अथान्यत् सम्प्रवक्ष्यामि नारीणां गर्भधारणम् । पद्मबीजं गव्यपयसा सह या नरी पिबति सा गर्भवती भवति सत्यम् एव आदित्यवारे निमन्त्रयेत् चन्द्रवारे भक्षयेत् । पूर्वदिग्भागस्थितं शरीषमूलं गव्यघृतेन सह ऋतुसमये भक्षयेत् सा संवत्सरेण गर्भवती भवति । अनपत्या च या नरी कपित्थं भक्षयेत् सदा । अभिमन्त्र्य तु मन्त्रेण सापि पुत्रवती भवेत्
athānyat sampravakṣyāmi nārīṇāṃ garbhadhāraṇam / padmabījaṃ gavyapayasā saha yā narī pibati sā garbhavatī bhavati satyam eva ādityavāre nimantrayet candravāre bhakṣayet / pūrvadigbhāgasthitaṃ śarīṣamūlaṃ gavyaghṛtena saha ṛtusamaye bhakṣayet sā saṃvatsareṇa garbhavatī bhavati / anapatyā ca yā narī kapitthaṃ bhakṣayet sadā / abhimantrya tu mantreṇa sāpi putravatī bhavet
Sanskrit only: no published translation is held for this verse.
एकवृक्षतटे नारी स्नानं कृत्वाभिमन्त्रयेत् । आदिवन्ध्यापि देवेशि भवेद् गर्भवती हि सा
ekavṛkṣataṭe nārī snānaṃ kṛtvābhimantrayet / ādivandhyāpi deveśi bhaved garbhavatī hi sā
Sanskrit only: no published translation is held for this verse.
देवः शिवो भवेद् यत्र नदीसङ्गम् असंनिधौ । तस्यां नद्यां दिशि स्वाहा वन्ध्या पुत्रवती भवेत्
devaḥ śivo bhaved yatra nadīsaṅgam asaṃnidhau / tasyāṃ nadyāṃ diśi svāhā vandhyā putravatī bhavet
Sanskrit only: no published translation is held for this verse.
विधिर् अत्रोच्यते कपिलागोमयेनाथ भूमिं संलिप्य यत्नतः । स्नात्वा विधिप्रकारेण मण्डलं कारयेत् ततः
vidhir atrocyate kapilāgomayenātha bhūmiṃ saṃlipya yatnataḥ / snātvā vidhiprakāreṇa maṇḍalaṃ kārayet tataḥ
Sanskrit only: no published translation is held for this verse.
चतुरस्रं चतुष्कोणं तन्मध्ये वर्तुलं स्मृतम् । तन्मध्ये विलिखेत् पश्चाद् अष्टपत्त्रं सकर्णिकम्
caturasraṃ catuṣkoṇaṃ tanmadhye vartulaṃ smṛtam / tanmadhye vilikhet paścād aṣṭapattraṃ sakarṇikam
Sanskrit only: no published translation is held for this verse.
मध्ये तु पूजयेद् देवं पत्त्रे शक्तिं प्रपूजयेत् । निर्व्रणमण्डलस्याग्रे कमलं स्थापयेद् बुधः
madhye tu pūjayed devaṃ pattre śaktiṃ prapūjayet / nirvraṇamaṇḍalasyāgre kamalaṃ sthāpayed budhaḥ
Sanskrit only: no published translation is held for this verse.
शिखिपत्त्रनखवर्णेन लिखेत् । भृङ्गता कुलसप्तपर्वतमृत्तिका [॥। औ५ ज़ेइछेन्झ्] स्वमलामृत्तिकावल्मीकमृत्तिकानिम्बमूलमृत्तिका सुवर्णरजतताम्रकांस्यसहस्रमूलसर्वतीर्थानि समुद्राः सरितः सर्वाः सर्वौषधयः सर्वदेवताः सर्वसिद्धयः सर्वयोगिन्यः सर्वे गिरयः सर्वे नागाः पञ्चजात्यानि फलानि पञ्चप्रकाराक्षतानि पञ्च सुवर्णपुष्पाणि स्थिरचित्तेन मन्त्रितकलशे परिकल्पयेत् । अथ मन्त्रः क्षं क्षीं क्षूं क्षैं क्षौं क्षः । अनेन मन्त्रेण या नरी विधानेन निरतवर्जिता अब्रह्मचारिणी देवी वन्ध्या पञ्चपतिवर्जिता । अपुत्रा लभते पुत्रान् दुर्भगा सुभगा भवेत् । अनेनैव विधानेन कन्या प्राप्नोति सत्पतिम्
śikhipattranakhavarṇena likhet / bhṛṅgatā kulasaptaparvatamṛttikā [... au5 Zeichenjh] svamalāmṛttikāvalmīkamṛttikānimbamūlamṛttikā suvarṇarajatatāmrakāṃsyasahasramūlasarvatīrthāni samudrāḥ saritaḥ sarvāḥ sarvauṣadhayaḥ sarvadevatāḥ sarvasiddhayaḥ sarvayoginyaḥ sarve girayaḥ sarve nāgāḥ pañcajātyāni phalāni pañcaprakārākṣatāni pañca suvarṇapuṣpāṇi sthiracittena mantritakalaśe parikalpayet / atha mantraḥ kṣaṃ kṣīṃ kṣūṃ kṣaiṃ kṣauṃ kṣaḥ / anena mantreṇa yā narī vidhānena niratavarjitā abrahmacāriṇī devī vandhyā pañcapativarjitā / aputrā labhate putrān durbhagā subhagā bhavet / anenaiva vidhānena kanyā prāpnoti satpatim
Sanskrit only: no published translation is held for this verse.
