

लिङ्गसम्पूजनं कृत्वा जलं चैवाभिमन्त्रयेत् । दक्षिणस्यां दिशि स्थित्वा शतम् अष्टोत्तरं जपेत्

liṅgasampūjanaṃ kṛtvā jalaṃ caivābhimantrayet / dakṣiṇasyāṃ diśi sthitvā śatam aṣṭottaraṃ japet

Sanskrit only: no published translation is held for this verse.

ततः सिध्यन्ति मन्त्राणि चाञ्जनानि समन्ततः । उॐ नमो भगवते उड्डामरेश्वराय अञ्जनमन्त्रसिद्धिं देहि मे स्वाहा इत्य् अञ्जनाधिकारः । अथ पिशाचीकरणम् । कनकस्य च बीजानि प्रियङ्गु गुग्गुलस् तथा

tataḥ sidhyanti mantrāṇi cāñjanāni samantataḥ / uoṃ namo bhagavate uḍḍāmareśvarāya añjanamantrasiddhiṃ dehi me svāhā ity añjanādhikāraḥ / atha piśācīkaraṇam / kanakasya ca bījāni priyaṅgu guggulas tathā

Sanskrit only: no published translation is held for this verse.

आत्मानं धूपयित्वा तु योजयेद् राजसंसदि । योगम् इमं समाघ्राति स वश्यो जायते भृशम्

ātmānaṃ dhūpayitvā tu yojayed rājasaṃsadi / yogam imaṃ samāghrāti sa vaśyo jāyate bhṛśam

Sanskrit only: no published translation is held for this verse.

कनकस्य तु बीजानि श्वेतार्कचन्द्रकेसरम् । कुष्ठं च देवदारुं च सर्वम् एकीकृतं तथा

kanakasya tu bījāni śvetārkacandrakesaram / kuṣṭhaṃ ca devadāruṃ ca sarvam ekīkṛtaṃ tathā

Sanskrit only: no published translation is held for this verse.

पिष्ट्वा तेन लिप्तगात्रो योगशक्त्या बलिष्ठया । यत्र यत्र प्रविष्टस् तु तत्र तत्र जयी भवेत्

piṣṭvā tena liptagātro yogaśaktyā baliṣṭhayā / yatra yatra praviṣṭas tu tatra tatra jayī bhavet

Sanskrit only: no published translation is held for this verse.