अथौषधीकरणं निरूप्यते । ओषधी परमा श्रेष्ठा गोपितव्या प्रयत्नतः । यस्याः प्रयोगमात्रेण देवता यान्ति वश्यताम्
athauṣadhīkaraṇaṃ nirūpyate / oṣadhī paramā śreṣṭhā gopitavyā prayatnataḥ / yasyāḥ prayogamātreṇa devatā yānti vaśyatām
Sanskrit only: no published translation is held for this verse.
ओषधी सा बुधैः प्रोक्ता चाण्डाली लोकविश्रुता । सुरासुरगणैः पूज्या सर्वकार्यार्थसाधिनी
oṣadhī sā budhaiḥ proktā cāṇḍālī lokaviśrutā / surāsuragaṇaiḥ pūjyā sarvakāryārthasādhinī
Sanskrit only: no published translation is held for this verse.
एकपत्त्री द्विपत्त्री च त्रिपत्त्री तुर्यपत्त्रिका । अनेन विधिना देवि चतुश्चरणगामिनी
ekapattrī dvipattrī ca tripattrī turyapattrikā / anena vidhinā devi catuścaraṇagāminī
Sanskrit only: no published translation is held for this verse.
मानुषाणां विशेषेण वश्यकर्मणि योजिता । एकपत्त्री तु स्वाङ्गमलसंयुक्ता स्त्रियं वशम् आनयति द्विपत्त्री राज्ञो राजपुरुषान् । त्रिपत्त्री श्रीशाकमरिचसहिता दुष्टां चमूं वशम् आनयति चतुष्पत्त्री च कन्दुसहिता मत्तदुष्टगजं वशम् आनयति । अथोत्पाटनविधिः कथ्यते शनिवारे शुचिर् भूत्वा सायं संध्यादिकं विधाय गन्धपुष्पधूपदीपनैवेद्यादिभिः पञ्चोपचारैः पूजादिकं विधाय अक्षतं फलं हस्ते गृहीत्वा ओषधिसमीपे स्थित्वाभिमन्त्रणं कुर्यात् । ततो ऽनुदिते भानौ खदिरकाष्ठकलिकेन खनयेत् । तत्र मन्त्रः येन त्वां खनते ब्रह्मा हृषीकेशो महेश्वरः । शचीपतिः पितृपतिर् जलेशश् च धनाधिपः । तेन त्वां खनयिष्यामि तिष्ठ तिष्ठ महौषधि । इति पठित्वा खनयेत् । शुचिर् आरभ्य एकान्ते प्रभाते मन्त्रमुक्तितः
mānuṣāṇāṃ viśeṣeṇa vaśyakarmaṇi yojitā / ekapattrī tu svāṅgamalasaṃyuktā striyaṃ vaśam ānayati dvipattrī rājño rājapuruṣān / tripattrī śrīśākamaricasahitā duṣṭāṃ camūṃ vaśam ānayati catuṣpattrī ca kandusahitā mattaduṣṭagajaṃ vaśam ānayati / athotpāṭanavidhiḥ kathyate śanivāre śucir bhūtvā sāyaṃ saṃdhyādikaṃ vidhāya gandhapuṣpadhūpadīpanaivedyādibhiḥ pañcopacāraiḥ pūjādikaṃ vidhāya akṣataṃ phalaṃ haste gṛhītvā oṣadhisamīpe sthitvābhimantraṇaṃ kuryāt / tato 'nudite bhānau khadirakāṣṭhakalikena khanayet / tatra mantraḥ yena tvāṃ khanate brahmā hṛṣīkeśo maheśvaraḥ / śacīpatiḥ pitṛpatir jaleśaś ca dhanādhipaḥ / tena tvāṃ khanayiṣyāmi tiṣṭha tiṣṭha mahauṣadhi / iti paṭhitvā khanayet / śucir ārabhya ekānte prabhāte mantramuktitaḥ
Sanskrit only: no published translation is held for this verse.