मन्त्रौषधीप्रयोगाश् च ये चान्ये चूर्णकीर्णकाः । नवाभिचारिताः कूराः शुद्धदेहा भवन्ति ते
mantrauṣadhīprayogāś ca ye cānye cūrṇakīrṇakāḥ / navābhicāritāḥ kūrāḥ śuddhadehā bhavanti te
Sanskrit only: no published translation is held for this verse.
ये चान्ये विघ्नकर्तारश् चरन्ति भुवि राक्षसाः । ते सर्वे प्रलयं यान्ति सत्यं देवि मयोदितम्
ye cānye vighnakartāraś caranti bhuvi rākṣasāḥ / te sarve pralayaṃ yānti satyaṃ devi mayoditam
Sanskrit only: no published translation is held for this verse.
सकृद् उच्चरिते मन्त्रे महापुण्यं प्रजायते । ब्रह्महत्यादयो दोषाः क्षयं यान्ति न संशयः
sakṛd uccarite mantre mahāpuṇyaṃ prajāyate / brahmahatyādayo doṣāḥ kṣayaṃ yānti na saṃśayaḥ
Sanskrit only: no published translation is held for this verse.
अथ प्रथमोपाय उच्यते नागकेसर १० माषकं गव्यघृतेन सहर्तुस्नानदिवसे पिबेत् । तदनन्तरं भर्त्रा सह रात्रौ संयोगं कुर्यात् । सा अवश्यम् एव गर्भवती भवति । अथ द्वितीयोपायः श्वेतजीरकम् १७ माषमात्रकं रात्रौ मृन्मयपात्रे जलेन सह निरावरणस्थाने समग्ररात्रौ स्थापयेत् । अग्निमदिवसे शिलायां पिष्ट्वा पर्युषितजलेन या स्त्री ऋतुस्नानदिने पीत्वा रात्रौ भर्त्रा सह संयोगं कुर्याद् अवश्यं सा गर्भवती भवति । अथ तृतीयोपाय दकाल्वद्मदीपि १० माषकं गव्यदुग्धेन सह या ऋतुस्नानदिवसे पीत्वा रात्रौ भर्त्रा सह संयोगं कुर्यात् सा अवश्यम् एव गर्भवती भवति । इति तृतीयोपायः । उॐ घण्टाकर्णाय स्वाहा इमं सप्तधा जप्त्वा ग्रामे नगरे वा प्रविशेत् तत्र विशिष्टं भोजनं प्राप्नोति । अन्यच् च भो अल्ल मे सिद्धा अनेनाष्टोत्तरशतं जपेत् । शिरीषमूलमृदः क्षेत्रस्य चतुष्कोणेषु मोक्षयेत् तदा शशकमूषकवराहचतुष्पादप्रभृतीनां मुखबन्धनं भवति । अधुना सम्प्रवक्ष्यामि मन्त्रान् मे फलदायकाः । ये सिध्यति दशान्यूनं मन्त्रसाधनमुक्तिदाः
atha prathamopāya ucyate nāgakesara 10 māṣakaṃ gavyaghṛtena sahartusnānadivase pibet / tadanantaraṃ bhartrā saha rātrau saṃyogaṃ kuryāt / sā avaśyam eva garbhavatī bhavati / atha dvitīyopāyaḥ śvetajīrakam 17 māṣamātrakaṃ rātrau mṛnmayapātre jalena saha nirāvaraṇasthāne samagrarātrau sthāpayet / agnimadivase śilāyāṃ piṣṭvā paryuṣitajalena yā strī ṛtusnānadine pītvā rātrau bhartrā saha saṃyogaṃ kuryād avaśyaṃ sā garbhavatī bhavati / atha tṛtīyopāya dakālvadmadīpi 10 māṣakaṃ gavyadugdhena saha yā ṛtusnānadivase pītvā rātrau bhartrā saha saṃyogaṃ kuryāt sā avaśyam eva garbhavatī bhavati / iti tṛtīyopāyaḥ / uoṃ ghaṇṭākarṇāya svāhā imaṃ saptadhā japtvā grāme nagare vā praviśet tatra viśiṣṭaṃ bhojanaṃ prāpnoti / anyac ca bho alla me siddhā anenāṣṭottaraśataṃ japet / śirīṣamūlamṛdaḥ kṣetrasya catuṣkoṇeṣu mokṣayet tadā śaśakamūṣakavarāhacatuṣpādaprabhṛtīnāṃ mukhabandhanaṃ bhavati / adhunā sampravakṣyāmi mantrān me phaladāyakāḥ / ye sidhyati daśānyūnaṃ mantrasādhanamuktidāḥ
Sanskrit only: no published translation is held for this verse.
