Samkara: Upadesasahasri 1.3

ईश्वरश् चेद् अनात्मा स्यान् नासाव् अस्मीति धारयेत् । आत्मा चेद् ईश्वरो ऽस्मीति विद्या सान्यनिवर्तिका

īśvaraś ced anātmā syān nāsāv asmīti dhārayet / ātmā ced īśvaro 'smīti vidyā sānyanivartikā

Sanskrit only: no published translation is held for this verse.

आत्मनो ऽन्यस्य चेद् धर्मा अस्थूलत्वादयो मताः । अज्ञेयत्वे ऽस्य किं तैः स्याद् आत्मत्वे त्व् अन्यधीह्नुतिः

ātmano 'nyasya ced dharmā asthūlatvādayo matāḥ / ajñeyatve 'sya kiṃ taiḥ syād ātmatve tv anyadhīhnutiḥ

Sanskrit only: no published translation is held for this verse.

मिथ्याध्यासनिषेधार्थं ततो ऽस्थूलादि गृह्यताम् । परत्र चेन् निषेधार्थं शून्यतावर्णनं हि तत्

mithyādhyāsaniṣedhārthaṃ tato 'sthūlādi gṛhyatām / paratra cen niṣedhārthaṃ śūnyatāvarṇanaṃ hi tat

Sanskrit only: no published translation is held for this verse.

बुभुत्सोर् यदि चान्यत्र प्रत्यगात्मन इष्यते । अप्राणो ह्य् अमनाः शुभ्र इति चानर्थकं वचः

bubhutsor yadi cānyatra pratyagātmana iṣyate / aprāṇo hy amanāḥ śubhra iti cānarthakaṃ vacaḥ

Sanskrit only: no published translation is held for this verse.