संग्राह्यम् औषधं सिद्ध्यै न भवन्ति हि काष्ठवत् । नमो ऽस्त्व् अमृतसम्भूते बलवीर्यविवर्धिनि
saṃgrāhyam auṣadhaṃ siddhyai na bhavanti hi kāṣṭhavat / namo 'stv amṛtasambhūte balavīryavivardhini
Sanskrit only: no published translation is held for this verse.
बलम् आयुश् च मे देहि पापं मे नय दूरतः । येन चानेन मन्त्रेण खनित्वोत्पाट्यमानं कृत्वा यः पूर्वम् आनीतो यो ऽन्यथा भवेत् । अत्रैव तिष्ठ कल्याणि मम कार्श्यकरी भव
balam āyuś ca me dehi pāpaṃ me naya dūrataḥ / yena cānena mantreṇa khanitvotpāṭyamānaṃ kṛtvā yaḥ pūrvam ānīto yo 'nyathā bhavet / atraiva tiṣṭha kalyāṇi mama kārśyakarī bhava
Sanskrit only: no published translation is held for this verse.
मम कार्ये कृते सिद्धे इतस् त्वं हि गमिष्यसि । उॐ हीं रक्तचामुण्डे हूं फट् स्वाहा । अनेन मन्त्रेण पुष्यर्क्षे हस्तर्क्षे वा नक्षत्रे सर्वाश् चौषध्य उत्पाटनीया यैर् नरैश् च उदिते भानौ ओषध्यः खन्यन्ते उत्पाट्यन्ते उत्पद्यन्ते वा तासां रविकिरणपीतप्रभावेनावीर्यप्रभावो भवति । सिद्धिकारिका न भवन्ति । यद्य् उदिते भास्करे उत्पाट्यन्ते तदा तासां पूजा कर्तव्या । जपारक्तोत्पलरक्तकरवीररक्तचन्दनकुङ्कुमेन गव्यगोमयेन सपादहस्तभूमिं संलिप्य तन्मध्ये चतुरस्रं कारयेत् । रक्तचन्दनकुङ्कुमाभ्यां तन्मध्ये वर्तुलं वितस्तिमात्रं भानुं पूजयेत् । पार्श्वे चन्द्रादिग्रहान् पूजयेत् । ततो रक्तभक्तपुष्परक्तैर् वक्ष्यमाणमन्त्रेण बलिं दद्यात् । उॐ द्रां द्रीं द्रूं द्रैं द्रौं द्रः सः स्वाहा । अनेन मन्त्रेण पूजां कृत्वोत्पाटयेद् वीर्ययुक्ता भवति सर्वकार्यक्षमा भवति
mama kārye kṛte siddhe itas tvaṃ hi gamiṣyasi / uoṃ hīṃ raktacāmuṇḍe hūṃ phaṭ svāhā / anena mantreṇa puṣyarkṣe hastarkṣe vā nakṣatre sarvāś cauṣadhya utpāṭanīyā yair naraiś ca udite bhānau oṣadhyaḥ khanyante utpāṭyante utpadyante vā tāsāṃ ravikiraṇapītaprabhāvenāvīryaprabhāvo bhavati / siddhikārikā na bhavanti / yady udite bhāskare utpāṭyante tadā tāsāṃ pūjā kartavyā / japāraktotpalaraktakaravīraraktacandanakuṅkumena gavyagomayena sapādahastabhūmiṃ saṃlipya tanmadhye caturasraṃ kārayet / raktacandanakuṅkumābhyāṃ tanmadhye vartulaṃ vitastimātraṃ bhānuṃ pūjayet / pārśve candrādigrahān pūjayet / tato raktabhaktapuṣparaktair vakṣyamāṇamantreṇa baliṃ dadyāt / uoṃ drāṃ drīṃ drūṃ draiṃ drauṃ draḥ saḥ svāhā / anena mantreṇa pūjāṃ kṛtvotpāṭayed vīryayuktā bhavati sarvakāryakṣamā bhavati
Sanskrit only: no published translation is held for this verse.