शत्रुमित्रोदासीनसाध्यसिद्धस्य लक्षणम् । मन्त्राक्षराणि लिखित्वा साधकस्य तस्य यदापि च प्रथमवर्गाक्षरो भवति तदा मित्रं द्वितीयवर्गाक्षरो भवति तदा सिद्धः । तृतीयवर्गस्य यदा भवति तदा साध्यः चतुर्थवर्गाक्षरो भवति तदोदासीनः पञ्चमवर्गाक्षरो यदा भवति तदा शत्रुर् ज्ञातव्यः । एतान् भेदान् ज्ञात्वा मन्त्रशोधनम् आरभेत् तदा साधकानां सुखावहो भवति अथ कल्पवृक्षषण्डमूलानि यानि प्रक्षालितानि गव्यदधिमिश्रितायां राजिकायां संस्कार्याणि । ततो नियमपूर्वकं भक्षयेत् । निर्व्याधियोगेष्व् अमुं स्वमुखे नियोजयेत् । विधानम् अस्या ब्रवीमीति देवी । अथ मन्त्रः उॐ नमः षण्मुखाय शक्तिहस्ताय मयूरवाहनाय औषधीकेन देहि मे भव स्वाहा । अनेन मन्त्रेण चतुर्दश्यां शुचिर् भूत्वा मयूरशिखाम् उत्पाटयेत् तदा महाप्रभावयुक्ता भवति । गव्यघृतेन सह संगृह्येत तदा इन्द्रियबलो भवति । पञ्चमलेन स्वर्णकारो भवति । अन्यच् च श्वेतकरवीरमूलश्वेतगिरिकर्णिकामूलहेवचनाङ्भीकृतजाताञ्जली पञ्चमलसमायुक्ता खाने पाने प्रदातव्या मरणान्तं वशीकरणम्
śatrumitrodāsīnasādhyasiddhasya lakṣaṇam / mantrākṣarāṇi likhitvā sādhakasya tasya yadāpi ca prathamavargākṣaro bhavati tadā mitraṃ dvitīyavargākṣaro bhavati tadā siddhaḥ / tṛtīyavargasya yadā bhavati tadā sādhyaḥ caturthavargākṣaro bhavati tadodāsīnaḥ pañcamavargākṣaro yadā bhavati tadā śatrur jñātavyaḥ / etān bhedān jñātvā mantraśodhanam ārabhet tadā sādhakānāṃ sukhāvaho bhavati atha kalpavṛkṣaṣaṇḍamūlāni yāni prakṣālitāni gavyadadhimiśritāyāṃ rājikāyāṃ saṃskāryāṇi / tato niyamapūrvakaṃ bhakṣayet / nirvyādhiyogeṣv amuṃ svamukhe niyojayet / vidhānam asyā bravīmīti devī / atha mantraḥ uoṃ namaḥ ṣaṇmukhāya śaktihastāya mayūravāhanāya auṣadhīkena dehi me bhava svāhā / anena mantreṇa caturdaśyāṃ śucir bhūtvā mayūraśikhām utpāṭayet tadā mahāprabhāvayuktā bhavati / gavyaghṛtena saha saṃgṛhyeta tadā indriyabalo bhavati / pañcamalena svarṇakāro bhavati / anyac ca śvetakaravīramūlaśvetagirikarṇikāmūlahevacanāṅbhīkṛtajātāñjalī pañcamalasamāyuktā khāne pāne pradātavyā maraṇāntaṃ vaśīkaraṇam
Sanskrit only: no published translation is held for this verse.
अन्यच् च श्वेतगिरिकर्णिकामूलं स्ववीर्येण सह स्वकीयपञ्चमलहरवीर्यश्वेतार्कमूलम् एतानि हस्तर्क्षे पुष्यर्क्षे वा एकीकृत्य कुमारिकाहस्ताभ्यां मर्दयित्वा अष्टम्यां चतुर्दश्यां वा गजमदेन सह हस्ते गुटिकां कारयेत् । यस्यै एकापि दीयते सा वश्या भवति नान्यथा । शुक्लपक्षे ऽपि सर्पाणां दीयते ते सर्पा अपि वश्या भवन्ति श्रीमहाभैरवस्य वचो यथा कुङ्कुमेन सह दीयते तदा वै गजो वशीभवति । रोचनया कुङ्कुमेन सह यदा तिलकं क्रियते तदा सा स्त्री पृष्ठलग्ना भ्रमति । गुरुदारेभ्यः तिलको न दर्शयितव्यः । राजद्वारे तथा न्याये विवाहे युद्धे जयावहे त्रैलोक्यमोहनम् एतत् । त्रिफला ५ माषाः निम्ब १ माष कदम्ब २ माष नीप ३ माष तिराइता ४ माष करञ्ज ५ माष भृङ्गराज ६ माष मयूरशिखा ७ माषाः एतानि समभागानि सूक्ष्मचूर्णानि कारयेत् । तदनन्तरं मधुना सह पेषयेत् । भोजनं च यथाहारं कुरुते नात्र संशयः । एतच् चूर्णं सुरेभ्यो ऽपि दुर्लभम् । रात्रिचूर्णं शिरीषवल्कलचूर्णं च गव्यघृतेन सह यस्यै वनितायै ऋतुस्नानदिवसे पानार्थं दीयते सा स्त्री वन्ध्यापि गर्भवती भवति नात्र संशयः । एतच् चूर्णं कपित्थफलेन सह ऋतुसमये अपुत्रवती भक्षयति सा स्त्री पुत्रम् आप्नोति । एतच् चूर्णं श्वेतकङ्कोलीमूलं लक्ष्मणाचूर्णं च समं कृत्वा कुङ्कुमक्वाथेन सहर्तुसमये सदा भक्षणार्थं दीयते तदा तस्याः शरीरशुद्धिर् भवति । पश्चाद् ऋतुसमयोपरि पञ्च दिनानि भक्षयेत् तदा सा गर्भधारणक्षमा भवति नात्र संशयः
anyac ca śvetagirikarṇikāmūlaṃ svavīryeṇa saha svakīyapañcamalaharavīryaśvetārkamūlam etāni hastarkṣe puṣyarkṣe vā ekīkṛtya kumārikāhastābhyāṃ mardayitvā aṣṭamyāṃ caturdaśyāṃ vā gajamadena saha haste guṭikāṃ kārayet / yasyai ekāpi dīyate sā vaśyā bhavati nānyathā / śuklapakṣe 'pi sarpāṇāṃ dīyate te sarpā api vaśyā bhavanti śrīmahābhairavasya vaco yathā kuṅkumena saha dīyate tadā vai gajo vaśībhavati / rocanayā kuṅkumena saha yadā tilakaṃ kriyate tadā sā strī pṛṣṭhalagnā bhramati / gurudārebhyaḥ tilako na darśayitavyaḥ / rājadvāre tathā nyāye vivāhe yuddhe jayāvahe trailokyamohanam etat / triphalā 5 māṣāḥ nimba 1 māṣa kadamba 2 māṣa nīpa 3 māṣa tirāitā 4 māṣa karañja 5 māṣa bhṛṅgarāja 6 māṣa mayūraśikhā 7 māṣāḥ etāni samabhāgāni sūkṣmacūrṇāni kārayet / tadanantaraṃ madhunā saha peṣayet / bhojanaṃ ca yathāhāraṃ kurute nātra saṃśayaḥ / etac cūrṇaṃ surebhyo 'pi durlabham / rātricūrṇaṃ śirīṣavalkalacūrṇaṃ ca gavyaghṛtena saha yasyai vanitāyai ṛtusnānadivase pānārthaṃ dīyate sā strī vandhyāpi garbhavatī bhavati nātra saṃśayaḥ / etac cūrṇaṃ kapitthaphalena saha ṛtusamaye aputravatī bhakṣayati sā strī putram āpnoti / etac cūrṇaṃ śvetakaṅkolīmūlaṃ lakṣmaṇācūrṇaṃ ca samaṃ kṛtvā kuṅkumakvāthena sahartusamaye sadā bhakṣaṇārthaṃ dīyate tadā tasyāḥ śarīraśuddhir bhavati / paścād ṛtusamayopari pañca dināni bhakṣayet tadā sā garbhadhāraṇakṣamā bhavati nātra saṃśayaḥ
Sanskrit only: no published translation is held for this verse.